شعب منيرفي

[ليليا مرام]

السلام عليكم يا جماعة رواد القسم اهلا وسهلا نورتو البلاصة والدار داركم
اليوم يا جماعة حبيت نحكو على سوجي
احنا شعب مقلق بزاف وكي نقول مقلق مش معناها مقلق هاكا منيرفي وخلاص
كي نحكي على القلقة نتاع لينير والزعاف
حنا كل واحدفينا كيفاه داير
واحد ينوض صباح ما يعرفش وجهو فالمرايا
وواحد ينوض عادي حتى يقلقوه
وواحد عندو عام وهو مقلق خلق وزاد وكبر وهو هاكا هذاك ما نحكوش عليه هذاك جا للدنيا وندم
وكاين انسان هادي كالم لدرجة كبيرة مي يجي واحد فالتالي ويخلص قاع الزعاف لانو مسكين يكون شد فقلبو والتالي يخلصها
وخلوني نقولكم زمان كانت المرا تخاف من الرجال خاصة فرمضان لانو الراجل معروف مقلق ومنيرفي بزاف
مي راني نشوف تعكست الآية ورجعو الرجال عاقلين والنسا الله يحفظ وانا وحدة منهم

نشوفو المرا فرمضان ما عندهاش الوقت من تنوض حتى ترقد وهي مع الميناج والطياب ويجي السبع اما يكون وليدها او راجلها او خوها هذوك زوار العشية يقلبو القدور ويشوفو واش خص وواش ما خصش ويا ريتهم ياكلو ما ياكلو ما والو غير يعييو القلب
وكاين اللي اخر دقيقة يقلب الطابلة وراح ذاك التعب وبعدو يقولك الدخان دارلو هكذاك حتى تكيف راحلو الزعاف ياو واش علاقة الدخان فرمضان والصيام والماكلة وقليب الطابلة

المرا معروفة مقلقة مع مرا كيما هي وياما شفنا دبزة فالطريق فالاعراس المرا اذا ناضت يا حفيظ تسونامي وناض ولو دبزة نتاع رجال خفّت او خلوني نقول ترقات رجعو يدابزو بالكلاب حاشاكم او السيوف هذوك فئة وحدهم والباقي اغلبهم اما يتفادى ويروح اما كف وذيك الدبزة على العين ومشات اما النسا معايرة باللسان واليدين والشعر وحوايجهم يتفرجو فيهم الغاشي ويروحو والحقد يبقى يبقى تزيد تتلاقاها وتزيد تعطيها طريحة
وكاين اللي ما تدابزش فالزنقة مي فالدار لو يهدرو معاها تقلب الدنيا

انا حبيت نعرف زعافكم كيفاه دايرة
ماكان حتى وحدة تلعبها عليا وتقول انا عاقلة وخاطيني وإلا انا كالم
كامل ندابزو يا لوكان مع وجهنا
زيدو نتوما الرجال وينتا تتقلقو بزاف وكيفاه تعبرو على زعافكم
ايا خلوني نعرفكم كيفاه دايرين لما تتقلقو راح نقولكم عليا انا

لأنو معروف انا عايشة مع يمى ما ندابز ما والو انا يقلقني اللي باب دارنا مقفول عليا ولما يجو من الفاميليا يجو الا يشهدوك او يقولوهم هدرة فلانة قالت ويجو وجهم صحيح يحكموني وقاع مساكن عندبالهم انا عاقلة انا نحكي فالوجه تقولي فلانة قاتلي نقولها دقيقة نلبس حجابي تقولي لالا ماكان لاه ما نديرش عليها جيت ليك برك نقولها ضرك تمشي قدامي من وليت نواجههم ويخرجو كذابات من ذاك الوقت اخطاوني
وانا نتقلق لما نكون فحالي مثلا فالطريق وكاش وحدة تشوف فيا شوفة عيانة ياو ناكلها خضرا
اما رجال ما نردش اللهم لو واحد تواقح معايا مي ما نسبس نقولو كلمة عام وهو يخبش ونمشي ونخليه

انا صراحة وحدة مقلقة ونعاير اما دبزة باليدين اخر دبزة مت الليسي لما عطيت بنت المراقب العام طريحة وباباها يشوف ولما حاوزني على جال بنتو نحيت صباطي وضربتو بيه :d:d:d دارلي فصل من الليسي مي مع من طاح الليسي كلو دارو اضراب حتى رجعوني ياو عندي جماهير بلاكو تحسابوني حاجة وخلاص احم احم
انا منيرفيا نهدر فالاول نشوف فيك شوفة نتاع يا ودي اخطيني خير ليك نزيد ننعل الشيطان
التالية يقولي بليس ماراكيش مرا يا ليليا لو تخليها ايوا تدي حقها هي جابتها لروحها وانا واش نديرلها


ايا طولت عليكم احكولي وينتا دابزتو اخر مرة ومع شكون ووعلاه
الخط ليكم
​

 

[زهرة اللمة]

رد: شعب منيرفي

صراحة انا مليحة مع لي مليح معايا و لي قبيح معايا ........

