السلام عليكم اخواني اعضاء اللمة لمة الاحباب
بعدما تناقشنا فموضوع الأخ الأمين محمد حول اللأحلام شجعني انو نكتب قصتي هنا
كل الناس عندها احلام وانا ككل الناس قليلة احلام منين ذاك ولكن من سنوات بديت نشوف تغيير ما لاحظتوش فالبداية لانو ديما مريضة نقول ممكن حمى ممكن مرض ياثر عليا وما ركزتش فالواقعة
لحد ما جا يوم انو وانا كعادتي وفاحلام يقظتي نشوف حادث مرور لجاري مروع وادى الى وفاتو انا استغفرت ربي وبيني وبينكم خفت من حلمي لانوسبق وجربت انو احلام يقظتي تتحقق تماما كما اراها حتى بادق التفاصيل المكان والملابس والشخصية اللي فالحلم قلت ممكن مش مليحة ورقيت ووالو
المهم ذاك اليوم الحادث جرا وجاري ربي يرحمو توفى وانا سكتت حكيت لامي استغربت وقالت لا برك تخيل نقولها لالا شفتو كي دار اكسديو ومات ولما حكيت مع ازوجتو طبعا حتى نستفسر بلاما تعرف ان تفاصيل الحادق عرفت انو فعلا جرى تماما كما رايته
حادثة اخرى مرات مع صديقاتي فالتلفون نحلم بيهم احلام يقظة ونبعث رسالة لصديقتي ونقولها واشبيكي مقلقة وكنت تبكي وعلاه فرضا دابزت مع اهلك تستغرب وانا بعيدة عليها كل البعد هي من ولاية وانا من ولاية تستغرب جدا وانا نستغرب لما فالوقت هذاك بالتحديد والفتاة تلك بالتحديد
تكررت المسالة معي
ونضيفلكم معلومة انا عمري ولا حلمت ببنفسي هذي احلام يقظة ديما نحلم بالناس
وفاوقت مش مخططة ولا نكون راقدة نكون قاعدة وتمر قدام عينيا كالخيال
سالت ورقيت نفسي لكنو مش مس ولا تكهن بالمستقبل لا معاذ الله هي احلام لدقائق نحلم كانو نايمة
توجعت لصديقتي طبيبة نفسية استغربت وجابتلي تحليل نفسي مع العلم الحمد لله لا اعاني من اي شي عادية وراكم شفتوني ديما نضحك ونقسر وما نعمرش قلبي
المهم المسالة هذي رجعت تضايقني قريت كتب كثيرة واستفسرت وما عرفتش الحالة هذي اللي عندي واش تتسمى
وحبيت ناخذ رايكم
شكرا لكم
بعدما تناقشنا فموضوع الأخ الأمين محمد حول اللأحلام شجعني انو نكتب قصتي هنا
كل الناس عندها احلام وانا ككل الناس قليلة احلام منين ذاك ولكن من سنوات بديت نشوف تغيير ما لاحظتوش فالبداية لانو ديما مريضة نقول ممكن حمى ممكن مرض ياثر عليا وما ركزتش فالواقعة
لحد ما جا يوم انو وانا كعادتي وفاحلام يقظتي نشوف حادث مرور لجاري مروع وادى الى وفاتو انا استغفرت ربي وبيني وبينكم خفت من حلمي لانوسبق وجربت انو احلام يقظتي تتحقق تماما كما اراها حتى بادق التفاصيل المكان والملابس والشخصية اللي فالحلم قلت ممكن مش مليحة ورقيت ووالو
المهم ذاك اليوم الحادث جرا وجاري ربي يرحمو توفى وانا سكتت حكيت لامي استغربت وقالت لا برك تخيل نقولها لالا شفتو كي دار اكسديو ومات ولما حكيت مع ازوجتو طبعا حتى نستفسر بلاما تعرف ان تفاصيل الحادق عرفت انو فعلا جرى تماما كما رايته
حادثة اخرى مرات مع صديقاتي فالتلفون نحلم بيهم احلام يقظة ونبعث رسالة لصديقتي ونقولها واشبيكي مقلقة وكنت تبكي وعلاه فرضا دابزت مع اهلك تستغرب وانا بعيدة عليها كل البعد هي من ولاية وانا من ولاية تستغرب جدا وانا نستغرب لما فالوقت هذاك بالتحديد والفتاة تلك بالتحديد
تكررت المسالة معي
ونضيفلكم معلومة انا عمري ولا حلمت ببنفسي هذي احلام يقظة ديما نحلم بالناس
وفاوقت مش مخططة ولا نكون راقدة نكون قاعدة وتمر قدام عينيا كالخيال
سالت ورقيت نفسي لكنو مش مس ولا تكهن بالمستقبل لا معاذ الله هي احلام لدقائق نحلم كانو نايمة
توجعت لصديقتي طبيبة نفسية استغربت وجابتلي تحليل نفسي مع العلم الحمد لله لا اعاني من اي شي عادية وراكم شفتوني ديما نضحك ونقسر وما نعمرش قلبي
المهم المسالة هذي رجعت تضايقني قريت كتب كثيرة واستفسرت وما عرفتش الحالة هذي اللي عندي واش تتسمى
وحبيت ناخذ رايكم
شكرا لكم
........صح شوفي اسكو كاين كيفك و رقي انا دوك نحوس و نسقسيلك تاني متنسايش تشوفي واش تفاهمنا هههههههههه ...يلام حنونة 
