السلام عليكم جميعا إن شاء الله أموركم كلها بخير
ايه يا جماعة اليوم راح نحكو على فئة معينة ورانا كلنا منها وبكل صراحة
واحد ما يخبي على واحد الصفة هذي فينا كلّنا كيما رانا
القرعيج
صفة جميلة جدا فينا كلنا الحمد لله
كلمة تقرعيج معناها عمرّلي قرعة بلغتنا اللي نفهموها غير حنا لانو عند شعوب اخرى ما نظنش كاينة لانو فكل الاحوال يسمونها فضول مي حنا لالا تعدات مراحل الفضول حنا نجيبوها من العروق أو ما نشقاوش
نشوفو ضرك شكون فينا المخيّر فالامور هذي
المرا نبداو بها لأنو هي مسكينة ديما متهمة إنها تهدر بزاف وتحب تعرف كل شي
نروحو للتاقة نلقاو زوج جارات متقابلات وهات يا هدرة القدرة تحرقت والحوايج داهم الريح والتلفون يصوني وهوما ما لازم يفوتهم حتى خبر عاجل او مسجل
يتلاقاو النسا فالطريق واقفين يحكو ويحكو وفالأخير يشبعو تمنشير وبعدو تقولها أنا نسكت خير إملا التراكتور اللي كان يحرث من الصباح واش كان يدير
الأعراس نص يشطح
ونص يعلق والعروسة عورة وزحافة وقصيرة ومكورة وطويلة واذا جا العريس لاصال ويا حسراه المتغاشيات كثر من الصّحاحات شباب عليها وين لقاتو ؟ يا سعدها اواه ساحراتو
لاخرى تقولها وين راهم ماليه شوفي باينين مشنفين ماراهمش قابلين بها
إييييه الله يبارك لو يسكت الديجي ويسمعهوم واش يهدرو يولي الشعر يطرطق......
.
الجنازت ما نحكوش بلا حساب دمعة وخنونة والفم خدّام
الميت يا حسراه يجبدو فعايلو من زاد يحاسبوه قبل ما يدخل قبرو وما نحكوش على الدار من يدخلوها وعينيهم فالسما يشوفو الغبار والنقا وليزور والتواقي والبيبان والحوايج
وين نروحو الفم خدام تبارك الله
أرواحو نشوفو الرجال كان فيهم أو لالا
إييييييييييه والقهاوي شكون يهدر فيهم وبالعاني يلعبو الدومينو حتى ما يسمعوش بعضاهم واحد قاعد معاهم ينوض ويبدا الحش فيه
إما لو فاتت عليهم وحدة راحت عليها ميزان يوزنوها بالرطل
تركب فالكار تلقاهم يهدرو ما يسكتو
العرس رجعو حتى هوما كثر من نسا يمشو ويهدرو على واش دار مول العرس مواكل كالقطوطة ياكلو وينكرو
وأما لو تلّمو قدام الحومة قناة النهار والشروق يحكو بالغروب
كانت الصفة هذي فالنسا لكن الحمد لله عديناهم
واش رايكم أنتم ........
احكولي على التقرعيج قرعجو الخط ليكم..............
ايه يا جماعة اليوم راح نحكو على فئة معينة ورانا كلنا منها وبكل صراحة
واحد ما يخبي على واحد الصفة هذي فينا كلّنا كيما رانا
القرعيج
صفة جميلة جدا فينا كلنا الحمد لله
نشوفو ضرك شكون فينا المخيّر فالامور هذي
المرا نبداو بها لأنو هي مسكينة ديما متهمة إنها تهدر بزاف وتحب تعرف كل شي
نروحو للتاقة نلقاو زوج جارات متقابلات وهات يا هدرة القدرة تحرقت والحوايج داهم الريح والتلفون يصوني وهوما ما لازم يفوتهم حتى خبر عاجل او مسجل
يتلاقاو النسا فالطريق واقفين يحكو ويحكو وفالأخير يشبعو تمنشير وبعدو تقولها أنا نسكت خير إملا التراكتور اللي كان يحرث من الصباح واش كان يدير
الأعراس نص يشطح
لاخرى تقولها وين راهم ماليه شوفي باينين مشنفين ماراهمش قابلين بها
إييييه الله يبارك لو يسكت الديجي ويسمعهوم واش يهدرو يولي الشعر يطرطق......
الجنازت ما نحكوش بلا حساب دمعة وخنونة والفم خدّام
الميت يا حسراه يجبدو فعايلو من زاد يحاسبوه قبل ما يدخل قبرو وما نحكوش على الدار من يدخلوها وعينيهم فالسما يشوفو الغبار والنقا وليزور والتواقي والبيبان والحوايج
وين نروحو الفم خدام تبارك الله
أرواحو نشوفو الرجال كان فيهم أو لالا
إييييييييييه والقهاوي شكون يهدر فيهم وبالعاني يلعبو الدومينو حتى ما يسمعوش بعضاهم واحد قاعد معاهم ينوض ويبدا الحش فيه
إما لو فاتت عليهم وحدة راحت عليها ميزان يوزنوها بالرطل
تركب فالكار تلقاهم يهدرو ما يسكتو
العرس رجعو حتى هوما كثر من نسا يمشو ويهدرو على واش دار مول العرس مواكل كالقطوطة ياكلو وينكرو
وأما لو تلّمو قدام الحومة قناة النهار والشروق يحكو بالغروب
كانت الصفة هذي فالنسا لكن الحمد لله عديناهم
واش رايكم أنتم ........
احكولي على التقرعيج قرعجو الخط ليكم..............
آخر تعديل:
وراهم كبار يعني شوابنيا 
