بقى 100 يوم على الباك نخرج نديفولي

[لؤلؤة قسنطينة]

السلام عليكم ناس اللمة الكرام والافاضل
ان شاء الله راكم كامل لاباس؟
ربي يهنيكم أجمعين
بعدما شفت موضوع الغالية "أم منير" لي بعنوان
"شوفوا قمة الانحطاط لي وصلنالها"
تفكرت واحد الموضوع لي من المواضيع لي تحكي فعلاً على الانحطاط والمستوى غير الأخلاقي
لي وصلتلو بلادنا، وهاد الطقوس الغريبة لي راهم يختارعو فيها شبابنا ويقلدو في الغرب
والمشكلة الوالدين وين راهم؟؟ موتى ولا حيين؟
المهم راني بديت في الموضوع بدون مقدمات وربما نصفكم مافهمش الموضوع
ياسيدي حنا بكري كنا قبل مايلحق الباك الشيب ينوض في راسنا من التعب والخلعة وكثرة المراجعة
نجيبوها عام كامل وحنا نجبدو ونروحو نهار الامتحان وجهنا صفر مانفكروش خلاص لا في لبسة ولا ماكلة
ودرك بصح مع هاد الجيل خلقو حوايج جدد، أولها ولاو يجوزو الباك بقش جديد كلي رايحين للعرس
يعني قبل نهار الامتحان تخسر على ولدك ولا بنتك قد مليون ولا كتر غير باه يخرج شباب نهار الامتحان،
وكاين لي تروح للحفافة وهادا ماكياج وهادي لبسة جديدة ( قولولي واش من قلب عندكم تلبسو وتعدلو في نهار كيما هاداك؟)
وهكاك قلنا معليش وارغمنا هاد العقل المغبون يتحمل هاد المشاهد، بصح الشي لي وصلنالو درك
والعادات هادو لي راهم يتبعو فيهم قريب يخرجونا من الدين تاعنا،
لأنو ربما سمعتو العام لي فات بشباب يقراو في الليسي (بنات وذكور) كي بقالهم 100 يوم على الباكالوريا دارو حفلة
زعما يديفوليو وينحيو الخلعة تاع الباك، بالاك حتى لدرك تبان عادي، بصح يا خاوتي او فسق صاير وقلة حياء
يخرجو كيف كيف بنات وذكور ( البنات بالميني وباللبسة الفاضحة والرجال بالكوستيمات) ويشطحو على الهواء الطلق
ولي مكروشيا واحد ولي تشطح مع واحد، وكي يخلصو يروحو كيف كيف للمطاعم يتغداو كيف كيف وهادا كامل
في نص الشارع لا حشمة ولا والو، جربوها فئة من الشباب العام لي فات وزادو داروها وحايد الخميس هادي لي فاتت
في العاصمة، قوليلي حنا بلد مسلم ولا كافر ؟؟
يعني وينهو الاب هادا لي تخرج بنتو عريانة حاشاكم وحاشا قدركم ومطلسة وجها بالماكياج باه تخرج للشوارع وتشطح مع واحد
وزيد يقولك نديفوليو؟؟، الناس اي كانت واقفة طاحت ماتت ونتوما ديفوليو؟؟
اقعدو ديفوليو حتى يديرلكم ربي كاش زنزلة تنعتلكم كيفاه ديفوليو مليح
الناس اي معوقة بلا رجلين وبلا يدين و يقاومو ويصليو وخايفين كيفاه تكون نهايتهم، وهادو رايحين يشطحو ويلعبو
ويقولك ربي يوفقنا في الباك، واش من توفيق ونتوما تغضبو في ربي؟
والمشكلة تلقى ام الطفلة ولا باباها يوصلوها لتم ويتفرجو على بنتهم وهي تشطح باللبسة هاديك وزيد يتفاخر بيها
وزيد تجي هي تقولك قبل مانحبس الفايس بوك والتويتر ومواقع التواصل الاجتماعي قبل الباكالوريا تجيني صعيبة
مالا لازمني نديفولي باه من بعد تجيني ساهلة -_-
هادو المسلسلات واش دارو فيكم، التركيين والهنودة والكوريين والمكسيكيين
والله عيب كبييير راهو صاير في شبابنا، وين رانا رايحين؟؟
راحت الغيرة والحشمة والتربية للدرجة هادي؟؟
ربي يهدينا برك ويعافينا ان شاء الله
واش رايكم خاوتي في هاد الظاهرة
وهل راني غالطة في هدرتي؟؟
انتظر ردودكم القيمة
تحياتي
​

