كرهت حياتي

[مشكلتي]

راني كرهت حياتي

انا فتاة عندي باك

تشاجرت مع امي وابي عدة مرات


كرهت امي كثيرا حتى اني ضربتها وسببتها وقلت لابي بان يطلقها اتى خالي وعرضني على الراقي


فقال له الراقي ليس بها شئ كرهت امي واريد رحيلها اكرهها


راني كرهت حياتي


ارجو النصح

 

[السلطانة]

رد: كرهت حياتي

والله يابنيتي واش نقولك

انتي ماكش نورمال تضربي امك !!!
اسمحيلي كلامي راح يكون قاسي عليك
حرام عليك الشي لي تعملي فيه مام يكون عندك باك ولاواش يكون معندكش الحق تهزي يديك على امك
ربي سبحانو يقولنا متطلعوش صواتكم عليها برك وانتي تضربي خلاص !!!
صراحة هذه وقاحة

وزيد تتعاركي مع باباك تاني !!وتقوليلو طلق يما
لاحول ولاقوة الا بالله افطني لروحك
كون متسامحكش هي معندك وين توصلي برك
لاتربحيها دنيا ولااخرة

ياحصرا كاين ناس معندهمش ام توفات يتمناو برك ترجع ويشوفو بسمة منها ولالمسة وانتي تتكبري على النعمة لي عندك !

فيقي لروحك ماكيش صغيرة راكي ماشاء الله تفوتي الباك يعني في سن فاهمة وعارفة فيه
ابداي اطلبي السماح من يماك وباباك وافتحي صفحة جديدة وادعي ربي يغفرلك
وربي يسهلك في قرايتك ان شاء الله

افطني قبل مايفوت عليك الوقت.
​

 

[لؤلؤة قسنطينة]

رد: كرهت حياتي

السلام عليكم
قبل مانبدا نقول اي كلمة علاه حطيتي هاد الموضوع في قسم مشكلتي اصلا
يعني جاية تقولي نكره امي واريد النصح، واش نقولولك مثلا؟؟ واصلي ضرب وسب يماك؟؟
والنقطة الثانية علاه بديتي بأنا فتاة عندي باك؟ قصدك الباك حجة باه تتعاملي مع والديك هكا؟؟
لا حول ولا قوة إلا بالله
شوفي ختي لعزيزة انا ماش حابة نتكلم معاك بقسوة خاطر راكي اصلا في حالة عنف
مادام قربتي ليماك ولحقتي للضرب، رايحة نتكلم معاك بلطف وبهدوء لربما تفهمي عليا
شوفي حبيبتي نعطيك مثال ، انا ماما راهي كبيرة وعمرها في الخمسين وراهي ببناتها كبار
وعندها عام من لي فقدت يماها درك كن تجبد عليها تولي تبكي كي الطفل الصغير، تقولنا يا ريت ترجع
حتى ولو تضربني ولو تسبني ولو تكسرلي راسي المهم نشو وجها برك، يعني ماما بهاد العمر
وقابلة يماها تسبها وتضربها بصح غير تشوف وجها، ونتي صغيرة وفي عمر لي تحتاجي يماك قاعدة ديري هكا؟
تعرفي بلي الوالدين حتى ولو كانو كفار ماتقدريش تاذيهم، ولا تسبيهم ولا تضربيهم، فمابالك والديك عاديين
يا حبيبتي اتقي الله هادا الشيطان قاعد يلعب بعقلك ويتحكم بيك كليا، وزيد الباك ماش سبب يخليك ترجعي الغش على والديك، حنا بكري نقراو وحدنا ونتعبو وكلشي وعادي، ودرك الوالدين موفريلكم كلشي وتضربوهم؟؟
صدقيني المشكلة تاعك ماحيرتنيش كمشكلة بل حيرتني من ناحية العاطفة، يعني ترفعي يدك على يماك
بشكل عادي ماتحرك فيك والو؟؟ يماك لي كبرتك ووقفت عليك ولي تفرح بنجاحك تضربيها، انا والله مجرد الفكرة
جابتلي الدموع فمبالك نجربها، تعرفي اختي واش ناقصك؟؟ ناقصك الدين
نظن ماراكيش تصلي، واذا تصلي ماتصليش قدقد، خاطر الصلاة تربي العبد وتبعدو عن الفحشاء والمنكر
وتخليه يتنظم في افعالو تلقائيا، والوضوء وحدو يقتل الغضب ويطفي نار الشيطان، يعني صدقيني لي يحط جبهتو
في الارض ويقرب لربي على حق مستحيل يدير هكا
انا نقول روحي بوسي رجلين يماك ومعرف لاكان تشمي ريحة الجنة، ماش رايحة ندخل في الغيب والحساب
بيد الله، بصح روحي سلمي على يديها ورجليها وراسها واطلبي السماح منها باه تنجحي في حياتك
اصلا كيفاه رايحة تجوزي الباك ودعوات الام ماكانش؟؟
يعني حيرتيني صراحة، وزيدي تقولي كرهت حياتي، ربي يهديك اختي ويبعد عليك الشيطان
ويرجعك لطريق الحق ويرجعك لحضن يماك لي والله ماتلقاي احن منو حبيتي ولا كرهتي
نصيحتي:ارجعي لصلاتك واضمني جنتك
تحياتي
​

 

[فيتامين سي]

رد: كرهت حياتي

ربي ينجحك و ينجحني يا رب
راح نقولك كلام منيش عارفة يعجبك او لا بصح قريت جملة بلا منحس بروحي لقيت دموع في عيني بنت تضرب امها يا ربي
تخيلي فقط تغضب عليك متشوفيش الجنة ..فقط التخيل منقدروش عليه .....اف حرام تقوليهالها كفاش ترفدي يدك عليا و نطابي من والد يطلقها ؟؟؟؟
معرفتش واش نحكي بصح جات فرصة نحكي فيها ...نصيحة من اخت ليك روحي توضاي و حكمي المصحف قراي تما اذراك الراقي صح راقي ممكن حتى عين تدير العجب حسد ميهمش حنا اقوى من كلش اقوى اقوى والله غير اقوى
متحطميش حياتك بيدك و تحطمي اخرتك لالا متكسريش امك بيدك ......الام تكون طاغية لازم طيعيها مي متديش رايها في غضب ربي ما بالك بمسلمة
تعرفي ناس مشتاقين يقولو ماما
مديلي سبب واحد للكره برك واحد على الاقل اختي توضاي و طلبي منها السماح رجعي لربي سبحانه ...حاجة متنفعنا ...قلتلكا لممكن اي حاجة اعمال شيطانية تسبب هذي نحكي من تجربة ......
تخيلي لا قدر الله تنوضي يقولولك امك توفات واش اول حاجة تخمي فيها ماتت زعفانة مني قنطانة ضربتها بهدلتها
نحكيلك حاجة علابالكي الام لما تكون حامل تديلها الفيطامينات من جسمها و ترشيلها عضامها و تتألم على جالنا تجيبك و تتعدب عليك و تفرح تشوفك فرحانة معندها اي امنية غير فرح ولادها غير هذا يخليك تحطيها فوق راسك
نحكيلك حتى انا عندي باك و معيدة و واش شفت لدرك ميعلم بيه غير ربي و ختي واش تتشوف من ناس ضلم حقرا مي ماما منقربولهاش بالعكس نطلبو رضاها نطلبولها ترضا علينا .....نحكيلك مرة خرجت صباح مع 8 و تلاقات وحدة طولت معاها رجعت 9 وليت نبكي خفت خفت بزاف وليت نطل من باب و نقول بدلبابا ماما مولاتش شوفلي ماما جيبلي ماما تخيل مقدرتش نتي تضربيها علاش باي حق باي حق ترفدي يدك عليها
جداتي كبارات و واش يصرا ماما تقول حابة رضايتها نهار تطول متحكيش معاها تلم خوالي فلانة معيطتليش ام مهما ولدها يكبر في عينها صغير ...راني غير نحكي بلاك بلا فايدة بصح حرام عليك والله الى حرام
ضغوطات عندك نحكيلك على ضغوطات تاع الصح كل مرة ناس يدروك نحكيلك نهار حبابك عماتك يتخلاو عليك و يخرجو هدرة فيك نحكيلك تمرضي بسبابهم ....نحكيلك ختي يطيح عليها مشكل حتى يهدوها بالشرطة و هي خاطيها مشاكل نحكيلك يهدوها ناس و هي اول وحدة في التانوية لا مشاكل لا والو نحكيلك تجي وحدة توسوس لجداتك وصلت القرن و تجي مترضاش على والد بغا يهبل تعرفي يهبل ايه خمم و صعيب و الحمد لله راضية عليه و علينا نحكيلك نهار ام ماتت بسباب خوف على ولدها دخل للحبس خافت عليك من قنطة ماتت ....نحكيلك على زوج بنات فقدو امهم بمرص كون يسمعوك ..نحكيلك طفلة في ابتدتدائية ماتت امها واش تقولك...خافي ربي ..
الام كلشي في دنيتنا ...رضاها غايتنا مهما نزعفو نقنطو حرام نبكوهم فما بالك رفعتي يدك....الام تضلمك تقوليلها سمعا و طاعة غير تعرفي بلي طعتيها تسلكي متخافيش ..الام هي لي تحمي ولادها ...الام هي لي تحن ..الام هي دنيتنا ربي يحفظهم و يخليلي والديا يا رب
مهما توصل مشاكل متديريش هكدا ....
بكيت من كلامك جرحني غاضني حرام عليك حرام ...صحي غلطتك قبل ميفوت الحال..

 

[iman-dz4ever]

رد: كرهت حياتي

معنديش واش نزيد بعد كلام الاخوات راهم قالو كلمة الحق
اولا قصتك هذه مش مشكلة هذي غلطة ولازم تبكي وتندمي عليها ليل نهار
و ما تديريش الباك و الرقية حجة
انا نعرف شباب قصدي ذكورة دايرين كل انواع المنكر بصح جامي سمعت واحد منهم مد ايدو على امه
ختي اتقي الله راه الجنة تحت رجلين امك يعني راكي تضيعي في جنتك و طامعة تدي الباك
ربي يهديك يا مخلوقة كاين شي ناس متمنين تكون عندهم امهاتهم وانتي تقولي لباباك يطلق يماك لوكان جات مرة باباك واش تديري فيها
والله يا ختي غليتيلي دمي الله غالب نحاول منكونش قاسية عليك بصح قصتك عجيبة
ربي يصلح حالك و يهديك و تفوقي بروحك قبل لا يفوت الحال

 

[Princesse Diyor]

رد: كرهت حياتي

بعد هاذي الهدرة واش راكي تتوقعي نقولولك ؟؟؟؟؟؟
و اذا راكي تحكي منك بالصح ؟؟؟؟؟؟؟

اكيد راح يكون الكلام جارح مي مادامك حطيتي موضوعك لازمنا نردو عليك بدون اي شفافية و ذاتية
لانو موضوعك جديد نوعا ما
تبانلي تعرفي الآية هادي { و لا تقل لهما أف و لا تنهرهما و قل لهما قولا كريما } هادي الآية تكفي و توفي الهدرة لي لازم نهدرها اذا ربي وصانا منقولوش اف و منطلعوش صوتنا كيفاش انتي ضربتيها خلاص
ضربتي المرأة لي حملاتك 9 شهر و عمرها كامل وهي تربي فيك و الله ربي يكون في عونها
صراحة هذي قلة تربية او احترام
اما الباك فليس له علاقة اصلا بهذا التصرف
كاين ناس يتمناو لو كانت عندهم امهاتهم و انتي كرهتيها

لا حول و لا قوة الا بالله العلي العظيم

و اصلا كيفاش راكي تخمي انك راح تدي الباك من غير رضى والديك و شكون راح يدعيلك
و اذا ما سمحتلكش امك ماعندك متستني من هاذي الدنيا
و الله معلاباليش كيفاش راكي عايشة كيما هك
روحي يا اختي اطلبي السماح من والديك و بوسي يديهم و صلي و ادعي ربي يسمحلك
و ارجو منك ان تتقبلي هذا الكلام بقلب رحب و صدر واسع

​

​

​

​

 

[ام أمينة]

رد: كرهت حياتي

لا حول و لا قوة الا بالله العلي العظيم
تضربي و تسبي امك ربي يسامحك
هي سباب وجودك و سعادتك فهاد الدنيا
تحبلك الخير و تنحي من روحها و تعطيك ليك

استغفري ربي و روحي اطلبي منها السماح قبل فوات الاوان

​

 

[فيتامين سي]

رد: كرهت حياتي

جيت نقولك حاجة اختي امك هي الي توقف معاك مهما ناس يضلموك هي لي تامنك حتى يجرحوك هي معاك امك هي دنيتك متحطميهاش ابدا متحطميهاش
يا رب احفظلي والديا يا رب

 

[Hakan]

رد: كرهت حياتي

السلام عليكم :
اهلا اختي ان شااء الله تكوني مرتاحة نفسيا لاني راني نشوف في محطمة القلب والخاطر معليه ختي بالشوي ونحلو المشكلة نتاعك لانو نااقصة بزااف نقااط واي حااجة لازملها بعض رؤوس الاقلام باش نرتبوها مليح :
انت في المشكلة نتاعك ماقلتيلناش علاش تكرهي يماك يعني ممكن كاين حااجة نقدر نقول انها هي اللي زرعت فيك كره يماك كانو يماك دير اشياء ماش مليحة ممكن انت تعرفيها وحنا مانعرفوهش
لكن انطلاقا من ملاحظة واحدة قلتيها وهي انو خالك عرضك على راقي يعني الامور تمام
لكن ماكانش كره يولد من لاشيء لانو باش ابنة تكره الام نتاعها اللي في اصل نورمالمون اي طفلة تكون هي ويماها صحابات وزيد يااختي سنك مادامك راكي في الباكالوريا راهو يترواح اكيد بين 17 -19 على الاكثر معناها لازلت في فترة مراهقة
ونضن شخصيا انو كاين حااجة تخليك تكرهي يماك هكاك وزيد تطلبي من الوالد نتاعك يطلقها ..
يعني يااختي متؤسف جدا لواش راهو صاريلك لكن يااختي الدنيا فيها ام واب واخ واخت اذا راحو هاذو النااس ماكانش اللي يعوض بلاصتهم والام نتاعك حتى ولو تكون مشكركة بربي وتسجد للاصنام ماعندكش الحق بااش ترفعي عليها صوتك او حتى تضربيها
وكيما قرينا في المتوسط الشرك من اعظم الكباائر المهم اختي حاجة نقولهالك سقسي رووحك شكون انت نورمالمون جزائرية وقبل ذالك بنت مسلمة وتخااف ربي سبحانو ..

نجي علاش تكرهي حياتك :
الانسان يكره حياتو في حالات عديدة كانو يفلس في الشركة نتاعو
او تخونو زوجتو
او يتعرض لصدمات نفسية يكون ماش قادر انو يتعامل معاها او انو تكون المشكلة قوية وهو ضعيف

وانت راكي وصلتي لقمة كره الحياة لانك اصلا آذيت الحياة نتاعك واللي هوما امك وباباك يعني ماراكيش عارفة القدر من الالم اللي يعتصرني انا شخصيا لانو لما الواحد يروح يقرى ويغيب عن بيتو مدة شهر كاامل بلا ما يشوف الوالدة نتاعو ويشم العطر نتاعها وانت الله يبارك قدام يماك وباباك وترفعي في صوتك عليهم اختي الله يجاازيك راكي تتعاملي مع جنة ونار حاولي ما تفرطيش في والديك
واش نقلك نعرف ختي عاقلة اكثر من هاك لانو مادامك حطيتي مشكلة نتاعك معناتها فيك امل ..

الحل :

اولا استغفري المولى نتااعك وحاولي تتقربي تدريجيا من والديك واجمعيهم وقوليلهم راني غلطت اذا تحبو تضربوني ولا تعاتبو راني وااجدة وانت صح صح لازم تكوني وااجدة
المهم ربي يهنيك ختي

علابالك لاحظت من مشكلتك انو ماعندكش اخ كبير ينصحك لانو مشكلة كبيرة انو في الدار ما يكونش اخ كبير ربي يهنيك ختي ..​

 

[السلطانة]

رد: كرهت حياتي

الحمد لله الأخت راهي عملت تعقيب هنا بارك الله فيكم

زيدو كملو انصحوها

كرهت حياتي