solde عندنا

[شتيلا]

السلام عليكم ورحمة الله وبركاته
ياجماعة الخير بلا تهجم خليوكم محضر خير
حبيت نتكلم على الصولد solde اكيد راكم تعرفوا واش يصرا
كل ما نلقاو بلاكة فيه كلمة الصولد الكل يدخل ويحاول يشري
حتى ولو كانت البضاعة ماتستهلش غير الاقبال عليها لانها
صولد
هل الصولد المفتاح السحري للترويج وبيع السلعة بسرعة البرق؟
هل هو احتيال على جيب المحتاج ؟
رايكم في نوعية السلعة وسعرها الي زعما صولد
وبكل صراحة هل انتم من هواة الصولد
شاركونا باراءكم يا اكارم
​

 

[AmiR@RoRo]

رد: solde عندنا

السلام عليكم
اختي الصولد عندهم لهيه فالكوكب الاخر ماشي عندنا ههه
ادا دارو الصولد يديروه على الصح حاجة تدير 10 اورو قادرة تديها بـ4 ولا 3 اورو نورمال
حنا يقولك صولد 60% وكي تدخلي تلقايو مطيح 5الاف ولا 10 الاف برك
عليها انا مانامنهمش خلاص ومانبعهمش خاطر غير خرطي
مشكورة اختي

 

[ام أمينة]

رد: solde عندنا

يا اختي هادو تع الصولد يزيدو عليها
مخلي الاسعار كيما راهي و يقولك رانا دايرين صولد و تلقاي الناس متلاهفة على لي راه يتباع و لو يدير 100 فالسوق

انا ما نأمنهمش و كي نحب نشري حاجة نشريها في أي يوم ماشي حتى يكون الصولد

مشكورة على الموضوع
تحياتي
​

 

[Hakan]

رد: solde عندنا

وعليكم السلام
البارح فتت على واحد المحل داير بلاكة تخفيض
نتاع ملابس رجالية مي مكانش منها قالك السروال يدير 2000 دج
يرحم بوك السروال الغالي راهو 4000 دج وسلعة مليحة وهذا سروال لوكان غير
سلعة مليحة سلعة عيانة نتاع الصح
خرجت وخليتو الصولد كيما قالت اختي اميرة
عندهم لهيه ينقص من راس مال السلعة وحنا وهو داير تخفيض ديجا راهو مفيد بقرة وبنتها
وكيما قلتي لافتات الصولد فقط للرويج لاغير ولا مصداقية لها ​

 

[tistissa dj-tissou]

رد: solde عندنا

حنا الصولد في قالمة بالذات داير رايو وهو في الصح ماكان والو تلقايه ساعات صح طايح مي واحد الحوايج ماعندها حتى معنى وماتشبه لوالو
​

 

[Oussama.GF]

رد: solde عندنا

كاين ومنتضر في كل انحاء الجزائر

 

[¬Đỉaмơŋđ ✿]

رد: solde عندنا

وعليكم السلآم ورحمة الله تعآلى وبركآته

حنآ الشعب ديآلنا منين يلقآ كلمة صولد يتخلع يدخل يجري تقول راه يمد بآطل ههههههه
- كلمة صولد عندنا مغنآطيس الحظ بالنسبة لصاحب المحل يجبد بيها أكبر قدر ممكن من الزبائن ..
صرآت خطرة لصحبتي عجبتها فآست كلآسيك بـ360 بعدها بمدة مول المحل دار تخفيض للسلع،زادات راحت سقساتها قاللها 380 ! مكانش مصداقيّة خلاص.
وين راه الصولد هنا يرحم بوك راهو زايد فالسعر ضربة وحدة
- حتى في فترة الـ تخفيضآت السلع المعروضة تكون رذيئة وماش فالمستوى.
- أنا صراحة مارانيش من هوآة الصولد كي تعجبني حاجة نشريها بسومتها.
​

 

[خفيفة الروح]

رد: solde عندنا

مشكوووووووووووورة

 

[اكارينا]

رد: solde عندنا

اختي هاد المولد هو احتيال على جيب الناش
يقولك يولد وهو منقص 100 ولا 50