نتوما مشحاحين ......ارواحو نحكو

[ليليا مرام]

السلام عليكم يا جماعة ان شاء الله تكونو بخير يا رب
اليوم نحكو على موضوع
الميزانية شكون يصرف اكثر الراجل أو المرا؟
من المعروف الرجال يقولو المرا تصر ف اكثر منو لانو عندها أمور تشريهم كثر منو
ماكياج وحوايج وتحب الغالي وتحب التحواس والخرجات
والمرا تقول الراجل لوما المرا تزيرو ما يخبي ما يدير والو
وكاين اللي دخلو ضعيف ويا ربي وينتا يكمل الشهر
نروحو نشوف المرا ومصاريفها
لو حبينا نحكو على المرا وهي عازبة اكيد هنا راهي عند اهلها اما توالف الدلال اما تخدم على روحها وما تحتاج من حتى واحد
تحب تلبس وتحب الماكياج غير الكوسميتيك نص شهريتها تروح فيه
ولما تتزوج لو ماكانتش خدامة اكيد راح تستنى عنتر ويا ربي يمدلها حق الحمام والا يلعبهالها الشيخ شمس الدين الحمام حرام ديري بسينة فالدار

ولو حبت تروحو للحفافة هات يا غزل
انت شابة ديما عندي ماكان لاه تخسري 50 ميل نتاع الحفافة واشبيه القردون يمى كانت ديرو وبابا مات وخلاها وما طلّقهاش

ولو قاتلو الأعراس أكييييييييد الغناء حرام والرقص تروحي للنار ديري طيور الجنة واقعدي

عارفين يحبو الدين لانو يخدم مصالحهم
اما لو كانت خدامة يا حسراه يزيد يزير عليها اكثر تقولي انت دراهمو
نخبو نديرو لافونير يا سبحان الله 30 سنة وانت عايش مع داركم علاه درت سوفونير برك وعلاه لافونير ديرو معايا

لازن تخبي وتخبي وتخمرهم ويشري طونوبيل ويظل السي خونا حوّاس

نروحو للراجل ومصاريفو
وهو عازب ما عندوش عندو ايفون يدير 7 ملاين
ما عندوش مسكين ويفليكسي 200 الف
ما عندوش ويلبس سروال يدير 500
ويزيد يروح رونديفوات ويا حسراه المشوي والمحمّر
وزعمى جيو معمّر
ومنين هذو يقولك دعاوي الوالدين مي حنا علاه ما مسوناش دعاوي الوالدين على العام وحنا مشومرين

اوراحو لما يتزوج يولي اشح راجل فالكرة الارضية
اعطيني نشري ماكانش
ديني نحوس ..... وين تحوسي وين نديك برا مع صحابي

حبيت ناكل برا ....... علاه يديك مكسرين

نشري حجاب ....... والصداق الللي مديتولك وين درتيه
اعطيني نشر ي كادو لعرس خويا ...... علاه خوك فعرسنا دارنا كادو

هذا كلللللللللللللللو باه ما يصرفش

لو شفنا شكون يصرف اكثر
الراجل او المرا ووعلاه الراجل قبل الزواج الله يبارك كريم
نهذا كادوات هذو ورد وهذا تحواس
هو يتزوج جيبو يديرلو قاراج ومفتاح

النقاش ليكم حبابنا
نحب الصراحة خلونا نتصارحو

​

 

[لؤلؤة قسنطينة]

رد: نتوما مشحاحين ......ارواحو نحكو

السلام عليكم
تم الاعتماد غاليتي
ندير دورة ونرجعلك ان شاء الله
​

 

[ليليا مرام]

رد: نتوما مشحاحين ......ارواحو نحكو

السلام عليكم
تم الاعتماد غاليتي
ندير دورة ونرجعلك ان شاء الله
​

السلام عليكم
اهلا وسهلا اختي
ربي يحفظك نستنى ردك الكريم شكرا

 

[جليلوس]

رد: نتوما مشحاحين ......ارواحو نحكو

بلاصتي بلاصتي محجووووزة .... راجعلك

 

[Amine7N]

رد: نتوما مشحاحين ......ارواحو نحكو

الســلام عليكم
وي كاينة منها الراجل مورا الزواج يولي مزيـر باسكو راهي كاينة مصاريف
تاع عايلة موراه
والمرا تقعد غير تكسرله في راسه بالمصاريف
وتقول لقا كنز علي بابا ولا خـــاتم سليمان !!!
من الصبــاح هي جيب وجيب ومن بعـد تقوله رايحة للكوافيـر
يا غيـــر بالسياس ع الراجل
الراجل يعاون أهله
ويزيد يصرف ع بيته
وش يقده
والشهرية تولي أسبوعية لو كان يدير ع المرا
سلاكها غيــر التزيـــار وياربـي
​

 

[ليليا مرام]

رد: نتوما مشحاحين ......ارواحو نحكو

بلاصتي بلاصتي محجووووزة .... راجعلك

السلام عليكم اخي جليل انتظر ردك الكريم
ارواح فرغ قلبك

 

[جليلوس]

رد: نتوما مشحاحين ......ارواحو نحكو

هاني جيت مرة اخرى ليليااا
كي عشيتي ان شاء الله بخير هههه .... خالتي لاباس ؟؟
الميهوم موضوعك هايل يعطيك الصحة بصح جا وقت التقشف الله غالب
يااااخااااه .... يا شومي علابالك ماخليتي والوا قشرتينا .... دوري دوري وترجعي اللوم غير فينا
راح نحكي بصفة عامة الراجل قبل مايتزوج تبدا تتقلش عليه شريلي ديك وزيدلي ديك تقول راه يدي لونجة بنت السلطان وزيد تهرسو مليح في العرس بلا مهرها وصداق لي دفعولها .... ايه ومن بعد يبدا غير جيب جيب حتى يفرغ الجيب وهاداك ادا جاب الدراري ها الحليب ها القش ها ليكوش ها شريلي منا ها زيد مناا .... وزيد وزيد .... وادا لحق يشوف روحو وياربي ويغسل وجهو راهو مليح
هادي هيا الراجل لازم يعيش حياتو قبل الزواج يشري ويلبس وياكل ويفليكسي ويزوووخ ههههههه ويحوس ويدور من بلاد لبلاد والدنيا هانية ههههه .... علاش ياخي الموت غير وحدة امالا خليه يفحشش عمروو ... مانيش نقول الطفلة عكس ذلك بصح تلمد على روحها باش دير تاويل وتعاون عريس الغفلة ادا كانت خدامة بيانسووور علابالي راكم عايشين مقلشااات كي السلطانااات نشري ديك ... هادي عجبتني وزيد وزيد.... ارواحي نصارحوو بعضانا مليح مليح
قبل الزواج البنت تحب راجل عندوو الدراهم ويكون خدااام للتباهي و ضنا منهااا أن أسباب السعادة هي المال و لكن بعد الزواج تصطدم بالحقيقة ان المال ليس كل شيء صحيح المال مليح و اسهل للمعيشة بصح كاين حوايج بزاف يسبقو المال في الزواج ولا راني غالط
بصح يا حسرااااه طاح علينا التقشف لا حنا لا نتوما .... لا تحواس لا جد موالينا ههههه على قول عمي عتمان عريوات ...
ههههههههه مالقيت مانزيد نقولك ..... ربي يحفظك

دمتِ بخير
جليلوس
​

 

[ليليا مرام]

رد: نتوما مشحاحين ......ارواحو نحكو

الســلام عليكم
وي كاينة منها الراجل مورا الزواج يولي مزيـر باسكو راهي كاينة مصاريف
تاع عايلة موراه
والمرا تقعد غير تكسرله في راسه بالمصاريف
وتقول لقا كنز علي بابا ولا خـــاتم سليمان !!!
من الصبــاح هي جيب وجيب ومن بعـد تقوله رايحة للكوافيـر
يا غيـــر بالسياس ع الراجل
الراجل يعاون أهله
ويزيد يصرف ع بيته
وش يقده
والشهرية تولي أسبوعية لو كان يدير ع المرا
سلاكها غيــر التزيـــار وياربـي
​

اهلا خويا امين
عارفة كاين مصاريف مي وين كانو قبل الزواج وعلاه غير يجيب المرا يولي مشحاح وما عندوش يفلس ديركت مع انو فالاول تقول رجل اعمال اللي تقولها تكون عندها راني معاك المرا لازم تحافظ على جيب راجلها وما تطلبش كماليات هنا نتفق معاك لانو كاين بزاف مسؤوليات مي كاين ثاني رجال مشحاحين عندو ويشح يلم يلم فيهم ويموت ويخليهم والمرا اكيد هي تستفاد حي او ميت
المرا لما تزير يجي يلقى مقارون يقولها كوليها انت او يضرب الطبسي يلاقيه الحيط
ديرلو اللحم ياكل يشبع يمسح فمو يولي يقولها انت يدك مثقوبين
زيد يحوس هو يلبس ويبيش وهي ممنوع
لالا لازم منو ومنها شوي عليها وشوي عليه
نورني ردك

 

[مسك وعنبر]

رد: نتوما مشحاحين ......ارواحو نحكو

السلام عليكم هههههه والله يا أختي مريم غير قصتيها في الصواب :up: مواضيعك ديما هايلين ويحكو على أمور من عمق المجتمع كملي على هاد المنوال أما عن المصروف بين الراجل والمرا أنا نقول على حساب العباد والعقليات كاين اللي ما يعرفش كامل يقتصد تجي الشهرية من يصرفها من وكاين اللي مسماااار :down: واش نقلك لوكان يصيب يجيب الشهر بلحليب والطعام الحاجة لمليحة هي كي الواحد يعمل توازن خاطر أحنا معروف علينا أمة وسطية ما نرخفو بالزاف ومانزيروش حتان خلاص ... والله يجيب الخير سلااااامي:​

regards01:

 

[ليليا مرام]

رد: نتوما مشحاحين ......ارواحو نحكو

هاني جيت مرة اخرى ليليااا
كي عشيتي ان شاء الله بخير هههه .... خالتي لاباس ؟؟
الميهوم موضوعك هايل يعطيك الصحة بصح جا وقت التقشف الله غالب
يااااخااااه .... يا شومي علابالك ماخليتي والوا قشرتينا .... دوري دوري وترجعي اللوم غير فينا
راح نحكي بصفة عامة الراجل قبل مايتزوج تبدا تتقلش عليه شريلي ديك وزيدلي ديك تقول راه يدي لونجة بنت السلطان وزيد تهرسو مليح في العرس بلا مهرها وصداق لي دفعولها .... ايه ومن بعد يبدا غير جيب جيب حتى يفرغ الجيب وهاداك ادا جاب الدراري ها الحليب ها القش ها ليكوش ها شريلي منا ها زيد مناا .... وزيد وزيد .... وادا لحق يشوف روحو وياربي ويغسل وجهو راهو مليح
هادي هيا الراجل لازم يعيش حياتو قبل الزواج يشري ويلبس وياكل ويفليكسي ويزوووخ ههههههه ويحوس ويدور من بلاد لبلاد والدنيا هانية ههههه .... علاش ياخي الموت غير وحدة امالا خليه يفحشش عمروو ... مانيش نقول الطفلة عكس ذلك بصح تلمد على روحها باش دير تاويل وتعاون عريس الغفلة ادا كانت خدامة بيانسووور علابالي راكم عايشين مقلشااات كي السلطانااات نشري ديك ... هادي عجبتني وزيد وزيد.... ارواحي نصارحوو بعضانا مليح مليح
قبل الزواج البنت تحب راجل عندوو الدراهم ويكون خدااام للتباهي و ضنا منهااا أن أسباب السعادة هي المال و لكن بعد الزواج تصطدم بالحقيقة ان المال ليس كل شيء صحيح المال مليح و اسهل للمعيشة بصح كاين حوايج بزاف يسبقو المال في الزواج ولا راني غالط
بصح يا حسرااااه طاح علينا التقشف لا حنا لا نتوما .... لا تحواس لا جد موالينا ههههه على قول عمي عتمان عريوات ...
ههههههههه مالقيت مانزيد نقولك ..... ربي يحفظك

دمتِ بخير
جليلوس
​

جليلوس اهلا وسهلا والله لاباس خويا ويمى بخير تسقسي عليك دايما راك عارف انت وليدها
نجي لردك ويا سي جليل ارواح هنا نقولك حاجة
لالا ماشي المرا تحط روحها بنت السلطان هو زوّاخ حاط روحو السلطان سليمان اه التقوعير داير ظل اهدر برك يروح بالمبيّش ويكري طونوبيلات ويديها تاكل برا يجبد الباكي تقول انت فو بيّي وهو واقيل كامل يتورني:d:d:d:d:d علاه ما يخممش فليكوش من الاول لما يكون غارق فالعسل وجايب خروف ويجزر فيه وها عينيا وها هيدورتي وها ريتي اهدري برك يفلكسيلها وتزيد تبيبيلو
ويشريلها يلحق العيد يروح يجري تقول باباها يكسيها فالعيد علااااااااااااااااااااااه انا نقولك على جال مور العيد يديها تحوس اييييه يا جليل ما نكذبوش يا خويا راه كل شي باين ياخا
الطفلة تلمد باه دير التاويل والسي خونا حواس فالبلدان شوف اسيدي شكون قراهالك هذي شكون جليلوس راح تبور راك عارف
شكون تقبلها هذي انت حوس والمرا ديرلك التاويل ويااااا نانا وياناانا سايسو مولات الخانة خصني بندير نبندر عليها هذي:s:s:s:s:s

اكيد فدار مالينا نتفحشو ونلبسو ناكلو مليح ونروحو لاعراس دراهم الحفافة كاين واللبسة كاينة وعلاه سماوه قفص ذهبي بالعاني قالو ذهبي هو كاجا كاجا جدها واحد لانو عارفين راحي للحبس المؤبد
اخطيكم اخطيكم من هذي نحبو الدراهم ماكانش منها درتوها سبة لانكم فشلتو بالعاني تتمسكنو خلاتني خطيبتي ما قدرتش ما عنديش ايبيزا وما عنديش ليو وما عنديش باه نشريلها الخاتم ياااااااااااو فقنا بيكم دموع التمساح هذي ماكانش منها نعرفوهم متزوجين بزوالية والحمد لله ما تطلب منو ما والو رافدة الميزيرية ومستحملة واول ما ربي يفرج عليه فريييييييييييرة يروح يتزوج عليها يا حوجي يانا تقول نتيري عليكم :p:p:p:p
يكون خطاب يروح يكذب ويبين روحو وزير وبعدو على غفلة يولي شومار يقولها فلست لازم تتحملي اواه خويا ما راكش قادر على ليكوش ما تتزوج ما تجيب ذراري خلينا رانا قاعدين قاع بايرين بيكم بينا شعال مليحة هذي :d:d:d:d:dاهلا وسهلا جليلووووووووسي

 

[ليليا مرام]

رد: نتوما مشحاحين ......ارواحو نحكو

السلام عليكم هههههه والله يا أختي مريم غير قصتيها في الصواب :up: مواضيعك ديما هايلين ويحكو على أمور من عمق المجتمع كملي على هاد المنوال أما عن المصروف بين الراجل والمرا أنا نقول على حساب العباد والعقليات كاين اللي ما يعرفش كامل يقتصد تجي الشهرية من يصرفها من وكاين اللي مسماااار :down: واش نقلك لوكان يصيب يجيب الشهر بلحليب والطعام الحاجة لمليحة هي كي الواحد يعمل توازن خاطر أحنا معروف علينا أمة وسطية ما نرخفو بالزاف ومانزيروش حتان خلاص ... والله يجيب الخير سلااااامي:​

regards01:

اسلام عليكم اختي مسك
الله يخلي ايامك كلها مسك وعنبر
شكرا على رايك هذا محفز لي
هذي نقطة مهمة كاين راجل من الاول يبان مشحاح والله هذاك ما عليه لوم لانو خلقتو هاكا دايرة ما يجي يغسل وجهو حتى يحس شعال يخسر ما الله غالب طبعو هاكا وكاين راجل الله غالب ظروف الحياة تلزم عليه يزير لانو ممكن حدو قدو والشهرية ما تكفيش هنا المرا مجبورة تشد يدها حتى تتماشى مع قدرات راجلها مي انا يقلقوني هذوك اللي هو يرمي اللوم على المرا ويحساب الشهرية جوهر تزيد فالشهر وحدها ويزيد يحاسبها يحب ياكل مليح ويلبس مليح وولادو عايشين مليح ولازم المرا دبر راسها منين مرا ماراهيش راقدة على كنز خاصة اللي قاعدة فالدار علو خدامة نقولو تعاونو مي القاعدة فالدار وكيفاه والله حتى الخدامات ومرات ما يلحقوش
لازم تعاون منهم مش هو خاليها وهي مسكينة تروح تسرق
ربي يحفظك نورني ردك

 

[جليلوس]

رد: نتوما مشحاحين ......ارواحو نحكو

جليلوس اهلا وسهلا والله لاباس خويا ويمى بخير تسقسي عليك دايما راك عارف انت وليدها
نجي لردك ويا سي جليل ارواح هنا نقولك حاجة
لالا ماشي المرا تحط روحها بنت السلطان هو زواخ حاط روحو السلطان سليمان اه التقوعير داير ظل اهدر برك يروح بالمبيش ويكري طونوبيلات ويديها تاكل برا يجبد زيد الباكي تقول انت فو بيي وهو واقيل كامل يتورني:d:d:d:d:d علاه ما يخممش فليكوش من الاول لما يكون غارق فالعسل وجايب خروف ويجزر فيه وها عينيا وها هيدورتي وهي ريتي اهدري برك يفلكسيلها وتزيد تبيبيلو
ويشريلها يلحق العيد يروح يجري تقول باباها يكسيها فالعيد علااااااااااااااااااااااه انا نقولك على جالي مور العيد يديها تحوس اييييه يا جليل ما نكذبوش يا خويا راه كل شي باين ياخا
الطفلة تلمد باه دير التاويل والسي خونا حواس فالبلدان شوف اسيدي شكون قراهالك هذي شكون جليلوس راح تبور راك عارف
شكون تقبلها هذي انت حوس والمرا ديرلك التاويل ويااااا نانا وياناانا سايسو مولات الخانة خصني بندير نبندر عليها هذي:s:s:s:s:s

اكيد فدار مالينا نتفحشو ونلبسو ناكلو مليح ونروحو لاعراس دراهم الحفافة كاين واللبسة كاينة وعلاه سماوه قفص ذهبي بالعاني قالو ذهبي هو كاجا كاجا جدها واحد لانو عارفين راحي للحبس المؤبد
اخطيكم اخطيكم من هذي نحبو الدراهم ماكانش منها درتوها سبة لانكم فشلتو بالعاني تتمسكنو خلاتني خطيبتي ما قدرتش ما عنديش ايبيزا وما عنديش ليو وما عنديش باه نشريلها الخاتم ياااااااااااو فقنا بيكم دموع التمساح هذي ماكانش منها نعرفوهم متزوجين بزوالية والحمد لله ما تطلب منو ما والو رافدة الميزيرية ومستحملة واول ما ربي يفرج عليه فريييييييييييرة يروح يتزوج عليها يا حوجي يانا تقول نتيري عليكم :p:p:p:p
يكون خطاب يروح يكذب ويبين روحو وزير وبعدو على غفلة يولي شومار يقولها فلست لازم تتحملي اواه خويا ما راكش قادر على ليكوش ما تتزوج ما تجيب ذراري خلينا رانا قاعدين قاع بايرين بيكم بينا شعال مليحة هذي :d:d:d:d:dاهلا وسهلا جليلووووووووسي

ههههه زعما شفقت عليكم جيتي شحطتيني
ارواحي هنااا مالا نقولك .... ماناش مصباح علاء الدين كلش يلبيهولكم الراجل تاع شبيك لبيك يديرها غير لي خارج الطريق الا من رحم ربي
لحمد لله احنا زوالية ونعيشو زوالية وندو بإذن الله غير الزوالية لي نستاهلوها
ههههههههه لي باغية تتفحشش في دارهم باغية تاكل في دارهم باغية تحفف يديرولها تحفيفية تاع 30 سنة ههههههههه
ماشي لي بغاتها تحل فمها فيها يصرف عليها وعلى ولادها وتزيد تتقلش مالفوق .... ها دارنا ها عماتي ها خالاتي .... دراهم التبوريك والحمامات والزغاريت والنديب والعزا ..... حمبووووك قوليلي هادا ماشي تبذير ..... عندو مسؤولية عائلة ادا كان بوه ويماه في رقبتو وغير هو لي يخدم عليه احسني العون ماشي كامل كيف كيف .... راني فاهمك مليح واش تقصدي ....
ايه الراجل من حقو يحوس .... لا خير في رجل لا يجول ومن حقو ياكل ويلبس ويمشي معا متطلبات هاد الزمان في حدود المعقول طبعااا ..... ومن حقها تاني هياااا دير كلش . وتلمد على روحها قتلك زعما تتفاهم معاه دير نص بالنص ..... نتي دورتيهالي غربة .... بالعقل مانيش متزوج راكي دوختيني ... يا زوجتي المستقبلية يا المصيبة اقعدي في داركم بطلت مانتزوجش ....
ليليااا راكي مفوكرة من جيهتنا خلاص ماراحش نزيد ناقشك .... تبانيلي داعشية في ردك :p:p نزيد شوي تخرجيلي البوشية آآآ خلادااار بوياااا شاهادااا :yahoo01::yahoo01:
قالك الزهواينة خاصها وحدة تضرب البندير ندبرلك بوست عندهااا :d:d راكي جايبتها سوا سوا
ياخي مهبولة ياخي قتلتيني بالضحك علابالك ..... طاحتلي الدمعة من الضحك :yahoo01::yahoo01:....
خلينا بايرين هاكا رانا ملاح ماخصنا والوووو لا صداع الراس لا مشاكل لا يديك لا يردك

 

[ليليا مرام]

رد: نتوما مشحاحين ......ارواحو نحكو

ههههه زعما شفقت عليكم جيتي شحطتيني
ارواحي هنااا مالا نقولك .... ماناش مصباح علاء الدين كلش يلبيهولكم الراجل تاع شبيك لبيك يديرها غير لي خارج الطريق الا من رحم ربي
لحمد لله احنا زوالية ونعيشو زوالية وندو بإذن الله غير الزوالية لي نستاهلوها
ههههههههه لي باغية تتفحشش في دارهم باغية تاكل في دارهم باغية تحفف يديرولها تحفيفية تاع 30 سنة ههههههههه
ماشي لي بغاتها تحل فمها فيها يصرف عليها وعلى ولادها وتزيد تتقلش مالفوق .... ها دارنا ها عماتي ها خالاتي .... دراهم التبوريك والحمامات والزغاريت والنديب والعزا ..... حمبووووك قوليلي هادا ماشي تبذير ..... عندو مسؤولية عائلة ادا كان بوه ويماه في رقبتو وغير هو لي يخدم عليه احسني العون ماشي كامل كيف كيف .... راني فاهمك مليح واش تقصدي ....
ايه الراجل من حقو يحوس .... لا خير في رجل لا يجول ومن حقو ياكل ويلبس ويمشي معا متطلبات هاد الزمان في حدود المعقول طبعااا ..... ومن حقها تاني هياااا دير كلش . وتلمد على روحها قتلك زعما تتفاهم معاه دير نص بالنص ..... نتي دورتيهالي غربة .... بالعقل مانيش متزوج راكي دوختيني ... يا زوجتي المستقبلية يا المصيبة اقعدي في داركم بطلت مانتزوجش ....
ليليااا راكي مفوكرة من جيهتنا خلاص ماراحش نزيد ناقشك .... تبانيلي داعشية في ردك :p:p نزيد شوي تخرجيلي البوشية آآآ خلادااار بوياااا شاهادااا :yahoo01::yahoo01:
قالك الزهواينة خاصها وحدة تضرب البندير ندبرلك بوست عندهااا :d:d راكي جايبتها سوا سوا
ياخي مهبولة ياخي قتلتيني بالضحك علابالك ..... طاحتلي الدمعة من الضحك :yahoo01::yahoo01:....
خلينا بايرين هاكا رانا ملاح ماخصنا والوووو لا صداع الراس لا مشاكل لا يديك لا يردك

السلام عليكم جليلووووووووس
ان شاء الله تدو زوالية وحنا ندو مرفهين قول امين :d:d:d
شوف اسيدي باغية تتفحشش تروح لدارهم وتاكل فدارهم وتلبس فدارهم وانت واش دير اليوغا هذا زواج او كراوهالك هههههههههههههههه وهانندب نداء عاجل بلاكو وحدة تتزوج باي راجل وسمو عبد الجليل وياخا ويانا يانا يرجعها لدارهم باه تاكل وتتفحشش وهو يربي الخدود كيما نتاع خونا حكيم:d:d:d:d
يصرف عليها وعلى ولادها جديدة هذي واقيل جابتهملو معاها مش ولادو ايوا لحقنا للمسقي واقيل قاتهم فالأمو لم خمسة ازيس تربح طفل اواه قتلك انت هبلت خلاص بالسيف عليه يرف على ولادو وعليها راهم تحت مسؤوليتو نقولو يتعاونو مش يرخيها قاع اما باباه ويماه القدرة طيب على الجميع ماراحش هي ترحمهم وليدهم يجيب راح تراعي لكن مش يحقرها ويقولها اهلي وهي علاه ما تقولوش اهلي لالا ما يرميهمش هذي ربي ما يحبهاش بالسيف عليها مي مش يحقرها لالا
زوجتك المستقبلية بعثتلي مساج قاتلي قوليلي لجليل راني درتلك الخلع قبل ما تخطبني:d:d:d:d:d
لا داعشية لا والو انا بوكو حرام :d:d:d:d:d
لالا ارواح هنا نقولك انا الحق ولو على روحي لا مفوكرة منكم ولا شي احوجي الراجل بيا انا يكمل نص دينو مع انو النص لاخر مازال كريدي:p:p:p:p
نورتني جليلوس
وي برنا وعلينا السلام راحين نخدمو كارت مش كارت شفا كارت سليبايرين :yahoo01::yahoo01::yahoo01::yahoo01:

 

[جليلوس]

رد: نتوما مشحاحين ......ارواحو نحكو

السلام عليكم جليلووووووووس
ان شاء الله تدو زوالية وحنا ندو مرفهين قول امين :d:d:d

لالا تدوه زوالي ولا مكاش .... مرفه وزيدي شروطكم
هرسوووه المخلوووق يولي يمشي حافي المخلووووق :d:d

شوف اسيدي باغية تتفحشش تروح لدارهم وتاكل فدارهم وتلبس فدارهم وانت واش دير اليوغا هذا زواج او كراوهالك

لا ها بزااااف تقلاش حتى تكره حيااااتك :s:s

هههههههههههههههه وهانندب نداء عاجل بلاكو وحدة تتزوج باي راجل وسمو عبد الجليل وياخا ويانا يانا يرجعها لدارهم باه تاكل وتتفحشش وهو يربي الخدود كيما نتاع خونا حكيم:d:d:d:d

ياو هنيتيني ..... نزيد نعاونك نديرو اعلان في النهار لكي .... ميساج واحنا درنا لافار
نديرو صحة على صحة احم احم .... خموس وجبريل عليناااا يا المهبولة :d:d

يصرف عليها وعلى ولادها جديدة هذي واقيل جابتهملو معاها مش ولادو ايوا لحقنا للمسقي واقيل قاتهم فالأمو لم خمسة ازيس تربح طفل اواه قتلك انت هبلت خلاص بالسيف عليه يرف على ولادو وعليها راهم تحت مسؤوليتو

خخخخخخخ لالا في شكارة تاع خروب :p:p ولا حك تربح :yahoo01::yahoo01:

نقولو يتعاونو مش يرخيها قاع

هادي راني معاااك فيها يا يتعاونوا وتحسن عونوا يا تقعد في دارهم احسن

اما باباه ويماه القدرة طيب على الجميع ماراحش هي تحرمهم وليدهم يجيب راح تراعي لكن مش يحقرها ويقولها اهلي وهي علاه ما تقولوش اهلي لالا ما يرميهمش هذي ربي ما يحبهاش بالسيف عليها مي مش يحقرها لالا

وي هنا راكي تخممي كيفي نستعرف بيييك هادي مايبغيها لا ربي لا النبي عليه الصلاة والسلام

زوجتك المستقبلية بعثتلي مساج قاتلي قوليلي لجليل راني درتلك الخلع قبل ما تخطبني:d:d:d:d:d

قوليلها راكي مطلقة من دروك ..... حمبوووك جاه ربي قوليلها

لا داعشية لا والو انا بوكو حرام :d:d:d:d:d
لالا ارواح هنا نقولك انا الحق ولو على روحي لا مفوكرة منكم ولا شي احوجي الراجل بيا انا يكمل نص دينو مع انو النص لاخر مازال كريدي:p:p:p:p

مركي الكريدي في الحيط

نورتني جليلوس
وي برنا وعلينا السلام راحين نخدمو كارت مش كارت شفا كارت سليبايرين :yahoo01::yahoo01::yahoo01::yahoo01:

ملاحظة برك .... هادي الكارطة تاع السيليبايرين منين يخرجوهااا منين
غير قوليلي منين :d:d

شكرا ليك هههههه ليلوش

 

[ليليا مرام]

رد: نتوما مشحاحين ......ارواحو نحكو

ملاحظة برك .... هادي الكارطة تاع السيليبايرين منين يخرجوهااا منين
غير قوليلي منين :d:d

شكرا ليك هههههه ليلوش

الخلاصة السي جليلوس
شدو جيبكم نشدوه رخيتوه نثقبوه وقد اعذر من انذر
الكارطة روح للبلدية تدي 4 شهود باللي جامي تخطبت او خطبوك
ويسقسو على السوكسي نتاعك فالشارع
واذا مطلق وباير معناها طلقت قبل ما تخطب
وزيد تدي ولي امرك يسينيي ماكانش منها تروح وحدك وليزانليز نتاع الهبال
الحاجة الهايلة تديها في نهارها هههههههه
موفق

 

[MOHAMED LAMINE7]

رد: نتوما مشحاحين ......ارواحو نحكو

في العطلة جايا عنها 4 عراس. سمانة هذي خيطت قفطان ومازال . الحفافات وباروك لعراس

 

[لؤلؤة قسنطينة]

رد: نتوما مشحاحين ......ارواحو نحكو

السلام عليكم
راني رجعت للموضوع كيما وعدتك حبيبتي
أولا بارك الله فيك على الموضوع، صراحة وليت كل يوم نجي نطل اذا كاش موضوع جديد ههه
اما بالعودة لموضوعك صراحة نوافق نص آراء الاعضاء لي قبلي
صراحة الفرق ليس في الرجل قبل وبعد الزواج المشكل في المصاريف لي تزيد
لما يكون شاب عازب يتعشا في دارو من مصروف باباه ويرقد في دار باباه يسمى اي
مدخول يصرفو على نفسو، على عكس لما يتزوج، يولي الأكل من مصروفو والكراء تاع الدار من مصروفو
وبلا المرأة لي جابها لازملها لباس وأدوية في حالة كانت مريضة، وإذا جاو الاولاد تبدا مسؤولية
جديدة، ودرك باه تشري شوي خضرة وقرعة زيت تلقاي 300 ألف طارت، ربما يبان الرجل بخيل
لكن راهو يفكر كيفاه يصرف هادوك الفرنكات على عائلة كاملة ويوفر جو مناسب، وتاني النساء نغلطهم ساعات
عندها 88 إبن عم و99 إبن خال، وكل شهر يتزوج واحد ههه وتروحلهم كامل ولازم في كل عرس مشطة
جديدة ولبسة جديدة، بالاك تبان حاجة عادية بصح اي مشطة تاع شعر ولات تتجاوز 300 ألف أما لباس الأعراس
مانهدروش باه مانهبطوش المورال للشباب لي رايحين يتزوجو ههههههه
يعني لازم يكون وعي من المرأة، اصلا راجلك رفعلك راسك قدام والديك ودارلك عرس مليح وفرحك وشهر عسل وكلشي
من بعد لازم تصرف عقلاني ولا الانسان يضيع، وفقط في الاخير كملاحظة نتمنى أنو الرجال يشاركو نساهم
بتحمل عبء المصروف، مثلا خليها تشاركك في هاد المسؤولية ولو نفسيا برك، مثلا قولها هاو قداه قعدلي مصروف
مثلا لازم هاد النقود نكملو بيهم الشهر قبل ماتلحق لاباي، قولها راني معتمد عليك باه تمشي الشهر برزانتك
ومانحصلوش من بعد، خليها تعيش المسؤولية باه هي نفسها تولي تشفق على النقود هادوك قبل ماتخرجهم
ولما تلقى حالتك ميسورة في بعض الاوقات اكرمها بهدية ولو مرة في الفال، باه تبينلها بلي راك تتفكرها لما تكون في وضع مليح
ولما تكون مخنوق الله غالب، بالإضافة تاني لازم الشاب قبل الزواج يبدا يحس شوي بالمسؤولية
يعني يتعلم كيفاه يخبي دراهمو لأمور اساسية ، ماش شرط يضيع روحو ولا مايتمتعش بدراهمو
بصح التبذير او يروح في الانسان من الصغر، ومن بعد لما يتزوج يولي مايعرفش يتصرف في دراهمو
وربي يهني كل واحد ان شاء الله ويوفق الجميع للخير
شكرا اختي على الموضوع
تحياتي لكِ
​

 

[اكارينا]

رد: نتوما مشحاحين ......ارواحو نحكو

والله كل لي قلتيه صح وهادئ هي طبيعة الراجل

 

[ليليا مرام]

رد: نتوما مشحاحين ......ارواحو نحكو

في العطلة جايا عنها 4 عراس. سمانة هذي خيطت قفطان ومازال . الحفافات وباروك لعراس

السلام عليكم
اييه خويا محمد الله يحسن عونك :d:d:d لازم العرس تنحي على روحها لو ما خليتهاش راك عارف البروسي واش دير لو اعراس العايلة لازم تروح مبروك على المعاريس وربي يعوض عليك

 

[ليليا مرام]

رد: نتوما مشحاحين ......ارواحو نحكو

السلام عليكم
راني رجعت للموضوع كيما وعدتك حبيبتي
أولا بارك الله فيك على الموضوع، صراحة وليت كل يوم نجي نطل اذا كاش موضوع جديد ههه
السلام عليكم اختي اهلا وسهلا نورني ردك
الله يخليك هذا تشجيع ليا شكرا
اما بالعودة لموضوعك صراحة نوافق نص آراء الاعضاء لي قبلي
صراحة الفرق ليس في الرجل قبل وبعد الزواج المشكل في المصاريف لي تزيد
لما يكون شاب عازب يتعشا في دارو من مصروف باباه ويرقد في دار باباه يسمى اي
مدخول يصرفو على نفسو، على عكس لما يتزوج، يولي الأكل من مصروفو والكراء تاع الدار من مصروفو
وبلا المرأة لي جابها لازملها لباس وأدوية في حالة كانت مريضة، وإذا جاو الاولاد تبدا مسؤولية
جديدة، ودرك باه تشري شوي خضرة وقرعة زيت تلقاي 300 ألف طارت، ربما يبان الرجل بخيل
لكن راهو يفكر كيفاه يصرف هادوك الفرنكات على عائلة كاملة ويوفر جو مناسب، وتاني النساء نغلطهم ساعات
عندها 88 إبن عم و99 إبن خال، وكل شهر يتزوج واحد ههه وتروحلهم كامل ولازم في كل عرس مشطة
جديدة ولبسة جديدة، بالاك تبان حاجة عادية بصح اي مشطة تاع شعر ولات تتجاوز 300 ألف أما لباس الأعراس
مانهدروش باه مانهبطوش المورال للشباب لي رايحين يتزوجو ههههههه
كل اللي قلتيه صح ومش مغلطاتك فيه انا ما نلومش الراجل وبرك قتل حتى المرا لازم تتعاون وتوفر لكن كاين رجال مشحاحين المسؤولية هذي مسؤوليتهم للزوج مش هي برك كاين حارمها من كل شي لا اعراس ولا خرجة ولا دخلة وماكلة الكرش ويحاسب عليها ونزيدك اللي يحاسبو يا ريتهم زوالية تلقاي هذاك اللي بخيرو ويحاسبها على الفرنك وين راح
المرا صح عندها بزاف امور واعراس ومناسبات وهنا تقدر توفر وما تروحش لكن راكي عارفة صلة الرحم وضروري تروح
ومش لازملها مشطة علاه هي العروسة سيشوار وخداع المسملين طلسو على وجها وتروح قادرة تقتصد ولكن الراجل يراعي ايضا انو المرا مش مشينة نتاع دراهم او دراهمو جوهر تخبيهم فالقطن يزيدو راكي قلتيها قرعة زيت وكيلو بطاطا تموت 20 الف خلي القاطو وخلي وخلي المشكل يحب ياكل مليح ومنين هذو وقت بومدين ربي يرحمو راح وقت ش الفرانك تحيب خبز وحليب ويرجعلك الصرف
يعني لازم يكون وعي من المرأة، اصلا راجلك رفعلك راسك قدام والديك ودارلك عرس مليح وفرحك وشهر عسل وكلشي
من بعد لازم تصرف عقلاني ولا الانسان يضيع، وفقط في الاخير كملاحظة نتمنى أنو الرجال يشاركو نساهم
بتحمل عبء المصروف، مثلا خليها تشاركك في هاد المسؤولية ولو نفسيا برك، مثلا قولها هاو قداه قعدلي مصروف
مثلا لازم هاد النقود نكملو بيهم الشهر قبل ماتلحق لاباي، قولها راني معتمد عليك باه تمشي الشهر برزانتك
ومانحصلوش من بعد، خليها تعيش المسؤولية باه هي نفسها تولي تشفق على النقود هادوك قبل ماتخرجهم
ولما تلقى حالتك ميسورة في بعض الاوقات اكرمها بهدية ولو مرة في الفال، باه تبينلها بلي راك تتفكرها لما تكون في وضع مليح
ولما تكون مخنوق الله غالب، بالإضافة تاني لازم الشاب قبل الزواج يبدا يحس شوي بالمسؤولية
يعني يتعلم كيفاه يخبي دراهمو لأمور اساسية ، ماش شرط يضيع روحو ولا مايتمتعش بدراهمو
بصح التبذير او يروح في الانسان من الصغر، ومن بعد لما يتزوج يولي مايعرفش يتصرف في دراهمو
وربي يهني كل واحد ان شاء الله ويوفق الجميع للخير
شكرا اختي على الموضوع
تحياتي لكِ
​

راكي مديتي الحل ربي يخليك هذا هو لازم نقاش قال هاهم دراهم الشهر ولازم تزيري ولازم نعيشو مش اعر من الناس ولا خير منهم كل واحد وقدراتو يحطو الكماليات على جنب ووقت الواحد عندو معليش مرة على مرة عندو ياكل برا يبدل جو او مرا على مرا يتكساو بالدالة مرة هي ومرة هو مش كل شهر
المرا تشد يدها وتراعي راجلها والراجل ثاني ما يكون مسمار ما يكون طالقها على روحو ومجيفها هي ويحبها تجيب من تحت الارض
شكرا نورني ردك