اختيار صعب!

[مشكلتي]

السلامُ عليكُم

اخوتي انا في حيرة كبيرة جدا جدا
اولا انا فتاة عمري 19 سنة .. خطبت من طرف الكثير لكن الكثير رفضتهم لاسباب معينة منها التدين ومنها الاخلاق ومنها العمل غير مرسم
وهذه الايام خطبني شاب .. فيه كل الصفات التي تحلم بها الفتاة من صلاح ومستوى ثقافي وعمل يعيلني وابنائي مستقبلا..
لكن المشكلة في الدراسة .. ادرس اولى جامعة ورفض اتمام الدراسة .. اعلم ان الفتاة مهما بلغ مستواها الدراسي الا ان افضل مكان يستُرها هو بيت زوجها ...
انا حائرة جدا جدا في الاختيار بينهما!!
كلاهما له دور هام ...

صليت صلاة الاستخارة .. ودعوت الله ان يقدر لي الخير حيث كان ويرضيني به ..

مارأيكم ؟؟
وبماذا اضحي هل بالدراسة ام بهذا الشاب؟؟

دعوااتكم يا طيبين

 

[لؤلؤة قسنطينة]

رد: اختيار صعب!

السلام عليكم
وأهلا بيك اختي وأسعد الله اوقاتك
وربي يتمملك على خير ويقربلك لي فيه الخير
شوفي اختي مشكلتك مانظنش صعبة خاطر حسيت من كلامك بعد
حاطة كلمات مفتاحية تساعدك على تخطي المشكلة
أولها:"خطبني شاب فيه كل الصفات التي تحلم بها الفتاة من صلاح ومستوى ثقافي وعمل يعيلني وابنائي مستقبلا"
هادا يبين بلي انسان تتمناه كل إمرأة ويكون سندها وأب اولادها
ثانيا: "اعلم ان الفتاة مهما بلغ مستواها الدراسي الا ان افضل مكان يستُرها هو بيت زوجها"
وهذا صح، ماش معناها لما المرأة توصل لدرجات عليا من الدراسة راهي ملكت الدنيا، خاطر آخرتها
تسترها دار راجلها
يسمى هادا رانا متافقين فيه، درك من رأيي يا اختي وافقي على الشاب وديرو خطبة رسمية
باه تكونو في الحلال أولا وتوضحو الامور، ثانيا اذا مازالك مثلا عامين اتمام دراسة وتدي شهادة
ليسانس مثلا، انا ننصحك كملي قرايتك، اذا زوجك طالب منك ماتخدميش ويصرف عليك مافيها والو
بصح من حقك تكملي تعليمك وتجيبي شهادتك لأنك قادرة تحتاجيها مستقبلا ماتدريش ظروف الدنيا كيفاه،
وزيد مادامك دخلتي للجامعة باه تكتاسبي معرفة وثقافة، يعني فهميها لخطيبك بهاد الطريقة
ولما تخلصي دراستك اتزوجي ومن تم يقدر يتصرف فيك مادامك مرتو سواءا ماتخدميش او ماتدرسيش،
اما في فترة الخطوبة فمن حقك تكملي قرايتك، درك يا اختي نتي صلي استخارة وحاولي تفاهمي
مع خطيبك بحوار مفيد تخرجو فيه بحل يناسب الطرفين، مادام خطيبك واعي وقاري ومتخلق ومثقف
رايح يفهمك، واسمعي للحجج تاعو ربما عندو افكار ولا اقتراحات مهمة ، خاطر حنا النساء ساعات
نخممو بطريقة عاطفية اكثر ما تكون عقلانية، يعني بالتفاهم والحوار الواعي وزيدي صلاة الاستخارة
ومايكون غير الخير ان شاء الله، وزيدي شوفي آراء باقي الاعضاء اكيد رايحين يفيدوك
ربي يهنيك حبيبتي ويوفقك لكل خير
تحياتي
​

 

[zohor kfz]

رد: اختيار صعب!

elzman li wsalnalo ylazam 3la kl bat ykon 3andha mostawa ta3limi
w kima 9olti had elchab rah fih kl elmowasafat
el7Al elwassat ankom ankhatbo w tatalbih ymadad fatrat elkhotoba tkamli fiha 9raytak
lakin anki 3la lo9raya chay2 s3ib w bach tatkhalay 3la had elchab tani chay2 s3ib
rabi ykatabalki li fih elkhir

 

[iman-dz4ever]

رد: اختيار صعب!

مادامك استخرتي و فوضتي مرك لله ربي يختارلك الا فضل
لدينك ودنيتك
خلي الامور تسير من عند الله و متقلقيش روحك

 

[Hakan]

رد: اختيار صعب!

السلام عليكم اهلا بيك اختي في الله اما بعد :
المقارنة بين الزواج والدراسة كالمقارنة بين مكونات الخشب ومكونات النار وهل هناك عوامل مشتركة بينهما لكن كيما نعرفو النار تاكل الخشب مهما كان نوعو .
انت عندك كل شيء في يدك زوج صالح وخلوق وعمل قار وهذا من حقك باش يكون قد مسؤولياتو معاك لكن دراستك مشكلة اليوم صباحا كنت نتفرج في فيديو يتحدث عن *الآن وطبيعة تاثيرها على حياة الانسان * ومقصد هذا الفيديو هي انو الانسان لما يعيش لحظة معينة
كاين زوج حوايج يأثرو على اللحظة اللي راهو عايشها وهي الماضي والمستقبل اكثر العماء قالو ان تاثير المستقبل وتاثير الماضي يكون سلبيا على اكثر الناس
وانت اللحظة اللي راكي تعيشي فيها هي الخطوبة نتاعك من طرف انسان فيه كل مواصفات الرجل الصالح لكن الحاجة اللي راهي تاثر على اللحظة نتاعك هي تخمامك في المستقبل نتاعك اللي فيه قسمين :
قادرة تكملي قرايتك واحتمال ما تصيبيش الرجل اللي هو في اللحظة هاذي خطيبك
ماراكيش قادرة تكملي قرايتك وممكن يندرج تحتها عدة حوادث :
قادرة تفشلي في زواجك ومن بعد تحصلي ماتكمليش قرايتك وقادرة تعيشي حياتك نورمال مع رجل انت اصلا قلتي فيه الشروط المطلوبة

اختي في الله كيما نعرفو انو الدراسات الجامعية هي غير الدراسات في الثانوية يعني واحد يحبس في الثانوي ماش كيما واحد يحبس في الجامعة لانو اولا عندك شهادة بكالوريا صالحة مدى الحياة وقادرة بعد ما تتزوجي تكملي قرايتك بعد رضى الزوج وقادرة بعد ماتفشلي لاقدر الله تكملي قرايتك يعني في كلا الحالتين راكي رابحة اذن ننصحك تختاري الحل الاول ومبروك عليك ولازم تعرفي انو الكذبة الوحيدة اللي راهي تعيشها الطفلة في زماننا هي ماشي خوفها على دراستها او حبها ليها لكن خوفها انو مايكونش الرجل المناسب اللي رايحة تكمل معاها حياتها
اذن في الاخير بعد ماحكيتلك حاولي تستخيري ربك اولا ثم تخدمي عقلك الرزين ثانيا ربي يوفقك ويتمملك بالسعادة اللي راكي تحبيها ..​

 

[فعل الخير غايتي]

رد: اختيار صعب!

حالياً الأعضاء النشيطين الذين يشاهدون هذا الموضوع: 10 (5 عضو و 5 ضيف)
‏فعل الخير غايتي, ‏لؤلؤة قسنطينة, ‏Hiba habouba, ‏iman-dz4ever, ‏عبد الرؤوف 22





بما انك استخرتي يا اختي فالله سيبعث لكي بالافضل
انتي توكلي على الله و خير ان شاء الله

 

[Princesse Diyor]

رد: اختيار صعب!

انا ننصحك تكملي و تخيري قرايتك هي الحاجة الوحيدة لي تدوملك

 

[ƛ ƧMƛƦƬ ƓƖƦԼ]

رد: اختيار صعب!

انا ننصحك تكملي و تخيري قرايتك هي الحاجة الوحيدة لي تدوملك

انا راني معامك القراية هي ليدوملك وتقدري تتخطاي كل المشاكل بيها انا كون جيت منك كون نخير قرايتي انت اولا صغيرة 19 سنة ومازالت الحياة قدامك اصبري وكملي قرايتك بلاك يرزقك ربي بواحد احسن منو

 

[Skor m@k]

رد: اختيار صعب!

السلام عليكم
أولا بما أنك إستخرت الله فهو العليم فوق كل شيء
ثانيا طلب المشورة من الناس الثقات والذين لهم علم
أولى من مشورة العوام لأن كل واحد يمدلك رأي على واش تخرج عليه

قريت بعض من كتابات الأعضاء اللي سبقوني كل واحد اووو رايو
نوافق بعض الأعضاء ومنهم خويا حكيم كلامو صواب إدي عليه اوو متخافيش

قال النبي صلى الله عليه وسلم : ( يَا مَعْشَرَ الشَّبَابِ ، مَنْ اسْتَطَاعَ مِنْكُمْ الْبَاءَةَ فَلْيَتَزَوَّجْ ، وَمَنْ لَمْ يَسْتَطِعْ فَعَلَيْهِ بِالصَّوْمِ ، فَإِنَّهُ لَهُ وِجَاءٌ ) رواه البخاري
وهذا يعم الشباب من الرجال والفتيات من النساء ، وليس خاصا بالرجال ، بل يعم الجميع ، وكلهم بحاجة إلى الزواج
فأنت عند قراركي إكمال الدراسة تعطلين الزواج وأنت قادرة عليه
وأيضا هذا خلاف لحديث النبي صلى الله عليه وسلم قال : ( إذا أتاكم من ترضون خلقه ودينه فزوجوه ) رواه الترمذي

أيضا يمكن أن تطلبي منه أن يتركك تكملين الدراسة إلا إذا أبا فله الحق
لأن في الجامعة الجزائرية إختلاط كبير بين الجنسين اوو رنا نشوفو واش راهو صاري

قال الشيخ إبن عثيمبن رحمه الله : فالذي أنصح به إخواني المسلمين ، من أولياء النساء ، وأخواتي من النساء ، ألا يمتنعن من الزواج من أجل تكميل الدراسة أو التدريس ، وبإمكان المرأة أن تشترط على الزوج أن تبقى في الدراسة حتى تنتهي دراستها ، وكذلك تبقى مدرسة ، لمدة سنة أو سنتين ، ما دامت غير مشغولة بأولادها ، وهذا لا بأس به. إنتهى

فأقول لكي أنه من الصعب الحصول على رجل له أخلاق وعلم وكل المواصفت الحميدة في كل مرة يخطبوك
عند إكمال دراستك قد لا يأتي من ترضينه زوجا لك
أنت تفاهمي معاه ووكلي أمرك الى الله سبحانه وتعالى

 

[GI Joe]

رد: اختيار صعب!

makanch l'aman f nass doka w mzelti sghira, a mon avis kemli 9raytek hoti au moin licence fi jibek w zwaj yji ba3d, la kan mektoubek radjel mlih rayeh rayeh iji wahed khir men hada nchallah

___ khti ani kthar menek b 3ans w je refuse l idée ta3 nakhdem ghir la thatmet 3lia w manhebech l9raya mais rani nkemel difficilement w mm la khtabni radjel parfait impossible na9bel , 3leh? prc manich wadjda l responsabilité kima hadi

dnc khami bien hoti fi rassek wala fi liste les pour et les contre w l haja la plu importante EST CE QUE 9ADRA TEZEWDJI ?? est ce que sur une fois mariée ta9ebli ti3i 3abd a part tes parents? ta9edri tetmeremdi? tkouni om ? ta9ebli 3andek ghir smid fi darek?? had lehwayej sghar khami fihom
matgoulich khadem bien et tt ey mich science exacte

bn courage

 

[بقايا إنسان]

رد: اختيار صعب!

على بركة الله فماندم من استخار

 

[Djaouida]

رد: اختيار صعب!

ربي يكون معاك......

 

[زيزي احمد]

رد: اختيار صعب!

السلام عليكم و رحمة الله و بركاته اما بعد
انا ام و ابنتي تدرس اولى جامعي خطبها اكثر من شاب لكن رفضت الارتباط حتى تتخرج هي لم ترفض الخطوبة لكن نحن والديها رفضنا حتى الخطوبة لوقت التخرج
اتمام الدراسة بالنسبة لنا اهم من الزواج لان المستقبل لا يعلمه الا الله
لا اقول لك ارفضي الزواج بل اقنعي هذا الشاب يتركك تنهي دراستك اولا حتى و ان كنت لن تعملي بعد الزواج المهم تكوني حاملة للشهادة ستحتاجين اليها في يوم من الايام

 

[نعمات]

رد: اختيار صعب!

السلام

ختي الدراسة مهمة في هذا الوقت بصح اذا استخارتي الله فهو الذي يجيب عليك
واذا شافت هذا الشاب طيب خلوق فافبل دينه وخلوقه و بالله الوفيق
وناس بكرى اقولوا المكتب علي الجبين ما يمحوه اليدين وبالله التوفيق

 

[الباندي]

رد: اختيار صعب!

سلام عليكم
هناك معلومة ان معدل الرجال في تنقاص مستمر ..بحيث توجد احصائية تقول ان كل يوم يولد فيه ذكر يقابله 30 انثى
يعني يجي وحد الوقت يولي الرجل كما مستحاثة الامونيت يقولو يا حسراه كان هنا وحد النوع من االبشر يسمى رجل..او ذكر عاش في عصر ما و انقرض في عصر ما جراء الغزو الانثوي لكوكب الارض ههههه !!
---
اختي ابلوكي l'anneé تاعك و عادي و اتزوجي نورمال..مدامك سنة اولى جامعي راه عندك مستوى محترم ..
الا كان راجل و انسان طيب مافيها باس ..واكيد رايح يقدر واش معناها طفلة تحبس قرايتها و تزوج علا جاله .. وفي هذ السن بالذات
والا قدر الله و كاش ما صرا يعني قادر تكملي عامك تاع القراية و بشكل عادي جدا ..و تخدمي نورمال و تهناي غي انتوما النساء اللي تلقاو خدمة ..

 

[مهدي الثعالبي]

رد: اختيار صعب!

شخصيا انصحك بالعلم ، وإن كان يحبك بصدق و يثق بك لتركك تكملين دراستك حتى بعد الزواج ، بما هناك زوجات يعملن و يوفقن بين عملهن و حياتهن الزوجية ، فلما لا تتزوجين و تكملين دراستك ؟ إنه مجرد أى

 

[ليليا مرام]

رد: اختيار صعب!

السلام عليكم اختي
اولا لا حيرة ولا شي شوفي انت واش حابة هدفك واش هو ؟
لو انت حابة راجل يسترك ودار واولاد وهو قادر يوفرلك كل هذا علاه تعبي روحك
قريتي لمستوى تقري اولادك ومثقفة خلاص علاه تعبي روحك تكملي قرايتك وتخدمي وتجري علاه كل هذا على 4 او 5 ملاين هل راحة بالك تسوى هذاك المقدار كاين يقولولي الخدمة مش دراهم برك نقولهم لالا لو دارلوكم الخدمة باطل وحدة ما تخدم نهدرو الواقع
انا من رايي الزوج الصالح والاسرة ما تعوضهم حتى شهادة وقراية بزاف قاريات وفضلو الدار وكاين طلقت على جال الخدمة وبعدو ندمت نقولك فكري مليح مش فالعرض انما فالراجل كان يكون يستاهلك وقادر يوفرلك الإستقرار
وموفقة ان شاء الله

 

[youcef.as.dz]

رد: اختيار صعب!

انصحك بالزواج قبل ان تندمي وقت لا ينفع الندم
المحذوذة فقط من تتزوج في هذا الوقت لان العوانس(بايرات) كثر واكثر من 5 ملايين مقابل اقل من مليون شاب يريد الزواج ؟؟؟