- إنضم
- 24 نوفمبر 2015
- المشاركات
- 13,705
- الحلول
- 1
- نقاط التفاعل
- 25,944
- النقاط
- 2,306
- محل الإقامة
- تركيا - إسطنبول
- الجنس
- أنثى
قبل منحكي على هذوك اليامات
حبيت نقول ياريت ماكان عندنا مال و ياريت ظلة النية والمحبة
نرجعوا لموضوعنا:
نتفكر فهذوك اليامات من كان يقرب يجي شهر رمضان كنا في دار واحدة تتألف من جدة واعمام ونساء الاعمام
وكنا بنات الاعمام بتقريب في نفس العمر . غير يقرب شهر رمضان كنا نظفوا مع بعضانا كامل هذيك الدار الكبيرة
ونشروا ادوات للمطبخ جديدة وأمهاتنا كانوا يصنعوا مع بعضاهم بهارات الأكل وما يشروهاش جاهزة
اما احنا من كنا صغار بنات العم نظلوا ندورا ونغنوا على رمضان كان كل شيئ
هايل والله غير الداخل لدارنا يحسب ضيف راهو جاينا
ومبجرد يبدا رمضان وتعب النهار منحسوش بيه لخاطر كنا كامل نتقاسم التعب والراحة والفرحة والضحكة والحزن
ولما كنا نروح نقروا في المسجد كان يقولنا الامام لازم تجربوا تصوموا وغير نرجعوا لدار
نهبلوا امهاتنا بالصوم نتاعنا وككانوا عينيا يحماروا وريقي ينشف وما كنت نحب ناكل لخاطر كلام الامام بالنسبة لي في ذاك الوقت التزام
ويا حصرى على سهرات رمضان هايلة بزاف خاصة من تقعد جداتي تحكيلنا عن النبي صلى الله عليه وسلم
وتحكيلنا وقتاش أنزل القران وعن الصبر وحبنا لبعضانا وحكايتها على جدي لي مات ومشفناهش كامل
وهي الحكاية لي لم نمل من سماعها .أما يوم العيد حكاية طويلة تبدا من زياراتنا لكل بيت بقربنا يعني جيرانا ومشاغبة شوية ما نحكيلكمش عليهاا هههه
كنا نتشاجروا في دقيقة ونتصالحوا في الدقيقة الاخرى
انا بالنسبة لي مكانش عندي ا
أم وحدة واب واحد بل كان عندي أمهات واباء
بصح اليوم كل شيء تغير قليل ما نتلاقوا
وبلاك نقدر نقول برك في المناسبات لي نشوفوا بعضانا وبعض الاحيان يتحججوا ب أعذار تافهة
ياريت ترجع هذيك الايام
وفي الاخير أتقدم بالشكر
لمن أحيا هذه الأيام من جديد في
نفوسنا
آخر تعديل:
