ملوخية بالمصارن والكرشة من مطبخي

[السلطانة]

السلام عليكم ورحمة الله وبركاته

اليوم جبتلكم ملوخية
بالمصارن والكرشة
كيما نطيبوها باللحم والدجاج
نقدرو نطيبوها تاني بالمصارن والكرشة وتجي بنتها بنة :love01:


للمرق :

بصل وثوم وملح وتوابل الذواقة والمصارن والكرشة ونحطهم يتقلّاو على نار هادئة

مباعد نضيفلها قليل من الطماطم

تتقلى شوي ونضيفلها الما وفلفل حار حسب الرغبة

نخليها تغلي باه يطيبو شوي المصارن

نرجع للملوخية تاعي

نحلها بالزيت مليح ومنخليهاش تتكورلي

نحطها على المرق
ونخليها تطهى

ومرة على مرة نحركها باه متلتصقش
وننقصلها في النار

وهاهي كي وجدت :thumb_up02::

:regards01:
​

 

[الحلم الوردي]

رد: ملوخية بالمصارن والكرشة من مطبخي

يعطيك الصحة
على الوصفة
بارك الله فيكي ام يــآسمين
من شكلها تشهي
​

 

[جيهان جوجو]

رد: ملوخية بالمصارن والكرشة من مطبخي

وعليك السلام ورحمة الله وبركاته
اممم وصفة رائعة
يعطيك الصحة اختي
بصحتكم

 

[Ľă Mîšš HîBă]

رد: ملوخية بالمصارن والكرشة من مطبخي

ام ياسمين يعطيك الصحه
بصح مافهمتكش ياريت تفهميني بشويا لاني ثقيله فهامه فطياب ههههههههه
لملوخيه تحليها فزيت وهي مش طايبه ؟

 

[Oussama.GF]

رد: ملوخية بالمصارن والكرشة من مطبخي

يميم اختي شهتيني بزاف
يعطيك صحة

 

[آمِيْرَتُه]

رد: ملوخية بالمصارن والكرشة من مطبخي

السلام عليك
قالولي ناسي راه شابة مي محملتش ناكلها هي تسخف مي مقدرتش ههه
راهم عندو زوج و راهم قاعدين يغملو في الكوزينة
يعطيك الصحة

 

[ام زين الدين]

رد: ملوخية بالمصارن والكرشة من مطبخي

شوفي يا بنتي من عشقي في المولوخية دخلت ومن حبي فيك بصح المصارن والكرشة خليهم ليك يا يما

كم احب المولوخية ولا احب الاحشاء طبسي نتاعي دبري راسك خليه باللحم المرة الجاية

ساضع طريقتي لاحقا

بصحتكم
​

 

[ام زين الدين]

رد: ملوخية بالمصارن والكرشة من مطبخي

هذي ملوخيتي باسمي القديم ههههلما كنت شابة

 

[iman-dz4ever]

رد: ملوخية بالمصارن والكرشة من مطبخي

شحال راني حابت نجربها كان ديما يجبهالنا بابا بصح منعرفش نطيبها
نبعثها لعمتي تطيبهالنا رووووووووووعة
​

 

[jessica pretty]

رد: ملوخية بالمصارن والكرشة من مطبخي

FL ha9 ana manahmalch hado
Mais ki wiratah l mama 3jabha
L plat w 9atili golilha
Ya3tik saha
Ana hado manakalhomch
W manahmalhoch
Wallah y3afoni
Mrc pour ce plat

 

[سكون الفجر]

رد: ملوخية بالمصارن والكرشة من مطبخي

ملوووووووخية لا لا حرام عليكي، هاتي حصتي
تسلم ايديكِ حبيبتي على الطبق المميز
بصحتكم

 

[أم لينة]

رد: ملوخية بالمصارن والكرشة من مطبخي

يعطيك الصحة ام ياسمين انا في حياتي ماطيبتها ما ذقتها و حتى اهلي و بيت شيخي الوحيد لي ذاقها في دارنا اخي كيما راح لمصر قالنا معجبتنيش ابدا و منعرف الواحد ميحكمش حتى يذوق ان شاء الله نذوقها و تتغير نظرتي ليها .
ام ياسمين انا دبري راسك الدوارة ليا و الملوخية ليكم هههه نموت على البكبوكة تاع المصاااااغن كيما قالت سليمة بنت عيسى سطوري هههه.
​

 

[نبض الحياة]

رد: ملوخية بالمصارن والكرشة من مطبخي

السلام عليكم ورحمة الله وبركاته
يعطيك الصحة غاليتي
بصح والله غير شوفتها دوخني
كيما قالت منمن ما نقدرولها والله ههه
بصحاااتكم حبيبة

 

[Djaouida]

رد: ملوخية بالمصارن والكرشة من مطبخي

واو يعطيك الصحة حبيبة
جاك علامة بصحتكم​

 

[rose09000]

رد: ملوخية بالمصارن والكرشة من مطبخي

السلام عليكم
بفضل المنتدى نتعرف كامل على الأطباق الجزائرية
يعطيك الصحة حبيبتي
​

 

[ام أمينة]

رد: ملوخية بالمصارن والكرشة من مطبخي

يعطيك الصحة
بصحتكم​

 

[samah06]

رد: ملوخية بالمصارن والكرشة من مطبخي

يعطيك الصحة ام ياسمين
شهيتيني
ومايحبوهاليش الاولاد لذا منطبخهاش
بصحتكم حنونة​

 

[ام حوحو]

رد: ملوخية بالمصارن والكرشة من مطبخي

يعطيك الصحة حنونة راني كنت نكرها كره شديد وتعلمت نطيبها على جال زوجي يحبها ياسر لكن بالمصارن لالا نحبهم يطيبو بكبوكة ولا دوارة تاع حمص اما في الملوخية لا انا نحبها بالدحاج بصح مرسي على الطبق يشهي