لهجتنا واش خصها

[شتيلا]

السلام عليكم ورحمة الله وبركاته
جمعة مباركة للجميع
في الحقيقة لفت انتباهي ظاهرة لدى الكثير من الشباب في تعليقاتهم وهو استعمال اللهجة السورية واخص بالذكر البنات طبعا :sلكن الملفت للانتباه حتى الذكور التحقوا بالركب ايضا
حتى راكم لاحظتوا انا الجزايري منين يخرج من التراب الوطني يقلب الفيستا ويصبح يتحدث لهجة البلد الي رايحلو
هل رانا نحشمو بلهجتنا ؟
اذا كل واحد تجيه فرصة للتعريف بيها وما يستغلهاش كيف رايحين يعرفوها وبين قوسين اقصد زيارة البلدان العربية وليست الغربية
سؤالي واش رايكم في لهجتنا اليست تستاهل نعرفو بيها:thumb_up02:واش رايكم
ولا راكم تشوفو بانوراهي صعبة الفهم

 

[سكون الفجر]

رد: لهجتنا واش خصها

السلام عليكم ورحمة الله
أختي، أين العيب في ان تجدي شابة او شاباً يستخدم اللهجة السورية؟!
أين الخطأ في ذلك؟!
أنا فلسطينية، وأستخدم مفردات جزائرية احيانا حتى في الحديث الى اهلي!!
فأين الخطأ في ذلك، وللعلم فإن هناك ما ندعوه باللهجة المدنية وهي التي نستخدم بها
( كيفك، هيك، هلأ، والى آخيره) يعني لا ضير في ان يستخدم كل سكان الوطن العربي تلك الكلمات
غاليتي، انا اعشق اللهجة الجزائرية وهذا ليس وليد السوم بل منذ ولدتني امي
ولا اطن انه من المعيب ان استخدم بعض مفرداتهم او ام يستخدمو بعض مفرداتنا
اللهجة الجزائرية تحفة يا اختي ولكن لا اجد عيباً ان يتحدث الجزائري سوري او فلسطيني او حتى لبناني
لم اجد معنى لموضوعك اختي في النهاية كل شخص حر يستخدم اللهجة التي يحب
بارك الله فيكِ

 

[safouane batna]

رد: لهجتنا واش خصها

اللهجة الجزائرية هي عبارة عن تراث يجب المحافظة عليه لأننا حتي في ولاية واحدة هناك لهجات مختلفة وهذا ارث كبير ينبغي التمسك به والافتخار بتنوعها لكن لي يحشم بيها ويبدلها مع الناس برا هذا مافيه ولا خير الا اذا ممكن لهدف اخر

 

[tistissa dj-tissou]

رد: لهجتنا واش خصها

انا وحدة من هاد الناس اللي ديما نهدر بالسورية
نموت عليها لهجتهم
وهذا مش بمعنى انة لهجتنا مش مليحة لا لا لاباس بيها
وانا تاثرت ب باب الحارة ههه لك تؤبريني
انا تجيني نورمال وساعات الردود تاعي بالسورية
ومش اني نقلل من اللهجة تاعنا
مشكورة غلاتو ​

 

[فيتامين سي]

رد: لهجتنا واش خصها

ادا تقصدي يروح لبلد و يحكي لهجتهم امر عادي...كفاش حبيتي يحكي تخيلي كل كلمة يخص يترجمها....شحال يقد..كما سورية نعرفها جات من 9 سنين و تحكي دزيرية مخلطة
المهم نعطيك ابسط مثال وحدة من شرق تتزوج في الغرب عام عامين تولي تحكي كيفهم ...(من عاشر قوما 40 يوما صار منهم ) ...كما هما هنا يحكو كيفنا حنا نحكو كيفهم + ولا وحدة راهي لغة العربية
تفكرت انا تلمسانية عشت في وهران كلامي مخلط زادو صحاباتي من دزابر و الشرق وليت كل كلمة من مدينة ..المهم ناس تفهم واش تحكي
تعرفي بلهجة العربية (الفصحى) ماشي درجة باسكو غير وهران كل بلاصة كلام تلنسان شي 10 لهجات زيد و زيد ......
مي عربية وي تحكي بيها ....شكرا على الطرح

 

[فيتامين سي]

رد: لهجتنا واش خصها

تفكرت الانسان يفتخر بدينه و تربيته ماشي انه يتكلم درجة بالنسبة ليا معنده اي فايدة .....
ولا نروحو لفرنسا و نحكي الجزائرية هههههههه ولا نروحو لكندا و نحكو القبائلية معاهم
عادي عادي ....كامل لغات و كامل عرب بلا منديرو فتن بين العرب

 

[ليليا مرام]

رد: لهجتنا واش خصها

السلام عليكم اختي اهلا وسهلا فعلا
ايه انت شفت اللي راحو من ببلاد لبلاد ما شفتيش يجي من ولاية لولاية يجي للعاصمة يولي قتلك وقتليلي بالقاف وارواحي يروحو لوهرن فطريق بليدة يبدا يولي واه وشاوالا وهو لا علاقة بيهم اطلاقا اما اللي يروحو برا من البلاد ياو يروح اليوم غدوة يولي بونجوغ وبونسواغ وهو اسمو وما يعرفش يكتبو مانيش عارفة اذا يحشمو بلهجتهم او واش سافرت للترك وللاردن ونحكي لهجتي عجبو من عجبو واللي ما عجبوش يخبط راسو فالترك حكيت انجليزي لانو ما يفهموناش ولا يفهمو العربي او الفرنسي ولكن لوتيل حبو يتعلمو الجزائرية كنت نعلمهم فالاردن طبيبي حكيت معاه جزائري ضحك وقالي لهجتكم سريعة جدا وبديت نفهم فيه ممكن نستعمل كلامهم حنتى يفهموني لكن اكيد نحكيلهم على لهجتنا ووين نروح لاي ولاية نحكي بلهجة ولايتي ما نحشمش بيها
شكرا لك

 

[نجيب]

رد: لهجتنا واش خصها

اصبحت لهجتنا صعبة الفهم على الشعوب العربية لسبب واحد و هو عدم ترويجها ثقافيا بينهم

مثلا نحن في الجزائر نفهم كل اللهجات العربية بسبب برامجهم التلفزيونة كأفلام و مسلسلات و غير دالك

لاكن الجزائر لم تنتج شيء مع انها لديها افضل المخرجين السنيمائين في العالم لاكن للأسف ان انتجوا فيلم تكون اللهجة بالفرنسية

كما حصل مع فلم hors la lois تمت مشاهدته في اغلب الدول العربية لاكن بالترجمة .

حتى التلفزيون لا يحتوي على برامج كثيرة تجلب المشاهد العربي و تجبره على تعلم اللهجة الجزائرية .

لو تكلمنا باللهجة السورية او المصرية او الخليجية هدا ليس عيب العيب هو اننا لم نسوق لهجتنا.

لو عدنا للهجة الجزائرية في الغناء نرى كل الشعوب العربية تعرفها على طريق الشاب خالد او مامي او ادير .

لاكن ليس هناك افلام ثورية او اجنماعية جزائرية تجعل المشاهد العربي يتقرب من لهجتنا .

لا تستغفروا عندما دكرت اسماء المطربين الجزائرين فهم على الاقل اينما حلوا حلت معهم اللهجة الجزائرية

استغفروا على وزارة الثقافة مند الاستقلال الى يومنا هدا .

اما فيما يخص لهجتنا فيما بيننا سواء الشرق او الغرب او الجنوب او الشمال فلا تختلف كثيرا الا الامازيغية و كل واحد منا يحاول

التكلم بلهجة الاخر فضول ليس اكثر او التعلم منها و لو شيء بسيط و هدا ليس عيب .

شكرا على الموضوع .​

 

[rycerz]