هههههههه

راني نزعق برك انا وحدة خاطيني المشاكل مي ديفوى الناس مخلوكش الاز لازم خسرولك النهااار

تسلمي اختي على الطرح المتميز

 

[لؤلؤة قسنطينة]

رد: شعب منيرفي

السلام عليكم
والله يا نتي رايحة تقتليني هههههههه
وعجبتني تاع الليسي وزيد ضربتيه بالصباط ههههه
نتي مهبولة ووحدك صح، ياريت جيت عايشة قدامك ههه حكاياتك ظراف
دركا نوليو للموضوع، هي صراحة الشعب الجزائري منارفي دوريجين هههه وكاره طول
ينوض من الرقاد مشنف ويقولك علاه تشوف فيا هههه قريب يضربك، ماعندناش لي ينوض مبتسم
الله غالب هادي هيا طبيعتنا، انا كن نرجع لنفسي انا زعما يقولولي صابرة ومعرف هههه
هي تاع نتقلق راني نتقلق بصح نحكم لداخل مانبينش يعني حتى ولو عبد يقلقني ولا يظلمني نحكمها لداخل
ونتقبلها مرة وزوج وثلاثة، يعني عندي قدرة على الصبر والتحمل بدرجة كبيرة وبالي طويل كيما يقولو
بصح نهار نتقلق صح ونخرج من طبيعتي تما الله لا يشوف فيا مومن هههههه لأنو انا نفسي ومانقدرش نسيطر على روحي
خاطر لما تصبري على نفس الشخص قداه من مرة ويستمر في ظلمك رايح يجي نهار وين تنفجري
ويقولك انفجار العاقل ماش كيما لي منارفي، خاطر لي مقلق راهو في دقيقتو يفرغ لي في قلبو
بصح لي يصبر وعاقل ويحمل نهار ينفجر راهو يدي معاه الاخضر واليابس هههههه (نخوف فيكم )
هادي حالة ناااااادرة جدا فيا، يعني بطبيعتي نتحمل القلق ونصبر
واذا تقلقت من انسان زوج دقايق نولي نورمال ههههه بالاك هادي الحاجة الوحيدة لي مليحة فيا ههه
يعني مانحقدش على الانسان غير يروحلي الزعاف نولي نورمال

شكرا مريومة على الموضوع
ربي يحفظك حبوبتي
تحياتي ليك
​

 

[tistissa dj-tissou]

رد: شعب منيرفي

ههههه يا والله موضوع يستاهل الرد
اني قريتو بالزرب برك دوك نطيب الكسرة ونجيك
واذا نسيت راسليني وجيبيني ذرآع ههه
​

 

[sosobibicha]

رد: شعب منيرفي

سلام عليكم
واش راكي مريومة ياك هكا ما غلطتش في اسمك
آآآآآآآآآه عليك جبتي وحد السوجي هايل alors حبيتي تعرفيني كي نزعف واش ندير انا كي نزعف نقعد نهدر نهدر و نقرش حتى راسي يضرني و اذا كنت رافدة كاش حاجة غير ودعيها نكسرها الى اجزاء من الذرة ههههه و خطرات كي تنفحلي نبكي وحدي :cray02:هههه و هذوا لي قلتلك عليهم كي نتنارفا بزااااااااااااااف و يطلعلي الغاز للراس و نقولك الصح انا مقلقة مع لي يدور بيا او يخسر معايا اما باقي الاوقات الحمد لله طرونكيل ههه:$ و كي نزعف ما نضربش مي نضرب بلساني هههه:tongue02::p مي مهما نزعف نولي عادي نستغفر ربي كي نتنارفا و نسكت و صايي و نوكل ربي على لي يدور بيا :love01:
نرجعوا اخر مرة داوست فيها الحمد لله عندي مددددددددة ما نقرشتش ههههه:s:-r مي يدي و لساني ياكلوا فيا و راني نحوس نداوس ههه امزح فقط ان شاء الله ربي يهدينا و يهديهم و يثبت العقل ان شاء الله
مي خلعتيني كي قلتيلي ضربتي المراقب هههه و ليتي تبانيلي كيما هكا هههه براvوووو عليك راكي هكا و راني نستنى فيك تضربي دورة في موضوعي راني غتبت فيك شوية فيه و راني نتعلم باش نولي نصيب المواضيع و الكلمات كيما نتي ههههه:love01:
الله يعطيك الصحة على الموضوع الجميل بارك الله فيك
تحية تليق :regards01:
​

