خويا حاب فاغماسي

[فيتامين سي]

خويا حاب فاغماسي (يومياتي ):p
سلاااام حباب..ي :-h واش راكم لباس ...توحشت ندير موضوع في هذا القسم :regards01:شحال محكيتش :$و منشرت شوية (نهدرو في الخير ههههه ) هعهههه نضحك غير هدو اليومين حطيت موضوع :tongue02:
ملاحظة :::::::: لما نحكي نقصد فئة ماشي كامل اكيد الناس تختلف :thumb_up02:..باش واحد(ة) ميزعف مني * (ادا زعفتو بلطو البحر:regards02: هع هع هع )
المهم كنت نحكي مع صحاباتي :yahoo01:و حنا عندنا واحد الهبال كل ما وحدة تلقى pub بيزاغ تجيبهالنا و نحكو على هذاك الsujet زعما محللين حنايا ^¿^* هذي المرة وحدة تحوس فاغماسي لخوها :-o(طبيب عام ) و قالت من حقه و بزاف كلام .يعني ..المهم حاجة لي حرت فيها هي
1/علاش كون صيدلية تقول طبيب الامم المتحدة تعلق عليها مع سماع محاظرات طويلة عريضة حتى تشك انها اكبر مجرمة في العالم العربي
2/طبيب يحوس فارماسي تحسه حاب يدخل في صفقة لا اكثر و كل المجتمع يشجعه و يزيد الكلمة لي تغم يخص وحدة مستوى كيفه ايه يا وجه الهرشف عندكم الصح تحكو على المستوى:down:
3/اسكو مجتمعنا يسمح للراجل يشرط و المراة لالا .حتى و مستواااها فوق يجيك الراجل ميتقاس بزينو ولا قرايتو و المراة تتقاس بالشهاظة ولا بالدغاهم ..
4/اخر جملة استفزتني قالت لي تعرف صيدلية تقوللنا و حنا نبحثو على اخلاقها* على اساس هدا الدكتوغ هو العريفي ......او الدكاتغة و المهندسين و من هذا النوع معناها اخلاقهم فوق ...حتى ناس تجري من موراهم ..(هذي في الاحلام ).....و ماشي هدا قصدي مي قصدي درك نقولو واحد خدمته تحت يقول بلاك نتعاونو مي اخينا نتا بقيلك متطمع في بنت الناس يا مامي ما هدا ...:-o.و بعدها يقولك نسا ولاو تابعينا في كلش و نتا المثقف الذكي تبحث عن وحدة يكون عندها 2 ملاير في بانكا و دار و سيارة ......انه عالم التابيز ..:smile02:


..

 

[ليليا مرام]

رد: خويا حاب فاغماسي

السلام عليكم اختي هبة
ايه يا هبة جيبلي هاكا تقرعيج البنات توحشت يماات الليسي انا نجيبلكم نتاع البيوت لانو قاعدة فالدار وانت جيبلي نتاع ليكول والبنات نظن هذي آفير وبروجي مليح بيني وبينك
نرجعو للموضوع ايه يا اختي شوفي انا اللي تهبلني انو واحد اسمو وما يعرفش يكتبو ويحوس على وحدة عندها نيفو عالي زعمى كي شغل هو دار فيها مزية كي راح يديها وارواحي انت وشوفي يقولك ما نحتاجش الجامعية راهم كامل فاسدات املا منين خرجت طبيبة فالكوري نتاع الجاج ما فهمتش
نرجعو للسوجي المرا مسكينة تقولك راجل نستر روحي ونعيش مهنية مهم خدام يجيب مليون للشهر المهم شهرية تدخل للدار هوما لالا الفراعنة لازم يديو النيفو العالي
وهذي اللي تحوس لخوها فارماصي انا نظن خوها مريض لازملو فارماصي غير انت ما لفهمتيش
شوفي كاين يحب المعلمات ضروري
وكاين الطبيبات
وكاين اللي عند لافوكا عارف روحو نتاع ديقات
يعني وهذوك القلال اللي يحبو اللي قاعدات فالدار اما مرتو ميتة وخلاتلو شكارة ذراري
اما مرتو ما تولدش ويحوس على ارنب
ايما شيخ باقيتلو شخرة يكملها عندها
اما يديرها عشيقى ومرتو فالدار
انا كي نقولك راني جايبتها وراهم مش باطل قلبي طرطق منهم هههههه
قولها روحي دخلي خوك يقرا ويعرف يكتب اسمو الفارماصي خرجت راحت تجيب مضاد البكتيريا هههه
شكرا

 

[فيتامين سي]

رد: خويا حاب فاغماسي

هههههه حتى انا راني نص نقرا نص في الدار مي الحكايات كامل يوصلولي هع هع هع ...تفاهمنا
قتلتيني تاع الارنب
درك انا منعرفش نقرا و مخي حابس ميخممش
يقولك جامعيات حارجين طريق و من بعد يحوس دكتوغة و فاغماسي سي قري سؤال مليح هدومين جاو
ممكن من كوكب بخبوخ كوكب احلام الطفولة .... مع ازيس كل شي ممكن ترا رارا
ايه زعما خرجها من المستنقع مين راح يتزوجها و هو البطل المغوار ...صح يغمو والله ....يرجع يقول المرأة و المرأة تحسي ضرتك ماشي راجل
ايا كما قلتي تلقيه اسمه مزال ميعرفش يكتبه و يحوس وحدة طبيبة و لا محامية و لا فارماسي (دوا باطل ) ....و اخر جملة يقولك نديها رومية ندخلها للاسلام اون + متشرط والو و عندها دار مننساوش و هو يحرق لبلاد الغومية معندهش حتى باش يبدل ...... زعما الشروط لي الفوق خالتي دوجة شرطتهم ...شوفي كاين كائنات وحدهم يهدرو و يرجعو في كلامهم و يفسرو و يحلو نتي غير تتفرجي و مع تالي يرجعك ماشي مليحة ....و الله كون عندنا كلاش نلعبو ماشي خير ...اسعدني مرورك مريم الصابرة

 

[ليليا مرام]

رد: خويا حاب فاغماسي

هههههه حتى انا راني نص نقرا نص في الدار مي الحكايات كامل يوصلولي هع هع هع ...تفاهمنا
قتلتيني تاع الارنب
درك انا منعرفش نقرا و مخي حابس ميخممش
يقولك جامعيات حارجين طريق و من بعد يحوس دكتوغة و فاغماسي سي قري سؤال مليح هدومين جاو
ممكن من كوكب بخبوخ كوكب احلام الطفولة .... مع ازيس كل شي ممكن ترا رارا
ايه زعما خرجها من المستنقع مين راح يتزوجها و هو البطل المغوار ...صح يغمو والله ....يرجع يقول المرأة و المرأة تحسي ضرتك ماشي راجل
ايا كما قلتي تلقيه اسمه مزال ميعرفش يكتبه و يحوس وحدة طبيبة و لا محامية و لا فارماسي (دوا باطل ) ....و اخر جملة يقولك نديها رومية ندخلها للاسلام اون + متشرط والو و عندها دار مننساوش و هو يحرق لبلاد الغومية معندهش حتى باش يبدل ...... زعما الشروط لي الفوق خالتي دوجة شرطتهم ...شوفي كاين كائنات وحدهم يهدرو و يرجعو في كلامهم و يفسرو و يحلو نتي غير تتفرجي و مع تالي يرجعك ماشي مليحة ....و الله كون عندنا كلاش نلعبو ماشي خير ...اسعدني مرورك مريم الصابرة

اهلا هبة
اهي يا ختي يحوس على ارنب اللي تحطلو الاولاد مش مرا
انا حبسولي مخي بعدو قلت علاه نحبس مخي عليهم لازم نقنع روحي انهم كائنات مخلوقين هاكا لما يغسلو وجهم الصباح يقول لروحو شكون انت رواحهم مش فاهمينها كيفاه حبيتي نفهموهم حنا
نتاع الجامعة فاسدات ويخيرها طبيبة او تقري او حاجة كبيرة وين قرات بصح لوما دخلت الجامعة انا هنا يفهموني
زيدي هو مش قاري ويقولك لازم تعرف اني خدام ايه راك خدام وراه مرض وليدنا وخليتو عندك تجي تعطيلو كاتاجين تمدلو دوا نتاع لاتونسيو يولي وليدي رجليه للفوق ويديه للتحت مليحة هذي
زيدي هي نتاع الاسلام ويدخلها للاسلام يدخل هو الاول يخطونا ياخي الصلاة تنادي منا وهو يخمر منا
يحبو الاسلام زعمى يا حليلي مجاهدين تبارك الله وانا نشفالهم وقت الارهاب كانو على 4 يقفلو الباب موس خافو منو ويروحو يجاهدو ارواحي تشوفي
نقولك هبة رجال بلادنا تبارك الله عليهم والله يحرسهم من العين نوعية منقرضة ماماكنش منهم لازم نحافظو عليهم راهم كالديناصورات ممكن يجي وقت ما نلقاوهش ونبكو عليهم:-h:-h:-h
الله يهديهم

 

[safouane batna]

رد: خويا حاب فاغماسي

والله صح ولا الراجل يحوس على مهنة قبل المرأة يعني مايهموش كيفاه دايرة والعائلة نتاعها المهم واحد يقول راني نحوس على استاذة وواحد طبيبة وواحد صيدلية وقليل لي يقولك نحوس على وحدة متربية ومثقفة وبنت أصل المهم الماديات ومصالح ومظاهر وهذا الزواج شرعا غير مبارك تماما وهو الذي يؤدي للمشاكل الزوجية ... المهم والله كاين طبيبات وصيدليات ولأنهن يقدرن الحياة الزوجية تزوجو حكمو ديارهم لأن المرأة أميرة في بيتها وهي في منزلها تقوم بأنبل المهام والمهن كالتربية والتعليم والتطبيب و غيرها .. وهذا لا يعني انه ليس للمرأة حق العمل لكن الأجدر بنا ان نبحث عن المرأة المتدينة اولا لان الدين هو الذي يسهل حياة الزوجين مستقبلا وبارك الله فيك

 

[tistissa dj-tissou]

رد: خويا حاب فاغماسي

السلام عليكم
مام انا شحال ليا مدخلتش هدا القسم ..
المهم هه ربي يهدي ماخلق الناس هبلت وانا نشوف فيها كل واحد يجري على مصلاحتو لا اكثر في لخر مرت حد ما يديها حد
مشكورة على الطرح الطيب ​

 

[Hakan]

رد: خويا حاب فاغماسي

اولا السلام عليكم :
ملاحظة اولية للموضوع وهي انو الطبيب لا تعني مثقف او صيدلي لا تعني ايضا انسان مثقف
في الخيارات نتاع الزواج نضن كل واحد حر في خياراتو سواء رجل او امراة
طبيب او صيدلي والعكس
اما بالنسة لموضوعك واللي عندي بزااف وانا نشوف الفئة الانثوية تشكي بزااف انا حقروني وانا صنعولي والاخيرة فيهم
فات عليها سبعين خطاب والراجل مسكين غير تحلف فيه الوالدة نتاعو خلاص يقلها جيبي اللي تحوسي عليها ..
مي الطفلة الام تضرب معاها الشعب يضرب معاها خواتاتها يضربو معاها خالاتها عماتها وشحال شفت انو طفلة ما تتزوجش الا اذا خطها شحال من واحد وهي تتشرط
وشحال انا شخصيا شفتها انو اولاد عمومي واعمامي واله لخر فيهم خطب وحدة خطبتها الوالدة نتاعو وما سقسى ما والو
ماشي
كيما كان بكري ضركا اه عندهم كل الخيارات تديه فارماسي تديه بيلوت تديه بحار تديه مانيش عارف واش
مانيش عارف علاه راكم تغبنو في رواحكم
والله ساعات نحير في البنات كل يوم يشكو وهوما المحقورين وهوما المظلومين يعيشكم بركا من الخرطي نتاعكم راكم وجعتولي قلبي
راكم ما خليتو حتى حق الا وديتوها
ديجا حتى اللي مش من حقكم واستوليتو عليه بففف جنس يعيي نتاع الصح سلام وشكرا هيبة وكيما قلتي موضوع لا يحتمل الكل .​

 

[فيتامين سي]

رد: خويا حاب فاغماسي

اولا السلام عليكم :
ملاحظة اولية للموضوع وهي انو الطبيب لا تعني مثقف او صيدلي لا تعني ايضا انسان مثقف
في الخيارات نتاع الزواج نضن كل واحد حر في خياراتو سواء رجل او امراة
طبيب او صيدلي والعكس
اما بالنسة لموضوعك واللي عندي بزااف وانا نشوف الفئة الانثوية تشكي بزااف انا حقروني وانا صنعولي والاخيرة فيهم
فات عليها سبعين خطاب والراجل مسكين غير تحلف فيه الوالدة نتاعو خلاص يقلها جيبي اللي تحوسي عليها ..
مي الطفلة الام تضرب معاها الشعب يضرب معاها خواتاتها يضربو معاها خالاتها عماتها وشحال شفت انو طفلة ما تتزوجش الا اذا خطها شحال من واحد وهي تتشرط
وشحال انا شخصيا شفتها انو اولاد عمومي واعمامي واله لخر فيهم خطب وحدة خطبتها الوالدة نتاعو وما سقسى ما والو
ماشي
كيما كان بكري ضركا اه عندهم كل الخيارات تديه فارماسي تديه بيلوت تديه بحار تديه مانيش عارف واش
مانيش عارف علاه راكم تغبنو في رواحكم
والله ساعات نحير في البنات كل يوم يشكو وهوما المحقورين وهوما المظلومين يعيشكم بركا من الخرطي نتاعكم راكم وجعتولي قلبي
راكم ما خليتو حتى حق الا وديتوها
ديجا حتى اللي مش من حقكم واستوليتو عليه بففف جنس يعيي نتاع الصح سلام وشكرا هيبة وكيما قلتي موضوع لا يحتمل الكل .​

عمو حكيم شكرا على الرد .....مي لأول مرة في تاريخ اللمة عمو حكيم يرد رد لا علاقة بالموضوع هههههههههههه
مقصدتش هكدا او ووووو ....محكيتش على الحرية & على الخطوبة ......حكيت على الناس لي تشوف الزواج مشروع و الناس لي تحوس تستتمر فيه اخي ....نهار ندير موضوع على البنوتات الحلوات نجاوبك ^_-

 

[فيتامين سي]

رد: خويا حاب فاغماسي

والله صح ولا الراجل يحوس على مهنة قبل المرأة يعني مايهموش كيفاه دايرة والعائلة نتاعها المهم واحد يقول راني نحوس على استاذة وواحد طبيبة وواحد صيدلية وقليل لي يقولك نحوس على وحدة متربية ومثقفة وبنت أصل المهم الماديات ومصالح ومظاهر وهذا الزواج شرعا غير مبارك تماما وهو الذي يؤدي للمشاكل الزوجية ... المهم والله كاين طبيبات وصيدليات ولأنهن يقدرن الحياة الزوجية تزوجو حكمو ديارهم لأن المرأة أميرة في بيتها وهي في منزلها تقوم بأنبل المهام والمهن كالتربية والتعليم والتطبيب و غيرها .. وهذا لا يعني انه ليس للمرأة حق العمل لكن الأجدر بنا ان نبحث عن المرأة المتدينة اولا لان الدين هو الذي يسهل حياة الزوجين مستقبلا وبارك الله فيك

شكرا على الرد ...هذا هو قصدي ...يشوف مستواهاا المادي و خدمتها هي الاول و زيد يقولك هو يرجعها للطريق تحس راه حاب يشري بطاطة ماشي يتزوج و يأسس عائلة ...العمل و هدو الامور كل شخص و رايه ميهمناش ...لكن من البداية انسان يطمع صعيب بزاف ..اسعدني مرورك

 

[فيتامين سي]

رد: خويا حاب فاغماسي

السلام عليكم
مام انا شحال ليا مدخلتش هدا القسم ..
المهم هه ربي يهدي ماخلق الناس هبلت وانا نشوف فيها كل واحد يجري على مصلاحتو لا اكثر في لخر مرت حد ما يديها حد
مشكورة على الطرح الطيب ​

و عليكم السلام و رحمة الله و بركاته
....مرحبا بيك في القسم & الموضوع ..دار دارك ...اللهم امين --- صح كل واحد يحوي مصلحته و طريق للتوصله الفوق الفوق ...اكيد اكيد ..اسعدني مرورك

 

[Hakan]

رد: خويا حاب فاغماسي

عمو حكيم شكرا على الرد .....مي لأول مرة في تاريخ اللمة عمو حكيم يرد رد لا علاقة بالموضوع هههههههههههه
مقصدتش هكدا او ووووو ....محكيتش على الحرية & على الخطوبة ......حكيت على الناس لي تشوف الزواج مشروع و الناس لي تحوس تستتمر فيه اخي ....نهار ندير موضوع على البنوتات الحلوات نجاوبك ^_-

رديت على واش كاين في الموضوع
ما كانش اي علاقة على واش حكيتي عن الاستثمار في الزوااج الا في السطر الاخير من موضوعك
ممكن صح حكيت على جزئية من موضوعك على الاستثمار ..:s
ماعليه ياسيدي نعاود نحكي على الاستثمار في الزوااج كانو انتوما البنات الله يبارك تحبو غير الانسان اللي يدخل خبزة في النهار
اعععع يخي رانا شايفين البنات طايحين على مول الشكارة طيح جيبو لا شتى من محو الامية المهم يكون صوردي و لا علاقة مع المستوى اما
واحد طبيب اكيد يحب يجيب وحدة مستوى ومعيشة ودلال ومن حقو مكانش اللي يسالو
واذا طفلة فارماسي من حقها تتزوج بواش بغات ثانيك وهي تاني تحب تستثمر ي الزواج وتجيب واحد مترفه وجامي سمعت طبيبة تتزوج بواحد زوالي
في الكوابيس الجميلة نتاعي وما نشوفهاش لانو ما ضنيتش راجل يجيب طفلة فارماسي وهو دورو ما يسعاهش او زوالي باسكو مستحيل تقبل بيه
وهنا نكتاشفو انو اصحاب المهن الرفيعة في زوج يحبو يستثمرو في زواجهم لانو عندهم افكار دنيوية الا من رحم ربي شكرا على السوجي ..​

 

[السلطانة]

رد: خويا حاب فاغماسي

والله ياهيبة انا مخي مفريني درك ههه كون نردلك ندير رد كثر من تاع حكيم ههه

ان شاء الله غدوة كي نصحصح نرجع نرد

 

[فيتامين سي]

رد: خويا حاب فاغماسي

ان شاء الله ام ياسمينوووو
لالا مفهمتوش قصدي في واش حكيت ...قصدت امر الاعضاء كاين لي فهموني ..محكيتش على حرية هذا امر لا يهمنا مي انا حكيت حاجة شفتها طرحتها ....