السلام عليكم
الجماعة الزينة ولمة الأحباب اليوم ارواحو نحكيلكم حكايتي
ما عرفت نضحك او نبكي راح نخليكم تعيشو معايا الوقائع السعيدة وزهري المسوّد
يا جماعة الخير جاني خطاب
...... إييييه خطّاب راح تقولو يا ليليا عادي كيما قاع البنات لالالا استناااااااااو هذا خطاب سيسيال فالموند او بلاك صراتلكم يا البنات
يمى فالخدمة يروح ليها واحد الجون قالها خالتي انا جيت حتى نتفاهمو ونجيب دارنا نخطب بنتك
يمى قاتلو شكون بنتي ما عنديش .... يمى نساتني
نسات العشرة
قاتلو اه بنتي مي بنتي ما تتزوجش ..... يمى خلاص دايرة معايا عقد احتكار
المهم حكى معاها قاتلو والله نحكي مع الطفلة ونرجعلك الخبر وخلالها رقم تلفون واصر انو يدي رقمها حتى اذا هي نساتو يفكرها يا سلاااااااااااااام يعني هذا ميت فدباديبي والآتي اجمل اليوم كامل تغيرو مني عارفة بينوها ما تخبوش فقلبكم
جات امي العزيزة للدار قاتلي كيفاه تبعثيلي راجل للخدمة قتلها شكون هذا كيفاه نبعث راجل منك صح انا قاعدة فالدار شكون هذا اللي بعثتولك قاتلي عريييييييس
وراه مقلق وقال ردولي خبر حتى نجيب دارنا قاتلي الراي رايك كانك قابلة دبري راسك المهم خمي مليح
قتلها شكون هذا وكيفاخ نخمم قتيلو مانيش قابلة خلي يروح ربي يسهل عليه لما يعيطلك قوليلو لالا
المهم بقا يعيط ليمى ولما صمط عليها طلعلي البترول للراس وديت رقم وحكيت معاه وارواحو تشوفو الكلام والمكالمة مش رومانسية تقول عندي معاه الذراري وعشرة سنوات
قتلو الو سلام عليكم قالي الو قتلو انا قالي انت ليليا عارفك
من وين عرفني انا هذا شوّاف واقيل
قالي واش راكي وكنت نستنى نسمع الصوت الحنين
قتلو استنى خويا شوف ربي يجيبيلك من جهة اخرى وانا رافضة الزواج من اصلو مش رافضاتك انت او غيرك ويا ريت ما تظلش تصمط على يمى هي خاطيها انا مولات السوجي وانا رافضة
قالي استنى نقنعك وماراكيش راحا تندمي راح تخسري واحد يحبك ويموت عليك ..... قتلو في قلبي موت وريحني علاه داير السيركولاسيو خلي الناس تفوت
قالي انا نعرف عليك كل صغيرة وكبيرة وين تروحي ومنين تجي وشكون صاحباتك وواش تلبسي وكيفاه تمشي فالزنقة تبعتك شعال من مرة وانت هي شريكة حياتي ...... قتلو شاركك عزرين ان شاء الله انت واقيل مخابرات شكون عطاك الحق تجي ورايا وتبعني وتعرف كل هذا فارغ شغل انت راح تتزوج او تخطف وحدة
ضحك قالي راكي تهبلي تقتلي .......... ويا ربي هذا ماشي راجل هذا افلونزا الخنازير
اعزكم الله
قتلو شوف انا غير قاع النسا راني واعرة ....... قالي انت الموديل اللي نحبو .... وليت انا موديل راح يشري خزانة
قتلو يااااااااااا .... مخلوق الله روح ربي يهديك وما تزيدش تعيط ليمى كوبيت عليه وانا نغلي هذا منين جا طاح من زحل كيفاه انا نعيش مع راجل كيما هذا علقة لصقة باتيكس
شوي وعاود وعاود كرهلي معيشتي رفعت عليه
واش تحتاج انت الزواج بالذراع خلاصو النسا روح اخطيني قالي وعلاه تتقلقي عمري..... وهااااااااااااااا نندب انا عرفني دقيقة وليت عمرو قتلو انقلعت منك ان شاء الله انت ما تحشمش حكيت معاك بالملاحة قتلك ما نتزوجش مش بالذراع قالي مي انا نحبك قتلو ساهلة روح انتحر وهنيني
انا وحدة واعرة راني نضرب والديك قالي عادي لو قلقوك يستاهلو ..... اه يا ربي مفترس هذا مش راجل
قتلو راني ما نحشمش وما نعرفش نهدر ونسب قالي هدي روحك اللي حبيتيها تكون عندك أمري برك
قتلو واشبيك نفهم معليش انت مريض او هارب من سبيطار
قالي لالا انا واحد يحبك ونرضى بشروطك وانا عندي شروط قتلو شوف اسيدي قبلت بيك وعندك شروط
قالي شوفي
انا من دقيقة اللي نخطبك انا اللي نحكم تمشي كيما نقول انا قتلو قول والله يعني نولو زوج توام
وماكانش خوك يحكم او يماك الكلمة كلمتي
وما نحبش تعيطيلي باسمي دليني عمري وحياتي
ونحبك لما نجي نزوركم فالدار تلبسيلي غير الصوالح الشابين
قتلو رحاك كاميو يا وليدي الاهي تكون ماشي فالطريق تنحل ارض وتسرطلك ان شاء الله
روح شوف طبيب يداويك مهبول هنا
ظليت قافلة التلفون على سعدي قريب 4ايام وبعدو لما فتحت نلقى مساجات وكلام حب غرام
اواه هذا آفة وارواحو للفاجعة
وانا نسيق حاشاكم فتحت باب دارنا وانا بحجابي طبعا نسيق قدام عتبة دارنا حتى نشوف جون غريب مش وليد حومتنا جيت داخلة قالي ليليا .... شفت فيه قتلو شكون علاه تعيطلي باسم
والسيد كيما عبد الحليم وشادية جابلي وردة وجا
قالي انا عزيز قتلو شكون عزيز قالي اللي جيت نخبطك قفلت الباب فوجهو ودخلت للدار قالي راسي روحي سخني قدرة ما سخون زلفيه بيها
المهم حط الوردة وراح ويا ربي مهبول هارب من سبيطار او روميو ما ماتش ذاك الوقت او لانو اسمي ليليا عندبالو ليلى حط روحو قيس ما فهمتش منين مصنوع
دايرة الكود يبعثلي فلمساج رجع يجي قادم دارنا ويعسني قلت لامي عيطتلو قاتلو نروح نشكي بيك لو نزيد نلقاك قدام الدار
الاخيرة انا رايحة لموعد طبي نلقاه فحومتنا بالطونوبيل وانا مشية حتى خرج راسو وقالي ليليا اقبلي خلينا نتزوجو قتلو تزوج بك عتروس روح بعدني ما تفهمش والحقيقة الحمد لله انا مشيت ودخلو ولاد حومتنا يعرفو خاطيني الامور هذي
المهم وصلت الامور للشكوى لانو رجع يهددني فالمساجات
بعدما حلفو فيه لانو امي هي قدمت الشكوى وقال خلاص خلاص
بعد مدة غاب وقلت يا ربي يكون تزوج وهناني منو
من يومين يا جماعة الخير رجع روميو يجيب هدايا ويحطهم قدام دارنا يبعثلي اهداءات فحصة تلفيزيونية
هذا مهبول قولولي
بلاكو تقولولي مسكين لالا والله نيتو مش مليحة ومش متربي واضح عليه
حبيت برك نعرف خطاب من هذاالنوع هل يصح الوحدة تتزوج بيهم او قولولي هل الخطيب لما يدير تصرفات قليلة الادب هاكا عندبالو راح يلقى الإعجاب
الخط ليكم نتفكرو قلبي يوجعني
حبيت نعرف الجون هل يقبل بهكا تصرفات لو خطبو اختو انا ما حبيتش نوصلها لخويا الكبير لاني عارفة يقتلو وخليت الامور هادية وقلت مريض ويروح لحالو
الخط ليكم
الجماعة الزينة ولمة الأحباب اليوم ارواحو نحكيلكم حكايتي
ما عرفت نضحك او نبكي راح نخليكم تعيشو معايا الوقائع السعيدة وزهري المسوّد
يا جماعة الخير جاني خطاب
يمى فالخدمة يروح ليها واحد الجون قالها خالتي انا جيت حتى نتفاهمو ونجيب دارنا نخطب بنتك
يمى قاتلو شكون بنتي ما عنديش .... يمى نساتني
قاتلو اه بنتي مي بنتي ما تتزوجش ..... يمى خلاص دايرة معايا عقد احتكار
المهم حكى معاها قاتلو والله نحكي مع الطفلة ونرجعلك الخبر وخلالها رقم تلفون واصر انو يدي رقمها حتى اذا هي نساتو يفكرها يا سلاااااااااااااام يعني هذا ميت فدباديبي والآتي اجمل اليوم كامل تغيرو مني عارفة بينوها ما تخبوش فقلبكم
جات امي العزيزة للدار قاتلي كيفاه تبعثيلي راجل للخدمة قتلها شكون هذا كيفاه نبعث راجل منك صح انا قاعدة فالدار شكون هذا اللي بعثتولك قاتلي عريييييييس
وراه مقلق وقال ردولي خبر حتى نجيب دارنا قاتلي الراي رايك كانك قابلة دبري راسك المهم خمي مليح
قتلها شكون هذا وكيفاخ نخمم قتيلو مانيش قابلة خلي يروح ربي يسهل عليه لما يعيطلك قوليلو لالا
المهم بقا يعيط ليمى ولما صمط عليها طلعلي البترول للراس وديت رقم وحكيت معاه وارواحو تشوفو الكلام والمكالمة مش رومانسية تقول عندي معاه الذراري وعشرة سنوات
قتلو الو سلام عليكم قالي الو قتلو انا قالي انت ليليا عارفك
قالي واش راكي وكنت نستنى نسمع الصوت الحنين
قتلو استنى خويا شوف ربي يجيبيلك من جهة اخرى وانا رافضة الزواج من اصلو مش رافضاتك انت او غيرك ويا ريت ما تظلش تصمط على يمى هي خاطيها انا مولات السوجي وانا رافضة
قالي استنى نقنعك وماراكيش راحا تندمي راح تخسري واحد يحبك ويموت عليك ..... قتلو في قلبي موت وريحني علاه داير السيركولاسيو خلي الناس تفوت
قالي انا نعرف عليك كل صغيرة وكبيرة وين تروحي ومنين تجي وشكون صاحباتك وواش تلبسي وكيفاه تمشي فالزنقة تبعتك شعال من مرة وانت هي شريكة حياتي ...... قتلو شاركك عزرين ان شاء الله انت واقيل مخابرات شكون عطاك الحق تجي ورايا وتبعني وتعرف كل هذا فارغ شغل انت راح تتزوج او تخطف وحدة
ضحك قالي راكي تهبلي تقتلي .......... ويا ربي هذا ماشي راجل هذا افلونزا الخنازير
قتلو شوف انا غير قاع النسا راني واعرة ....... قالي انت الموديل اللي نحبو .... وليت انا موديل راح يشري خزانة
قتلو يااااااااااا .... مخلوق الله روح ربي يهديك وما تزيدش تعيط ليمى كوبيت عليه وانا نغلي هذا منين جا طاح من زحل كيفاه انا نعيش مع راجل كيما هذا علقة لصقة باتيكس
شوي وعاود وعاود كرهلي معيشتي رفعت عليه
واش تحتاج انت الزواج بالذراع خلاصو النسا روح اخطيني قالي وعلاه تتقلقي عمري..... وهااااااااااااااا نندب انا عرفني دقيقة وليت عمرو قتلو انقلعت منك ان شاء الله انت ما تحشمش حكيت معاك بالملاحة قتلك ما نتزوجش مش بالذراع قالي مي انا نحبك قتلو ساهلة روح انتحر وهنيني
انا وحدة واعرة راني نضرب والديك قالي عادي لو قلقوك يستاهلو ..... اه يا ربي مفترس هذا مش راجل
قتلو راني ما نحشمش وما نعرفش نهدر ونسب قالي هدي روحك اللي حبيتيها تكون عندك أمري برك
قتلو واشبيك نفهم معليش انت مريض او هارب من سبيطار
قالي لالا انا واحد يحبك ونرضى بشروطك وانا عندي شروط قتلو شوف اسيدي قبلت بيك وعندك شروط
قالي شوفي
انا من دقيقة اللي نخطبك انا اللي نحكم تمشي كيما نقول انا قتلو قول والله يعني نولو زوج توام
وماكانش خوك يحكم او يماك الكلمة كلمتي
وما نحبش تعيطيلي باسمي دليني عمري وحياتي
ونحبك لما نجي نزوركم فالدار تلبسيلي غير الصوالح الشابين
قتلو رحاك كاميو يا وليدي الاهي تكون ماشي فالطريق تنحل ارض وتسرطلك ان شاء الله
روح شوف طبيب يداويك مهبول هنا
ظليت قافلة التلفون على سعدي قريب 4ايام وبعدو لما فتحت نلقى مساجات وكلام حب غرام
اواه هذا آفة وارواحو للفاجعة
وانا نسيق حاشاكم فتحت باب دارنا وانا بحجابي طبعا نسيق قدام عتبة دارنا حتى نشوف جون غريب مش وليد حومتنا جيت داخلة قالي ليليا .... شفت فيه قتلو شكون علاه تعيطلي باسم
والسيد كيما عبد الحليم وشادية جابلي وردة وجا
قالي انا عزيز قتلو شكون عزيز قالي اللي جيت نخبطك قفلت الباب فوجهو ودخلت للدار قالي راسي روحي سخني قدرة ما سخون زلفيه بيها
المهم حط الوردة وراح ويا ربي مهبول هارب من سبيطار او روميو ما ماتش ذاك الوقت او لانو اسمي ليليا عندبالو ليلى حط روحو قيس ما فهمتش منين مصنوع
دايرة الكود يبعثلي فلمساج رجع يجي قادم دارنا ويعسني قلت لامي عيطتلو قاتلو نروح نشكي بيك لو نزيد نلقاك قدام الدار
الاخيرة انا رايحة لموعد طبي نلقاه فحومتنا بالطونوبيل وانا مشية حتى خرج راسو وقالي ليليا اقبلي خلينا نتزوجو قتلو تزوج بك عتروس روح بعدني ما تفهمش والحقيقة الحمد لله انا مشيت ودخلو ولاد حومتنا يعرفو خاطيني الامور هذي
المهم وصلت الامور للشكوى لانو رجع يهددني فالمساجات
بعدما حلفو فيه لانو امي هي قدمت الشكوى وقال خلاص خلاص
بعد مدة غاب وقلت يا ربي يكون تزوج وهناني منو
من يومين يا جماعة الخير رجع روميو يجيب هدايا ويحطهم قدام دارنا يبعثلي اهداءات فحصة تلفيزيونية
هذا مهبول قولولي
بلاكو تقولولي مسكين لالا والله نيتو مش مليحة ومش متربي واضح عليه
حبيت برك نعرف خطاب من هذاالنوع هل يصح الوحدة تتزوج بيهم او قولولي هل الخطيب لما يدير تصرفات قليلة الادب هاكا عندبالو راح يلقى الإعجاب
الخط ليكم نتفكرو قلبي يوجعني
حبيت نعرف الجون هل يقبل بهكا تصرفات لو خطبو اختو انا ما حبيتش نوصلها لخويا الكبير لاني عارفة يقتلو وخليت الامور هادية وقلت مريض ويروح لحالو
الخط ليكم
