أرجوكم أرجو المساعدة

[Lila 22]

انا متزوجة من 4 سنوات وعندي 3اطفال صغار.تعرفت على زوجي وكان مطلق و عنده بنة في بلد اخر.وطليقته هي التي طلقته واخدت ابنتها معها .انا قبلت على أساس انه مطلق وكان إنسان مصلي و يخاف الله و ابن عائلة لكن اكتشفت ان هده الطليقة تبعت له الايميلات من اجل الطفلة .وعندما اسأله يقول لي من اجل الطفلة ايظا .لكن الى متى؟؟ واحس انه يعطيهم أهمية اكتر مني انا أبنائي الصغار ,زوجي كان يحبني في الاول و يدللني و الان اصبح يزعجه ضجيج اطفالنا ويحب البقاء خارج البيت .وانا كنت دائماً عمل على سعادته و راحته و انا لست من النوع الدي يفعل المشاكل .فانا صبورة جدا....جدا..
أرجوكم نحن النساء نغار? و قبل ان أنسى انا اعيش في الغربة و اهلي بعيدون عني ...فماهو الحل مع هده الطليقة ؟؟ ومع زوجي..حتى وان كان الكلام بينهم من اجل البنت لكن احس انه يهتم لأمرهم اكتر منا
أرجوكم ساعدوني ؟؟؟؟؟

 

[ليليا مرام]

رد: أرجوكم أرجو المساعدة

السلام عليكم اختي
اولا شكرا لانك درت الثقة فينا
شوفي اختي انت اذا بديتي تتوسوسي راح دخلي الشك لراجلك واذا ماكانش يفكر فطليقتو راح يرجع يفكر فيها من وراك انت لو تظلي تخمي وتوسوسي الحاجة الاولى انت قبلت بيه مطلق وعارفة عندو بنتو يعني محال يقطع صلتو ببنتو انت على الراس والعين واولادك يهموه علاه ما يهموش مي هو بعيد على بنتو والاميل برك اللي يخليه يتواصل مع يماها حتى يعرف اخبارها معناها تقبلي يبطل من الايميل ويولي يحكي معاها فالتلفون بنتو لازم يعرف اخبارها ويطمن انت علاه مقلقة تغيري لكن قبل ما تغيري خمي فالاحسن انو حبك انت وتزوج بيك وراه عندكم3 اولاد ما تخربيش دارك من ورا التوسويس صدقيني لو تولي انت تهتمي لامر بنتو راح يرجع يحكيلك كل شي وحتى يسمعلك وتقراي معاه الايميل ما تخليش المشاكل يرجع يخبي ويدير امور حتى يتفادى المشاكل كوني ذكية وواش دخل داركم امر بينك وبينو حتى لو اهلك قراب وحدك تفري المشكل لانو قادر يخشن راسو ميم يعرفو اهلك ويقولهم بنتي وايه صح بنتو لو هذي المرا طلقها وما عندوش اولاد هنا نقولك عندك الحق مي بنتو راهي ضحية هذا الطلاق ما تقوليش انا وولادي ما يهتمش بينا هو معاكم عايش مش مع بنتو قريب من ولادك وبعيد على بنتو حكمي ضميرك راكي ام وتعرفي وكبري عقلك وكوني ذكية ما تخربيش دارك لانو بعدو راح يرجع غير لمرتو السابقة املا كبري عقلك

 

[tistissa dj-tissou]

رد: أرجوكم أرجو المساعدة

سلام
اختي بارك الله فيك وان شاء الله ربي يعينك باه تحافظي على الاسرة تاعك
اختي حاولي وكرري ولن تستلمي
حاولي ديمن تكوني بجنب زوجك وماتخليلوش حتى فراغ على بالي لولاد صعاب مي حتى الراجل عندو حقوق وعليه واجبات حاولي تكوني انت الاقرب ليه وماتستسلميش لاي حاجة لانو انت المرا تاعو واللي في دارو وطليقتو صارت حاجة من الماض الان حاولي تفهميه وتفتربي منو اكثر باه تحافظي على عشك اللي طالما سهرتي عليه
ربي يعدل حوالك ان شاء الله
ان شاء يزيدوا يفيدوك الاعضاء اكثر​

 

[فارس الروح]

رد: أرجوكم أرجو المساعدة

متخليش توسويس والشك يخرب بيتك كوني بجنبه دائما وازمة تعدي
اكثري من الدعاء ولا تياسي
ربي معاك

 

[Djaouida]

رد: أرجوكم أرجو المساعدة

سلام اختي
اخي غيرة شئ عادي حاجة نرورمال كل وحدة فينا تغير علي لتبغيه
انا ننصحك ديري ثقة في راجلك واك نتي قلتي بلي هو عاقل ويخاف ربي
كيما هو راه يهتم بولادك لازم يهتم بي بنته نورمال اختي مدريش وسواس في راسك
ياك غيرة كاينة وهدي حاجة عادية حبية
اما علي الحس تاع صغار وتقلاش هادي حاجة خري نبدو بتقلاش ههه
هدي حاجة معروفة عند جزائرين في بديا تقلاش من بعد كي تتزوجي بيه يروح هدا تقلاش
عنده مدة من بعد مرحلة خطوبة ويكمل ههههه يكره مسكين ههه
اما علي لحس تاع صغار نورمالمو يصبر هدو كيما نتي ولادك هو ولاده نتي حاولي مين يجي هو
متخليش لحس بزاف في دار وهدي مرحلة وتفوت نتي صبري برك
ربي يفرج عليك اختي
في امان الله

 

[بنت الـ25]

رد: أرجوكم أرجو المساعدة

السلام عليكم
اختي الشي لي راكي تمري بيه صعيب على أي امرأ تتقبلو وانتي والحمد لله انسانة صبورة
منقلكش ما تخمميش فهاد الشي ولكن حاولي ما تحسسيش راجلك بلي راكي متولهة لهاد الحاج
ديري النية فالهبال كي شغل الشي هدا ميديرونجيكش ، حسسيه دايما بلي عندك ثقة فيه وفي نفسك اكثر لأاو الراجل إذا حس شعرة بلي المرا مش دايرة كونفيونص في روحها سي بون يبدا ينفر منها
بالنسبة للاولاد خليهم يهرجو حتى يغلبو باش كي يدخل هو من برا يلقاهم تعبانين وراقدين
دلليه وعامليه كيما كنتي تتعاملي معاه ايام الزواج الاولى ، صدقيني كي يلقى الحنان والحب والدفا معاك مراحش يروح لهديك
هي دوكا راهي محروقة كيفاش نساها وبنا عايلة جديدة ، راها ما تحبو موالو ، فقط حابة تخربلو حياتو ونتي لكان وسوستي روحك رايحة تعاونيها فالشي لي راها حابة توصل ليه
ايمالا ما تعطيهاش لوكازيون باش تدخل بينكم وفهميه دايما وحسسيه بلي بنتو تبقى بنتو للأبد وعمرك ما راح تحاولي تبعديهم على بعض ، بالعكس انتي ساعات سقسيه عليها (بنتو) وقوليلو ملازمش يفرق بينها وبين خاوتها وكيما يحبهم يحبها وكيما يشريلهم يشريلها .....
وربي يهنيك ان شاء الله
​

 

[Lila 22]

رد: أرجوكم أرجو المساعدة

شكرًا جزيلا لكم جميعا والله أعطيتني شوية أمل .ربي يفرح كم كامل

 

[Lila 22]

رد: أرجوكم أرجو المساعدة

صحيتي أختي الفاضلة . ولكن واش من امراة تقبل يكون زوجها صديق طليقته بالمناسبة الزوجة اجنبية

 

[Lila 22]

رد: أرجوكم أرجو المساعدة

ونسيت حاجة قالك الأوروبيين لوكان حتى يطالقوا يبقاو اصدقاء ,,,,هدي حنا العرب ماعدناش .اي شكون لي تقدر تتخيل روحها في بلاصتي ،،،،،وانا علا بالي بلي زوجي عاقل بصح الغيرة و ما ادراك من الغيرة .

 

[ليليا مرام]

رد: أرجوكم أرجو المساعدة

اهلا اختي
شوفي نقولك ما كان لا اوروبين ولا شي حنا عرب ومسلمين والراجل طلق مرتو خلاص ولكن ماراكيش غير انت كل اللي مطلقين وعندهم اولاد ضروري يبقى على تواصل مع طليقتو على جال ولادو
راجلك انت تعرفيه عاقل وراه اب اولادك وراه معاك انت خمي لو كان فبلاد وحدة مع بنتو هل يتراسل مع طليقتو اكيد لالا وزيدي احتي انت احكي مع راجلك خلي كل شي واضح حتى هو يرجع يشوفك مهتمة ببنتو وتسقسي راح يحطك فالصورة ويولي حتى يقولك واش يحكي معاها
ماكانش اللي تقبل واماكنش اللي تقولك اقبلي كلنا نسا ونفهمو بعضانا والغيرة من حقك وهذي داخلة فيها كرامتك لانو يحكي مع طليقتو مي ما تفسيدلوش نيتو هو ما بيه والو بنتو برك لو عينو يدير حاجة يديرها وما تسمعيش بيه اطلاقا هو فيه النية ويحكي ومش مخبي لانو الهدف الاول هو بنتو لازم تعذريه بنتو فالوسط الله غالب
كوني رزينة واعرفي تسيري الامور وخليه هو يحطك فالصورة بلاما تدابزي او المشاكل لانو هكا راكي تقربي فيه منها ما دخليلوش الوسواس هذا فراسو موفقة

 

[Lila 22]

رد: أرجوكم أرجو المساعدة

شكرًا أختي زهرة الزئبق على النصيحة .نتمنالك كل الخير