ام سراج وملاك
:: عضو مُشارك ::
- إنضم
- 26 ديسمبر 2012
- المشاركات
- 243
- نقاط التفاعل
- 542
- النقاط
- 21
اول شيء نشكر صاحبة الوصفة الاصلية لي هيا مشاركة في منتدى اخر وفي نفس الوقت قريبة زوج اختي لي مبخلتش علينا بالوصفة هذي وشرحتهالي مليح واول تجربة ليها كانت ناجحة حبيت نحط هذا الموضوع باش كامل تستافادو منو
كيما قلت في الموضوع لبيني بالياؤورت الطبيعي كيما قالت صاحبة الوصفة لكن انا حرفت في الوصفة واستعملت ياؤورت باذواق مختلفة كلما نديرو نغير فيه وطبعا نجحلي راني مجرباتو عدة مرات وكاين لي جربوه ونجحو فيه والجديد لي في الفكرة انو يتعجن بماء عادي نتاع الحنفية ويخمر ثاني في مكان بارد ماشي شرط يتغطى راني درتو وصورتلكم الخطوات منطولش عليكم ونخليكم مع الصور ومقادير الوصفة
هذي مقادر الوصفة المنقولة
المقادير :
باط ياؤورت طبيعي +قرصة ملح + مغرف سكر عادي +2مغارف زيت + مغرف خميرة انتاع الخبز + فرينة كيلة تقريبا بول نتاع شربة و تلميها بالماء البارد وتحطيها تخمر تريح في مكان بارد لاشة ربع ساعة كي تخمر تحليها بالحلال ترشي الفرينة وتحلي باش ما تلصقش ماتكونش رقيقة وماتكونش خشينة وتشكليهم دوائر بالكاس وتخليهم يخمرو يعني يريحو ثاني في مكان بارد انا نخليهم في الكوزينة منحطهمش في بلاصة سخونة وبعد ذلك تسخني الزيت وتقليهم بلا ماتكبي فوقهم الزيت يتنفخ والحشو كيما تحبي ديريلهم لكرام باتيسيار وذري فوقهم السكر الارطب رهم روعة وبالاخص مع قهوة العشية
ملاحظة خاصة بي :
غيرت ذوق الياؤورت الطبيعي بياؤورت باذواق مختلفة كل منحب نديرو نغير في الذوق درتو بياؤورت ذوق فراز وياؤورت ذوق موز وثاني ذوق خوخ انا في هذي الصور استعملت ذوق فراز نتم استعملو الذوق لي تحبوه بالنسبة للفرينة استعملت 3 كيسان العجين خليتو ربع ساعة ريح وكي طبعتهم خليتهم نصف ساعة خمرو فيها وطبعا كي تحلو لعجينة رشو قبل بالفرينة بالنسبة لزيت انا كي منكثرش الزيت نبقى نكب فوق الحبة حتان تتنفخ واذا كانت كمية الزيت كبيرة مع نحط الحبة تتنفخ وحدها اما كمية الفرينة لي درتها انا تقريبا حوالي رطل فرينة وضفت المقادير الباقية منقستش منها والو خليت المقادير عادي دارتلي كمية مليحة ولي تحب كمية قليلة تكيل كيما قالت صاحبة الوصفة بول نتاع شربة وكي كيلت بول شربة لي عندي قدش يهز من فرينة بباط ياؤورت فارغ لقيتهم 5 باطات ياؤورت فارغين نتمنى اني نكون افدتكم واي سؤال انا في الخدمة جربوه اكيد متندموش خاصة ذوق الياؤورت فيه يعطيلو طعم رائع
تحياتي للجميع
ام سراج وملاك
لاتنسوني من صالح دعائكن
آخر تعديل بواسطة المشرف:
