السلام عليكوم
بسم الله بديت وع النبي صليت
ليوم جيت نحكيلكم على يمات زمان
ع الشرشم والسنان
ايه كيفاه ليوم تبدلت لحوال بصح كيما يقولوا دوام الحال من المحال
جيت نحكيلكم ع وحد العادة هايلة تعبر على عادات وتقاليد ناس الشاوية لحرار
كيفاه كانوا وكيفاه مازالوا...
كنا بكري صغار حنا نسكنوا في قالمة يسما دار بابا في قالمة ودار جدي اب بابا من ام البواقي شحال كنا نفرحوا انا وخاوتي كي يقولنا بابا ليوم نروحوا عند جداكم نزوروها وحد الفرحة كنت من الفرحة نركب في الطاكسي انا لولا ونبقا نسناهم يلحقوا.....
وحد الخطرى كنا في عطلة ورحنا وبقينا يامات وجاو كامل عماماتي وعمامي تلمينا في ديك الدار دار جدي كانت جداتي ربي يخليها ديما في ليل ديرلنا الحنة وحنا نموتو بالفرحة واحد الصباح كانت جدتي هازا ولد عمتي تسلم عليه وتعض
ياخي حطت يدها على لثة تاع وجيهة سنانو وقاتلو عض نانا عض نانا هههه هكداك قاست حاجة ماضية هه سنانو بداو يابانو هه
عيطت جداتي لعمتي ارواااحي ولدك سنيه بانوا وهي قالتها هاكدا بالشاوية مميك ياغماسنس باننت
هه جات عمتي شافتهم وفرحت ولدي كبار ولدي كبار
قالت جداتي روحوا حطو القمح يشرشم وانا نوض ندير الطمينة
وعيطت للولاد كامل باحفادها بولاد الحومة جينا نجريو
وجداتي جابت القصعة ودارت الطمينة بالروينة والزبدة والغرس وخلطتها مع الشرشم وعطاتنا كامل في يدينا ناكلو ونضحكو ودارت كمية كبيرة وحطت في السحان وقاتلنا ذوقوا الجيران كل واحد منا هز سحن وخرجنا مدينا للجيراان .ايه ياوقت النية كانوا الجييران يحكموا الصحن يديو اللي فيه ويرجعوهولنا فيه الحلوى ولاكاش مصروف وساعات فيه السكر كنا نفرحوا بزااف ياحسراه على يامات زمان كي كات قمح مشرشم يفرحنا كانت يامات حلوة كي لعسل كي نتفكرها نتمنى نرجع ونعيشها دقيقة بدقيقة
مش كيما ليوم تبدلت الحالة كامل وسماطت حتى كي نروحوا ليوم ماكانش البنة تاع البارح ليوم حتى دار جدي رحلو من لبلاصة لي كانوا فيها خلاو الذكريات كامل ثما وكيما يقول المثل كل محولة مهولة وكل منقلة مذبالة
ليوم لولاد يتكبروا وماتعجبهمش تبعتيه عند الجار مايروح تمديلو ياكل ماتعجبو شحال جيل البيتزا وليوم حتى الجار كي تبعتيلو حاجة في الصحن انساي على الصحن يوليلك
بصح مازلت الدنيا بخير ومازالت ناس متمسكا بعادتها وتقاليدها ومازلت تحبها لليوم
ربي يحفضلنا بلادنا من كل شر ويحميها من كل ضر
ويحياو الشاوية وين ماكانوا
بسم الله بديت وع النبي صليت
ليوم جيت نحكيلكم على يمات زمان
ع الشرشم والسنان
ايه كيفاه ليوم تبدلت لحوال بصح كيما يقولوا دوام الحال من المحال
جيت نحكيلكم ع وحد العادة هايلة تعبر على عادات وتقاليد ناس الشاوية لحرار
كيفاه كانوا وكيفاه مازالوا...
كنا بكري صغار حنا نسكنوا في قالمة يسما دار بابا في قالمة ودار جدي اب بابا من ام البواقي شحال كنا نفرحوا انا وخاوتي كي يقولنا بابا ليوم نروحوا عند جداكم نزوروها وحد الفرحة كنت من الفرحة نركب في الطاكسي انا لولا ونبقا نسناهم يلحقوا.....
وحد الخطرى كنا في عطلة ورحنا وبقينا يامات وجاو كامل عماماتي وعمامي تلمينا في ديك الدار دار جدي كانت جداتي ربي يخليها ديما في ليل ديرلنا الحنة وحنا نموتو بالفرحة واحد الصباح كانت جدتي هازا ولد عمتي تسلم عليه وتعض
عيطت جداتي لعمتي ارواااحي ولدك سنيه بانوا وهي قالتها هاكدا بالشاوية مميك ياغماسنس باننت
هه جات عمتي شافتهم وفرحت ولدي كبار ولدي كبار
قالت جداتي روحوا حطو القمح يشرشم وانا نوض ندير الطمينة
وعيطت للولاد كامل باحفادها بولاد الحومة جينا نجريو
مش كيما ليوم تبدلت الحالة كامل وسماطت حتى كي نروحوا ليوم ماكانش البنة تاع البارح ليوم حتى دار جدي رحلو من لبلاصة لي كانوا فيها خلاو الذكريات كامل ثما وكيما يقول المثل كل محولة مهولة وكل منقلة مذبالة
ليوم لولاد يتكبروا وماتعجبهمش تبعتيه عند الجار مايروح تمديلو ياكل ماتعجبو شحال جيل البيتزا وليوم حتى الجار كي تبعتيلو حاجة في الصحن انساي على الصحن يوليلك
بصح مازلت الدنيا بخير ومازالت ناس متمسكا بعادتها وتقاليدها ومازلت تحبها لليوم
ربي يحفضلنا بلادنا من كل شر ويحميها من كل ضر
ويحياو الشاوية وين ماكانوا
تحيـــــــــــــــــــــــــــــــــــــــــــــــــــــــاتي ليكم
آخر تعديل:
