الحلويات الجزائرية بقدرة قادر اصبحت مغربية

[nadia D]

عندي واحد الموضوع راه يدور في راسي وين نروح نلقى حلويات جزائرية الشكل لكن مكتوب عليها مغربية والصانعة مغربية هاد الشئ مكنتش نشوفو قبل قناة سميرة تيفي وش قولكم حول هاد الموضوع

 

[Oussama.GF]

رد: الحلويات الجزائرية بقدرة قادر اصبحت مغربية

باغي ينشر حلوياتوا

 

[ام حوحو]

رد: الحلويات الجزائرية بقدرة قادر اصبحت مغربية

والله اﻷمر وصل لدرجة انو وصلو يسرقوا اﻷزياء التقليدية نتاعنا ويقولوا عليها مغربية ما نستبعدش هاذالشيء تاني على القاطو

 

[السلطانة]

رد: الحلويات الجزائرية بقدرة قادر اصبحت مغربية

كل بلاد وعاداتها

وحنا معروفين بعاداتنا وهوما كيف كيف

ويتشابهو معانا تاني في بعض العادات اخرتها نبقاو مغرب عربي واحد

هوما من جيهة الغرب والتوانسة من جيهة الشرق يتشابهو معانا بزاف


وفي الاخير نبقاو عرب واخوة مسلمين.

 

[nadia D]

رد: الحلويات الجزائرية بقدرة قادر اصبحت مغربية

والله اﻷمر وصل لدرجة انو وصلو يسرقوا اﻷزياء التقليدية نتاعنا ويقولوا عليها مغربية ما نستبعدش هاذالشيء تاني على القاطو

نعم حتى انهم قامو بتغيير اسمائها الاصلية واعطاوها اسماء اخرى وطبعا على اساس انها مغربية

 

[أم لينة]

رد: الحلويات الجزائرية بقدرة قادر اصبحت مغربية

كل بلاد و هويتها و عاداتها وتقاليدها و المغرب غنية بعاداتها مثل الجزائر ممكن نتشابهو باعتبارنا جارتان .

 

[أم منيــــــر]

رد: الحلويات الجزائرية بقدرة قادر اصبحت مغربية

كاين تشابه كبير في الاكل و خصوصا الاطباق و المخبوزات و لكن الحلويات جزائرية طبعا و حتى واحد ما ينكر هاد الشي
هما عندهم عاداتهم و احنا تاني كاين تشابه كبير اكيد
و في النهاية احنا اخوة و نتعلمو من بعضنا بعض

 

[nadia D]

رد: الحلويات الجزائرية بقدرة قادر اصبحت مغربية

كل بلاد و هويتها و عاداتها وتقاليدها و المغرب غنية بعاداتها مثل الجزائر ممكن نتشابهو باعتبارنا جارتان .

اعتقد انك لستي على علم بالامر اختي انقولك المغاربة صارو يعملو حلويات جزائرية متل حلوة الدزيريات العرايش المخبز و انواع اخرى من الحلويات مراناش كونتر هاد الشئ عادي يعملوهم ولكن على الاقل يدكرو الاسماءهم والبلد الاصلي مش تشوفيها باسماء مغايرة

 

[nadia D]

رد: الحلويات الجزائرية بقدرة قادر اصبحت مغربية

كاين تشابه كبير في الاكل و خصوصا الاطباق و المخبوزات و لكن الحلويات جزائرية طبعا و حتى واحد ما ينكر هاد الشي
هما عندهم عاداتهم و احنا تاني كاين تشابه كبير اكيد
و في النهاية احنا اخوة و نتعلمو من بعضنا بعض

الامر ماشي غير في انكار انها حلويات جزائرية راحو لدرجة انهم يعطوها اسماء من عندهم

 

[أم منيــــــر]

رد: الحلويات الجزائرية بقدرة قادر اصبحت مغربية

الامر ماشي غير في انكار انها حلويات جزائرية راحو لدرجة انهم يعطوها اسماء من عندهم

