اريد حلا

[مشكلتي]

السلام عليكم ورحمة الله و بركاته
انها اول مشاركة لي ، واريد ان اطرح عليكم مشكلتي
لم اجد الحل واريدوا منكم حلا.
مشكلتي ليست مع ام زوجي لان اعتدنا مشاكلها، عجوزة دائما
تحب المشاكل وراني قابلة بالامر الواقع بل مشكلتي
هي زوجي .زوجي يعمل في ولاية بعيدة عن السكن
وهو كل يوم يذهب من 5 صباحا وياتي الي البيت على
18:45 وهذا الامر منذ ان تزوجنا اي منذ 5 سنوات
وبدا الامر انه اصبح يقصر في عدة امور من بينها العلاقة
الزوجية واهمال البيت بسبب التعب فطلبت منه الانتقال
للسكن في الولاية التي يعمل بها حفاظا على اسرتي لكنه
رفض والسبب ان امه لاتريد ترك منزلها و نحن نسكن
عندها وليس لها اولاد غيره

 

[zohor kfz]

رد: اريد حلا

wa3alaykom assalam wa ra7mato allahi ta3ala wa barakatoh
khti mochkiltak chwaya s3iba bassa7 madam howa maya9darch yasma7 fyamah w 3ando el7a9 psk ma3andhach ghiro
malla lazamki ta9an3iha hiya
w sayé m3aha 9olila waldak rah yji 3ayan w maya9darch tri9 kol yom ajila man jihat walda balak t7An 3lih w ta9bal watro7o
w matkhamich akiiiiid nchallah tan7ol had elmochkila

 

[iman-dz4ever]

رد: اريد حلا

ربي يفرج عليك اختي و يسرلك امرك و يوسع في رزق راجلك و يسخرلك عجوزتك
باش تروحي مع راجلك حاجة مهمة سيرتو مع التوقيت الي حكيتي عليه منظنش لا انتي لا هو صايبين راحتكم و الله من غير الدعاء معنديش ربي يسهلك امرك

 

[Djaouida]

رد: اريد حلا

ربي يكون معاك أختي. ...

 

[Hakan]

رد: اريد حلا

موضوعك صعب الحل لانو ام زوجك متمسكة بمنزلها وماتحبش تخليكم
واش نقلك حاولي تشوفي حل للابقاء على حيوية زواجك انت والزوج نتاعك
الى اطول مدة لعل وعسى ...
سلام​

 

[زهرة اللمة]

رد: اريد حلا

ربي يفرج عليك

 

[ريحـان]

رد: اريد حلا

هذا الشي صعيب شويا مي لازم تصبري
واغلب الامهات الكبار مايحبوش يتخلوا على منازلهم
وينتقلوا لمنزل اخر
بحكم الاعتياد وغيره
حاولي ماتزيديش زوجك في الاثقال وكوني معاه
وخففي عليه اصبري على على التقصير
وقابلي التقصير بان تجعلي زوجك يكون مرتاح
وما تزيديهش تعب على تعب
لخاطر الضغط يول الانفجار
وكيما قتلك اصبري ربي يفرج

 

[نعمات]

رد: اريد حلا

السلام

اختي شوية صعيبة بصح ربي افرج وإهناك أنت وزوجك وربي يهديه ويهدي يامه
ويسر أمرك وخليك بجنب هو خدام ولزام توقف معه وما تتخليش عليه

كوني إمرأ،في أربعة نساء
ربي إفرج

 

[ليليا مرام]

رد: اريد حلا

السلام عليكم أختي
فعلا مشكلة صعيبة نوعا ما ولكن بالنقاش كل شي عندو حل
اولا زوجك يحسن عونو حتى هو يتعب بزاف ولكن ايضا انت لك حقوق ولازم يعرفها مش عيب النقاش الحماة هذا اينها الوحيد وما تقدرش تخلي دارها ولكن لازم هو يخمم فحل يرضيك انت وهي
اولا احكي معاه بطريقة انك تخمي على علاقتكم مش انك تحبي تبعدي على يماه وايضا لازم يقنع امو بهذا ولو يقولها تحتمت عليا نخدم او زاف مصروف السفر يلقى سبة واكيد لو يحاول معاها ترضى لانو الام تضعف قدام الابن واصرارو
يعني انت الان لازمك تقنعي زوجك شوفي مش تحريض مني ولكن لو ما سمعكش حاول انو تزعفي في داركم بلاما يعرفو السبب اعطيلو وقت يخم برايي تزعفي ايام ويكون الحل افضل من انو يكون نفور يناتكم بسب البعد لانو فعلا بعد كل اليوم ويرجع تاعب وانت مازلت شابة ولازم تعيشو حياتكم انت ناقشيه حاولي تفهميه لو ما رضاش جربي انو تحطيه عند امر الواقع نقول جربي مش تخلي دارك لا انت حاولي اهون بزاف من انو تنفرو من بعضاكم وبالتوفيق وان شاء الله يقبل ترحلو وامو ساهلة هو قادر يقنعها باي اسلوب وربي يجيب ساعة الخير

 

[مهدي الثعالبي]

رد: اريد حلا

عجبا لبعظ عرائس اليوم ، تربيهن امهات (عجائز) وعند تنقلهن الى البيت الزوجية لا يتفاهمن مع عجائزهن ؟ أضن ان اغلب الامهات لا ترى كل عيوب إبنتها ربما لانها طبق الاصل منها ، و كلنا نعلم ان المرء لا ير عيوبه ، اما العجوز فلها نظرة مخالفة وهذا ما يجعل العلاقة تتوتر ، وعلى العروس تحمل عجوزتها و إحترامها لانها هي من إنتقلت من نمط الى نمط اخر ، عليها التكيف و محاولة التغيير بطريقة سلسة ، إنها وجهة نظر لا غير . وفق الله الجميع لما فيه الخير للعباد

 

[youcef.as.dz]

رد: اريد حلا

و الله الاثنين الامر صعب تروحي تخلي امو وحدها تقعدي كاين المشاكل
من الاحسن تبقي وتصبري

 

[belkhir amine]

رد: اريد حلا

الصبر مع الالحاح في الطلب و لكن بلطف