 

[فعل الخير غايتي]

رد: بقى 100 يوم على الباك نخرج نديفولي

صحا خيتيو
واش تحبي كي ولينا في زمان لا اب يراقب لا دولة تعاقب
التقليد الاعمى للغرب و فرنسية الاصل
هادوا ولاد الشكارة لي راهم يحتافلوا تع وجوهم الزوالية
شكرا على الموضوع

 

[AmiR@RoRo]

رد: بقى 100 يوم على الباك نخرج نديفولي

السلام عليكم
يا ختي يا مريم هاد العادة هاد العام برك وين عرفتها ههه
كنت نشوفهم فالفيس يهدرو عليهم وحاطين صور وقالك هادو عندهم باك ووو ومافهمتش مليح وليوم من موضوعك فهمت وش مكنتش فاهمة مليح خخخ
كفاش يخممو هاد العباد منعرف ؟؟
درك يديفوليو بالزهو والشطيح ووو وكي يقرب الباك كتر تلقاهم فالمسجد قبل الفجر بساعة
الله يهدي ما خلق برك
نقرا فموضوعك ونسركل ملهيه لقيت هادي صدفة ههه



يعطيك الصحة حبيبة

 

[مابقاش بزاف.Dz]

رد: بقى 100 يوم على الباك نخرج نديفولي

معليش خليهم يديفوليوا مساكن في عقلهم ...ياك والديهم راضيين بيهم و عاجبتهم حالة اولادهم و بناتهم ماشاء الله عليهم....
علابيها الباك راحت قيمته م داك زمان ..ربي يجيب الخير ..جيل تاع الصح لا علاقة ...لي عنده الباك راه يقراله و متكي على les cahiers دياله و يراجع ...باقي 100 يوم و يديفوليوا مليح ..فالباك ديالي مع الايامات الاخيرة نشفى زادلي التوتر شوية ..هادو ضاربينها بكف ..ربي يوفق جيمع من عنده الباك و ان شاء الله يجبوه -الناس الي تستاهل طبعا و تعبت عليه -

 

[فيتامين سي]

رد: بقى 100 يوم على الباك نخرج نديفولي

ايوا راهم غير يشطحو مدارو والو و خرجو مع اصدقاءهم و احتفلو و لبسو ميني و ووووووو
ربي يسترنا ..اختي 90 %من الجزائرين لا علاقة بالاسلام واش تستني منهم يلبسو جلباب ولا الرجولة ليانعدمت
...ربي يستر تامني سور كاليين حلوف ..باسكو من اضراره لي ياكله الغيرة تمشيله باسكو الحلوف جيوان وحيد معندهش غيرة و درك ولاو كاين حيوانات بشرية با دو غيرة با دو اخلاق ربي يسترنا

 

[لؤلؤة قسنطينة]

رد: بقى 100 يوم على الباك نخرج نديفولي

حالياً الأعضاء النشيطين الذين يشاهدون هذا الموضوع: 27 (1 عضو و 26 ضيف)
مرحبا بالضيوف ^^
​

 

[لؤلؤة قسنطينة]

رد: بقى 100 يوم على الباك نخرج نديفولي

صحا خيتيو
واش تحبي كي ولينا في زمان لا اب يراقب لا دولة تعاقب
التقليد الاعمى للغرب و فرنسية الاصل
هادوا ولاد الشكارة لي راهم يحتافلوا تع وجوهم الزوالية
شكرا على الموضوع

اهلا بيك أختي الغالية نورتيني بمرورك :love01:
يعطيك الصحة أختي لا أب يراقب ولا دولة تعاقب
مادابيهم الشباب يروح فيها ويتبع الطريق الفاسدة
ولينا دولة مسلمة بالفم برك، يعني الظاهر فقط
أما الباطن فحدث ولا حرج
ومن بعد يقولك ياربي وندي الباك -_-
وكيما قلتيها ولاد الاغنياء برك خاطر شفت في فيديو
غير السيارات الفاخرة لي يحبسو
ولد الفقير مسكين او يجبد ومعرف لاكان يلحق
ربي يهدينا برك ويهديهم وينجح كل الطلاب يارب
شكرا اختي على مرورك الذي اسعدني
تحياتي القلبية لكِ :regards01:
​

 

[Mr Brahim]

رد: بقى 100 يوم على الباك نخرج نديفولي

 

[لؤلؤة قسنطينة]

رد: بقى 100 يوم على الباك نخرج نديفولي

السلام عليكم
يا ختي يا مريم هاد العادة هاد العام برك وين عرفتها ههه
كنت نشوفهم فالفيس يهدرو عليهم وحاطين صور وقالك هادو عندهم باك ووو ومافهمتش مليح وليوم من موضوعك فهمت وش مكنتش فاهمة مليح خخخ
كفاش يخممو هاد العباد منعرف ؟؟
درك يديفوليو بالزهو والشطيح ووو وكي يقرب الباك كتر تلقاهم فالمسجد قبل الفجر بساعة
الله يهدي ما خلق برك
نقرا فموضوعك ونسركل ملهيه لقيت هادي صدفة ههه



يعطيك الصحة حبيبة

وعليكم السلام ورحمة الله وبركاته
أهلا أمورتي نورتيني حبيبتي :love01:
اسكتي برك هههه انا شفتها العام لي فات نعتوهم في التلفاز
وهاد العام زادو عاودوها بفرحة وسرور
اصلا الشي لفاسد كامل ينجح في بلادنا يا لطيف
وضحكتني الصورة هههههه والله صح قبل 100 يوم شطيح وغنا
وقبل ايام قليلة من الباك هادي صلوات ودعوات
قريب يسكنو في المساجد حاشا لي مايستاهلش طبعاً
واش نقولو غير ربي يهديهم برك
شكرا حبوبتي على مرورك العطر
تحياتي القلبية لكِ :regards01:
​

 

[بنفسج]

رد: بقى 100 يوم على الباك نخرج نديفولي

السلام عليكم
يا اختي راحت الرجلة الا ما رحم ربي واش تستناي من واحد ديوث غير هاد الشي
الاباء نساو بلي اولادهم امانة يتحاسبو عليها
هاد نتاع اللبسة الجديدة خصيصا للباك سمعت بيها مي حفلة واختلاط
تقول قور هاد اللي خرجة جديدة
وللاسف راها زايدة غير تخرب
و لاحياة لمن تنادي , حابة نعرف هاد البنات اللي يروحو يعقبو شغل رايحين لعرس
زعما صح هدفهم الباك منظنش رايحين علاجال عرض ازياء او ااهداف اخرى بفف
والله القلب تعمر واش نحكي وواش نخلي
ربي يهدي الوالدين لانهم هوما الاساس
و ربي يستر
قاش ابو محمود نتاع باب الحارة اربت

شكرا على الموضوع لؤلؤتي
تحياتي ​

 

[لؤلؤة قسنطينة]

رد: بقى 100 يوم على الباك نخرج نديفولي

معليش خليهم يديفوليوا مساكن في عقلهم ...ياك والديهم راضيين بيهم و عاجبتهم حالة اولادهم و بناتهم ماشاء الله عليهم....
علابيها الباك راحت قيمته م داك زمان ..ربي يجيب الخير ..جيل تاع الصح لا علاقة ...لي عنده الباك راه يقراله و متكي على les cahiers دياله و يراجع ...باقي 100 يوم و يديفوليوا مليح ..فالباك ديالي مع الايامات الاخيرة نشفى زادلي التوتر شوية ..هادو ضاربينها بكف ..ربي يوفق جيمع من عنده الباك و ان شاء الله يجبوه -الناس الي تستاهل طبعا و تعبت عليه -

اهلا بيك اختي نورتيني بمرورك :love01:
اي والله العبد ينطق بالسيف عليه، وعندك الحق كي قلتي الباك راحت قيمتو
بكري كنا وجوهنا صفر ونروحو نرعشو بالرغم من انو عام كامل ديناه حفاظة
وقراية، وهادو شطيح ورديح ولبسة وماكياج لا توتر لا والو
والمشكل الاكبر في الوالدين لي ساكتين وقابلين نورمال والفخر حاكمهم
ربي يهدي ما خلق وربي يوفق الناس لي راهي تتعب وتقرا باه تفرح والديها
شكرا حبيبتي على مرورك العطر
تحياتي القلبية لكِ :regards01:
​

 

[لؤلؤة قسنطينة]

رد: بقى 100 يوم على الباك نخرج نديفولي

ايوا راهم غير يشطحو مدارو والو و خرجو مع اصدقاءهم و احتفلو و لبسو ميني و ووووووو
ربي يسترنا ..اختي 90 %من الجزائرين لا علاقة بالاسلام واش تستني منهم يلبسو جلباب ولا الرجولة ليانعدمت
...ربي يستر تامني سور كاليين حلوف ..باسكو من اضراره لي ياكله الغيرة تمشيله باسكو الحلوف جيوان وحيد معندهش غيرة و درك ولاو كاين حيوانات بشرية با دو غيرة با دو اخلاق ربي يسترنا

اهلا حبوبتي هبة :love01:، كي نسمع اسمك نتفكر وحدة تركب معايا في البيس تعيطلي هبة ههههه
راكي تشوفي مادارو والو مساكن لبسو اللبسة مستورة مساكن وشطحو برك شوي
ربي يهدينا برك مسلمين بالفم برك، لا رجولة ولا غيرة ولا حشمة ولا حياء
هههههههههه عجبتني تاع كاليين الحلوف ، ماعلابالهمش مساكن بلي حرام اكل لحم الخنزير
ربي يهديهم برك ويهدينا ويثبت علينا العقل والدين
شكرا حبوبتي على مرورك العطر
تحياتي القلبية لكِ :regards01:
​

 

[louloulilou]

رد: بقى 100 يوم على الباك نخرج نديفولي

والله عندك حق اختي هي حاجة لبسة جديدة نهار الباك فال مليح( و تكون مح****) مي حاجة اخرى لالا
لعباد كامل راحوا فيها وش راح نقولوا ربي يهدينا و يهدي ما خلق هذا ما كان و ربي ينجح كل واحد ويعطيه ما تمنى سلامي

 

[لؤلؤة قسنطينة]

رد: بقى 100 يوم على الباك نخرج نديفولي

هههههههه اكثر الردود لي ضحكني هو هادا
يعني العبد يسكت احسن
شكرا لمرورك العطر اخي
تحياتي العطرة لك :regards01:
​

 

[zohor kfz]

رد: بقى 100 يوم على الباك نخرج نديفولي

awaaaaaaaaaaah
t9ol ga3 manich 3aycha fablad hhhh
labsa jdid mm ana w dirta bassa7 na39Al machi ana li chria elwalida rabi ya7afda hiya li chratali m ana kont falbit w katba falbab mamno3 7ata tanwi tfot manna hhhhh
7Aflaaaaaaaaaaaaa
khsaaaaara makantch fwa9ti hhhh
na39al dirna 7Afla w fasl 2 w 3radna el2asatida ta3na w waldina w karramnahom wallahi kanat arwa3 7afla dinaha bassa7 la chti7 la walo
aw hadi eljahr balma3siya
allah yahdi elwaldin 9bal bach rabi yahdi hadok lawlidat

 

[لؤلؤة قسنطينة]

رد: بقى 100 يوم على الباك نخرج نديفولي

السلام عليكم
يا اختي راحت الرجلة الا ما رحم ربي واش تستناي من واحد ديوث غير هاد الشي
الاباء نساو بلي اولادهم امانة يتحاسبو عليها
هاد نتاع اللبسة الجديدة خصيصا للباك سمعت بيها مي حفلة واختلاط
تقول قور هاد اللي خرجة جديدة
وللاسف راها زايدة غير تخرب
و لاحياة لمن تنادي , حابة نعرف هاد البنات اللي يروحو يعقبو شغل رايحين لعرس
زعما صح هدفهم الباك منظنش رايحين علاجال عرض ازياء او ااهداف اخرى بفف
والله القلب تعمر واش نحكي وواش نخلي
ربي يهدي الوالدين لانهم هوما الاساس
و ربي يستر
قاش ابو محمود نتاع باب الحارة اربت

شكرا على الموضوع لؤلؤتي
تحياتي ​

وعليكم السلام ورحمة الله وبركاته
أهلا بالجميلة كارلا نورتيني حبيبتي :love01:
ههههههه والله عجبتني تاع أربت، والله قربت صح
والله مالقينا واش نقولو، كما قلتي لا غيرة لا والو
أب يخلي بنتو تخرج باللبسة هاديك وتروح وسط ذكور للمطاعم
وتروح تحوس وتزهى ويقولك او وقتها مازالت صغيرة
ولي قدها ام بلولاد وهو يقولك اي مازالت صغيرة، زعما الصغر بالفضايح والعجب
ربي يهدينا برك ويعافينا
شكرا حبوبتي على مرورك الجميل
تحياتي القلبية لكِ :regards01:
​

 

[فيتامين سي]

رد: بقى 100 يوم على الباك نخرج نديفولي

اهلا حبوبتي هبة :love01:، كي نسمع اسمك نتفكر وحدة تركب معايا في البيس تعيطلي هبة ههههه
راكي تشوفي مادارو والو مساكن لبسو اللبسة مستورة مساكن وشطحو برك شوي
ربي يهدينا برك مسلمين بالفم برك، لا رجولة ولا غيرة ولا حشمة ولا حياء
هههههههههه عجبتني تاع كاليين الحلوف ، ماعلابالهمش مساكن بلي حرام اكل لحم الخنزير
ربي يهديهم برك ويهدينا ويثبت علينا العقل والدين
شكرا حبوبتي على مرورك العطر
تحياتي القلبية لكِ :regards01:
​

هههههه هبة راه اسم بنتي المستقبلية ...حقوق الاسم محفوظة
ايه غير شويا عادي ...يتمشوا بمثل شويا لربي شويالقلبي نضن سامعاته ...هنا يقولوه بزاف
علابالكي ب اف حجات نشروهم فيها مواد مستخرجة من الخنزير و حنا عالبالنا مي نديرو رواحنا اغبياء ..نمدلك ابسط مثال جومبو و اصدقاءه معروف و محدر منه طبيا ..حلوة الجيلاتين ..كاشير فيه حيوانات ميتة حمير حلوف كل عجب بلا ممحكو على الحلويات و الاجبان ....في ميزك الرجولة راحت غير هكدا ...كلش مخطط ...ولا راجل عنده نورمال بنته تخرج بسروال مزير و بودي عادي و تتعرف على فلان و فلتان حنا نقولو يا رب يسترنا و يهدينا باسكو مدام مصراش زلزال عنيف رانا ملاح ...
ا

 

[لؤلؤة قسنطينة]

رد: بقى 100 يوم على الباك نخرج نديفولي

والله عندك حق اختي هي حاجة لبسة جديدة نهار الباك فال مليح( و تكون مح****) مي حاجة اخرى لالا
لعباد كامل راحوا فيها وش راح نقولوا ربي يهدينا و يهدي ما خلق هذا ما كان و ربي ينجح كل واحد ويعطيه ما تمنى سلامي

اهلا بيك اختيا لغالية نورتيني بمرورك :love01:
والله يا أختي كن حتى جات في لبسة معليش وتكوت مرتبة وماش مفضوحة
بصح هاد لعجب والله عيب كبير، شكون الراجل هادا لي يخلي ختو تخرج مع غرباء
بلبسة فاضحة وتروح تشطح وتروح للمطاعم وحدها معاه وفي بالهم راهم متفتحين
يعني والله العبد يبقى بلا راس، وربي يستر من لي جاية
شكرا حبيبتي على مرورك الجميل
تحياتي القلبية لكِ :regards01:
​

 

[Hakan]

رد: بقى 100 يوم على الباك نخرج نديفولي

سبحان الله متصل بعالم النت وزعما نقرا شويا اخبار
مي جامي سمعت لي بلادنا فيها عباد كيما هاذو
ياربي جيب الخير للبلاد نتاعنا راهي خلات نتاع الصح
هذو اللي راهم يفوتو في البكالوريا مالا اللي راهو يناقش في الدكتراه وااش يدير نهار يقرب السوتنوس نتاعو
لاحول ولا قوة الا بالله الله يرفع علينا نورمال جيل ستار اكاديمي
انا الي حبستلي راصي طفلة في فمها زوج سنات ودايرتلي ايفون اس بلاس
وطفل في فمو ظرسة مكسرة من الشيكولا و وفي جيبو كل يوم 2000 دج
هذا كي يكبر ماش غير يلبس الكوستيم ويشطح هذا يدير العجب
مي راني عارف السبب روحي شوفي مداخل اولياء هاذو الناس تعرفي ثم واش تعني انو توكل اولادك الحرام وتاكل من الحرام
حاشاك الراجل يرجع هو والخزنزير كيف كيف وهو والديوث كيف كيف ...​

 

[dalal dodo]

رد: بقى 100 يوم على الباك نخرج نديفولي

كلامك جوهر الله يحفظنا ويبقي علينا الستر