السلام عليكم و رحمة الله و بركاته
واش راكم احبابي ..أعضاء اللمة ..و الزوار مننساكمش ...ان شاء الله تكونو بخير
هههههههههههههههههههههههه ياه على المقدمة نتاعي ..مزال منتعلم ندير مقدمات
جيت نحكي على ياماتنا الزينة ..اليامات لي كانت العائلة عايلة ..يمات لي كان كي متشوفش حبابك و طول بزاف متشوفهمش سمانة ..يمات اللمات و الحب و الرحمة
جيت نحكيلكم على مناسبات زمان الاعراس و العيد و الحفلات و اللمات
نهار كنت صغيرة نعقل كان ادا عايلة عندهم عرس كامل العايلة تتعاون في كلش حتى مصروف العرس يتقاسموه و واحد ميقوللهم حاجة في طبعهم ...و يتلمو كامل و حتى تكون الماكلة قليلة بصح تكفي و ميبقاش واحد جيعان و نعقل كنا كي يجي الليل الصغار ينعسونا مع بعض يفرشولنا في الأرض و كل وحد يدي بلاصة صغيرة و نسبعو نعاس نوضو فرحانين (هدا مكان يعجبنا حنا الصغار ههههههههه) ..و ينوضو الصباح داك الفطور يتعاونو عليه كامل يحطو يديهم فيه والضحك و الفرحة و كلش يجي منظم ...كنا نتلاقو قبل العرس و نتلمو واحد ميضر لاخر لا في الماكلة يتقلش ولا البلاص بالعكس كامل فرحانين....نعقل كنا الصغار اول وحدين يروحو للعرس ههههههههههههههههههه ماشي كما درك يمدولهم كاش سم باش ينعسو ..كنا كي نروحو ندولهم نعايلهم و نديرو حجرة من تحتها و نتخيلو رواحنا كبار ........و الجدات يتعاونو يوجدو الطعام ..و كامل الجيران داك نهار يفطرو من عند دار العرس
و العيد القاطو يطيب في دار وحدة يتعااونو عليه هديك حلوة الطابع و المقروط و الكعك و المسمن لا يجيبولك جاطو زرق و اسود و لون معرفتش مين جابوه و لا تقولك عييت و تبدا الشيكايات لي ميكملوش ...هداك الحلوة يتعاونو فيها كامل و تجي بنيييييينة متشبعش منها
و يامات رمضان لي ميتنساوش كي نتلمو على طابلة وحدها و يبداو الكبار يحكو و حنا فرحانين بهديك اللمة و الفرحة و مننساوش سهرات رمضان درك قليل وين مزال يتلمو في رمضان ......كل مرة يتلمو في دار كامل العايلة و مننساش نهار اللول لي نصومو يفرحو بينا و يديرولنا داك النهار الفطور لي نحبوه و يلبسولنا لبسة شابة :$
و العيد نتلمو في دار وحدة و البساطة الضحك اللعب....درك العيد كل وحدة تقولك شحال شرات لبستها و منين شراتها والذهب وقتاش شراته
حكيت بزاف من كترت توحشت هدوك اليامات ..للأسف راحو ..ان شاء الله انا و خاوتي نرجعوهم بيناتنا يا رب.....ان شاء الله مطولتش عليكم
علابالي هدرت بزاااااااااااااااف هههه
سلااااااااااااااااااام
واش راكم احبابي ..أعضاء اللمة ..و الزوار مننساكمش ...ان شاء الله تكونو بخير
هههههههههههههههههههههههه ياه على المقدمة نتاعي ..مزال منتعلم ندير مقدمات
جيت نحكي على ياماتنا الزينة ..اليامات لي كانت العائلة عايلة ..يمات لي كان كي متشوفش حبابك و طول بزاف متشوفهمش سمانة ..يمات اللمات و الحب و الرحمة
جيت نحكيلكم على مناسبات زمان الاعراس و العيد و الحفلات و اللمات
نهار كنت صغيرة نعقل كان ادا عايلة عندهم عرس كامل العايلة تتعاون في كلش حتى مصروف العرس يتقاسموه و واحد ميقوللهم حاجة في طبعهم ...و يتلمو كامل و حتى تكون الماكلة قليلة بصح تكفي و ميبقاش واحد جيعان و نعقل كنا كي يجي الليل الصغار ينعسونا مع بعض يفرشولنا في الأرض و كل وحد يدي بلاصة صغيرة و نسبعو نعاس نوضو فرحانين (هدا مكان يعجبنا حنا الصغار ههههههههه) ..و ينوضو الصباح داك الفطور يتعاونو عليه كامل يحطو يديهم فيه والضحك و الفرحة و كلش يجي منظم ...كنا نتلاقو قبل العرس و نتلمو واحد ميضر لاخر لا في الماكلة يتقلش ولا البلاص بالعكس كامل فرحانين....نعقل كنا الصغار اول وحدين يروحو للعرس ههههههههههههههههههه ماشي كما درك يمدولهم كاش سم باش ينعسو ..كنا كي نروحو ندولهم نعايلهم و نديرو حجرة من تحتها و نتخيلو رواحنا كبار ........و الجدات يتعاونو يوجدو الطعام ..و كامل الجيران داك نهار يفطرو من عند دار العرس
و العيد القاطو يطيب في دار وحدة يتعااونو عليه هديك حلوة الطابع و المقروط و الكعك و المسمن لا يجيبولك جاطو زرق و اسود و لون معرفتش مين جابوه و لا تقولك عييت و تبدا الشيكايات لي ميكملوش ...هداك الحلوة يتعاونو فيها كامل و تجي بنيييييينة متشبعش منها
و يامات رمضان لي ميتنساوش كي نتلمو على طابلة وحدها و يبداو الكبار يحكو و حنا فرحانين بهديك اللمة و الفرحة و مننساوش سهرات رمضان درك قليل وين مزال يتلمو في رمضان ......كل مرة يتلمو في دار كامل العايلة و مننساش نهار اللول لي نصومو يفرحو بينا و يديرولنا داك النهار الفطور لي نحبوه و يلبسولنا لبسة شابة :$
و العيد نتلمو في دار وحدة و البساطة الضحك اللعب....درك العيد كل وحدة تقولك شحال شرات لبستها و منين شراتها والذهب وقتاش شراته
حكيت بزاف من كترت توحشت هدوك اليامات ..للأسف راحو ..ان شاء الله انا و خاوتي نرجعوهم بيناتنا يا رب.....ان شاء الله مطولتش عليكم
علابالي هدرت بزاااااااااااااااف هههه
سلااااااااااااااااااام
