المولود** مشاركتي في مسابقة يامات زمان و القعدة الزينة**

[ام أمينة]

[FONT=&quot] [/FONT]​

[FONT=&quot]السلام عليكم و رحمة الله تعالى و بركاته[/FONT]​

[FONT=&quot] [/FONT]​

[FONT=&quot]اليوم حبيت نحكيلكم على المولد النبوي الشريف كيفاش كان بكري[/FONT]​

[FONT=&quot] [/FONT]​

[FONT=&quot]الله يبارك كانت النية و الاخلاص كانو بكري ينوضو الرجال بكري يروحو يقضو و يشرو الدجاج و الخضرة و كل ما يلزم لهاد اليوم المميز و النساء فالدار يوجدو الطعام ولا الرشتة ولا الشخشوخة و يوجدو بسبوسة و القريوش للسهرة[/FONT]​

[FONT=&quot]و الا كانو الخاوة يسكنو قراب من بعض يتلمو في الدار الكبيرة عند الوالدين و ممكن يجو شوية من الاهل مثلا العمة او الخالة......[/FONT]​

[FONT=&quot] [/FONT]​

[FONT=&quot]يتعشاو كامل مع بعض وش من قصرة وش من ضحك و كانت لومبيونص كبيرة[/FONT]​

[FONT=&quot]وبعد العشاء الرجال يروحو للجامع يصلو و يقعدو يقراو القرآن و لي يروح للقهوة يقصر مع احبابو[/FONT]​

[FONT=&quot] [/FONT]​

[FONT=&quot]اما النساء لي تغسل الماعن و لي تكنس و لي تخمل كامل مع بعض و وحدة ما تقول انا خدمت ولوخرا راهي قاعدة[/FONT]​

[FONT=&quot] [/FONT]​

[FONT=&quot]بعد هذا كلو يجو الجيران و يتلمو فالساحة تاع الدار على الطابلة تع لاتاي و الكاوكاو و اللوز و القريوش و البسبوسة و يديرو الحنة للبنات الصغار و هما فرحانات و كانو يديرو العاب مي ما شفيتش وش هما و كانو البوقالات يعقدو و ينو الله الله[/FONT]​

[FONT=&quot]اما الاولاد الذكور كانو يخرجو للشارع يلعبو مع بعض و يطرطقو محيرقة و زوج ماشي كيما ضرك تقول الحرب الله يستر و كاين لي يروح مع باباه يقرا القرآن و كامل فرحانين[/FONT]​

[FONT=&quot] [/FONT]​

[FONT=&quot]و الله كاين فرق كبير بين المولود تع بكري و تع هاد الاعوام بكري كانت عندو بنة سبيسيال اما الان كل واحد في دارو و المحارق لي يشوفهم يتباعو تقول رايحين يحررو كاش بلاد و يديرو منافسة شكون لي يشري كثر و شكون لي يطرطق كثر[/FONT]​

[FONT=&quot]و لوكان تقولو هادوك الدراهم اديهم صدقهم على المحتاجين و لا طيب طعام و لا رشتة وصدقها تدي اجرها يقولك ما عنديش[/FONT]​

[FONT=&quot]
[/FONT]​

[FONT=&quot]ربي يجيب الخير و خسارة يامات زمان ما يولو و ناسها الزينين ما يولو[/FONT]​

[FONT=&quot] [/FONT]​

[FONT=&quot]اتمنى ان يعجبكم موضوعي[/FONT]​

[FONT=&quot]تحياتي للجميع[/FONT]​

 

[ام أمينة]

رد: المولود** مشاركتي في مسابقة يامات زمان و القعدة الزينة**

شكرا لاعتمادكم موضوعي
​

 

[رابح66]

رد: المولود** مشاركتي في مسابقة يامات زمان و القعدة الزينة**

السلام عليكم

ماشي غير يعجب برك موضوعك هايل هايل
الله يبارك فيك اختي أم أمينة فكرتينا في مناسبة من لملاح
صح كان عندها طعم خاص وبنة حتى وكنا محرومين من حوايج بزاف تاع ألعاب بصح معوضينها كيما قلت أختي باللمة ولمعاونة بين الرجال والنساء في شؤون النحضير وما تسمع غير الكلمة لمليحة هذاك النهار الي يهز الصوت يقولولو ماتنساش رانا في موسم ما الهدرة لقبيحة ولا الحركة المشبوهة مانفكروش فيها خلاص وهذا كل من التراحم والتآزر بين أفراد العائلة والجيران والمجتمع كله*
صح يامات ملاح وكيتفكرهم الواحد تبقى حسرة في قلبو على فراقهم
كنا نديرو المسمار في آلة الحلاقة ونشريو الثرشاق اي الزلاميت ونعمروها وفرقعوها بلا خوف من سلبياتها ومع الفرحة وشكون الي تتفرقع تاعو أكثر وكيما قلت الحنة والسهرة لكبيرة في جو ممتع في الدار لكبيرة وحكايات * آه ياديك زمان*
بارك الله فيك مرة اخرى أختي أم أمينة حقا رجعتينا ليامات حلوين بزاف
الله يحلي أيامك ويبارك في عمرك ويباركلك في أمينة​

تقبلوا تحياتي

 

[Djaouida]

رد: المولود** مشاركتي في مسابقة يامات زمان و القعدة الزينة**

وعليكم سلام ورحمة الله تعالي وبركاته
مولود حنا نقوله سيدنا بكري كنا نحتفو بيه مي دروك والو حنا تقريبا كنا ندرو كيفكم
كانو لافامي يتلايمو عند الولدين ويدرو قعدة شابة في عشاء يدرو رقاق بدجاج وفي سهرة
يديو لاتاي و سفنج وشامية ويتلايمو كامل وحنا صغار نقعدو في حوش دار ونشعلو شمع
ومحيرقة وجداتي ربي يخليها ديرلنا حنة في يدينا وحنا فرحانين يامات شابين والله
هدي مشي بكري بكري غير 99-2000 مي دروك والو براكة راحت مع ناسها
دروك ولينا كل واحد يحتفل وحده ويلا حتفل عاد يامات شابين والله
يعطيك الصحة أختي موضوع رائع
في أمان الله​

 

[ام أمينة]

رد: المولود** مشاركتي في مسابقة يامات زمان و القعدة الزينة**

السلام عليكم

ماشي غير يعجب برك موضوعك هايل هايل
الله يبارك فيك اختي أم أمينة فكرتينا في مناسبة من لملاح
صح كان عندها طعم خاص وبنة حتى وكنا محرومين من حوايج بزاف تاع ألعاب بصح معوضينها كيما قلت أختي باللمة ولمعاونة بين الرجال والنساء في شؤون النحضير وما تسمع غير الكلمة لمليحة هذاك النهار الي يهز الصوت يقولولو ماتنساش رانا في موسم ما الهدرة لقبيحة ولا الحركة المشبوهة مانفكروش فيها خلاص وهذا كل من التراحم والتآزر بين أفراد العائلة والجيران والمجتمع كله*
صح يامات ملاح وكيتفكرهم الواحد تبقى حسرة في قلبو على فراقهم
كنا نديرو المسمار في آلة الحلاقة ونشريو الثرشاق اي الزلاميت ونعمروها وفرقعوها بلا خوف من سلبياتها ومع الفرحة وشكون الي تتفرقع تاعو أكثر وكيما قلت الحنة والسهرة لكبيرة في جو ممتع في الدار لكبيرة وحكايات * آه ياديك زمان*
بارك الله فيك مرة اخرى أختي أم أمينة حقا رجعتينا ليامات حلوين بزاف
الله يحلي أيامك ويبارك في عمرك ويباركلك في أمينة​

تقبلوا تحياتي

يامات زمان ما يولوش يقعدو مجرد ذكرى و نتحسرو على فراقها
المولود يختلف من منطقة الى منطقة و كانت عندو بنة سبيسيال
اسعدني تواجدك في موضوعي
تحياتي
​

 

[ام أمينة]

رد: المولود** مشاركتي في مسابقة يامات زمان و القعدة الزينة**

وعليكم سلام ورحمة الله تعالي وبركاته
مولود حنا نقوله سيدنا بكري كنا نحتفو بيه مي دروك والو حنا تقريبا كنا ندرو كيفكم
كانو لافامي يتلايمو عند الولدين ويدرو قعدة شابة في عشاء يدرو رقاق بدجاج وفي سهرة
يديو لاتاي و سفنج وشامية ويتلايمو كامل وحنا صغار نقعدو في حوش دار ونشعلو شمع
ومحيرقة وجداتي ربي يخليها ديرلنا حنة في يدينا وحنا فرحانين يامات شابين والله
هدي مشي بكري بكري غير 99-2000 مي دروك والو براكة راحت مع ناسها
دروك ولينا كل واحد يحتفل وحده ويلا حتفل عاد يامات شابين والله
يعطيك الصحة أختي موضوع رائع
في أمان الله​

يا اختي العوايد و المنسبات تع بكري كانو بزاف هايلين القلوب ماكانتش قاسحة
الاخ يحب الخير لخوه و لاخته و الاهل و الاحباب و الجيران ماشي كيما الان كل واحد يخمم في روحو و تصرا المنافسة شكون شرا كثر من شكون ......شكون عندو كثر من شكون ...
الله المستعان و يامات بكري من اروع الايام
اسعدني تواجدكي في موضوعي
تحياتي


​

 

[tistissa dj-tissou]

رد: المولود** مشاركتي في مسابقة يامات زمان و القعدة الزينة**

المولود تاع بكري ماش كيما تاع ليوم
بكري كنا نسناوه باليوم والدقيقة ونفرحولو ونحسوا بيه وليوم يا حسراه
شكرا على الموضوع الجميل
موفقة اختي

 

[ام أمينة]

رد: المولود** مشاركتي في مسابقة يامات زمان و القعدة الزينة**

المولود تاع بكري ماش كيما تاع ليوم
بكري كنا نسناوه باليوم والدقيقة ونفرحولو ونحسوا بيه وليوم يا حسراه
شكرا على الموضوع الجميل
موفقة اختي

صح المولود بكري و الان ماشي كيف كيف
بكري كاو يستناوه كامل و يوجدولو كامل و يستناو اللمة للي ينحو فيها على خاطرهم
اسعدني توواجدكي اختي في موضوعي
تحياتي
​

 

[Oussama.GF]

رد: المولود** مشاركتي في مسابقة يامات زمان و القعدة الزينة**

بالتوفيق لك اختي في مسابقة لي تفكرنا بزمان تعنا ويمات لي عيشنها

 

[ام أمينة]

رد: المولود** مشاركتي في مسابقة يامات زمان و القعدة الزينة**

بالتوفيق لك اختي في مسابقة لي تفكرنا بزمان تعنا ويمات لي عيشنها

يعطيك الصحة اخي
اسعدني تواجدك في موضوعي
تحياتي
​

 

[لؤلؤة قسنطينة]

رد: المولود** مشاركتي في مسابقة يامات زمان و القعدة الزينة**

السلام عليكم
بوركتي أختي أم أمينة موضوع هايل وباهي ويفكرنا بعادة من عادات زمان
وهي تجمع الأسرة يوم المولد وطريقة الاحتفال التقليدية لي فيها بنة الله يبارك
وين كانت ماكانش تفرقة بين الناس وماكانش لي يحتفل وجارو قاعد هكاك
كنت أي مناسبة تلم العايلة والأقارب ماشاء الله
يامات عمرها لا تتكر للأسف
بوركتي اختي ما عندي واش نزيد على كلامك
ربي يهنيك ان شاء الله
تحياتي العطرة لكِ
​

 

[ام أمينة]

رد: المولود** مشاركتي في مسابقة يامات زمان و القعدة الزينة**

السلام عليكم
بوركتي أختي أم أمينة موضوع هايل وباهي ويفكرنا بعادة من عادات زمان
وهي تجمع الأسرة يوم المولد وطريقة الاحتفال التقليدية لي فيها بنة الله يبارك
وين كانت ماكانش تفرقة بين الناس وماكانش لي يحتفل وجارو قاعد هكاك
كنت أي مناسبة تلم العايلة والأقارب ماشاء الله
يامات عمرها لا تتكر للأسف
بوركتي اختي ما عندي واش نزيد على كلامك
ربي يهنيك ان شاء الله
تحياتي العطرة لكِ
​

و عليكم السلام اهلا اختي
الله يسلمك الموضوع تشجعت و كتبتو من تشجيعاتكم و ردودكم الهايلة

وش نديرو كلش تبدل المعيشة العباد العوايد......بكري كل حاجة بالقيمة تاعها يامات النية و الخير

اسعدني كثيرا تواجدكي في موضوعي
تحياتي
​

 

[ليليا مرام]

رد: المولود** مشاركتي في مسابقة يامات زمان و القعدة الزينة**

السلام عليكم اختي ام امينة
فبالي حطيتلك رد لقيت مازال
ايه على المولود نقولك احنا كنا نديرو حاجة مميزة فحومتنا
شوفي من صباح وحنا نوجدو وليجون نتاع الحومة كلهم ينظفو الحومة ويديرو البالونات ولامبات كانو عرس شوفي ومع المغرب الكل يتعشى في دارو لانو يكونو العيلات تلمو وبعدها من كل دار يخرجو الكمينة والاطباق ولاتاي والقهاوي المهم كل شي طوابل طوابل برا واللي فايت يدي الطمينة والقاطو ويقعدو الرجال يحنو للاولاد الصغار ولو كاين اللي راح يطّهر يختنوه ذيك الليلة كامل يجو رجال غاشي كبير يصدروه ونديرو مولود ونغس الوقت طهارة لولاد الجيران نملوهم زوج او 3 اللي يحب يفوت مولود هايل والنسا من داخل تزغرت واناشيد ونغنو مدائح وحنا نجرو را الالعاب وحتى رجال يلعبوها معانا تفوت ليلة هايلة والصباح كامل يتعاونو ينظفو الحالة راهي مازلت فينا شوي نديروها مي مش كيما كانت
كانت ايام روعة
شكرا فكرتيني نحب المولود لما يجي على جالها

 

[جيهان جوجو]

رد: المولود** مشاركتي في مسابقة يامات زمان و القعدة الزينة**

وعليكم السلام ورحمة الله وبركاته
اه على ايامات زمان ايامات المولد النبوي الشريف نتلمو فيه كامل من صغيرنا لكبيرة ونديرو عشا واحد ونديرو قسرة مليحة وثاني نتلمو نقراو القران ونتحدثو على سيرة النبي صلى الله عليه وسلم
والله ايامات يهبلو مكانش قدهم
يعطيك الصحة اختي على المموضوع الهايل
بالتوفيق
في امان الله
​

 

[الحلم الوردي]

رد: المولود** مشاركتي في مسابقة يامات زمان و القعدة الزينة**

يعطيك الصحة ام امينة
صح المولود نتاع زمان كيفاش كنا
سيغتو الصغار يخرجو برا يبداو يغنو الاغاني نتاع النبي
ويهزو الشمع في اليدين ويلعبو
وتانيك الامهات
يديرو لعشاء وكانو لجيران يذوقو بعضاهم
ومن غد يديرو الزرير ولا الطمينة
وتانيك لبنات يديرولهم الحنة والفرحة هديك كيفاش
مي دوركا ولا عادي خلاص
كي شغل نهار وفايت
بالتوفيق لكي
​

 

[السلطانة]

رد: المولود** مشاركتي في مسابقة يامات زمان و القعدة الزينة**

وعليكم السلام صح مولد زمان ماشو تاع دركا

شكرا اختي هدرتينا على عادة من عاداتنا

 

[ام أمينة]

رد: المولود** مشاركتي في مسابقة يامات زمان و القعدة الزينة**

السلام عليكم اختي ام امينة
فبالي حطيتلك رد لقيت مازال
ايه على المولود نقولك احنا كنا نديرو حاجة مميزة فحومتنا
شوفي من صباح وحنا نوجدو وليجون نتاع الحومة كلهم ينظفو الحومة ويديرو البالونات ولامبات كانو عرس شوفي ومع المغرب الكل يتعشى في دارو لانو يكونو العيلات تلمو وبعدها من كل دار يخرجو الكمينة والاطباق ولاتاي والقهاوي المهم كل شي طوابل طوابل برا واللي فايت يدي الطمينة والقاطو ويقعدو الرجال يحنو للاولاد الصغار ولو كاين اللي راح يطّهر يختنوه ذيك الليلة كامل يجو رجال غاشي كبير يصدروه ونديرو مولود ونغس الوقت طهارة لولاد الجيران نملوهم زوج او 3 اللي يحب يفوت مولود هايل والنسا من داخل تزغرت واناشيد ونغنو مدائح وحنا نجرو را الالعاب وحتى رجال يلعبوها معانا تفوت ليلة هايلة والصباح كامل يتعاونو ينظفو الحالة راهي مازلت فينا شوي نديروها مي مش كيما كانت
كانت ايام روعة
شكرا فكرتيني نحب المولود لما يجي على جالها

و عليكم السلام اهلا و سهلا اختي
فعلا المولود مميز عندكم و مليح كي مازالكم شادين في اللمات ربي يباركلكم
اسعدني تواجدكي في موضوعي
تحياتي
​

 

[ام أمينة]

رد: المولود** مشاركتي في مسابقة يامات زمان و القعدة الزينة**

وعليكم السلام ورحمة الله وبركاته
اه على ايامات زمان ايامات المولد النبوي الشريف نتلمو فيه كامل من صغيرنا لكبيرة ونديرو عشا واحد ونديرو قسرة مليحة وثاني نتلمو نقراو القران ونتحدثو على سيرة النبي صلى الله عليه وسلم
والله ايامات يهبلو مكانش قدهم
يعطيك الصحة اختي على المموضوع الهايل
بالتوفيق
في امان الله
​

اهلا بكي في موضوعي
صح يامات ما يولوش خصوصا اللمات الله الله
الله يسلمك اختي نورتي موضوعي
تحياتي

​

 

[ام أمينة]

رد: المولود** مشاركتي في مسابقة يامات زمان و القعدة الزينة**

يعطيك الصحة ام امينة
صح المولود نتاع زمان كيفاش كنا
سيغتو الصغار يخرجو برا يبداو يغنو الاغاني نتاع النبي
ويهزو الشمع في اليدين ويلعبو
وتانيك الامهات
يديرو لعشاء وكانو لجيران يذوقو بعضاهم
ومن غد يديرو الزرير ولا الطمينة
وتانيك لبنات يديرولهم الحنة والفرحة هديك كيفاش
مي دوركا ولا عادي خلاص
كي شغل نهار وفايت
بالتوفيق لكي
​

الله يسلمك اختي
بكري المولود كانت عندو بنة سبيسيال و ضرك كل واحد حاكم دارو و لي يخرج يدير منافسة شكون لي يطرطق كثر
وين راهم دوك ليام
يعطيك الصحة اختي كي زرتي موضوعي
تحياتي
​

 

[ام أمينة]

رد: المولود** مشاركتي في مسابقة يامات زمان و القعدة الزينة**

وعليكم السلام صح مولد زمان ماشو تاع دركا

شكرا اختي هدرتينا على عادة من عاداتنا

اهلا و سهلا اختي
صح المولود تع بكري كانت فيه النية و الخير
الله يسلمك اختي نورتي موضوعي
تحياتي
​