سلام حبابي ك.ر.ا.ك.م لباس
......حبيت نسقسيكم خطبني واحد كبير عليا ب 15 عام اسكو نورمال .خايفة و متوترة :p (انا وجه الخوف ) .لا كبير يجيك خير منه خليك مي مليح يصلي بار بوالديه متربي خليك سور تفكيره ماشي كيفك..اوبسي نبدل السؤال خطبني واحد معندهش دراهم* زعما نيفو تاعه عادي لالا متقبليش بواحد هكدا* bom ....خلاص نبدله تاني خطبني واحد* غني مي فيه ديفو صغير ميصليش و ديفو وحداخر يشرب* و مشكل وحداخر بصح حتى هو صغير بزاف يكمي دخان و تاني وحداخر دارهم ماشي ملاح و مشكل وحداخر و مشكل ايوا قبلي و يتبدل بعد زواج ايه نصيحة من القلب* ....(قلبي الصغير لا يتحمل )..مي اسكو هداك يتبدل بعد زواج و هداك ميتبدلش او الدراهم هو سباب السعادة او حنا حابين يكون قدك في السن و غني (هذا نجيبوه بالمصباح السحري ) و و و و و و او لي يهدي الانسان ميرزقش الانسان المؤمن ؟؟؟! عدة اسئلة دور في مخنا و الجواب تاني عندنا مي مكانش لي خدم بالحلول علاش كفاش دوك نحكو عليهم درك للاسف بعد الارانب :p يقيسو الراجل بماله و بعض الارانب يهينو البسيط بعضهم تاني دارو معادلة بلي تدي واحد غني و مهما يكون مصدر الرزق لا يهم ..مام تاكل حرام عادي تعيش في حرام عادي ولادها يعيشو بالحرام عادي تفكيرنا نحصر في نقطة هي المال للاسف
مرة وحدة قالتلي المرا في الخطوبة لازم تدي من راجلها اكبر كمية من المال باسكو كما حكينا مرة في موضوع يقولك الراجل خداع
.. حسيتها تشبه المرة بالاخبطوط الكائن البحري عنده شحال من يد ههههههههههه تخيلوني نطبق نصيحتها :p ...اوبس زعما تديله كلشي قبل ايا و الهنا ....ميهمش درك هذي النقطة ..نرجعو لواش حكينا** .....مال و اثره في الزواج دوره في الخطوبة ولا وحدة تقول خطبوني واش يخدم ديراكت يسألوك السؤال العجيب عنده دار لوطو و بزاف ميجاوبوش باسكو كاين افاعي ادا جاوبت و عرفو بلي عنده و لو شويا يديرو الف مخطط باش يوصلوله بكري و لدرك كاين يقيسو الراجل بدينه اخلاقه حسب موصانا خير خلق الله مي درك جابو معادلة جديدة و يطبقوها* بزاف....معادلة هدمت المجتمع ...مولاش كاين اسس الزواج ..ولاو الناس يشوفو الراجل لي يخطب بنتهم بانكا و البنات يبحثو عن اكتر واحد يقدرو يدو منه اكبر قدر من المال و للاسف ...الاخطوبوطات بشرية....حتى مبقاوش عاطيين قيمة للاسرة ...او للاخلاق
وحدة تقول بلي خطبني واحد خدمته بسيطة متقبليش و يعمرولها راسها بالافكار ........يعني الاسرة مولاتش كما قبل باسكو متبناتش على اسس ملاح دربنا بالاحاديث النبوية عرض الحائط و جبنا افكرا و معادلات منعدنا
لا* علاقة بالاسلام ولا بالانسانية اصلا ......تخمامنا ولا منحط لدرجة متتصورش
نمدلكم مثال العرس قادرة تنخطب و حتى تعقد و تفسخ خطوبة او تطلق بسبب العرس في صالة فلانية عكس محبت في صالة فلانية او ممكن بسبب يقوللها نديرو عرس بسيط بلا تبذير الا لن اقبل لن اقبل و بزاف حجات نحطوهم من الاولويات
سؤالي هو* :السبب و الحل كفاش ؟؟؟؟ ....اسكو نقدرو حنا نبدلو الوضع ؟؟؟ ولا نكملو كما بزاف عباد ....اسكو ولينا نهتمو بالمال لهذي الدرجة و الدين نسيناه ؟؟ بزاف اسئلة حتى نعرفو جوابها اسكو نطبقو هذا اهم سؤال
(ملاحظة
في مواضيعي ....لما نحكي على حاجة شفتها مليحة او قبيحة مثلا نقول بلي البنات او الاولاد او اي حاجة ماشي معناها كامل كيف كيف ابدا منجموش نعمو منجموش نقولو مجتمع كامل مليح او كامل فاسد كاين ناس من ناس و الناس اجناس كاين الفضة و كاين النحاس ...كاين لي اخلاقه في السما تتلالة و كاين لي اخلاقه في الارض تنداس ...على هذي نحكي ممكن على فئة و هذا ميدلش بلي كامل كاين الجنة و كاين النار نتمنى فهمتوني
) سلام.
آخر تعديل:
