السلام عليكم ورحمة الله وبركاته
كيما وعدتكم في السابق اني نعلمكم كيفاه اديرو شخشوخة الضفر على بركة الله نبداو
اولا لازمك سميد نوع مليح يعني فيه العلك
شويا ملح وماء بسيطة جدا
بللي لعجينة تاعك وخليها ترتاح مليح باه يترنخ مليح السميد
والان يبدا الشقاء اذا عندك بيترا منعت يعني راح نعجنوها مليح مليح مليح.......انا نخدم بالبيترا
من بعد العجن نديرو لعجينة بهاذ الشكل ونقسموها قريصات صغار
والان دالة القنوط والا الحلال كل واحد واش يسميه نفتحوها شويا بهاذ الشكل بالاستعانة بقليل من النشاء مش بزاف
وذرك نجيبو الماشينة للي عندها واللي معندهاش تشري هههههههههههه لالالا نتمسخر
تكمل تفتحها بالقنوط برك حتى ترقاق
ومن بعد راح نطيبوها في طاجين حديد تاع النعمة
ومن بعد شوفي حطيها اختي في باسينة اوسينية اواي شيء المهم حتى تبرد واحتفضيبيها في كيس بلاستيك
وذرك وصل وقت لقعاد والتفتاة
انا كي نعود نفتت نطبق الطرف تاع لعجين على 2 راح تكسبي وقت وتفتتي بزاف
هكذا
والباقي انا ماصورتوش لكن راح نشرحهولكم
المهم الشخشوخة اللي تفتتيها فوريها ومن بعد اشرهيها على درا او ما يسمى عندنا قلاع
وهو نحكمو شكاير السميد ونخيطوهم مع بعض ونعدلوعم ننشرو فوقهم البربوشة او الشخشوخة
ما يحكموش الماء وتزرب تشيح عليهم العولة
وبعدما تشيح سيريها في سيار الزرع ولميها في شكارة
والى اللقاء حتى نطيبهالكم
ان شاء الله تكونو فهمتوني مليح
متعبة لكن بنينة
آخر تعديل بواسطة المشرف:
