السلام عليكم
تقبلوا تحياتي
واش حولكم خاوتي وخوتاتي نتمنى راكم بخير وعافية
اليوم ومنين فكرونا حبابنا صحاب الفكرة بيامات زمان
حتى أنا رجع بيا الحنين إلى الصغر وتفكرت موسم الربيع
كان كيجي الربيع بالنوار ولخضورة تاعو كيما ديك لعريس في الكوستيم ولا هديك لعروسة فالروبا البضة تاعها
الربيع تاع زمان حتى في نباتو ماشي كيما تاع اليوم كانت لخضورة خضورة ولحمورة حمورة والصفورة صفورة
والشي لغرب كيما تتبدل الطبيعة تتبدل حياة الناس وتتبدل العقلية وتتنور لوجوه ووالناس كل فرحانة وزاهية
لوكان نبات نحي على مواصفات الربيع واش من خيرات مانكملش لغدوا بصح يهمنا هنا العادات*
كان عندنا حنا من جيهة سكيكدة عادة موسم الربيع وفيها * نضحيو نطيبو لبراج ونديرو الطمين ونخرجو في نزهة *
* نضحيو ماشي نذبحو لالا يعني كيدخل الربيع تبدا السخانة لبقر غير تطلع عليهم الشمس وتسخن مع وقت الضحى يطكو ويهربو من المرعى لكوارا يحوسو على الظل ولبرود على هذي ولات عادة ونعرفوها بالنوار لصفر تاع القندول والبرواق وبالمناسبة نديروا الطمين مع لبن يكونو لبقر ولدو ويامحلاه ديك الطمين مهم تاكلو في أي وقت مايجيش حلو كيما تاع الضحى ولحلاوة لخرى نتبعو لبقر وين يزبلوا حاشاكم نلمو هذاك الزبل نديروه وقيد نخزنوه لشتا نخبزو بيه ونسابقوا ساعات والله نلاقيوها من البقرة مباشرة ومرة وحد طفلة سبقتنا ولسقت في مؤخرة لبقرة زعما باش تدي كلش ليها وهديك البقرة مسكينة كانت كرشها جارية وتعطيها في صدرها وقشها راحت تبكي لدار وحنا حكم في كرشك لاطيح من الضحك هههههههه*
لبراج مكانش يندار من غير الربيع وكانت عندو حلاوة لاتوصف علابالكم كنا نسناو لبراج تاع الربيع كيما كبش العيد
ويتلموا النساوين ويطيبوا في طاجين واحد وفرحت النساء وحكاياتهم وحنا الدراري نستناو وهما يصبرو فينا ماتقلقوش يالحبايب درك نشبعوكم*
وكانت عنجنا خرجة مهمة فالربيع لجبل ولا لمروج والويدان المهم نهار كل مرح وتسابق وحكايات وتخواف هذا ورا شجرة وهذا تحت حجرة ولخر لابد في حفرة ونديو معانا الطمين والكسرة واللبن والحلوة و و و ونرجعو غير مع لعشية خلاص *
طولت عليكم بصح عدات يمات زمان حلوة تاع الصح ودرك تحرمنا منها بسبب ألا أمن *
اليوم ومنين فكرونا حبابنا صحاب الفكرة بيامات زمان
حتى أنا رجع بيا الحنين إلى الصغر وتفكرت موسم الربيع
كان كيجي الربيع بالنوار ولخضورة تاعو كيما ديك لعريس في الكوستيم ولا هديك لعروسة فالروبا البضة تاعها
الربيع تاع زمان حتى في نباتو ماشي كيما تاع اليوم كانت لخضورة خضورة ولحمورة حمورة والصفورة صفورة
والشي لغرب كيما تتبدل الطبيعة تتبدل حياة الناس وتتبدل العقلية وتتنور لوجوه ووالناس كل فرحانة وزاهية
لوكان نبات نحي على مواصفات الربيع واش من خيرات مانكملش لغدوا بصح يهمنا هنا العادات*
كان عندنا حنا من جيهة سكيكدة عادة موسم الربيع وفيها * نضحيو نطيبو لبراج ونديرو الطمين ونخرجو في نزهة *
* نضحيو ماشي نذبحو لالا يعني كيدخل الربيع تبدا السخانة لبقر غير تطلع عليهم الشمس وتسخن مع وقت الضحى يطكو ويهربو من المرعى لكوارا يحوسو على الظل ولبرود على هذي ولات عادة ونعرفوها بالنوار لصفر تاع القندول والبرواق وبالمناسبة نديروا الطمين مع لبن يكونو لبقر ولدو ويامحلاه ديك الطمين مهم تاكلو في أي وقت مايجيش حلو كيما تاع الضحى ولحلاوة لخرى نتبعو لبقر وين يزبلوا حاشاكم نلمو هذاك الزبل نديروه وقيد نخزنوه لشتا نخبزو بيه ونسابقوا ساعات والله نلاقيوها من البقرة مباشرة ومرة وحد طفلة سبقتنا ولسقت في مؤخرة لبقرة زعما باش تدي كلش ليها وهديك البقرة مسكينة كانت كرشها جارية وتعطيها في صدرها وقشها راحت تبكي لدار وحنا حكم في كرشك لاطيح من الضحك هههههههه*
لبراج مكانش يندار من غير الربيع وكانت عندو حلاوة لاتوصف علابالكم كنا نسناو لبراج تاع الربيع كيما كبش العيد
ويتلموا النساوين ويطيبوا في طاجين واحد وفرحت النساء وحكاياتهم وحنا الدراري نستناو وهما يصبرو فينا ماتقلقوش يالحبايب درك نشبعوكم*
وكانت عنجنا خرجة مهمة فالربيع لجبل ولا لمروج والويدان المهم نهار كل مرح وتسابق وحكايات وتخواف هذا ورا شجرة وهذا تحت حجرة ولخر لابد في حفرة ونديو معانا الطمين والكسرة واللبن والحلوة و و و ونرجعو غير مع لعشية خلاص *
طولت عليكم بصح عدات يمات زمان حلوة تاع الصح ودرك تحرمنا منها بسبب ألا أمن *
تقبلوا تحياتي
