يحبني والا ما يحبنيش

[ليليا مرام]

السلام عليكم
الجماعة الزين مرحبا بيكم قرّبو نحكو شوي
حكينا واعترفنا انو حنا نسا رجعنا ندراقو الراجل ارواحو نشوفو خونا الراجل وفعيلو
واليوم نحكي على حاجة ضرورية عارفة النسا راحين يفرغو قلبهم
خوتاتي فرغو رانا فالهوا سوا
تشفاو زمان واش كنا ندير

يحبني والا ما يحبنيش

نتفنا الورد مسكين كامل ومازال السؤال لليوم يحبني او ما يحبنيش
معروف المرا تحب الراجل الرومانسي اللّي كل وقت يبيّنها قدّاش يحبها
نجو للراجل الجزائري والله الله على شبابنا والرومانسية

أرواحو معايا نديرو جولة فرحلة العلاقة بين الراجل والمرا ونبداوها من التعارف لبعد الزواج

الشاب اول ما يتعرف على فتاة ويا عمري وشعال يكون عاقل سامح في حقو يطلب رضاها ليل ونهار تقولي انت يماه

كانو وقت البراوات

هذا قلب جاي وقلب رايح وفلييييييييشااااااااا جايا من البعيد

واسمها واسمو فالحيط

وبعدو تبدل الزمان وجا وقت البرتابل وبداو حكايات بابانويل بعد 12 دايرين ظل

هذو رومانسات وهذا كلام الشاب الجزائري يولي عبد الحليم حافظ الكلام اللي ما عرفوش في حياتو يعسر روحو ويقولو

المهم الراجل اثناء فترة التعارف يا سلام غول فالدار مع خوتاتو حمل وديع مع رفيقتو او حبيبتو واش من عقل واش من ظرافة ويكرّد ويديها تتغدى ويكرّد فالكوسميتيك ويدي الريحة

ونروحو لفترة الخطوبة هنا شبابنا بداو خلاص يحكمو خطبو وخلاص
ويبدا السي عنتر يخرج ضفارو ما تخرجيش ما تدخليش ما تروحيش شاوريني وخبريني وقوليلي
وتبدا هدرتو غير على واش راح يخسر والعرس وتبدا الرومانسية تنقص او اللي ما عرفش خطيبتو من قبل يجي لمرحلة التعارف فالخطوبة

وجا العرس وتزوجو

اول اسبوعين عسل فعسل اكيد المرا جديدة ما يخرجش ديفواتو قدامها

ويبدا عنتر يبيّن روحو
اللي كان يقولها عمري وحياتي قبل الزواج يرجع يقولها اسمعييييييييييي

واللي كانت تقولو راسي وجعني يقولها فيا وإلا فيك سلامتك عينيا يولي يقولها الدوا قدامك روحي ترقدي واش نديرلك انا

تروح المخلوقة تولي تحاسب فروحها واش درت انا تمكيج وتلبس وتتسقم زمان يا حسراه كانت تلبس الالوان يقولها راكي كي قوس قزح فقلبي

بعد الزواج مهما تلبس والو آنفيزيبل يولي ما يشوفهاش تقولو راني شابة يهز راسو ايه ايه حطيلي نرهج

ويا حسراه لما يجو الذراري وتولد المرا خلاص هنا هذوك الرومانسية انتحرت

اول شي يبداها رفدي وليدك وطيري عليا برا نخبطك انت وهو عالحيط

تجي مسكينة نهار كامل تغسل وتسيق وطيّب باه ترضيه ويا ربي كان عجباتو

يكون برا مع صحابو زهواني ويقسّر ويضحك هو يجي للدار تقول انت غرقولو البوابر عند الباب رافد نيفو للسما حواجبو مسلمين على بعضاهم تخافو المخلوقة من عند الباب

ولما تشوفو كالم وهادي تجرب زهرها مسكينة تقولو يا راجل تحبني...... يشوف فيها ذيك الشوفة نتاع قتلتلو يماه ........نوضي نوضي عليا بقالك حب وانا لوكان ما نحبكش مانيش قاعد قدامك معناها اللي يقعد معاهم فالكار كامل يحبهم

الراجل الجزائري عندو رومانسيىة غريبة بعد الزواج ما فهمناش علاه والرومانسية هذي مع مرتو تموت اما مع نسا اخرين يا حسراه يكون عندو 60 تقعد حية
بعد الزواج المرا تودع حاجة واسمها هدايا وكلام رومانسي وتستنى يديها تاكل برا قليل وقليل بزاف يوزم يديرها تعرف المرا انو داير ديقااااااااااااا


شبابنا الآن تبارك الله قارااااو والمرا تعبّر مي مهما كان الشاب هذاك راح يتزوج والمرا خططت ورسمت وتزوجاتو بعد الزواج راح يشوف العين الحمرا :p:p:p:p:p

واش راكم فالرومانسية عند ليجون نتاعنا
وعلاه فرايكم الراجل بعد الزواج يولي ما يشبهش لروحو قبل الزواج
واش يخلي الحياة صامطة
انا لو منها المرا بعد الزواج تخليه يمشي على نفس العقلية
يعني يحب ياكل معها لازم موعد:d:d:d:d:d
وما تكثرش معاه الهدرة تقولو عيطلي فالتلفون :p:p:p:p:p
وتخلي مسافة هاكا دايما متوحشها منين ذاك تضر ب فيها زعفة وتروح وتخليه يعاني هذا اذا عانى:down::down::down::down::down:

واش رايكم الخط لكم
​

 

[Skor m@k]

رد: يحبني والا ما يحبنيش

السلام عليكم
مليح خرجتي اليوم طاي طاي ني سلام ني كلام
التقطاع والتمنشير فالراجل كي شغل النسا ملائكة
عندهم رومانسية تحط الورد فالماء يذوب
بركاينا من الخرطي تاعكم واقيش شفتو بزاف مسلسلات هذا مهند ولاميس
gوادالوبي مع أليخاندرو بركاونا من الرومنسية
منعرف مور الزواج كيفاه تولي لمرا تسمان وتتنفخ تولي
الباب تاع الدار مدخلهاش خلي الى سكنتها وحدها
قبل الزواج قالك كل صباح بصنعة واش من شعر لصفر وعنين خضورة
آآآبابا مور الزواج تولي تشوفها كوشمار
كيفاه بغيتي الرومنسية تبقى تلقاها نهار كامل مع فتافيت وسميرة
وفي الأخير تحطلق مقارون بيض يرحم والديك قوليلي
تلقاها تموديفيات كامل الكركاسا والفاسادا تاعها
قال ياودي مع الأول أنا عملا هكذا أدي ولا خلي
ماشي مور الزواج تلقى كلش الكونترير هناك تولي أدير الزكارا فيها
خاسر 100 مليون مع الأخير تعرف تقلي غير لفريت
سافيك الى كل يوم والفتها الريسطورا تهردت عليك تولي لفريت تعجز طيبها
بركاونا من الرومنسية تاعكم هاذي ياو رنا في لالجيري
منزيدش نهدر علبالي الى هدرت بزاف تخاف منسكتش ههههههه
شكرا ختي على الموضوع راني نولي الى كاش تدخلات عنيفة في حق الراجل هههههه
سلام​

 

[ليليا مرام]

رد: يحبني والا ما يحبنيش

السلام عليكم
مليح خرجتي اليوم طاي طاي ني سلام ني كلام
التقطاع والتمنشير فالراجل كي شغل النسا ملائكة
عندهم رومانسية تحط الورد فالماء يذوب
بركاينا من الخرطي تاعكم واقيش شفتو بزاف مسلسلات هذا مهند ولاميس
gوادالوبي مع أليخاندرو بركاونا من الرومنسية
منعرف مور الزواج كيفاه تولي لمرا تسمان وتتنفخ تولي
الباب تاع الدار مدخلهاش خلي الى سكنتها وحدها
قبل الزواج قالك كل صباح بصنعة واش من شعر لصفر وعنين خضورة
آآآبابا مور الزواج تولي تشوفها كوشمار
كيفاه بغيتي الرومنسية تبقى تلقاها نهار كامل مع فتافيت وسميرة
وفي الأخير تحطلق مقارون بيض يرحم والديك قوليلي
تلقاها تموديفيات كامل الكركاسا والفاسادا تاعها
قال ياودي مع الأول أنا عملا هكذا أدي ولا خلي
ماشي مور الزواج تلقى كلش الكونترير هناك تولي أدير الزكارا فيها
خاسر 100 مليون مع الأخير تعرف تقلي غير لفريت
سافيك الى كل يوم والفتها الريسطورا تهردت عليك تولي لفريت تعجز طيبها
بركاونا من الرومنسية تاعكم هاذي ياو رنا في لالجيري
منزيدش نهدر علبالي الى هدرت بزاف تخاف منسكتش ههههههه
شكرا ختي على الموضوع راني نولي الى كاش تدخلات عنيفة في حق الراجل هههههه
سلام​

سلام عليكم
اواح نحكو مليح تشوف
قالك المرا تولي الباب وما يدخلهاش من واش فدارهم كانت تخرج تتسوق تجيبها للدار وتلحقلها تاكل تقول بقرة خصها تديها ترعى وخلاص
زيد اماكلة والطياب لالا هذيك لو تتزوج انوشة عندها 15 لازملها قناة سميرة ما تتمسخرش وحدة عندها 30 وما تعرفش الطيب واش دخل الماكلة املا نتا لازملك داورة باع تولي رومانسي:d:d:d
ماجاتش للطياب المرا نهار الاول كامل تعجبكم وعدو تشوفو فيها غلطة فالتلفون كان يكتبها عمري والحنونة ومن بعد ولات غلطة وجوجمة ودار الشرع وما نعرف واش استعرفو
اما تخسر عليها 100 مليون وانت واش داك عند اللي تشرط عليك مليون كل واحد يجيب على قدو وانت وما تخير المرا ممكن تخدع ببالمظهر وماكياج وطياب كيما راك تقول ونتوما الكذب فالكذب والحمد لله فقنالكم المرا اول ما يبدا يحكيلها تقول فقلبها اودي كمل برك المسلسل هذا رانا عارفينو
يا خويا لا غوادالوبي ولا الخاندو من نهار الاول انا نقول اكتبني فالتلفون جوجمة باه دور عليا بعد الزواج نجيب عليك جوجمة:d:d:d

 

[MOHAMED LAMINE7]

رد: يحبني والا ما يحبنيش

كانت الأيام فى قلبى دموع بتجرى وإنت تحلى لك دموعى وهى عمرى
ياما هانت لك وكانت كل مره تمحى كلمه من آمالى فيك وصبرى

------------------------------------------

من اغاني السيدة التي ضيعتنا ايام زمان

 

[MOHAMED LAMINE7]

رد: يحبني والا ما يحبنيش

عمري مازال الباب يدخلها وكي تسمان نديرلها ريدو

 

[ليليا مرام]

رد: يحبني والا ما يحبنيش

كانت الأيام فى قلبى دموع بتجرى وإنت تحلى لك دموعى وهى عمرى
ياما هانت لك وكانت كل مره تمحى كلمه من آمالى فيك وصبرى

------------------------------------------

من اغاني السيدة التي ضيعتنا ايام زمان

عمري مازال الباب يدخلها وكي تسمان نديرلها ريدو

السلام عليكم اخي
هاهي الهدرة الزينة كي تسمان يديرلها ريدوووو:d:d:d:d

 

[MOHAMED LAMINE7]

رد: يحبني والا ما يحبنيش

الواحد واش يطلب في هاد الدنيا غير الستر والحمد لله ساترتنا في الدنيا وربي ان شاء الله يسترها يوم العرض عليه

 

[ليليا مرام]

رد: يحبني والا ما يحبنيش

الواحد واش يطلب في هاد الدنيا غير الستر والحمد لله ساترتنا في الدنيا وربي ان شاء الله يسترها يوم العرض عليه

اكيد ربي يهنيكم يا رب
ولكن اكيد لمرتك عليك حق وليك حق عندها مالازمش الراجل يدير هاكا وبعدو يقولك المرا هملتني لانو حتى هي بشر وتحس
شكرا نورتني

 

[MOHAMED LAMINE7]

رد: يحبني والا ما يحبنيش

عندما يأتي الاولاد كل من الطرفين ينسى حقوقه

 

[ليليا مرام]

رد: يحبني والا ما يحبنيش

عندما يأتي الاولاد كل من الطرفين ينسى حقوقه

ولهذا انا كتيت الموضوع وجود الاطفال يخلق مساحة بعد بين الزوجين وتبدا العلاقة تموت وتتحول بعدو لعشرة وفقط متزوجين لانهم متزوجين لا مالازمش المشاعر بين الزوجين تموت وعلاه نلقاو رجال يحوسو فالشارع على العوض للانو غلطة المرا وين تميل لولادها برك وغلطت الراجل اول ما تولد المرا تبانلو كبرت خلاص الغلطة غلطتهم في زوج

 

[GI Joe]

رد: يحبني والا ما يحبنيش

kont ndirha l na9raw wala mana9rawech hh


وعلاه فرايكم الراجل بعد الزواج يولي ما يشبهش لروحو قبل الزواج
ykoun le but ta3ou ykoun m3aha bark, w ba3d zwaj yjou les responsabilités echri zit l batata .. maya9derch l les robes w l maquillage yzid yelehgou les couches ;;

 

[ليليا مرام]

رد: يحبني والا ما يحبنيش

kont ndirha l na9raw wala mana9rawech hh


وعلاه فرايكم الراجل بعد الزواج يولي ما يشبهش لروحو قبل الزواج
ykoun le but ta3ou ykoun m3aha bark, w ba3d zwaj yjou les responsabilités echri zit l batata .. maya9derch l les robes نظن w l maquillage yzid yelehgou les couches ;;

السلام عليكم اختي
نعم اكيد المسؤولية تدخل فيها ولكن علاه الراجل يبقى يحوس على المرا تهتم به ولما يغلط برا يقولهم هي سمحت فيا البطاطا وليكوش عليه وعليه مش عليها برك معناها المرا يوم تهمل روحها يروح يخدعها وبعدو يقول ليكوش خلاص حاب يبقا وحدو معاها ما يجيبوش اولاد وما ياكلوش الرجال يحبو الاولاد ولما يجيبوهم يلصقوهم فالمرا لازم من الاول يعرفو الزواج مسؤوليتهم الاثنين
شكرا نورتيني

 

[لؤلؤة قسنطينة]

رد: يحبني والا ما يحبنيش

السلام عليكم
مليح خرجتي اليوم طاي طاي ني سلام ني كلام
التقطاع والتمنشير فالراجل كي شغل النسا ملائكة
عندهم رومانسية تحط الورد فالماء يذوب
بركاينا من الخرطي تاعكم واقيش شفتو بزاف مسلسلات هذا مهند ولاميس
gوادالوبي مع أليخاندرو بركاونا من الرومنسية
منعرف مور الزواج كيفاه تولي لمرا تسمان وتتنفخ تولي
الباب تاع الدار مدخلهاش خلي الى سكنتها وحدها
قبل الزواج قالك كل صباح بصنعة واش من شعر لصفر وعنين خضورة
آآآبابا مور الزواج تولي تشوفها كوشمار
كيفاه بغيتي الرومنسية تبقى تلقاها نهار كامل مع فتافيت وسميرة
وفي الأخير تحطلق مقارون بيض يرحم والديك قوليلي
تلقاها تموديفيات كامل الكركاسا والفاسادا تاعها
قال ياودي مع الأول أنا عملا هكذا أدي ولا خلي
ماشي مور الزواج تلقى كلش الكونترير هناك تولي أدير الزكارا فيها
خاسر 100 مليون مع الأخير تعرف تقلي غير لفريت
سافيك الى كل يوم والفتها الريسطورا تهردت عليك تولي لفريت تعجز طيبها
بركاونا من الرومنسية تاعكم هاذي ياو رنا في لالجيري
منزيدش نهدر علبالي الى هدرت بزاف تخاف منسكتش ههههههه
شكرا ختي على الموضوع راني نولي الى كاش تدخلات عنيفة في حق الراجل هههههه
سلام​

ههههههههههههههههههه
نتا قولي برك منين تجيب في الهدرة؟؟ هههههه عاينتك ومانفع والو معاك هههه
ماقدرتش حتى نرد كي شفت الرد تاعك هههههه
قتلتني ضحك مع أنو الهدرة علينا للاسف هههه
اصبر دقائق وتشوف الرد المليح على الرجل هههه
تحياتي
​

 

[MOHAMED LAMINE7]

رد: يحبني والا ما يحبنيش

الاطفال انما يزيدون رباط المودة والحب ورباط الزواج
اذا نظر الرجل خارج بيته هذا راجع للاغراءات الموجودة في الشارع ولا يوجد من هو معصوم او ملاك او مثل سيدنا يوسف
من يضع الله بين عينيه لا يمكن ان يقع في الخطأ او ينظر لغير زوجته ولو كانت بطيخة
اهمال الزوجين لبعض بعد مجيئ الاولاد راجع لانه لا توجد عندنا الثقافة اللازمة لذلك وايضا للضروف الاجتماعية مثل السكن المختلط اي العائلي
وخير الخطائين التوابون

 

[Skor m@k]

رد: يحبني والا ما يحبنيش

ههههههههههههههههههه
نتا قولي برك منين تجيب في الهدرة؟؟ هههههه عاينتك ومانفع والو معاك هههه
ماقدرتش حتى نرد كي شفت الرد تاعك هههههه
قتلتني ضحك مع أنو الهدرة علينا للاسف هههه
اصبر دقائق وتشوف الرد المليح على الرجل هههه
تحياتي
​

السلام عليكم
هاذي الهدرة خرجت من الزعاف تاع الموضوع هههههه:p:p
قالك الرجال تاع الجزائر معندهم رومنسية ههههه
محسوب جايين من أدغال إفريقيا المتوحشة :yahoo01::yahoo01:
​

 

[لؤلؤة قسنطينة]

رد: يحبني والا ما يحبنيش

السلام عليكم أختي وشكرا على الموضوع
ومكرا في وحد الأشخاص قررت اليوم نعلن الحرب على الرجل ههههه
صراحة موضوعك فكرني في موضوع خويا حكيم من قبل بصح نسيت عنوانو ربما لا ماكدبتش
الجزائري والرومانسية والله أعلم، المهم نوليو للموضوع، صراحة ماش رايحة نحكي على الرجل ولا نقول ماش
رومانسي ولا الشاب الجزائري فيه عيب، خاطر هاد الأمور حكينا فيهم بزاااف في اللمة سواءاً
من مواضيع نقاشية ولا مواضيع في هاد القسم، لأنو المرأة متمنية رومانسية من الرجل وهي نفسها ماش فاهمة
معنى الرومانسية، مثلا ماش شرط كادو ولا كلمات شعرية تعبر عن الرومانسية، انا نظن الرجل
مع يدخل لدارو ويروح طول للكوزينة يحوس على مرتو هادي رومانسية، المرأة لما تستقبل زوجها بعد العمل
بابتسامة هادي رومانسية، الرومانسية سهلة وبسيطة وماتتطلبش دراهم كيما يظن الرجل ولا مجهود وشهرة
كيما تتصورها المرأة، يعني الرومانسية بسيطة بمغرفة تاع ماكلة يحطها الرجل في فم مرتو تخلق الرومانسية،
وباه مانطولش بزاف الاسبوع الماضي نظن ولا لي قبلو شفت مشهدين هبلوني ، يعني مشهدين ماتشوفهم لا في
مسلسل ولا في اي شيء، شفت زوجين كبار في السن عمرهم يفوت الستين هكاك، واقفين في محطة الحافلات
لوكان تشوفي كيفاه الزوجة مكروشية زوجها وهو يقعد شوي ويزيد يهزلها يدها كي يشوفها رايحة تطيح من ذراعو
والمشهد الثاني، تاني زوجين يتجاوز سنهم الستين نزلو من السيارة والمرأة بحكم كبيرة في السن ما تولهتش
لحجابها توسخ بالغبرة تاع السيارة، صدقيني حبسها ونزل على ركبتو وقاعد ينفضلها في حجابها ، يعني ماشاء الله
هاهي الرومانسية وهاهو الحب، ماش شرط ورود ولا كادوات، خاطر المرأة محتاجة كادو عاطفي وماش مادي،
ونفس الشي بالنسبة للرجل، لما يوالف على الرومانسية من طرف مرتو يولي هو بعد رومانسي، ساعات نشوفو
شياب كانو قاسيين مع نساهم وكي تموت مرتو ويتزوج بوحدة صغيرة تتدلل عليه يتحول حتى هو ويولي رومانسي
معاها، يعني بالمختصر المفيد الرومانسية هي توافق بين الطرفين وإبداء كل منهما الاهتمام بالآخر باشياء بسيطة
قادرة تكون ابتسامة، نظرة عيون، وغيرها من الامور، والحياة الزوجية ماش كل يوم رومانسية، كاين نهار
الزوج يكون فيه قلقان مايحب حتى واحد يقرب ليه لدرجة ولادو ومايحملش صوتهم، يعني الحياة الزوجية ماش غير
فرحة ورومانسية وسعادة، اصلا اساس الحب هو الخلاف والمشاكل، يعني شوي هك وشوي هك باه تمشي الدنيا
شكرا حبيبتي على الموضوع
تقبلي مروري
​

 

[MOHAMED LAMINE7]

رد: يحبني والا ما يحبنيش

السلام عليكم أختي وشكرا على الموضوع
ومكرا في وحد الأشخاص قررت اليوم نعلن الحرب على الرجل ههههه
صراحة موضوعك فكرني في موضوع خويا حكيم من قبل بصح نسيت عنوانو ربما لا ماكدبتش
الجزائري والرومانسية والله أعلم، المهم نوليو للموضوع، صراحة ماش رايحة نحكي على الرجل ولا نقول ماش
رومانسي ولا الشاب الجزائري فيه عيب، خاطر هاد الأمور حكينا فيهم بزاااف في اللمة سواءاً
من مواضيع نقاشية ولا مواضيع في هاد القسم، لأنو المرأة متمنية رومانسية من الرجل وهي نفسها ماش فاهمة
معنى الرومانسية، مثلا ماش شرط كادو ولا كلمات شعرية تعبر عن الرومانسية، انا نظن الرجل
مع يدخل لدارو ويروح طول للكوزينة يحوس على مرتو هادي رومانسية، المرأة لما تستقبل زوجها بعد العمل
بابتسامة هادي رومانسية، الرومانسية سهلة وبسيطة وماتتطلبش دراهم كيما يظن الرجل ولا مجهود وشهرة
كيما تتصورها المرأة، يعني الرومانسية بسيطة بمغرفة تاع ماكلة يحطها الرجل في فم مرتو تخلق الرومانسية،
وباه مانطولش بزاف الاسبوع الماضي نظن ولا لي قبلو شفت مشهدين هبلوني ، يعني مشهدين ماتشوفهم لا في
مسلسل ولا في اي شيء، شفت زوجين كبار في السن عمرهم يفوت الستين هكاك، واقفين في محطة الحافلات
لوكان تشوفي كيفاه الزوجة مكروشية زوجها وهو يقعد شوي ويزيد يهزلها يدها كي يشوفها رايحة تطيح من ذراعو
والمشهد الثاني، تاني زوجين يتجاوز سنهم الستين نزلو من السيارة والمرأة بحكم كبيرة في السن ما تولهتش
لحجابها توسخ بالغبرة تاع السيارة، صدقيني حبسها ونزل على ركبتو وقاعد ينفضلها في حجابها ، يعني ماشاء الله
هاهي الرومانسية وهاهو الحب، ماش شرط ورود ولا كادوات، خاطر المرأة محتاجة كادو عاطفي وماش مادي،
ونفس الشي بالنسبة للرجل، لما يوالف على الرومانسية من طرف مرتو يولي هو بعد رومانسي، ساعات نشوفو
شياب كانو قاسيين مع نساهم وكي تموت مرتو ويتزوج بوحدة صغيرة تتدلل عليه يتحول حتى هو ويولي رومانسي
معاها، يعني بالمختصر المفيد الرومانسية هي توافق بين الطرفين وإبداء كل منهما الاهتمام بالآخر باشياء بسيطة
قادرة تكون ابتسامة، نظرة عيون، وغيرها من الامور، والحياة الزوجية ماش كل يوم رومانسية، كاين نهار
الزوج يكون فيه قلقان مايحب حتى واحد يقرب ليه لدرجة ولادو ومايحملش صوتهم، يعني الحياة الزوجية ماش غير
فرحة ورومانسية وسعادة، اصلا اساس الحب هو الخلاف والمشاكل، يعني شوي هك وشوي هك باه تمشي الدنيا
شكرا حبيبتي على الموضوع
تقبلي مروري
​

ومازالت أحذِيةُ المُصلّين بالمسجِدِ فجراً
"تَبدُو أجمَل من تِيجانِ المُلوكِ النآئمين"
-------------
وتريدين ان تعلني الحرب عليهم

 

[Hakan]

رد: يحبني والا ما يحبنيش

هههههه يااختي الكريمة المشكلة انو الرمنسية في الحقيقة ماشي هاديك الذي قبل الزواج
الرمنسية الحقيقية هي بعد الزوااج نهار ترجع يوميات سعيد وسعيدة
كل يوم الراجل رافع خشمو والمراة ماش ماديتها طول عليه

ايا بما اني زعما رمنسي كتابة فقط مي في الصح هي في جهة وانا في جهة هههه [ حقيقة مرة بالنسبة للمتابعين نتاع المدونة ]
المهم ياختي الكريمة المشااكل هاذي نتاع الرمنسية اولا ماهيش غير عند الجزائري
وديجا انتوما الله يبارك رمنسية حبست عندكم يخي شايفينكم وعارفينكم
الراجل علاه يكون رمنسي في ميزكم لانو المراة هي اللي تخليه كذالك قبل الزواج يكون في عمرها 18 وبعد الزواج ترجع عجوز كبيرة
وتلعبها غير تفهم وهي كل شيء
يخي النساء ونعرفوهم المراة قبل الزوااج دايما ما تعرف والو والراجل هاذاك ما يحب يحب انو زوجتو تلعبها ما تعرف وهذي ملاحظة
يعني لازم تبين المراة للراجل انو هي ما تعرف والو وهذا من الذكاء العاطفي نتاع المراة لانو قبل الزوااج
هي دايمة تكون محتاجة للراجل وهذا يخلي الرجل يعطي الماكسيموم نتاعو من الرمنسية لانو لقى الوظيفة نتاعو وهي انو يساعد مخلوق ضعيف ويعطي اللي عندو من مشاعر الطيبة
لكن بعد الزواج تتغير المراة الجزائرية من طفلة صغرونة اذا انسانة كبيرة وتخلي الراجل يحس انو ماكانش لانو تبدا في التفلسيف نتاعها
هي اللي تدبر وهي اللي تعرف وهو الغالط وهي الصح هو نية وهي ذكية هي تعرف الناس وهو ما يعرفش الناس
تبدأ توريلو عيوبو مالغري ماهيش عيوب الا انو هي تزرعها فيه ومن هنا يبدأ الراجل يبرد لانو بدل انو يكمل في وظيفة الانسان القوي اللي عندو مسؤولية مخلوق لازم يحميه . يولي يحس انو هو اصلا انسان ضعيف وحنا نعرف بنات دزااير قبل الزواج تكون انسانة بسيطة عفوية في افكارها وكلامها ومن بعد الزواج تدخل في خضم الحياة ومعاركها مع اهل زوجها وهنا تبدأ تقولو فيك وفيك وتعددلو في النقائص نتاوعو وماتت الرومنسية انا عندي الرمنسية عند الرجل كاينة وموجودة ونمثلها كي شغل شمعة تقدر المراة تشعل وتنورلها حياتها وتقدر طفيها وتظلم الحياة نتاعها

اما الرمنسية الحقيقة هي مصطلح تافه نوعا ما كاين حاجة اسمها احترام المراة واحترام الرجل اللي لازم يعرفها اي انسان
بحيث الراجل يقدر وظيفة المراة ويقدسها والمراة كيف كيف تقدس اهمية الرجل
ماشي تحاول انو هي تكون كل شيء في الدار وهي اللي تعرف وهي اللي كل شيء
علاش السوريين عندهم رمنسية مليحة لانو لما يدخل الراجل للبيت تقلو // اهلين بالابضاي بتاعي // اسمحولي خاطيتني السورية
وتخليه يحس انو راجل تنحيلو الفيستا نتاعو وتوفرلو الجو وهو تاني تكبر فيه هرمونات الرجولة ويحس صح صح بلي رااجل كبير
مالغري يخاف من الظلمة مي كي يوالف هاذي المصطلحات تزيد الرجولة نتاعو والمراة بدورها تحس بلي كل يوم تتطور الرجولة نتاع زوجها وتحس انو راجلها كل يوم يعطيلها حاجة جديدة بعكس المراة الجزائرية المحطمة في كل شيء
يدخل الراجل تبدالو اولا هاذيك التشيفة السامطة وتبدا تسقسي وتهبط وطلع وين كنت وين ماكنتش و مسكين هو شاد في القشابية نتاعو ويقول في قلبو بالاك تعاوني نحي قشبيتي مي هي والو همها غير وين كان
ياابنتي راجلك راهو كان يحوس عليك انت باسكو ما هوش يشوف فيك في البيت وانتوما علابالكم الراجل وين يحوس عليكم
راهو يحوس عليكم في بنت اخرى تحمل نفس الصورة نتاعك منين كنت صغيرة
اذن تحبو تشوفو الرمنسية نتاع الراجل مدى الحياة لازم ما تهملوش الشخصيات نتاعكم مننين كنت صغاار سللاام ..


ياخاوتي راني تفلسف بزااف وانا خاطيتني ملياار ههههه ​

 

[لؤلؤة قسنطينة]

رد: يحبني والا ما يحبنيش

هههههه يااختي الكريمة المشكلة انو الرمنسية في الحقيقة ماشي هاديك الذي قبل الزواج
الرمنسية الحقيقية هي بعد الزوااج نهار ترجع يوميات سعيد وسعيدة
كل يوم الراجل رافع خشمو والمراة ماش ماديتها طول عليه

ايا بما اني زعما رمنسي كتابة فقط مي في الصح هي في جهة وانا في جهة هههه [ حقيقة مرة بالنسبة للمتابعين نتاع المدونة ]
المهم ياختي الكريمة المشااكل هاذي نتاع الرمنسية اولا ماهيش غير عند الجزائري
وديجا انتوما الله يبارك رمنسية حبست عندكم يخي شايفينكم وعارفينكم
الراجل علاه يكون رمنسي في ميزكم لانو المراة هي اللي تخليه كذالك قبل الزواج يكون في عمرها 18 وبعد الزواج ترجع عجوز كبيرة
وتلعبها غير تفهم وهي كل شيء
يخي النساء ونعرفوهم المراة قبل الزوااج دايما ما تعرف والو والراجل هاذاك ما يحب يحب انو زوجتو تلعبها ما تعرف وهذي ملاحظة
يعني لازم تبين المراة للراجل انو هي ما تعرف والو وهذا من الذكاء العاطفي نتاع المراة لانو قبل الزوااج
هي دايمة تكون محتاجة للراجل وهذا يخلي الرجل يعطي الماكسيموم نتاعو من الرمنسية لانو لقى الوظيفة نتاعو وهي انو يساعد مخلوق ضعيف ويعطي اللي عندو من مشاعر الطيبة
لكن بعد الزواج تتغير المراة الجزائرية من طفلة صغرونة اذا انسانة كبيرة وتخلي الراجل يحس انو ماكانش لانو تبدا في التفلسيف نتاعها
هي اللي تدبر وهي اللي تعرف وهو الغالط وهي الصح هو نية وهي ذكية هي تعرف الناس وهو ما يعرفش الناس
تبدأ توريلو عيوبو مالغري ماهيش عيوب الا انو هي تزرعها فيه ومن هنا يبدأ الراجل يبرد لانو بدل انو يكمل في وظيفة الانسان القوي اللي عندو مسؤولية مخلوق لازم يحميه . يولي يحس انو هو اصلا انسان ضعيف وحنا نعرف بنات دزااير قبل الزواج تكون انسانة بسيطة عفوية في افكارها وكلامها ومن بعد الزواج تدخل في خضم الحياة ومعاركها مع اهل زوجها وهنا تبدأ تقولو فيك وفيك وتعددلو في النقائص نتاوعو وماتت الرومنسية انا عندي الرمنسية عند الرجل كاينة وموجودة ونمثلها كي شغل شمعة تقدر المراة تشعل وتنورلها حياتها وتقدر طفيها وتظلم الحياة نتاعها

اما الرمنسية الحقيقة هي مصطلح تافه نوعا ما كاين حاجة اسمها احترام المراة واحترام الرجل اللي لازم يعرفها اي انسان
بحيث الراجل يقدر وظيفة المراة ويقدسها والمراة كيف كيف تقدس اهمية الرجل
ماشي تحاول انو هي تكون كل شيء في الدار وهي اللي تعرف وهي اللي كل شيء
علاش السوريين عندهم رمنسية مليحة لانو لما يدخل الراجل للبيت تقلو // اهلين بالابضاي بتاعي // اسمحولي خاطيتني السورية
وتخليه يحس انو راجل تنحيلو الفيستا نتاعو وتوفرلو الجو وهو تاني تكبر فيه هرمونات الرجولة ويحس صح صح بلي رااجل كبير
مالغري يخاف من الظلمة مي كي يوالف هاذي المصطلحات تزيد الرجولة نتاعو والمراة بدورها تحس بلي كل يوم تتطور الرجولة نتاع زوجها وتحس انو راجلها كل يوم يعطيلها حاجة جديدة بعكس المراة الجزائرية المحطمة في كل شيء
يدخل الراجل تبدالو اولا هاذيك التشيفة السامطة وتبدا تسقسي وتهبط وطلع وين كنت وين ماكنتش و مسكين هو شاد في القشابية نتاعو ويقول في قلبو بالاك تعاوني نحي قشبيتي مي هي والو همها غير وين كان
ياابنتي راجلك راهو كان يحوس عليك انت باسكو ما هوش يشوف فيك في البيت وانتوما علابالكم الراجل وين يحوس عليكم
راهو يحوس عليكم في بنت اخرى تحمل نفس الصورة نتاعك منين كنت صغيرة
اذن تحبو تشوفو الرمنسية نتاع الراجل مدى الحياة لازم ما تهملوش الشخصيات نتاعكم مننين كنت صغاار سللاام ..


ياخاوتي راني تفلسف بزااف وانا خاطيتني ملياار ههههه ​

ههههههههههههههه نتوما ناويين تقتلوني اليوم
سورتو تاع القشابية ههههه ربي يهنيك برك
هادا لا مالقاهاش لابسة قشابية وخارجة هههههه
ربي يهدينا برك ويستر على بناتنا ويوفق شبابنا
ليوم البنات يحاوزوني يقولولي جاية مع الشباب :d
تحياتي
​

 

[لؤلؤة قسنطينة]

رد: يحبني والا ما يحبنيش

ومازالت أحذِيةُ المُصلّين بالمسجِدِ فجراً
"تَبدُو أجمَل من تِيجانِ المُلوكِ النآئمين"
-------------
وتريدين ان تعلني الحرب عليهم

عفواً مافهمتش؟؟
في بداية ردي كانت مزحة أني ناوية نعلن الحرب على الرجل
لكن الحقيقة تقال، ومثل هاد الحوارات درناها في قسم النقاش واستفدنا من بعضنا البعض
والحمد لله
​