- إنضم
- 18 أوت 2015
- المشاركات
- 2,223
- نقاط التفاعل
- 6,075
- النقاط
- 111
- محل الإقامة
- لا يهم سنغادر يوما ما
- الجنس
- أنثى
واش راكم ? عجبتني المسابقة قلت نشارك و نخلي البصمة نتاعي كي نغيب عليكم
يامات زمان .القعدة الزينة . النية . طيبة القلوب هذو الكلمات كانوا بكري في كل ديار الجزائريين مي اليوم رانا نشوفو انهم رايحين ينقارضوا في مجتمع رجعوا الدراهم و الحيلة يمشوا فيه
صايي نبدالكم في ذكريات تفكرتها كي كنت صغيرة ههه :pكنا نتلموا gاع العايلة نحكوا و نضحكوا جدي و جداتي يحكولنا على الثورة و كيفاش كانوا عايشين بكري يحكونا على اعراسهم كانوا غير بغناء النسا مش كيما ذروك الديسك جوكي يتلع gاع الناس و على البركة لي كانت في هذاك الوقت كانوا قانعين بالقليل هانيين و الحمد لله رغم الظروف المرة كانوا متحابين و متعاونين على شر الزمان .
و ارواحوا تشوفوا في العيد
مي اليوم رانا نشوف قساحت القلوب و لا كل واحد يحوس على روحوا نزيد نحكيلكم على الاكلات ذات الطابع القديم و خاصة كي تديهم جداتي (ربي يرحمها ) نتلمواgاع و نديروا هجوم على اطباقها ههه هذا شرشم و هذي تشيشة و هذي الحرشة نتاع الثورة هههه و تعجبني كي تقسمها كيما العجايز نتاع فيلم دورية نحو الشرق ياع ياع هههه
و على حكايات الغولة و بوقديدش و لونجا بنت السلطان ياو نموت على هذوك الحكايات
و نهار لي يجوا عندنا الضياف و يبداو يحكيو في كاش موضوع ياو نحب ندخل روحي بسيف ما عليش ما ني عارفة والو :yahoo01:
مي ذروك الضياف هذو عدنا ما نشوفوهمش من العيد للعيد حتى صلة الرحم نقطعت سبحان الله . و الجيل هذا كي تقولوا هذي من العادات يقولك خريفا برك هه
ايحه و نسيت رمضان ما حكيتش عليه و يجي السحور كانو ناس بكري ربي يذكرهم على خير يتلموا مورا الفطرو هذي لاتاي و كوكاو و هذي زلابية و كنا نقولو انو ريحة رمضان جات مي ذروك انت تاكل في الزلابية كلي ارك تاكل في الخبز عادي ما فيها حتى بنة و كانو الصغير كي يصوم اول مرة يديرولوا مراسم خاصة بيه مي ذروك والو يقولولو ما زالك صغير غير خطيك من الصوام :s:down:
في الاخير نقول ربي يجيب الخير و يهدينا ان شاء الله و ترجع لمة لحباب :-r
المهم راني طولت عليكم
راني نستنى في ردودكم الرائعة :thumb_up02: :regards01:
تقبلوا تحياتي
دمتم في رعاية الله
آخر تعديل:
