- إنضم
- 7 أفريل 2015
- المشاركات
- 17,421
- الحلول
- 1
- نقاط التفاعل
- 50,899
- النقاط
- 1,886
- محل الإقامة
- الجزائر الحبيبة
- الجنس
- ذكر
مند مدة سمعنا على التقشف
حابكم تفهموني حااجة خاوتي
رايح نحكي على روحي
خاوتي انا نخدم ضمن عقود ما قبل التشغيييل
و عندي مستوى ثانوي معناه نسلك أقل من ثمان مائة ألف في الشهر اي أقل من 8000 دج
عندي في البيت خمس أفراد عايشين بهته الخلصة فقط
معناه ادا قدر ربي ما خلصتش أنا رايح كلش يحبس و يتوقف
عندنا افراد عايلة كيما الناس مرة على مرة يطيح واحد مريض
معناه مصروف زيادة طبيب و دوا .. يرحم باباكم قداش رايح يبقى من الخلصة
لما تجي فاتورة الغاز و الكهربا .. واش يبقى من الخلصة
لما نسحقوا ملابس و أحدية لنفرض جدلا مرة كل ثلاث أشهر ... واش يبقى
سكر غالي و زيت غالي و قهوة غااالية و سميد و فرينة و شوي حمص و عدس و روز
و شوربا و طماطم و بطاطا و بصل و سلاطة
اما الدجاج فهو طاير
و لحم غلمي محرم علينا
اما الملفوف و الدوارة نشموهم عند الجيران فقط
اما البيض حنا قريب نولوا نطيبوا الصفار وحده و البياض لوحده باش يصبحوا وجبتين
الفاكهة حنا و اولادنا ما نعرفوش نسموها بينا و بينها عداوة
العيد الكبير او عيد الأضحى نحن ضده تعرفوا حماية الحيوان حنا تابعيه ليها
اللباس التركي و الايطالي حنا يعمل لينا حساسية ما نحبوش نشرووه
الطبيب الاختصاصي نكرهوا لاشان و ما نصبروش
الثلاجات و البلازمات و الروبويات و الغسالات حنا عندنا التيار المستمر كل هاد الآلات ما يمشوش عليه
علموني كيفاش نعمل تقشف
مثلا نبقاو بلا غاز و كهربا
ام ما نشريش السميد و الفرينة
لا لالا الأفضل نتوقف عن شرب القهوة تعرفوا الكافيين راهي تعمل قولون
الهاتف أنا شخصيا و الله ما عندي تسلفت واحد و رجعته بعد ما جيت من العمرة
هاك احسن تعرفوا فليكسي ما فليكسي
الخياط و الاسكافي يعرفوني بزاف رانا ديزانتييم من كثرت ما نتعامل معاهم
المقاهي ما نرحلهاش تعرفوا فيها التدخين و ايضا فيها فلوس زيادة
الحمد لله نروح للمسجد ما فيش مصروف او خلاص
نحب نخرج في الليل أمام البيت لدقيقة نحكي لاكن اتصال مجاني مع ربي
و نقول أكيد مالك هته النجوم و السماوات ماراحش يضيعني
تنزل دمعة على خدي نمسحها بعجلة و ما نخليش عينيا يحمارو باش عايلتي يبقاو ضانين أني
مازلت واقف و مازلت مثل الجبل و السبع
لأني ادا انهاريت أنا معناه أربعة رايح يموتوا من الخوف
من هته الحياة
لأنهم واقفين مكورجين كي راهم يشوفوا فيا واااقف
بصدر عاري يصد كل الريح
كل ما نطيحوا في أزمة انا نتحملها لوحدي
و ما نتركهمش يفكروا او يخافوا
لكن نحلها و نتحمل أوجاعها و ألمها و احيانا اهانتها
و انا أبتسم
ندخل مبتسم على العايلة و نقول ليهم راااني حاس انه الفرج قريب و الله راني نحس بيه قريب
حديث الناس عن اللباس و الحضارة و آخر طبخة يعملي ضغط
نحس روحي أنا الرجل الأشعث الأغبر لكن يا هل ترى أنا الدي أن اقسمت على الله لأبرني
ما نعرفش نسوق السيارة و الله
لكن نعرف نسوق البسمة للناس و التفاؤل
ما عنديش هاتف و الله لكن نفهم و نحس بالبعيد و القريب
ما عنديش بيت جميل لكن عندي قلب جميل
ما عنديش أكل طيب لكن كريم و مانيش بخيل
نبردوا في الشتا صح باش نحس بخاوتي في سوريا و الفلسطين
ما عندناش كليماتيزار صح باش نتدكر قل نار جهنم اشد حرا ,,,,,
ما ناكلوش فاكهة باش ناكلها مع الصالحين و لهم فيها فاكهة
ما ناكلوش الجاج لاننا نشتهي و لحم طير مما ...
الفلوس و الله ما تبقى لحظة من ابوشطا الى الكريدي
و الكريدي اللي يبقى تاركينوا على ربي
ضحكني واحد و قال الفلوس كثرت و ما عرفناش واش نعمل بيها
ضحك علي لما قلت ليه حرقها لكن سكت لما كملت ليه و قلت ليه قبل ما تحرقك
كلنا جزائريين لكن ليش واحد يخلص ملايين و معاها امتيازات و واحد حاصل مع الأساسيات
لازم يعمل وحدة و يترك أخرى ادا اشترى سميد لازم يترك الفرينة و ادا اشترى سمن لازم يترك الزيت
ليش واحد ماهوش عارف واش يعمل بالملاير و واحد ما هوش عارف كيف يشري شكارة حليب من أجل الكسكس
ليش واحد كل أسبوع بدلة تركية و واحد كل سنة تريكو شيفون
ليش أطفال يدرسوا بالكمبيوتر و آخرين ما عندهمش مامبا ساشي حامل فيه دفاتره
لكن حالنا هو مصدر سعادتنا فلا عندنا حق ناس مغتصبينوا
و لا عندنا مصانع نخمم عليها
و لا عندنا أعداء يكيدولنا
و لا عندنا فلوس نسأل عليها
و الله ما نخاف من الموت أبدا فهي راحة لينا
لكن الأغنياء يخافوا ما الزكام
لكن و الله كل ما نريدوا عزة أنفسنا و شرفنا و ابسط حاجاتنا
فشهريتي كاين لي ما تكفيش عشا ليلة و كاين لي يشريها أكل لكلبته
أما انا فهي أكل و شرب و دوا و غاز و كهربا
800 ألف هل هي خلصة ام اهانة بالله عليكم
خلوني نسكت خير ملي نعكر ليكم أفراحكم
سلااااام
آخر تعديل:
