حبيت نحكي معاكم شوية على وحد الظاهرة اكتشفتها غير كيما وراهي خلاتني مستغربة صراحة وهي مودة الشعر لمكشرد :s
كي العادة رحت نقرا وفي طريقي تلاقيت بوحدة عندي مدة ماشفتهاش بدينا نقسرو شوية ...والحاجة اللي جاتني غريبة هي شعرها كامل طاير في السما بوحد الطريقة غريبة قلتلها واش بيك يا فلانة ؟ واقيلا راح
عليك الحال اليوم وما لحقتيش تمشطي شعرك الطفلة طاحت عليا بالضحك وقاتلي آآآ وعلاش مازال ماتحلبتيش ؟ راكي روطار حبيبتي :d هادي لامودة لجديدة قد ما تكشردي شعرك قد ما تباني حطة ..أيا التم يا
أهل اللمة راسي دار erreur 404 :-o واشنو هاد لعجب اللي وصلنا ليه ؟؟؟ ولا تكشريد الشعر مووودة رانا غير نتبعو برك شكون اللي راه يقلد في الغرب في العلم والمعرفة ؟ صدقوني والله يا هوما
مايديروش هاد لعجب كامل راهم يبعتولنا غير الراشي خاطر شافونا نتقبلو كلش بحجة لامود يا لطيف ويا حسرا على بلادنا كيفاش ولات إليكم التعليق وربي يجيب الخير هادا مكان ...
السلام عليكم
ههههههه والله يا أختي ضحكتيني
خاصة تاع راح عليك الحال ومامشطتيش شعرك :d
واش تحبي هادي هي حالة مهابلنا، مانقولش شعبنا، خاطر لي يتبع بلا عقل وتفكير
مايكون غير مهبول، الموضة هادي قريب يرجعوها كتاب مقدس
واش يخرج يتبعوه، سراول مقطعين شعر مكشرد ألوان أنثوية يلبسوها الشباب
هادي سيشوارات وهادي ماكياج، تقول عايشين مع المهرجين
يعني من المفروض الناس تبع الشي لمليح ولي يفيد وناس تبع في الشي الراشي كيما قلتي
ربي يهديهم برك، انا درك ماعدتش نتخلع خاطر مارايحة والأمور تمشي للاسوء
وفي الأخير السؤال لي دايما نطرحو وينهم الوالدين؟؟؟ تخرج بنتك مكشردة من الدار نورمال؟؟
تخرج بسروال مقطع نورمال؟؟ ومن بعد يقولك التفتح، روحو اتفتحو بعيد علينا -_-
شكرا حبيبتي على الموضوع ربي يحفظك ويستر عليك
تحياتي
ههههه ولله ضحكتني هد الفلانة:-r الي قالت انو الشعر لمكشرد ولا لامود:s
واشنو هدا الناس رايحين ويكبارو في كل شيء:down:
وحنا رانا في2016
وراحين نرجعو لور :scared01:
والله لا تعليق
الله يهديها
املا كانت ولات كيما هكدا رانا رايحيين للعصر الحجري:dunno01:
على حساب هد العقليات
الله يهديهم
يعطيك الصحة اختي
هههه والله عجب كل يوم تبان حاجة جديدة الله يستر اللي جاي
حتى انا راسي دار erreur تبا،يعني هادي حابة تدير راسها عش طيور مثلا بفففف
طلعلي الدم قلها خلي لامود تنفعك نهار تلقاي ديك الكائنات تزقد في راسك
وععععع الله يهدي مالقيت واش نقول زايدين نروحو غير مع الحدرة
مي حابة نعرف ويناه غبي يقبل يكشرد شعرو على جال لامود بفف ولينا تفهين لهاد الدرجة
الغرب يجيب واش حب وحنا غير طبق وامشي
الله يهدي ويجيب العواقب سليمة على قولة المصاروة
شكرا على السوجي مسك يعطيك الصحة
تحياتي ،،،،،
ههههههه لامود ههههههه رانا غير نشوفو في جديد خطرة شعر مكشرد وخطرة جاية من عرت
الله يهديهم ويهدنا ومام حاجة مليحة لي شعرهم كي حالتي ههههههه مي غير هادي لي منديرهاش
حمد الله أنا متحجبة .. لا مود راهم يتبعو فيها بزاف صدقوني راهم غير يتمسخرو بينا برك ...
ياك صح صح عجبتني من قولتها ما مشتيهش ههههههه
تقبلو مني تحياتي سلام..
ايا ملييييييح مالا ولات الحلة ساهلة رقدي و فتحي شعرك غااااااية باش يطير لسما بزاف و الصباح متمسيهش كاااامل و خرجي ايو ا هدو خمونا فالفاتورة تاع الضو و الماء و الشمبو الغالي راكي فاهمة و نرجعو نغسلو شعورنا بايزيس باش يوقف غاااااية هههههه
الله يهدي ما خلق
هههههههه والله غير عندكم الحق يا أهل اللمة :d النيفو راه غير يطيح ويزيد ما نعرف وين رانا رايحين بيها :s في كل مرة نتلاقاو بأشكال وألوان من الكائنات الغريبة والا البوكيمونات كيما يزgiلهم خويا
الصغير :thumb_up02: ربي يستر برك بارك الله فيكم على التفاعل الجميل وربي يحفضكم إن شاء الله
