- إنضم
- 10 أوت 2013
- المشاركات
- 10,963
- نقاط التفاعل
- 47,241
- النقاط
- 1,706
- الجنس
- ذكر
السلام عليكم ناس اللمة واش احوالكم ان شااء الله بخير؟
اليوم حبيت نحكي على سوجي مليح وان شااء الله تناقشوني فيه باللهجة نتاعنا
ياسيدي بكري كي كنا في الثانوية نعرفو بلي الحالة مقسمة ناس يقراو علوم وناس رياضيات وعلمي وادبي
والعلميين يقراو المواد العلمية والادبية والادبيين كذالك لكن الفرق في الكم المعلوماتي وزيد في المعامِلات يعني اللي يقرا رياضيات
معامل مادة الرياضيات اضعاف مضااعفة على المواد الادبية مثل الادب العربي والاجتماعيات والمواد لخرين وكذالك بالنسبة للشعب الادبية
لكن اللي خرجتلي قلبي وانا نقرى طبيب بيطري هي انو مازالت عقلية المعاملات سارية المفعول يعني سبحان الله انا نقرى مثلا في موديل معين
وهذا الموديل نحتاجو في الحياة العملية علاش حتى يديرلك معامل نتاعو ضعيف على موديل آخر سبحان الله :down: واش هاذي العقلية
زعما قلت كي نطلع الجامعة تروح هاذيك العقلية نتاع نحضر موديل والموديل الآخر ما نحضرلوش لانو معاملو ضعيف لكن لقيت انو مازال هذي العقلية تمشي
لكن للاسف في تخصص واحد بكري كان علابالنا انو المواد اللي تكون كبيرة في النقاط هي اللي رايحة تحدد التخصص نتاعك يعني تدي مليح في العلوم باين
عقلك وين راهو رايح واذا ديت في الرياضيات مليح باين التخصصات نتاوعك وين يكونو لكن ضركا في جامعة وتخصص معروف علاش مازالت هذيك الطبقية نتاع الموديلات مع انو كل موديل
عندو نفس القيمة غدوا كي تتخرج وعلاش مازالت الادارة نتاع وزارة التعليم العالي حابة تخلي الطالب يعيش عقلية النقاط ويصبح ما يهتمش بالموديلات نتاوعو
يتخرج ممكن طبيب وهو في حياتو الجامعية كان يحتقر موديل على الآخر مع انو عندهم نفس المرتبة لكن الفرق في المعامل اللي يتعب الطالب نفسيا
لانو لوكان ما يطلعش في هاذك الموديل مليح ما يقدرش يعوضو بالموديلات اللي معاملها نااقص
يعيني للدرجة هاذي رجع التعليم تاافه تجي لتخصصات اخرى هندسة ولا غيرها تصيب نفس العقلية هذاك موديل المعامل نتاعو 2 ما نقراهش وهذاك الموديل معاملو 6 اواه ندي فيه مليح يطلع
العام بكل اريحية والله مشكل كبير علاش ما ينحوناش هذي العقلية ويكونو كل الموديلات عندهم نفس المعامل او ينحولنا جد المعامل طول باش الواحد يقرى كل موديل بحقو
ما يحتقرش واحد على لاخر باسكو خلاص رانا وصلنا لمرحلة انو كل معلومة ترفدها راهي عندها وزن في حياتك العملية
وخلاص رانا قررنا وااش نديرو وما تقولوليش هذاك موديل خفيف او ماكانش منو ما تحتاجوش لانو راهم تخرجو وقالولنا واش راهو صاري
المهم ننتظر تعليقاتكم وسلام ..
اليوم حبيت نحكي على سوجي مليح وان شااء الله تناقشوني فيه باللهجة نتاعنا
ياسيدي بكري كي كنا في الثانوية نعرفو بلي الحالة مقسمة ناس يقراو علوم وناس رياضيات وعلمي وادبي
والعلميين يقراو المواد العلمية والادبية والادبيين كذالك لكن الفرق في الكم المعلوماتي وزيد في المعامِلات يعني اللي يقرا رياضيات
معامل مادة الرياضيات اضعاف مضااعفة على المواد الادبية مثل الادب العربي والاجتماعيات والمواد لخرين وكذالك بالنسبة للشعب الادبية
لكن اللي خرجتلي قلبي وانا نقرى طبيب بيطري هي انو مازالت عقلية المعاملات سارية المفعول يعني سبحان الله انا نقرى مثلا في موديل معين
وهذا الموديل نحتاجو في الحياة العملية علاش حتى يديرلك معامل نتاعو ضعيف على موديل آخر سبحان الله :down: واش هاذي العقلية
زعما قلت كي نطلع الجامعة تروح هاذيك العقلية نتاع نحضر موديل والموديل الآخر ما نحضرلوش لانو معاملو ضعيف لكن لقيت انو مازال هذي العقلية تمشي
لكن للاسف في تخصص واحد بكري كان علابالنا انو المواد اللي تكون كبيرة في النقاط هي اللي رايحة تحدد التخصص نتاعك يعني تدي مليح في العلوم باين
عقلك وين راهو رايح واذا ديت في الرياضيات مليح باين التخصصات نتاوعك وين يكونو لكن ضركا في جامعة وتخصص معروف علاش مازالت هذيك الطبقية نتاع الموديلات مع انو كل موديل
عندو نفس القيمة غدوا كي تتخرج وعلاش مازالت الادارة نتاع وزارة التعليم العالي حابة تخلي الطالب يعيش عقلية النقاط ويصبح ما يهتمش بالموديلات نتاوعو
يتخرج ممكن طبيب وهو في حياتو الجامعية كان يحتقر موديل على الآخر مع انو عندهم نفس المرتبة لكن الفرق في المعامل اللي يتعب الطالب نفسيا
لانو لوكان ما يطلعش في هاذك الموديل مليح ما يقدرش يعوضو بالموديلات اللي معاملها نااقص
يعيني للدرجة هاذي رجع التعليم تاافه تجي لتخصصات اخرى هندسة ولا غيرها تصيب نفس العقلية هذاك موديل المعامل نتاعو 2 ما نقراهش وهذاك الموديل معاملو 6 اواه ندي فيه مليح يطلع
العام بكل اريحية والله مشكل كبير علاش ما ينحوناش هذي العقلية ويكونو كل الموديلات عندهم نفس المعامل او ينحولنا جد المعامل طول باش الواحد يقرى كل موديل بحقو
ما يحتقرش واحد على لاخر باسكو خلاص رانا وصلنا لمرحلة انو كل معلومة ترفدها راهي عندها وزن في حياتك العملية
وخلاص رانا قررنا وااش نديرو وما تقولوليش هذاك موديل خفيف او ماكانش منو ما تحتاجوش لانو راهم تخرجو وقالولنا واش راهو صاري
المهم ننتظر تعليقاتكم وسلام ..