رد: لهجتنا واش خصها

ما عليهش ماكان والو .. يهدر تركي يهدر مصري ، سبانيولي ، هاوصة ، صوصو ، تكروري ... إلخ ، كيما تهوالو .. كي ما يقيسكش برك و ما يظلمكش خلاص مرحبا و أهلا بيه .. زيد بالزيادة كاينين أخرين يتكلمو بلهجة البلاصة لي رايح ليها ربما باش ما يبانش برّاني ربّما لتجنب المشاكل خاصة بسبب مشاكل كرة القدم ..
وين راه المشكل نهدر عنّابي تلمساني ورقلي هوما خاوتي و نورمال نكون كيفهم ، نفس الشيء مصري ولاّ يمني .. و الأكيد أنّو لواحد لمّا يكون في جهتو ما يقدر يتكلّم غير لهجتو و إلا الناس لي تعرفو رايحين يستغربو و يضحكو
---
الأمر عادي ... العيب راه في لحرام
---
تذكرت قصة لست أدرى ربما صرات صح :
إتّصل جزائري بحصة فتاوى على إحدى القنوات الخليجية و طرح سؤاله على المفتي الخليجي بهذه الطريقة :
الشيخ باباتنا قيبس وِخلاّنّا تقرقيبة كيفاش نقسموها ؟ ... !!! ..
فردّ عليه المفتي الخليجي : عفوا أخي ، إنت إيش بتقول ؟؟ :s ..
-------
( قيبس = مات ، تقرقيبة = شيء قليل)
---
إذا من الواضح أن إعتماد لهجة المنطقة التي تذهب إليها يسهّل التواصل.
​

 

[حروف تائهة]

رد: لهجتنا واش خصها

السلام عليكم
بصراحة انا لا اجد اي مشكل انو الواحد
يتكلم بلهجة المنطقة لي راهو فيها او رايحلها
خاصة اذا كانو سكان هذي المنطقة ما يفهموش
لهجته اما اذا راح لبلاد مش عربي اصلا
فلازم عليه يتكلم بلغتهم او اللغة لي يفهموها
و مشكورة على الموضوع.

 

[شتيلا]

رد: لهجتنا واش خصها

السلام عليكم ورحمة الله
أختي، أين العيب في ان تجدي شابة او شاباً يستخدم اللهجة السورية؟!
أين الخطأ في ذلك؟!
أنا فلسطينية، وأستخدم مفردات جزائرية احيانا حتى في الحديث الى اهلي!!
فأين الخطأ في ذلك، وللعلم فإن هناك ما ندعوه باللهجة المدنية وهي التي نستخدم بها
( كيفك، هيك، هلأ، والى آخيره) يعني لا ضير في ان يستخدم كل سكان الوطن العربي تلك الكلمات
غاليتي، انا اعشق اللهجة الجزائرية وهذا ليس وليد السوم بل منذ ولدتني امي
ولا اطن انه من المعيب ان استخدم بعض مفرداتهم او ام يستخدمو بعض مفرداتنا
اللهجة الجزائرية تحفة يا اختي ولكن لا اجد عيباً ان يتحدث الجزائري سوري او فلسطيني او حتى لبناني
لم اجد معنى لموضوعك اختي في النهاية كل شخص حر يستخدم اللهجة التي يحب
بارك الله فيكِ

وعليكم السلام ورجمة الله وبركاته
مرحبا بك اختي
بالفعل اعيب ذلك على الجزائري ان يتكلم بلهجة بلد اخر
انا لا اتخيل ان المصري في بلده ويتكلم خليجي مثلا او فلسطيني يتكلم تونسي ؟؟؟؟
ليست عنصرية
مع احترامي لك سيدتي كان من الافضل عدم الدخول والرد بكل بساطة
بدل ما تختميها مسكا كما فعلت
كانت وجهة نظر طرحتها كان عليك احترامها وهذا من باب الرد على موضوع طرح من طرف اي عضو
وليس لديك الحق في تقييمه هل هذا وضح عزيزتي

 

[شتيلا]

رد: لهجتنا واش خصها

اللهجة الجزائرية هي عبارة عن تراث يجب المحافظة عليه لأننا حتي في ولاية واحدة هناك لهجات مختلفة وهذا ارث كبير ينبغي التمسك به والافتخار بتنوعها لكن لي يحشم بيها ويبدلها مع الناس برا هذا مافيه ولا خير الا اذا ممكن لهدف اخر

مرحبا بك اخي
اذا انت مع التعريف بيها وماكان حتى مشكل اذا عرفنا وتكلمنا بيها
بارك الله فيك اخي على الرد القيم

 

[تـريـــاق المحـبـة]

رد: لهجتنا واش خصها

السلام عليكم اللهجة ماخصها والو جميلة وعندك ما تعبر بها​

 

[شتيلا]

رد: لهجتنا واش خصها

انا وحدة من هاد الناس اللي ديما نهدر بالسورية
نموت عليها لهجتهم
وهذا مش بمعنى انة لهجتنا مش مليحة لا لا لاباس بيها
وانا تاثرت ب باب الحارة ههه لك تؤبريني
انا تجيني نورمال وساعات الردود تاعي بالسورية
ومش اني نقلل من اللهجة تاعنا
مشكورة غلاتو ​

اهلا بك اختي
احترم وجهة نظر في الموضوع
وحبيت نعرف السر وراءها
الششكر لك اختي على صراحتك مشكورة حنونة

 

[شتيلا]

رد: لهجتنا واش خصها

ادا تقصدي يروح لبلد و يحكي لهجتهم امر عادي...كفاش حبيتي يحكي تخيلي كل كلمة يخص يترجمها....شحال يقد..كما سورية نعرفها جات من 9 سنين و تحكي دزيرية مخلطة
المهم نعطيك ابسط مثال وحدة من شرق تتزوج في الغرب عام عامين تولي تحكي كيفهم ...(من عاشر قوما 40 يوما صار منهم ) ...كما هما هنا يحكو كيفنا حنا نحكو كيفهم + ولا وحدة راهي لغة العربية
تفكرت انا تلمسانية عشت في وهران كلامي مخلط زادو صحاباتي من دزابر و الشرق وليت كل كلمة من مدينة ..المهم ناس تفهم واش تحكي
تعرفي بلهجة العربية (الفصحى) ماشي درجة باسكو غير وهران كل بلاصة كلام تلنسان شي 10 لهجات زيد و زيد ......
مي عربية وي تحكي بيها ....شكرا على الطرح

والله ياعزيزتي سبق لي وان زرت بلد خليجي
تكلمت بلهجتي مع بعض الفصحى ولكن لم اكن مجبرة على استعمال لهجتهم
انا لست اقول هذا الكلام من باب التحيز لا حاشا
الشكر لك اختي

 

[شتيلا]

رد: لهجتنا واش خصها

تفكرت الانسان يفتخر بدينه و تربيته ماشي انه يتكلم درجة بالنسبة ليا معنده اي فايدة .....
ولا نروحو لفرنسا و نحكي الجزائرية هههههههه ولا نروحو لكندا و نحكو القبائلية معاهم
عادي عادي ....كامل لغات و كامل عرب بلا منديرو فتن بين العرب

اظن انك تفهمين العربية واخص بالذكر اللهجة
وقلت ليست الدول الغربية بلا ما تضحكي تعيشي
ونعاود باه تفهمي مليح
نعرفوهم بلهجتنا ومانيش باه ندير الفتن عاودي اقراي الموضوع بلا تجريح من فضلك

 

[شتيلا]

رد: لهجتنا واش خصها

السلام عليكم اختي اهلا وسهلا فعلا
ايه انت شفت اللي راحو من ببلاد لبلاد ما شفتيش يجي من ولاية لولاية يجي للعاصمة يولي قتلك وقتليلي بالقاف وارواحي يروحو لوهرن فطريق بليدة يبدا يولي واه وشاوالا وهو لا علاقة بيهم اطلاقا اما اللي يروحو برا من البلاد ياو يروح اليوم غدوة يولي بونجوغ وبونسواغ وهو اسمو وما يعرفش يكتبو مانيش عارفة اذا يحشمو بلهجتهم او واش سافرت للترك وللاردن ونحكي لهجتي عجبو من عجبو واللي ما عجبوش يخبط راسو فالترك حكيت انجليزي لانو ما يفهموناش ولا يفهمو العربي او الفرنسي ولكن لوتيل حبو يتعلمو الجزائرية كنت نعلمهم فالاردن طبيبي حكيت معاه جزائري ضحك وقالي لهجتكم سريعة جدا وبديت نفهم فيه ممكن نستعمل كلامهم حنتى يفهموني لكن اكيد نحكيلهم على لهجتنا ووين نروح لاي ولاية نحكي بلهجة ولايتي ما نحشمش بيها
شكرا لك

مرحبا بك اختي
هادي اختي على الاقل داحل بلدنا معليش
ولكن كان القصد التعريف بلهجتنا
شكرا على المداخلة​

 

[شتيلا]

رد: لهجتنا واش خصها

اصبحت لهجتنا صعبة الفهم على الشعوب العربية لسبب واحد و هو عدم ترويجها ثقافيا بينهم

مثلا نحن في الجزائر نفهم كل اللهجات العربية بسبب برامجهم التلفزيونة كأفلام و مسلسلات و غير دالك

لاكن الجزائر لم تنتج شيء مع انها لديها افضل المخرجين السنيمائين في العالم لاكن للأسف ان انتجوا فيلم تكون اللهجة بالفرنسية

كما حصل مع فلم hors la lois تمت مشاهدته في اغلب الدول العربية لاكن بالترجمة .

حتى التلفزيون لا يحتوي على برامج كثيرة تجلب المشاهد العربي و تجبره على تعلم اللهجة الجزائرية .

لو تكلمنا باللهجة السورية او المصرية او الخليجية هدا ليس عيب العيب هو اننا لم نسوق لهجتنا.

لو عدنا للهجة الجزائرية في الغناء نرى كل الشعوب العربية تعرفها على طريق الشاب خالد او مامي او ادير .

لاكن ليس هناك افلام ثورية او اجنماعية جزائرية تجعل المشاهد العربي يتقرب من لهجتنا .

لا تستغفروا عندما دكرت اسماء المطربين الجزائرين فهم على الاقل اينما حلوا حلت معهم اللهجة الجزائرية

استغفروا على وزارة الثقافة مند الاستقلال الى يومنا هدا .

اما فيما يخص لهجتنا فيما بيننا سواء الشرق او الغرب او الجنوب او الشمال فلا تختلف كثيرا الا الامازيغية و كل واحد منا يحاول

التكلم بلهجة الاخر فضول ليس اكثر او التعلم منها و لو شيء بسيط و هدا ليس عيب .

شكرا على الموضوع .​

يعطيك الصحة اخي
انا قصدت الترويج للهجتنا وهل لهجتنا اصعب من التونسية ولا حتى الخليجية والعراقية
بوركت على على الرد اخي نجيب
​

 

[شتيلا]

رد: لهجتنا واش خصها

ما عليهش ماكان والو .. يهدر تركي يهدر مصري ، سبانيولي ، هاوصة ، صوصو ، تكروري ... إلخ ، كيما تهوالو .. كي ما يقيسكش برك و ما يظلمكش خلاص مرحبا و أهلا بيه .. زيد بالزيادة كاينين أخرين يتكلمو بلهجة البلاصة لي رايح ليها ربما باش ما يبانش برّاني ربّما لتجنب المشاكل خاصة بسبب مشاكل كرة القدم ..
وين راه المشكل نهدر عنّابي تلمساني ورقلي هوما خاوتي و نورمال نكون كيفهم ، نفس الشيء مصري ولاّ يمني .. و الأكيد أنّو لواحد لمّا يكون في جهتو ما يقدر يتكلّم غير لهجتو و إلا الناس لي تعرفو رايحين يستغربو و يضحكو
---
الأمر عادي ... العيب راه في لحرام
---
تذكرت قصة لست أدرى ربما صرات صح :
إتّصل جزائري بحصة فتاوى على إحدى القنوات الخليجية و طرح سؤاله على المفتي الخليجي بهذه الطريقة :
الشيخ باباتنا قيبس وِخلاّنّا تقرقيبة كيفاش نقسموها ؟ ... !!! ..
فردّ عليه المفتي الخليجي : عفوا أخي ، إنت إيش بتقول ؟؟ :s ..
-------
( قيبس = مات ، تقرقيبة = شيء قليل)
---
إذا من الواضح أن إعتماد لهجة المنطقة التي تذهب إليها يسهّل التواصل.
​

ياجماعة راني نقصد اننا نحاولوا نعرفو بلهجتنا مع اللهجات العربية
انا معندي حتى مشكل داخل الوطن اهدر حتى تارقي
مشكور اخي على تدخلك

 

[فيتامين سي]

رد: لهجتنا واش خصها

انا فهمت موضوعك بالنسبة ليا حرية شخصية .......ص
ثانية من فضلك رانا نحكو بادب ......هنا تاني فهمتيني كما فهمتك .....سلااام