:: مجرد نصيحه :: عضو الأسبوع :: لؤلؤة قسنطينة :

[Silent Hill]

صباحكم - مسائكم
' لكل قلب عاقل ,
لكل نفس طيبه ‘
لكل مؤمن بقضاء الله و قدره ,‘

:up:
خاوتي المِحتارُمِينْ حبيت نعطيكم موضوع في هـ القسم الرائع ،’,
باه يجي كل أسبوع مخبوط من الغمة،’,
يشارك معانا فالعدد ، باستماع الى كلمات طيبه ،’,
و رح نشرف ان شاء الله على الموضوع ،’,
كوني انا لي كركرتوُ ،’,
و أكيد بعض الاعضاء سيقو معايا ،’,
و مننساش لحراير لي طيبولنا الطعام ،’,
المهم رح تكون القوانين كالتالي ،’,
ــــــــــــــــــــــــــــــ ــــــــــــــــــــــــــــــ
القوانين :
فقط الأجابه على الأسئله بلون مغاير
و إعطاء نصيحه للعضو فأخر المطاف
ــــــــــــــــــــــــــــــ ــــــــــــــــــــــــــــــ
س1 : واش يعجبك فهاذ العضو ؟

م1 : شتا تسميه لوكان يرجعلك الأمر ؟

ي1 : واش رايك بالصوره الرمزية و التوقيع ؟

ق 1 : نصيحتك ليه ...
ــــــــــــــــــــــــــــــ ــــــــــــــــــــــــــــــ
عضونا لهذا الاسبوع


::




::






‏لؤلؤة قسنطينة
ــــــــــــــــــــــــــــــ ــــــــــــــــــــــــــــــ

​

 

[Hakan]

رد: :: مجرد نصيحه :: عضو الأسبوع :: لؤلؤة قسنطينة :

السلام عليكم اهلين بخويا حساام
القسم هذاا راها في ساركيلاسيون كحلة حتان دخلت باش شفت موضوع المهم بسم الله نبدا:

س1 : واش يعجبك فهاذ العضو ؟

يعجبني فيها الخفة نتاعها واظرافة نتاعها ما تنويكش طوول اللي تقول عليها تقولك راني هنا
ماتخلي ني كبير ني صغير الا وتعطيلو قيمتو وتعاونو بكل قلبها



م1 : شتا تسميه لوكان يرجعلك الأمر ؟

اسمها مريم وهل هناك احسن من هذا الاسم لكن نحب نسميها
فرح اسم يليق عليها لانو ماشاء الله ديما فرحانة

ي1 : واش رايك بالصوره الرمزية و التوقيع ؟

الصورة الرمزية تدل على صفاء القلب اللي عندها وحبها للطبيعة والورد
اما التوقيع يدل على شخصيتها وحبها للحجاب وتذكرها الدائم لاختنا اللي راحت ومازال ما رجعتش بيرل بلونش
ربي يكون معاها



ق 1 : نصيحتك ليه ..

نصيحتي ليها نقلها ياو ادعيلي معاك بالاسم وما تقوليليش انا والمومنين خخخ انا وحدي
ربي يفتح عليك ختي ومانيش فاهم كيفاش ما فاقوش بيها ناس قسمطينة وقيلا نروح نديرلهم اشهار لثم
ابقاي كيما هاك خيتو بالطيبة نتاعك واخلاقك الحميدة
حاجة اخرى ديري حساباتك لانو ماش كامل الناس يشوفو هاذيك الطيبة على انو طيبة يعني ممكن يشوفوها ممكن سذاجة بسبب انو قلوبهم مريضة مالا ديري حساباتك منهم وربي يفتح عليك من كل خير ..​

 

[zohor kfz]

رد: :: مجرد نصيحه :: عضو الأسبوع :: لؤلؤة قسنطينة :

ya3tik assa7a akhi 3la elmawdo3 w 3ala 2ikhtiyarik lhad el3odw ... ndon anha elwa7ida li na9dar n9ol 3raftha chwaya aktr min el2akharin
س1 : واش يعجبك فهاذ العضو ؟
7nina w tatfakar kol wa7ad w ta39al 3ala ada9 eltafassil w hada li chidat ihtimamiha bilkol

م1 : شتا تسميه لوكان يرجعلك الأمر ؟
issamha chbab w akid mara7ch nal9a a7san min kalmat lo2lo2a

ي1 : واش رايك بالصوره الرمزية و التوقيع ؟
soratha ta3kas ro7ha eltabi3iya elghayr elmotassani3a w taw9i3ha la kalam 3alayh

ق 1 : نصيحتك ليه ...
mmmmmmmmm ana n7obak bazaaaaaaaaaaaaaaaaaaf w nasi7ti liki ano tab9ay dayman kima raki w akid ida zidti chwaya ma3lich hhhh w aham 7aja ano tkhassi wa9t lro7ki li2ano la7adt anki tahtami bzf li kol saghira wakabira w matal9ach elwa9t lro7ki elkafi bach nti t3ichi
dama 9alboki tayib w 7anon ila el2abad

 

[السلطانة]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟
التربية والأخلاق تاعها
م1 : شتا تسميه لوكان يرجعلك الأمر ؟
جوهرة ثمينة
ي1 : واش رايك بالصوره الرمزية و التوقيع ؟
يدلان على استقامتها واعتدالها
ق 1 : نصيحتك ليه ...
ابقاي كيما عرفناك


:regards01:
​

 

[sosobibicha]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟

كل شيئ خاصة الصورة الرمزية و التوقيع :love01: و تعجبني فيها خفة الروح و اخت الجميع هنا و.....و....و....
​

م1 : شتا تسميه لوكان يرجعلك الأمر ؟

لؤلؤة فريدة من نوعها
​

ي1 : واش رايك بالصوره الرمزية و التوقيع ؟

رووووووووووووعة الله يبارك يدلو على طيبة القلب و شخصيتها الرقيقة الرائعة
​

ق 1 : نصيحتك ليه ...

اختي لؤلؤة ابقاي دايمن لؤلؤة كيما نعرفوك محافظة على دينك و على نفسك و على كل شيئ يخصك :thumb_up02:
و نقولك ربي يحفظك ان شاء الله :regards01:
​

شكرا لك اخي على الموضوع الرائع بارك الله فيك
دمتم في رعاية الله​

​

 

[Oussama.GF]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟
ج1 : كلامها ومنقشاتها مع الاعضاء
م1 : شتا تسميه لوكان يرجعلك الأمر ؟
ج2: نسميها بنت بلادها

ي1 : واش رايك بالصوره الرمزية و التوقيع ؟
ج3 : روووعة
ق 1 : نصيحتك ليه ...
ج4 : عقليتك فووور وباينة تاع وحدة كبيرة

 

["viola"]

رد: :: مجرد نصيحه :: عضو الأسبوع :: لؤلؤة قسنطينة :

السلاام عليكم

أخيرا حطيتلنا وحدة نعرفها شوية :d

دايما ندخل نجي نحط رد مبعد نحشم خخخخ




س1 : واش يعجبك فهاذ العضو ؟

عفويتها و تلقائيها وطيبتها ..ما شاء الله

وثان نحسها برييييييييئة

م1 : شتا تسميه لوكان يرجعلك الأمر ؟

اسمها مريم كيما ختي نخليه هاك

و لا برائة ثان باه تعود اسم على مسمى

ي1 : واش رايك بالصوره الرمزية و التوقيع ؟

يدلان على "الرقة" كيما قالي حكيم ههه

ق 1 : نصيحتك ليه ...

نقولها ابقاي كيما راكي بطيبتك و البرائة تاعك مي بالاكي تتحشالك برك

صحيت خويا
​

 

[ليليا مرام]

رد: :: مجرد نصيحه :: عضو الأسبوع :: لؤلؤة قسنطينة :

السلام عليكم خويا ايييه اليوم صيدتنا صيدة مهمة عليها راني دخلت الاخت لؤلؤة
شكرا لك نرجع ضرك نحش فيها

س1 : واش يعجبك فهاذ العضو ؟
ما يعجبني والو هههه امزح ..... ياو فيها كل شي هايل واش نحكي واش نخلي يحكي ن يكفي نغير منها حتى سميت روحي مريم كيما هي

م1 : شتا تسميه لوكان يرجعلك الأمر ؟
انا نسميها غرام لانو تحب كل الناس قلبها بيض
ي1 : واش رايك بالصوره الرمزية و التوقيع ؟
ايه لو نقولك انا مننتبهش للصور او التوقيع استنى نضرب طلة ونرجع

ق 1 : نصيحتك ليه ...

نقولها ما تضحكيش بزاف على خاطر راهي مرت الدايم تضحك بزاف
نقولها ربي يحفظك واللي يحبو ربي يحبب خلقو فيه وراهي محبوبة نقولها وااااااااصلي

شكرا اختي الله يخليك

 

[الحلم الوردي]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟
التربية والأخلاق تاعها ماشاء الله عليها
م1 : شتا تسميه لوكان يرجعلك الأمر ؟
جوهرة اللمة
ي1 : واش رايك بالصوره الرمزية و التوقيع ؟
يدلان على شخصيتها
ق 1 : نصيحتك ليه ...
ابقاي كيما عرفتك
​

 

[الزهرة الحمراء]

رد: :: مجرد نصيحه :: عضو الأسبوع :: لؤلؤة قسنطينة :

CENTER]السلام عليكم اخي
يعطيك الصحة على ابموضوع الباهي لي كركرتو لينا خخخخ
ملاحظة :ماتخلعكمش لؤلؤتي لوكان نوريلكم واش تحكي فالكواليس ماتقولوش كامل هاديك العاقلة خخخخخخ حبوبتي نزيدهم شوية ولا نخبي عليك
راني نقصر برك لا تحوها صح المهم بلا هدرة زايدة
س1 : واش يعجبك فهاذ العضو ؟
ماكان حتى حاجة فيها تعجب نيهاهاهاها
ربي يبارك عليها وماشاء الله مثال الطيبة وين تحتاجها تلقاها طول تعاونك بلا ماتخمم
واكثر حاجة تعجبني فيها هي تفهمني بزاااف مرات غير من الكلمات تحس بيا

م1 : شتا تسميه لوكان يرجعلك الأمر ؟
نسميها ملاك نسبة الى روحها الطاهرة
ي1 : واش رايك بالصوره الرمزية و التوقيع ؟
الصورة الرمزية والتوقيع ديما تختارهم بذوق راقي
ودائما يكون فالجانب الديني ربي يحفظها
ق 1 : نصيحتك ليه .
نصيحتي غاليتي ابقاي طيبة كيما راكي
لأنو مول النية اذا ماربحش عمرو ولا رايح يخسر ..

أخي بوركت على طرحك الرائع
وعلى اختيارك الموفق للأخت [/CENTER]

 

[{مُدَلَّلَتُهُ}]

رد: :: مجرد نصيحه :: عضو الأسبوع :: لؤلؤة قسنطينة :

السلآم عليكم و رحمة الله وبركاته

يعطيك الصحة على الموضوع . . هادا وين شفتو !

اخترت وحد العضوة الله يبارك عزيزة عليا كيما أختي ♥ ربي يخليهآلي و لينا كاملين ان شا الله

س1 : واش يعجبك فهاذ العضو ؟
قلبها كبير. حساسة . حنينة. تبغي تعاون الناس. و تنحي على الخاطر بحكاياتهاو الضحك تاعها . . .
م1 : شتا تسميه لوكان يرجعلك الأمر ؟
نسميها {نسمَة } لأنها خفيفة على القلب كي النسمة
ي1 : واش رايك بالصوره الرمزية و التوقيع ؟
ما شآء الله ما عندي ما نقول تدل على ذوقها الرفيع و رقيها . .
ق 1 : نصيحتك ليه ...
نقولك مآريّآ ابقاي ديما تبغي الناس و خلي قلبك ابيض بصح حنونتي نيتك ديريها مع الي يستاهلوها برك لأنو كاين غاشي ما يستاهلوش لأنهم يستغلو هاذيك النية . .خلي طيبتك نقطة قوة ليك بآلآكي تخليهآ نقطة ضعف . . ربي يحفظك من كل شرّ مينوشتي
​

 

[آمِيْرَتُه]

رد: :: مجرد نصيحه :: عضو الأسبوع :: لؤلؤة قسنطينة :

السلام عليكم

س1 : واش يعجبك فهاذ العضو ؟

تقييمها للأعضاء و مواضيعهم

م1 : شتا تسميه لوكان يرجعلك الأمر ؟


الاسم لي راهي بيه يليق بيها فنخليه هكا أحسن


ي1 : واش رايك بالصوره الرمزية و التوقيع ؟

توقيع و صورة نتاع وحدة عندها مستوى كيما قالو رفيع

ق 1 : نصيحتك ليه ...

اقعدي كيما عرفناك و ربي يحفظك

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

السلام عليكم
كم هو جميل ان تغيب لفترة وكي تجي تلقى روحك معروض ههه
غير نضحك، أولاً شكرا لصاحب الموضوع لاختياري كعضو الاسبوع
بارك الله فيك وجزاك خيراً وهذا يشرفني ويفرحني صراحة
لأنو كاين بزاااف اعضاء ماشاء الله عليهم يستحقو يكونو في هاد الموضوع
على هادي يفرحني تختارني عضوة
ولي يفرحني هاد الناس الطيبين لي مرو من هنا وخلاو كلماتهم الطيبة
كل واحد يسالني في رد، نكمل مواضيع المسابقة ونرجع لكل شخص
نرد عليه
بارك الله فيكم جميعا وربي يهنيكم
تحياتي
​

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

السلام عليكم اهلين بخويا حساام
القسم هذاا راها في ساركيلاسيون كحلة حتان دخلت باش شفت موضوع المهم بسم الله نبدا:

وعليكم السلام ورحمة الله وبركاته
اهلا بيك خويا حكيم ^^ نورت الموضوع
ماجيت ندير الاقتباس هاداك تحاسبت ههه راهي عندك مشكلة في الردود، اتكلم مع الادارة ويعدلوهالك
ان شاء الله، خاطر اي واجهت هاد المشكلة اعضاء من قبل كيما اختي سكون وأختي ماجدة

س1 : واش يعجبك فهاذ العضو ؟

يعجبني فيها الخفة نتاعها واظرافة نتاعها ما تنويكش طوول اللي تقول عليها تقولك راني هنا
ماتخلي ني كبير ني صغير الا وتعطيلو قيمتو وتعاونو بكل قلبها

ربي يحفظك خويا حشمتني بكلامك :$
ولما نكون قادرة على تقديم المساعدة علاش لالا، راكم تعرفو معزتكم عندي
كل عضو بمقام خويا وكل عضوة بمقام ختي
ولي تقيل عليهم خفيف عليا ان شاء الله


م1 : شتا تسميه لوكان يرجعلك الأمر ؟

اسمها مريم وهل هناك احسن من هذا الاسم لكن نحب نسميها
فرح اسم يليق عليها لانو ماشاء الله ديما فرحانة

درك نخمم فيها هادي نقولهم يبدلولي اسمي في الدفتر العائلي يولي فرح :d
ساع نولي نضحك بالدوبل هههه
ربي يدوم عليك الفرح ان شاء الله

ي1 : واش رايك بالصوره الرمزية و التوقيع ؟

الصورة الرمزية تدل على صفاء القلب اللي عندها وحبها للطبيعة والورد
اما التوقيع يدل على شخصيتها وحبها للحجاب وتذكرها الدائم لاختنا اللي راحت ومازال ما رجعتش بيرل بلونش
ربي يكون معاها

ربي يهنيك خويا هذا من طيبة اخلاقك، لأنو ما تقولش على انسان بلي فيه صفاء قلب
إلا اذا كان قلبك نفسو صافي ^^
والتوقيع تقريبا هي مقتبسات تعجبني نولي نسرقها ههه
والاخت راك تعرف قصتها ربي يرجعها على خير ان شاء الله

ق 1 : نصيحتك ليه ..

نصيحتي ليها نقلها ياو ادعيلي معاك بالاسم وما تقوليليش انا والمومنين خخخ انا وحدي
ربي ينجحك وينجح كامل المومنين ههههه
ربي يوفقك ان شاء الله سواءا في دراستك ولا في حياتك الخاصة او المهنية
وان شاء الله يتحققو كامل احلامك وامنياتك، وبالشوي يجي كلشي
المهم تحافظ على مبادئك لي تمشي بيهم وعلى اخلاقك وتربيتك
اما الباقي يجي وحدو بإذن الله

ربي يفتح عليك ختي ومانيش فاهم كيفاش ما فاقوش بيها ناس قسمطينة وقيلا نروح نديرلهم اشهار لثم
اللهم آمين، ههههه مدايرين سكوتش على عينيهم -_- ، واش تحب زهري اونبان ههه
غير نضحك والله لي مكتبو ربي يلحق ولي مكتبو ربي راضيين بيه، يجي نهار وزهري يفطن مسكين ههه

ابقاي كيما هاك خيتو بالطيبة نتاعك واخلاقك الحميدة
حاجة اخرى ديري حساباتك لانو ماش كامل الناس يشوفو هاذيك الطيبة على انو طيبة يعني ممكن يشوفوها ممكن سذاجة بسبب انو قلوبهم مريضة مالا ديري حساباتك منهم وربي يفتح عليك من كل خير ..

عندك الحق خويا، نقولو ربي يهديهم برك
انا نتعامل بلي يخرج عليا ولي عجبتو مرحبا ولي ماعجبتوش نعطيه زوج حركات تاع كاراتي :p
( باين عليا الكاراتي :d )غير نضحك، لي ماعجبتوش مرحبا تاني

​

شكرا خويا حكيم على مرورك العطر، وعلى كلماتك الطيبة
ربي يهنيك خويا وربي يعطيك على حساب قلبك
(راني دعيتلك زوج مرات من بعد اخلفهملي :d ) غير نضحك
ربي يدوم جمعتنا ان شاء الله ويلاقينا في جنات الفردوس يارب
تحياتي العطرة لك :regards01:
​

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

ya3tik assa7a akhi 3la elmawdo3 w 3ala 2ikhtiyarik lhad el3odw ... ndon anha elwa7ida li na9dar n9ol 3raftha chwaya aktr min el2akharin

اهلا وسهلاً بيك اختي الغالية نورتيني بمرورك :love01:
ربي يحفظك وسعيدة بمعرفتك حبوبتي
وخلي هادي تكون فرصة نتعرفو مليح ^^
​

س1 : واش يعجبك فهاذ العضو ؟
7nina w tatfakar kol wa7ad w ta39al 3ala ada9 eltafassil w hada li chidat ihtimamiha bilkol

حشمتيني بكلامك :$ ربي يحفظك ويحميك غاليتي من كل سوء
خاصة اعياد الميلاد راهم في راسي ههههه ومتفكرتهم ان شاء الله
وربي يقدرني نتفكر كل عضو ونفرحو ان شاء الله ^^
​

م1 : شتا تسميه لوكان يرجعلك الأمر ؟
issamha chbab w akid mara7ch nal9a a7san min kalmat lo2lo2a

ربي يحفظك حبيبتي، ومتمنية حتى انا نعرف اسمك باه لما تجي في بالي نتفكر نتفكر ختي باسمها :love01:
​

ي1 : واش رايك بالصوره الرمزية و التوقيع ؟
soratha ta3kas ro7ha eltabi3iya elghayr elmotassani3a w taw9i3ha la kalam 3alayh

ربي يهنيك عزيزتي، كلماتك أرقى وأجمل من أي صورة وتوقيع
وأكيد لو لم تكن روحك طاهرة ونقية ماكنتيش تشوفي غيرك بهاد النظرة
ربي يحفظلك هاداك القلب النقي
​

ق 1 : نصيحتك ليه ...
mmmmmmmmm ana n7obak bazaaaaaaaaaaaaaaaaaaf w nasi7ti liki ano tab9ay dayman kima raki w akid ida zidti chwaya ma3lich hhhh w aham 7aja ano tkhassi wa9t lro7ki li2ano la7adt anki tahtami bzf li kol saghira wakabira w matal9ach elwa9t lro7ki elkafi bach nti t3ichi
dama 9alboki tayib w 7anon ila el2abad

ربي يخليك وربي لا يحرمك من كل عزيز
كلماتك نقية وطيبة كيفك، حتى انا نحبك ختي اصلا نحس بقلبي يخبط بسرعة بعدما حكيت معاك هههه
ربي يحفظك ان شاء الله، وانا ماتخميش عليا راني كتر على الاخطبوط هههه
عندي اهتمام بكل حاجة هههه، ساعات نرقد شوي ونولي مانبانش ومن بعد نتحول ليه ليه ههه
شكرا جميلتي على مرورك وعلى كل حرف وضعتيه هنا
ربي يوفقك في كل امور حياتك وكيما تجمعنا هنا في اللمة
ربي يجمعنا في جنات الفردوس ان شاء الله
تحياتي القلبية لكِ :regards01:
​

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

أهلا اختي ام ياسمين نورتي الموضوع ^^


س1 : واش يعجبك فهاذ العضو ؟
التربية والأخلاق تاعها

ربي يخليك اختي وربي يحفظك من كل سوء
كن ماش اخلاقك عالية ماتشوفيش الناس متخلقين

م1 : شتا تسميه لوكان يرجعلك الأمر ؟
جوهرة ثمينة

بارك الله فيك غاليتي ربي يهنيك، كن ماش بيناتكم وبطيبتكم كن مانبانش ومانكسبش محبتكم
يعني مادام انا جوهرة
نتوما منجم ألماس ^^

ي1 : واش رايك بالصوره الرمزية و التوقيع ؟
يدلان على استقامتها واعتدالها

شكراً وبارك الله فيك
حشمتيني بكلماتك :$

ق 1 : نصيحتك ليه ...
ابقاي كيما عرفناك

ان شاء الله اختي ربي يحفظك

:regards01:
​

شكراً اختي على مرورك العطر
ربي يهنيك ويفرحك و ان شاء الله ماتغيبيش على اللمة مازلنا محتاجينك
ربي يوفقك في حياتك ويرزقك بالذرية الصالحة ونشوفوهم كاش نهار هنا في اللمة ^^
شكرا على كلماتك الطيبة
ربي يجمعنا ان شاء الله في جنات الفردوس كيما جمعنا هنا
تحياتي القلبية لكِ :regards01:

 

[AmiR@RoRo]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟
ممم كلشي كلشي ،، الاخلاق ،الظرافة ،الروح المرحة ..

م1 : شتا تسميه لوكان يرجعلك الأمر ؟
لؤلؤة اللمة

ي1 : واش رايك بالصوره الرمزية و التوقيع ؟
الرمزية اناقة وصفاء والتوقيع تربية وحشمة

ق 1 : نصيحتك ليه ...
ماشاء الله عليك خليك هكا
ولا زيدي طوري هه
ربي يهنيك غلاتي

 

[tistissa dj-tissou]

رد: :: مجرد نصيحه :: عضو الأسبوع :: لؤلؤة قسنطينة :

س1 : واش يعجبك فهاذ العضو ؟
شخصيتها المرحة اللي تعرفت عليها من خلال الردود الجميلة اللي ترد الروح والله نحكي صح
م1 : شتا تسميه لوكان يرجعلك الأمر ؟
زهرة العالم ههه تستاهلي حبيبتي
ي1 : واش رايك بالصوره الرمزية و التوقيع ؟
ماعندي مانقول هايللين
ق 1 : نصيحتك ليه ...
ابقاي في اللمة ديما على خاطر راكي مزهيتها

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

أهلا بيك حبيبتي نورتيني بمرورك :love01:


س1 : واش يعجبك فهاذ العضو ؟

كل شيئ خاصة الصورة الرمزية و التوقيع :love01: و تعجبني فيها خفة الروح و اخت الجميع هنا و.....و....و....

ربي يحفظك اختي من كل سوء، عيونك لي ملاح وقلبك لي طيب على هادي تشوفي كلشي مليح ^^

​

م1 : شتا تسميه لوكان يرجعلك الأمر ؟

لؤلؤة فريدة من نوعها

ربي يخليك حبيبتي، انا لؤلؤة بوجودكم
لأنو باحتواءكم وبطيبتكم لي قدرت نبان
فألف شكر لكم

​

ي1 : واش رايك بالصوره الرمزية و التوقيع ؟

رووووووووووووعة الله يبارك يدلو على طيبة القلب و شخصيتها الرقيقة الرائعة

ربي يحفظك جميلتي، نتي لي روعة ولكماتك اروع وتواجدك اكثر من رائع :love01:
ربي لا يحرمنا من شوفتك غاليتي

​

ق 1 : نصيحتك ليه ...

اختي لؤلؤة ابقاي دايمن لؤلؤة كيما نعرفوك محافظة على دينك و على نفسك و على كل شيئ يخصك :thumb_up02:
و نقولك ربي يحفظك ان شاء الله :regards01:

حشمتيني بكلامك حتى مالقيتش واش نهدر
حروف اللغة العربية ونسيتهم ههه :d
ربي يحميك من كل سوء
​

شكرا لك اخي على الموضوع الرائع بارك الله فيك
دمتم في رعاية الله​

​

شكراً حبيبتي على مرورك الجميل والعطر
كلماتك زادت قلبي فرحا وانشراحا
ربي يوفقك ان شاء الله في الباكالوريا حسب واش قريب في توقيعك
وتفرحي يماك ان شاء الله، نستناو خبر نجاحك بفارغ الصبر
باه نديرولك حفلة كبيرة هنا :yahoo01:
وربي يجمعنا في الآخرة وفي جنات الفردوس كيما جمعنا في الدنيا
تحياتي القلبية لكِ :regards01:
​

 

[لؤلؤة قسنطينة]

رد: :: مجرد نصيحه :: عضو الأسبوع :: لؤلؤة قسنطينة :

أهلا خويا اسامة نورت الموضوع بمرورك
​

س1 : واش يعجبك فهاذ العضو ؟
ج1 : كلامها ومنقشاتها مع الاعضاء

شكرا خويا اسامة ربي يحفظك ان شاء الله
​

م1 : شتا تسميه لوكان يرجعلك الأمر ؟
ج2: نسميها بنت بلادها

راني بنت بلادي صح ^^ ماكانش اعز عندي من بلادي وولايتي
​

​

ي1 : واش رايك بالصوره الرمزية و التوقيع ؟
ج3 : روووعة

ومرورك رائع وكلماتك اروع خويا اسامة
ربي يهنيك وشكرا لك
​

ق 1 : نصيحتك ليه ...
ج4 : عقليتك فووور وباينة تاع وحدة كبيرة
عقليتك فور قبلتها بصح تاع وحدة كبيرة هادي واش تقصد بيها -_- يسمى انا عجوزة :p
غير نضحك، ربي يحفظك على النصيحة خويا

شكرا خويا اسامة على مرورك العطر
ربي يوفقك في دراستك خويا، حتى انا بما انك خويا الصغير ننصحك
نقولك تبع قرايتك وطاعة الوالدين وأولهما طاعة الخالق عز وجل
يعني صلاتك ولسانك ينطق غير بالخير
وربي يحميك من كل سوء خويا
وربي يجمعنا في جنات الفردوس اجمعين كيما جمعنا في الدنيا
تحياتي العطرة لك :regards01: