medcherif03
:: عضو منتسِب ::
- إنضم
- 2 مارس 2016
- المشاركات
- 52
- نقاط التفاعل
- 81
- النقاط
- 3
مهداة الى زوجتي الغالية حفظها الله
عثمانية حبها جار عليا يا سيد
واتقوى سلطان غرامها راه اسباني
اسرسب بجيوشو جاني يرعد
ماعفني يا صاحبي ماراح اخطاني
في لحظة قضى عني واقعد
واتربع على عرش قلبي وغزاني
و املكني بالسيف ما طقت انحيد
اتمكن في داخلي واسكن دخلاني
مقواه!... الا راه مغزي وامقيد
اتكتف باخلاف قدامي و اوراني
يا ولفي غرامك يمتن و ايشد
اتحضن لي قاع المعارق رشاني
حسيتو ع القلب طاح امصرهد
و الجوارح غمها راه اكساني
بغرامك يا لوعتي ما بحت الحد
لا من كلمتوعنو لا من سقساني
محبة عمري جات بحنانة و الود
ما هي لا بالسيف لاحرب الجاني
انا نفرح بشوفة اغزالي نسعد
و نكمد فرحتي من دون اقراني
عشقي ليها خالقي عنو يشهد
مومو عينيا دايرك وسط اجفاني
ما ني صابر كي لخروف المتقيدد
واش يساوي بين المبلي والهاني
عييت اندرق في هواها و انجحد
و نسحذر قداه من مرة بركاني
راني خايف لا اسخناتو تبرد
بعد الولف يحول عني ينساني
سامر قلبي يا لوعتي ديما واقد
واش يطفي نار شوقك تشطاني
ما درتي فيا زينة القامة والقد
ما ضنيت يعود قلبك نصراني
هذا حبي ليك عن طول امعمد
بعد اغرامي واه بهجرو كفاني
كي نتفكر غايتي نديس و نتنهد
يحرقني مشعالها بسيو دخلاني
ويهدفلي خيالها قبل ما نسهد
سمط نومي شاو ليلي سراني
ما نعرفش النوم مرة ما نرقد
ما نسهدش خلاص انوم اجفاني
ما شكيتو عني يجفى و يصد
لون احليبو بدلو ارجع قطراني
يا محبوبي فنيت عنك و امكبد
و اما قلبي؟ من اشاو اخطاني
تعبني وسواس منك فاق الجهد
اهزل منو جسدي كامل رشاني
اقهرني غرامك يا مطبوع القد
و فخ اشباكك لا منو نجاني
حرو يسني لعظايا فاق الحد
وحط قليبي فوق جمرو كواني
ما شفك حالي اغبني ذالمجهد
ما طقتش لقهار جهدو عياني
ما جاني نعار منك و لا مسند
و لا قولتي عيب عني مقساني
وحش غرامك سامرو لبا يهمد
حرألهيبو زاد في غبني عياني
املكتيه و عاد لك خاتم فاليد
و جرعتيه كاس لمرارة بلعاني
املكتيه عاد لك كالعبد اسود
طاع الأمرك طول وأنا يعصاني
شفيتي فيا كل من هوا محسد
ضحكتي عني اصفوف العدياني
نحلف كذا مرة وانزيد انعاود
ما نصبر على فطامها يا خلاني.
:love01:تمت بقلمي medcherif03:love01:
عثمانية حبها جار عليا يا سيد
واتقوى سلطان غرامها راه اسباني
اسرسب بجيوشو جاني يرعد
ماعفني يا صاحبي ماراح اخطاني
في لحظة قضى عني واقعد
واتربع على عرش قلبي وغزاني
و املكني بالسيف ما طقت انحيد
اتمكن في داخلي واسكن دخلاني
مقواه!... الا راه مغزي وامقيد
اتكتف باخلاف قدامي و اوراني
يا ولفي غرامك يمتن و ايشد
اتحضن لي قاع المعارق رشاني
حسيتو ع القلب طاح امصرهد
و الجوارح غمها راه اكساني
بغرامك يا لوعتي ما بحت الحد
لا من كلمتوعنو لا من سقساني
محبة عمري جات بحنانة و الود
ما هي لا بالسيف لاحرب الجاني
انا نفرح بشوفة اغزالي نسعد
و نكمد فرحتي من دون اقراني
عشقي ليها خالقي عنو يشهد
مومو عينيا دايرك وسط اجفاني
ما ني صابر كي لخروف المتقيدد
واش يساوي بين المبلي والهاني
عييت اندرق في هواها و انجحد
و نسحذر قداه من مرة بركاني
راني خايف لا اسخناتو تبرد
بعد الولف يحول عني ينساني
سامر قلبي يا لوعتي ديما واقد
واش يطفي نار شوقك تشطاني
ما درتي فيا زينة القامة والقد
ما ضنيت يعود قلبك نصراني
هذا حبي ليك عن طول امعمد
بعد اغرامي واه بهجرو كفاني
كي نتفكر غايتي نديس و نتنهد
يحرقني مشعالها بسيو دخلاني
ويهدفلي خيالها قبل ما نسهد
سمط نومي شاو ليلي سراني
ما نعرفش النوم مرة ما نرقد
ما نسهدش خلاص انوم اجفاني
ما شكيتو عني يجفى و يصد
لون احليبو بدلو ارجع قطراني
يا محبوبي فنيت عنك و امكبد
و اما قلبي؟ من اشاو اخطاني
تعبني وسواس منك فاق الجهد
اهزل منو جسدي كامل رشاني
اقهرني غرامك يا مطبوع القد
و فخ اشباكك لا منو نجاني
حرو يسني لعظايا فاق الحد
وحط قليبي فوق جمرو كواني
ما شفك حالي اغبني ذالمجهد
ما طقتش لقهار جهدو عياني
ما جاني نعار منك و لا مسند
و لا قولتي عيب عني مقساني
وحش غرامك سامرو لبا يهمد
حرألهيبو زاد في غبني عياني
املكتيه و عاد لك خاتم فاليد
و جرعتيه كاس لمرارة بلعاني
املكتيه عاد لك كالعبد اسود
طاع الأمرك طول وأنا يعصاني
شفيتي فيا كل من هوا محسد
ضحكتي عني اصفوف العدياني
نحلف كذا مرة وانزيد انعاود
ما نصبر على فطامها يا خلاني.
:love01:تمت بقلمي medcherif03:love01:
