قلبي تعمر ..دعواتكم

[فيتامين سي]

السلام عليكم و رحمة الله و بركاته
مجيتش نشكي او نحكي لي في القلب كبر حتى مقدرتش نحكيه الله يخليكم دعولي تفوت هدي المشكلة على خير ...دعولي
حسبيا الله و نعم الوكيل حسبيا الله و نعم الوكيل حسبيا الله و نعم الوكيل

 

[السلطانة]

رد: قلبي تعمر ..دعواتكم

وعليكم السلام الله يفرج عنك اخيتي اكثري من دعاء ذي النون:لاإله إلا أنت سبحانك أني كنت من الظالمين عند كل صلاة وفي كل وقت واكثري من الاستغفار .

 

[iman-dz4ever]

رد: قلبي تعمر ..دعواتكم

ربي يفرج عليك ختي و يسر امرك و يشرح صدرك
و ينصرك على من ظلمك
و يثبت قلبك على دينه
امييييييييييييييين
لااله الا انت سبحانك اني كنت من الظالمين

​

 

[فيتامين سي]

رد: قلبي تعمر ..دعواتكم

لا اله الا انت سبحانك اني كنت من الظالمين

 

[zohor kfz]

رد: قلبي تعمر ..دعواتكم

rabi yfaraj 3liki
w matkhafich rabi m3aki wa7na tani rana m3aki bad3awina

 

[Hakan]

رد: قلبي تعمر ..دعواتكم

اهلا اختي هبهوبة ياه شكون اللي راهو حزين هبا اللي موالفة طلعنا المورال بمواضيعها الزينة
يااختي في الله الحزن لايليق بك كيما قلتها احلام مستغانمي بنت في عمر الزهور وحزينة
معليه ربي يفرج ختي ان شااء الله ولازم تعرفي حااجة انو كل شيء عند ربي سبحانو اللي ظلمك راهو مسجل واللي آذاك راهو عند ربي
ونورمالمون الانسان اللي يعرف بلي كل شيء عند ربي سبحانو يروح يرقد متهنى ويلعب ويفرح باسكو الدنيا ماهيش دايمة ختي وتفكري هذا مليح
ربي يوفقك ان شااء الله ..​

 

[ام أمينة]

رد: قلبي تعمر ..دعواتكم

اكثري من الاستغفار فهو مفتاح الفرج

ربي معاك ان شاء الله
​

 

[نبض الحياة]

رد: قلبي تعمر ..دعواتكم

السلام عليكم
ربي يفرجها عليك يا الغالية، اكثري من الاستغفار والدعاء وقراءة القرآن
وسلمي امرك لله فهو حسبك

 

[لؤلؤة قسنطينة]

رد: قلبي تعمر ..دعواتكم

السلام عليكم
ربي يفرج ان شاء الله حبيبتي هبة وربي يحميك من كل سوء غاليتي
هي فترة صعبة برك وتمر ان شاء الله، كل انسان في الدنيا يعديو عليه حوايج
صعاب وهي باه ربي يختبر الصبر تاعك ويشوف اذا تتحملي ولا تجهلي
كثري من الاستغفار حبوبتي، الاستغفار مليح ويفرج الهم
وكتري الدعاء وربي معاك غاليتي
تحياتي
​

 

[فيتامين سي]

رد: قلبي تعمر ..دعواتكم

اللهم آمين
شكرا لدعواتكم ...عاصفة و مرت ..بانتظار الحرب القادمة ...هذي المرة غيرنا السلاح قرآني هو سلاحي مهما توصل بنذالة المجتمع و مهما تتعدد طرق الظلم سلاحي من اليوم هذا هو انا و اخواتي
مهما تطول يدهم بافعالهم رب العباد اقوى ...الظلم رأفة بالمضلوم ...كلمات اختي الحبيبة ....ستفرج باذن الله ....يا ما مرينا و مزالنا نمرو و نبقاو هكدا مع عباد معندهمش خوف من رب العباد ...و ناس لي حبو يشوفو دموعنا هذا حلم ابليس بالجنة مهما يصرا باشن الله نبقا انا منتبدلش وحدة تبين لناس معلابالها باي حاجة ...و يجي نهار لي كلش يبان يجي نهار يبكو لي بكاولي ماما يجي نهار يبكو لي خلاو بابا مريض يجي نهار لي خلاني مقهورة لي كان سبب في بكائي كان سبب في كل شي يندم ...الله يمهل ولا يهمل
للاسف هذا مجتمعنا مجتمع ملوث بالحقد النذالة السحر الظلم كل حاجة بعيدا على الانسانية ....الحمد لله فاتت كما العواصف لي قبل الحمد لله و كملنا اليوم نضحكو من الخلعة مرة نبكي مرة نضحك بصح من يوم نغير سلاح ...منزيدش نهبلكم بمواضيعي في هذا القسم راح نرجع كما كنت على حساب قول عمو حكيم :p و مكانش حاجة تستاهل
عادي واش راح يربحو ...عمره الظالم ميوصل لمبتغاه عمره ميوصل
استغفر الله و اتوب اليه
اسفة على تقرقيجي ليكم ...شكرا ليكم كامل على دعاءكم و وقوفكم معايا ..حتى و بالكلمات بصحمرات نكونو محتاجين كلمة تواسينا كلمة تخلي عندنا امل
و غدا سيكون يوما جميلا باذن الله

 

[Djaouida]

رد: قلبي تعمر ..دعواتكم

ربي يكون معاك أختي .....

 

[الامين محمد]

رد: قلبي تعمر ..دعواتكم

ربي يفرج همك اختي ايتها الطيبة
عليك بدعاء ذا النون قبل صلاة الصبح
رايح تفرج باذن الله لأن الله رحيم بنا​

 

[فيتامين سي]

رد: قلبي تعمر ..دعواتكم

اللهم امين
واش نقوللكم شكرا وقفتو معايا بدعاءكم
....دعولي هذا طلبي ...راني نتحطم بالشويا ...صح تبان الحقيقة بعد متتحطم صعب يامنوك كي يفوت الوقت ..صعب تحبس دموعك و تحبس الحزن في قلبك تبين حاجة و نتا محطم
صعب واش راني نفوت بزاف بزاف بزاف بزاف
....مجتمع حقير ظالم فيه كلش صعب يحطموني بشويا و يضحكو ..حسبيا الله و نعم الوكيل ....

 

[رابح66]

رد: قلبي تعمر ..دعواتكم

السلام عليكم

واش هذا راكم دايرين غبرا كبيرة على حاجة مكان والو تصايرو فيها وهي تتمسخر بينا وتقول قلبي ما قلبي واش من قلب عندها حتى تشتكي بيه وتزيد تقلق فينا عيب عليك حبوبة ماشي هكا*
يا لالة هاتي قلبك هذا لراكي تشتكي بيه بلي راهو معمر منين معمر عيب عيب مراكيش تشوفي ولا راكي ديخانة مافطرتيش ولا كاينة حاجة بلاك عينيك كيما تاع جوابنا صغيرين تشوفي الحاجة كبيرة برك *هههه*
هيا أقطعي النفس وما تتحركيش هاه راني نشوف قلبك كل هالات متفرقة ليس هناك أشياء مجسمة مثل الحقد والظغينة والكره وووو بل كما قلت لك كله هالات ضوئية هالة فيها صلاة وهالة فيها إستغفار وهالة فيها لاحول ولاقوة إلا بالله وكأني أرى فراغ آخر لعله صيام* أنت يا حبوبة ماعندكش حاجة ثقيلة لتعمر القلب كل هته الأشياء خفية وتريح القلب * أنت فقط نسيتي بلي عندك هذو وما ستعملتيهمش*
بنيتي حبوبة * إذا ضاقت بك الدنيا فقل *** يا الله *** ولن يتخلى عنك
ربي يفرج همك ويسعد قلبك ويريح بالك ويقوي إيمانك​

تقبلوا تحياتي

 

[فيتامين سي]

رد: قلبي تعمر ..دعواتكم

شكرا ....ضحكتني والله او نقولك دموع لي حبستهم درك نزلو
نضحك عليكم ...؟؟؟انا طلبت الدعاء مقلتلكش راني نكدب او نقول الصح مقلتلكش واش عندي مجرد دعاء تدعي لكامل الناس متخسر والو متخسر والو بكلمة تخفف عليها على شخص محتاج كلام يشجعه و يخفف عليه مافيها والو عتبرني ختك صغيرة او كما قلت بنتك ...واش تخسر كون تدعي او مقدرتش متجاوبش احسن متزيد عليا .....ايه نتمسخر ايه
وقيلة راك حاسب نقنط على فلان خلاني او فلان سمح فيا راك غالط والله ...ماشي كامل عباد كيف كيف
تحطيم لي رانا فيه نوع وحداخر ...مراحش نحكي حكايات معندهمش فايدة .........ايه واش احسن من ربي سبحانه ندعيه مقلتش عكس ...من فضلك مرة جاية متكدبش انسان خاصة مطلبتش اي حاجة طلبت دعاء برك دعاء

 

[زهرة اللمة]

رد: قلبي تعمر ..دعواتكم

ربي يفرج عليك ختي و يسر امرك و يشرح صدرك
و ينصرك على من ظلمك
و يثبت قلبك على دينه​

 

[رابح66]

رد: قلبي تعمر ..دعواتكم

السلام عليكم

الله يهديك ياهبة عاودي أقراي واش كتبتلك وتمعني في كلامي مليح
أنا أتخذت في مشاركتي أسلوب المزح من أجل الترفيه والتخفيف عنك لا غير
لكن أنت فهمتيني بنيتي بالغالط الله يسامحك
ويخي راني دعيتلك في الأخير ونزيد ندعيلك
الله يفرج عليك وييسرلك أمرك ويفتحلك كل باب خير
مي سامحيني مكنتش نتستنى منك هذا لكلام* الله يهنيك*​

تقبلوا تحياتي

 

[فيتامين سي]

رد: قلبي تعمر ..دعواتكم

والله الى فهمتك قبل منحاوب قريته شحال من مرة و اسفة ...بصح واش نقولك منيش قادرة للمزح ......منيش قادرة اصلا للكلام محتاجة فقط دعاء ...دعاء برك
مخنوقة .....دمعة في عيني و نشدها بسيف ...واش ندير ؟؟؟نخرجو من مشكل نطيحو في اكبر ....تفرج تفرج
نعاود نقولك اسفة مي منيش قادرة للمزح نتمنى دعاء فقط

 

[@R@ZIK]

رد: قلبي تعمر ..دعواتكم

السلام عليكم
ربي يكون في عونك ان شاء الله
اكثري من الدعاء وقراءة القرآن
تحياتي

​

 

[youcef.as.dz]

رد: قلبي تعمر ..دعواتكم

حسبي الله ونعم الوكيل فرج الله همك