هادا من ضعف الشخصية و عدم الثفة بالنفس
ما فيها والو ادا اعترفو و قالو هادي حلوى جزائرية
مثلا كاين شي وصفات نتع المغرب احنا نقولوها و نعترفو بلي مغربية و ما نحتكروهاش و نقولو لالا هادي جزائرية
الدزيريات و المخبز و كامل هاد الانواع معروفين بلي نتاعنا ما كان لاه يموهو الناس باسماء اخرى
من طبيعتي نتجول في اليوتوب و نبحث على كل ما هو تقليدي
لقيت وصفة نتع المسمن لواحد الاخت مغربية اعجبتني الطريقة فيها حوايج جدد تعلمتهم صراحة
نلق مغاربة يعايرو في الجزايريين و يقولولهم ان المسمن مغربي و الجزايريين احتكروه
و الله انا ضحكت من الامر
كاين وصفات مشتركة بين الجزاير و المغرب مثل المسمن لحريرة البغرير يعني لي جابهم زماااااان للجزائر جابهم للمغرب و انا من لي وعيت على الدنيا لقيت امي دير المسمن
كاين صوالح ماشي نتاعنا كما المخمار و المخنفر هادو نتاع المغرب
بصح الواحد لازم يكون شجاع و يعترف برك ما فيها والو احنا خاوة

 

[samah06]

رد: الحلويات الجزائرية بقدرة قادر اصبحت مغربية

حبيبتي ممكن المقصود ب المغرب العربي مش المغرب الاقصى
واللي يضم عدة دول وتقريبا نفس العادات

 

[mona_mimi]

رد: الحلويات الجزائرية بقدرة قادر اصبحت مغربية

غريبين فعلا:s
وحدة قالت انهم ياخذو حلويا جزائرية و يغيرو اسماءها لتصبح مغربية
اي عقل يقبل هذا
مادام اسمائها مغربية فهذا يدل انها مغربية وماشي يسرقوها:down:
تشابه الشرق المغربي مع الغرب الجزائري سواء في الحلويات او الطبخ عامة
و زيدي المغرب الحمد لله سواء طبخو و او لبسو و الصناعة التقليدية ككل معروفة عالميا مايحتاج يسرق:d
لي يسرق هو لي يكون عاد باغي يبان و ليس العكس:thumb_up02:

 

[choroukguid]

رد: الحلويات الجزائرية بقدرة قادر اصبحت مغربية

ماشي غير على الحلويات راهم استغلو السياحة اللي عندهم باه يوصلوهالهم بطريقتهم وتبقى لاصقة فيهم

 

[شمس الاصيل2]

رد: الحلويات الجزائرية بقدرة قادر اصبحت مغربية

كل بلاد وعاداتها

وحنا معروفين بعاداتنا وهوما كيف كيف

ويتشابهو معانا تاني في بعض العادات اخرتها نبقاو مغرب عربي واحد

هوما من جيهة الغرب والتوانسة من جيهة الشرق يتشابهو معانا بزاف


وفي الاخير نبقاو عرب واخوة مسلمين.

عندك الحق كيما السوريين والفلسطينيين والاردن بزاف اطباق تتشابه كلنا عرب ومادابينا نجربو كلش باش يكون تنوع

 

[nadia D]

رد: الحلويات الجزائرية بقدرة قادر اصبحت مغربية

عندك الحق كيما السوريين والفلسطينيين والاردن بزاف اطباق تتشابه كلنا عرب ومادابينا نجربو كلش باش يكون تنوع

هوما لما يجربو شئ ميقولوش عليه جزائري كيما حنا متلا اللباس العاصمي الجزائري اصبح جبادور مغربي وسروال الشلقة اصبح سروال قندريسي مغربي مع العلم ان السروال المغربي يشبه للباس التقليدي السوري الخاص بالرجال اي نفسه سراويل باب الحارة لكن تحول لسروال الشلقة الدزيري والجزائرييون صدقوهم او يقولو خوتنا حتى ان الجبادور منزلي وليس متل اللباس العاصمي الدي عبارة عن فيستا مطرزة او مخدومة يعني نستورد بدرون ولباس عاصمي في الوقت الدي كان يجب ان يكون العكس يا الاخت اما الحلويات العاصمية فكلها اصحبت تحت اسم حلويات اللوز المغربية في اليوتوب