- إنضم
- 21 مارس 2010
- المشاركات
- 44,625
- نقاط التفاعل
- 68,163
- النقاط
- 696
- محل الإقامة
- عالم النسيان
- الجنس
- أنثى
واش راكم يا اهل اللمة
ان شاء الله راكم ملاح:up:
وصح في بلادنا هذيا كاين شعال من عادة تتميز بها كل منطقة:thumb_up02:
كاين الي في كل ولاية وكاين الي اول مرة نسمعو بها:-r
أيا أنا تاني قلت نشارك في :sport02:
مُسابقة {يآمات البَركة والقَعدة الزينة}
نتاع ناس زمان
وعادة نتاع بكري خلاص
وكانت موجودة من عند جدودنا
{مشاركتي في مسابقة يامات البركة والقعدة الزينة}[قص الشعر عندما يفوت لعام]
وبقات عادة يدوروها حتى لدوركا
والحمد لله هذ العادة مازالها:up:
هو كي يولي عام على البنت والولد
ينحيولو شعرو
نتاع بكري كانو يقصولو غي الشعر الزائد برك
بالمقص ولا زم ينحيهولوا الراجل
هكدا يقولو فال مليح:up:
المهم يقصهولو الاب نتاعو ولا جدو
ماشي كيما دوركا يدوه عند الحفاف وينحيولو الشعر
ولازم الاهل نتاع باباه يوجدولو
ويعرضو لفامي والجيران نتاعو:$
يلبسولو قش جديد:regards02:
وتانيك يوجدولو الطمينة وهديك الريحة نتاعها كيفاش
ويكون الولد والبنت محاطة بلولاد وكيفاش يهزوها ويلعبوها
الزهو كيفاش والضحكة نتاع اللولاد
من بعد مايقصولو شعرو يبداو يغنيولو
ومن بعد يدو هذاك الشعر ويغرسوه في الحديقة
بعد ماتكون الجدة نتاعو و يماه يوجدو هديك الطمينة
ويتلمو عليها الاولاد واولاد الجيران ويحطوه في قصعة كبيرة
وكل واحد يمدولو شوية في يدو يوكلو لكبار والصغار
ويزيدو يمدو للجيران تانيك يذوقوا كــــــــــــــــــآمل
والبركة كاينة
وفي الليل يديرو لعشاء نتاع بكري كان عندهم كل شيء
كانو يذبحو ويديرو النعمة ولا الرقاق
ويعرضوا لفامي كاملين للعشاء ويزيدو الجيران تانيك
كانو يعاونو بعضاهم ويتعشاو وكان الي يريح يبات
وكاين الي يروح مور لعشاء
ويزيدو يفرقوا لباقي الجيران
ايه وي لواحد كي يتفكر ريحة زمان
يقول يالوكان غي ترجع
باسكو نتاع زمان كانو كل شيء زاهي
:love01:
