صـديـقي :/ :(

[PrinCe of PrinceS]

السلام عليكم ورحمة لله وبركآته
صبآح الخير اليوم حبيــت نشآآركم قصة لصـديٌقــي وزميــل غآلي عليآ بــل وآخي الآصـغــر
المشــكلة
الحمدلله صديــقي كآن من المجتهدين في الدراسة بلآ منآزع وبإعترآف الجميع ف السنة الآولى ثآنوي والثآنية توآليـ :$ نقـدر نقول عليــه : كالآستآذ وللهم لآحسد ! انآ أدرس معه شعبة علوم تجريـبية !
صحيح هو ضعيف ف الموآد الآدبية لكن يقدر يجيب معدل 15 برآحة بدون الاحتياج للموآد الآدبية
المهم ربي يحفظلو الوآلد نتآعو هو لـ شجعو على الدرآسة والآجتهآد ولــكلــ مجتهد نصيب <3
هذآ العآم البآك ؟ أنقلبْ 360 درجة !
!
نقدر نقـولك الضغوطآت نتآع الآعوآم السسسآبقة تفجر ! أصبح لآيطيق الدرآسة ! مع انه ف أسوء حآلته يـستطيع يربح البآك لآنني متيـقن بقدرآته جيدآ وذكآئه الحدآ ربي يحفظوآ ّ
* المشآكلـ نلخصهآ ف نقآط :
* أصبح لآيطيق الدرآسة أطلآقآ ويكـره بعض لاآستآذة أصبح يتلفظْ بكلمآت ليست بآلجيدة سوآء للآستآذ أو مع زملآئه !
* ضغط أبويه سآبقآ أثــر عليه ! فكلمآ تكلمه ع الدرآسة يتزآعف معآك بدون سبب !
* المرآجعة بـ صعوبةْ يحضر معنآ الــى نآدرآ !
* العــزلة مع أصدقآء أقـل منو سنآ أو بألآحرى نتآع دوزيآم ثآنويْ !
ف الفصـل الآولــ تحصل ع معدل 11 جآبهآ بآلموآد العلمية ! طبعآ كيمآ قتلكمْ ذكي ! ف الفصل الثآني 8 ؟
سقوطْ حُرْ الــى القآع مبآشرة !
* متنآقض جدآ ف قرآرته : يآتي الـى ويـقولي نربح البآك ؟ نقولو ان شآء لله يآخويآ نقـول ف خآطر وآلديك يـقولي آيه ! وبعد دقيقة يــقولي رآني حآب نعآآود السنة ! ممآ جعلني أتعصبْ منه ومرآت أضربه !
*أقترحت عليه الرقية الشرعية ورفض !
أنآ ششـكتْ في أنهآ حسدْ لمآ يتمتع به حآليآ من قدرآت ..

خآوتــي كآنشْ حآجة تنصــحونيــ بحآآجة تآثــر عليه وتخليه يرجع كيمآ كآن ! ع الآقل قبل فوآت الآون
الحمد لله والصلاة والسلام على رسول الله وعلى آله وصحبه، أما بعد:

رواه الترمذي في سننه عن أنس بن مالك أنه قال: أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره، فقال إن الدال على الخير كفاعله.

وربي يحفظكم ينآس اللمة !

 

[بنت الـ25]

رد: صـديـقي :/

السلام عليكم ورحمة الله وبركاتها
اعجبني حرصك على صديقك بارك الله فيك وربي يكثر من الاصدقاء أمثالك
وثانيا نقول ربما يكون يعاني من ضغط الباككالوريا بزاف طلبة يصرالهم هاد الضغط ويخليهم يخمموا في اي شيء عدا الدراسة
والخوف من الرسوب هاجس وكابوس يراوده علابيها راه يحاول يهرب من الواقع لكن الهروب من الواقع ليس حل
الحل انو يلزمو يتحدى نفسو ويدرس بجد وينجح ولتما يتيقن بللي راه ربح التجدي وهو تحدي النفس وهو اصعب تحدي
نعرف وحدة جابت البيام بـ 18 كانت من الاوائل فالاكمالية طبعا
تلاقيتها من مدة في بالي راهي فالجامعة وتقرا طب ولكن تفاجأت كي قاتلي بلي ما جابتش الباك
والسبب قاتلي الخوف والتوتر والضغط تع امها
انت حاول تحسسو انو راكم كامل حاسين بنفس احساسو لكن الهروب والعزلة مش حل والباكالوريا امتحان كأي امتحان اللي يستعد ليه ينجح
وبالتوفيق لكما
​

 

[نظرة تفاؤل]

رد: صـديـقي :/

السلام عليكم ورحمة الله وبركاته
اختي راني معاك حاولي تقنعيه بالرقية الشرعية ولا توجهي لوالديه وقوليلهم يرقيولوا
ولا يمكن صراولوا ليبروبلام خلاوه يخرج زعافوا في القراية ويمكن كذلك صحبة السوء يعني ماراحش يمشي مع ناس غي تاع طوايش ماهومش تاع القراية.
ربي يكون معاه ان شاء الله الباك مابقيلوش بزاااف حاولي تقنعيه باه يقرا مادموا ذكي لهذ الدرجة الله يبارك معناه تكفيه هذي الفترة باه يسترجع نفسو
ربي يعاونك ان شاء​

 

[PrinCe of PrinceS]

رد: صـديـقي :/

السلام عليكم ورحمة الله وبركاتها
اعجبني حرصك على صديقك بارك الله فيك وربي يكثر من الاصدقاء أمثالك
وثانيا نقول ربما يكون يعاني من ضغط الباككالوريا بزاف طلبة يصرالهم هاد الضغط ويخليهم يخمموا في اي شيء عدا الدراسة
والخوف من الرسوب هاجس وكابوس يراوده علابيها راه يحاول يهرب من الواقع لكن الهروب من الواقع ليس حل
الحل انو يلزمو يتحدى نفسو ويدرس بجد وينجح ولتما يتيقن بللي راه ربح التجدي وهو تحدي النفس وهو اصعب تحدي
نعرف وحدة جابت البيام بـ 18 كانت من الاوائل فالاكمالية طبعا
تلاقيتها من مدة في بالي راهي فالجامعة وتقرا طب ولكن تفاجأت كي قاتلي بلي ما جابتش الباك
والسبب قاتلي الخوف والتوتر والضغط تع امها
انت حاول تحسسو انو راكم كامل حاسين بنفس احساسو لكن الهروب والعزلة مش حل والباكالوريا امتحان كأي امتحان اللي يستعد ليه ينجح
وبالتوفيق لكما
​

أن شاء لله وربي يحفظك

 

[PrinCe of PrinceS]

رد: صـديـقي :/

ان شاء لله وبي يحفــظـك على النصحية
الدـآل على الخير كفآعله

 

[رابح66]

رد: صـديـقي :/

السلام عليكم

بارك الله فيك أخي الأمير
أشكر فيك وفاؤك لصديقك
نعم الصديق حقا أنت يا أمير
يا أخي صراحة هنا حالات كثيرة كحالة صديقك لكن لكل سبب
أولا مهما نتكلم نحن فأنت أدرى منا به بمراحل التغير
لكن انا أقول لأخي ركز على بعض الأسرار لعلها مخفية عنك منه
* لعل هناك من شلة إنجدب إليها أثرت عليه سلبا مثل التعاطي أو .... *
* لعل هناك من شغلت فكره وأخذت قلبه فسقط مهويا فهو مغرم *
* لعل هناك عامل نفسي كإحتقار أو تهميش _ في العائلة أوفي المؤسسة أو في محيطه *
* لعله يعاني من مرض ما يخفيه عنك فقد به الأمل *
* لعل به عين أو سحر فتصرف أنت عن بعد في هذا الأمر كأن تضع له القرآن وشوف إلا ينفر وإلا لا *
حقا إنه لأمر مؤلم لحالة صديقك يا أخي الأمير
ربي يفرج الكربة وتشوفو كيما كان ويريح بالك​

تقبل تحياتي

 

[السلطانة]

رد: صـديـقي :/

وعليكم السلام ورحمة الله وبركاته
الله يبارك على صداقة كيما هاذي
انا ننصحك انك تحاول تتصل بأب أو والدة صديقك
حاول تفهمهم انو تبدل وتكون هكا ساعدتو ممكن يكون عندو مشاكل في الدار محكالكش عليهم المهم انت حاول وشوف ممكن مساندتك هاذي تعاونو بزاف
وربي يوفقكم في البكالوريا

 

[PrinCe of PrinceS]

رد: صـديـقي :/

أن شاء لله ربي يحفظكم خآوتيــ :)

 

[safouane batna]

رد: صـديـقي :/

الباك يتبدلو فيه ناس بزاف لي يعطيلو اكثر من حقو غالط ان شاء الله تتصلح الامور وتنجحو وتوليو احسن من بكري

 

[PrinCe of PrinceS]

رد: صـديـقي :/

إن شاء لله ربي يوفقنآ

 

[همس الوُرود]

رد: صـديـقي :/

أنا نقرأ فالموضوع والدمعة جاتني.. صح الباك واعر مورالمو.. مكانش يوم مابكيتش فيه ومامرضتش غير في جالة الباك ماتحبش نسمع كلمة باك.. هادي حالة كل إنسان يجوز الباك صديقك أو أنا أو أي شخص عندو الباك

فقط هي ضغوطات.. بصح لازم نصبروا.. لازم تحكي معاه للعقل ومتخليهش يهدر كلام بذيء لانو مراحشش يرضي ربي هكا

في أمان الله

 

[خفيفة الروح]

رد: صـديـقي :/

نشاله تجيب الباك