السلام عليكم
أهلا وسهلا بكم إن شاء الله كل أموركم بخير
اليوم يا جماعة حبيت نحكو على موضوع
المرا والطونوبيل ايه عارفة ممكن موضوع عالجتوه مي خلونا نحكو فيه لانو كثرة
السواقة نتاع النسا ونشوفو راي الرجال فالمرا إذا تعرف تسوق او لالا وراي النسا فالسوقة
بما أني نسوق وقت تسمحلي الظروف الصحية
كاين تصرفات منّا ومنّا يخرجو من رجال كاين اللي يحقر المرا لما يشوفها تسوق
أو غلطة تغلطها المرا ما تعرفش المرا خوّافة المرا هي سباب ليزاكسيدو الليّ فالطريق
مي أنا نشوف فالرجال غالطين المرا تحافظ وتحترم قانون المرور
عكس الرجال نشوف أشكال تقولي باتمان رايحين يطيرو
ولما يلقاو مرا يا حسراه كيفاه يتعوجو فالطريق
السوقة للمرا بالنسبة لي افضل بزاف من الكار واللي يجرا فيها
خاصة لو مرا متحجبة مح**** روحها وتسوق حسب القانون لكن الاكيد يصراو امور فالطريق امور لازم المرا تتغاضى عليها
وثاني لازم الراجل يعرف انو المرا اللي تسوق راهي زوجة او ام او حتى عازبة امر ما يهموش من المفروض يحترمها الحقيقة انو كاين انواع ماشاء الله متربيين يحترمو المرا تسوق فحالك او تستاسيوني لو يشوفك حاصلة بكل ادب يعرض مساعدتو بعكس والله مرات فلوتوروت ويديرو تصرفات تقوليهم جماعة نتاع معيز مش بشر
خرجت المرا للخدمة وللشارع وللعمل لاسباب كثيرة ورجعت المرا تسوق السيارة وتقضي امور ببيتها وتدي ولادها او تجيهم من ليكول برايي تنقص بزاف مهام على زوجها وتساعدو فالميدان هذا ولو انو لو عندي زوج ما نسوقش انا رغم انو مش سيارتي نسوق سيارة زوج اختي للضرورة وفقط لانو لوضعي الصحي ممنوع عليا نسوق لكن والله افضل بزاف من التمرميد من الكيران
ليزاكسيدو فلبلادنا كثرو بزاف بزاف لدرجة كبيرة
كاين يشوف المرا هي السبب وكاين رجال طايرين مش يسوقو تقولي راحين يطلعو للسما
لا إحترام للقانون لا والو ويلعبو بارواح الناس
المرا مش مليحة فكل شي حتى فالطريق مانيش عارفة غارو منّا مانيش عارفة ما حملوهاش حنا نسوقو وهوما قاعدين
ما رانيش عارفة مع انو تعجبهم المرا ذيك اللي طالقة الشوشة صفرا ودايرة النواظر وموسيقى يحرقو وراها 200
ويقولك المرا من خرجت تسوق راحت البلاد ما فهمتش واش علاقة هذي بهذي
إنتوما ضد إنو المرا تسوق أو لالا؟
وخبروني اذا صخ الحوادث كثرو بسبة النسا؟