 

[الامين محمد]

رد: شعب منيرفي

شوفي اختي جبتي الموضوع اللي نعيشه أنا كل لحظة
أنا منااارفي و سريع الالتهاب
لو كان الريح يقيسلي تريكويا ندابزو
ما نحملش الكلام بزااف
و ما نحملش السكات الصامط
يعني نحب واحد يكون كيما نكون أنا
يعني اذا كنت مليح لازم يكون مليح و اذا كنت منارفي لازم يسكت
اذا زغفت ما نعرفش واش نقول
و نكسر لماعن و الماكلة تلسق في الحيط

القهوة و الدخان دايما مايا
و كي نزعف يديا يرجفوا

في رمضان لازم نرقد حت قبل المغرب بدقيقة
نفطر وحدي لأاني ناكل شوي شوربة و نشعل السجارة

ما عنديش صحاااب لأني كامل مخاصمهم صامطين
جيراني معذبهم و معذب ولادهم طفل ما يقربش الباب و الا أخذ زوج كفوف
ما نحملش الباب يتفتح

هههههههههههههه هههههههههههه هههههههههههه
كميرا كاشي حبيت نخلعكم ههههههههه
شوفي و الله بصدق أنا عكس كل ما كتبته
انا نادرا وين نزعف كي نوض الصباح نقول اللهم صلي و سلم على سيدي محمد
صلى الله عليه و سلم

نحب نبدا نهاري بابتسامة
عمري ما زعفت على ماكلة أو رديتها

دايما مبتسم
و اذا كان هناك أمر مزعج نخليه في قلبي و ما نجرح حتى احد
أولاد الجيران كلهم نحبهم و نمزح معاهم حتى اني نتسابق معاهم هههههههه

جيراني كلهم نحبهم و يحبوني و يثيقوا في
دوما نتحاشى أمور اللي تجيب الزعاف كالنقاش الجارح
الحمد لله رزين و ثقيل و قلبي كبير

همومي نخليها عندي باش ما نقلق حتى واحد
لا سجارة و لا أمور أخرى رياضة و مسجد و التلفاز و النت
كلام قبيح أو فاحش ما نقولوا ما نحب نسمعوا

قلبي أبيض و الله و ما نكره حتى واحد

نحب المزاح و التعليقات المجنووونة و النكت
نبكي بزااف بزاااف و دموعي كثيرة

شكرا
الآن صلاة المغرب​

 

[حروف تائهة]

رد: شعب منيرفي

السلام عليكم
موضوع هايل مشكورة اختي :up:
هو صح كاين ناسات دمهم سخون
فيسع ما يتنرفو و كاين ناس يتنرفو في المواقف لي تستاهل
يتنرفو فيها
بصراحة انا من ذوي الدم الباااااارد هههههههههه
يعني يصرا واش يصرا ما نعارك و ما نعاتب
و كل ما يزعجني اضربه بعارض الحائط كيما يقولو

 

[ليليا مرام]

رد: شعب منيرفي

صراحة انا مليحة مع لي مليح معايا و لي قبيح معايا ........

هههههههه

راني نزعق برك انا وحدة خاطيني المشاكل مي ديفوى الناس مخلوكش الاز لازم خسرولك النهااار

تسلمي اختي على الطرح المتميز

السلام عليكم
اهلا مدريدية نورت الموضوع
اييه انا لالا مليحة مع القبيح وواعرة مع المليح:p:p:p
هههه نقسر برك
ايه الناس حاجة باينة ما تخلكش عليها لازم مرات الواحد يوريلهم العين الحمرا سينو ياكلوه الله غالب ما يحبوش العاقل
العفو شكرا ليك انت

 

[تـريـــاق المحـبـة]

رد: شعب منيرفي

موضوع جميل ....جزائرية و افتخر .....مزية لي جينا جزايرين​

 

[tistissa dj-tissou]

رد: شعب منيرفي

ههههههه الزعاف يا الزعاف جبتيلي موضوع هااايل انا نموووت ع الزعاف واكبر زعافة في الدار هي انا
نبدى نجكي شوي ع روحي كيفاه نزعف وكيفاه نقلق انا معروفة تريسيتي نقرن ليه ليه وجنوني يطلعوا ههه
انا اخر مرة دابزنت مع وحدة في الليسي تاني تضاربنا خاطر ع العام مشغلة وهي وصلتني بهدرة عيانة هه كنا درنا سبور وكي كملنا دخلنا فاستيار نبدلوا حوايجنا بدات تشاطي وتماطي ونقرن انا نجري نجري ونعطيها بكوت بيي للكرش ههه والله نشفالها كي ليوم انا نكره وحدة طيحلي :-oوهاديك بالدات وصلتها للترن ههه مي دوكا لالا لواحد كبار ورزان وفرق مابين في الليسي ودوكا نورمال نتفاهم مع الناس كامل وتوجور علاقات سطحية باه نتفادى كلش وبما فيها الدسارا :thumb_up02:
مانطولش عليك بزاف تزيدي تقلقي وتخرجيلي ع البيسي وانا خاطياا هههه
سلااام نتلاقاو في مواضيع خلاف وان شاء الله هاد المرة عند موضوعي:p​

 

[ليليا مرام]

رد: شعب منيرفي

السلام عليكم
والله يا نتي رايحة تقتليني هههههههه
وعجبتني تاع الليسي وزيد ضربتيه بالصباط ههههه
نتي مهبولة ووحدك صح، ياريت جيت عايشة قدامك ههه حكاياتك ظراف
دركا نوليو للموضوع، هي صراحة الشعب الجزائري منارفي دوريجين هههه وكاره طول
ينوض من الرقاد مشنف ويقولك علاه تشوف فيا هههه قريب يضربك، ماعندناش لي ينوض مبتسم
الله غالب هادي هيا طبيعتنا، انا كن نرجع لنفسي انا زعما يقولولي صابرة ومعرف هههه
هي تاع نتقلق راني نتقلق بصح نحكم لداخل مانبينش يعني حتى ولو عبد يقلقني ولا يظلمني نحكمها لداخل
ونتقبلها مرة وزوج وثلاثة، يعني عندي قدرة على الصبر والتحمل بدرجة كبيرة وبالي طويل كيما يقولو
بصح نهار نتقلق صح ونخرج من طبيعتي تما الله لا يشوف فيا مومن هههههه لأنو انا نفسي ومانقدرش نسيطر على روحي
خاطر لما تصبري على نفس الشخص قداه من مرة ويستمر في ظلمك رايح يجي نهار وين تنفجري
ويقولك انفجار العاقل ماش كيما لي منارفي، خاطر لي مقلق راهو في دقيقتو يفرغ لي في قلبو
بصح لي يصبر وعاقل ويحمل نهار ينفجر راهو يدي معاه الاخضر واليابس هههههه (نخوف فيكم )
هادي حالة ناااااادرة جدا فيا، يعني بطبيعتي نتحمل القلق ونصبر
واذا تقلقت من انسان زوج دقايق نولي نورمال ههههه بالاك هادي الحاجة الوحيدة لي مليحة فيا ههه
يعني مانحقدش على الانسان غير يروحلي الزعاف نولي نورمال

شكرا مريومة على الموضوع
ربي يحفظك حبوبتي
تحياتي ليك
​

اهلا مريومة يا حوجي تبلي فيا بالقتيلة بغيتي تضيعيلي شبابي وهو في اواخرو :cray02::cray02:
ايه يا مريم لة تشوفي هو قرع وجاه الصباط فراسو ديركت يستاهل لانو مراقبب عام بنتو لاعبتها علينا وانا ما عنديش هذي تغلط تخلص والله لو نعرف باباها اوباما وجه الطاجين ايا لعبتها وانا مرة قتلها شوفي راني نقولك قدام الشعب ببعديني التالية نرقدك فراش ما سمعتش الكلام خلصت وزاد باباها جا يوري في روحو ايا ما لقيتش كيفاه نديرلو نحيت صباطي ونضربو من بعيد بيه ههه والحفا يسلك وكامل حبوها كي ضربتو لانو حقار وقفني فمجلس التاديب وكامل شهدو الاساتذة نتاعي اني عاقلة مساكن ههه ايا انا قتلهم جا ضربني على جال بنتو لما فصلوني فالاول يا حسراه ناضت الحرب والليسي كلو دارا اضراب حتى رجعوني ورجعوني بالقدر ودارولي حفلة نهار رجعت هههه ايه صباط بوش وما دار هه واش دار صباطي
انت عكسي انا شوفي انت تحملي وتخبي وانا قلبي ما طونوبيل 2 بورت ما يحملش الغاشي ما نخبيش مانيش بانكا ثم فالبلاصة نخرج زعافي صح مرات نرجع ثمثم مي لو جرحني عبد جرح كبير اييه لو نعرف عمري عندو نقولو ديها وروح والله ما نشوف فيه لو نعرف من بعدو نموت انا هاكا دايرة خلاص كاين عباد ما يقدرش قلبك يولي معاهم عادي لما انسان ياذيك لدرجة كبيرة تبعديه افضل
وانا معروفة نعاير ولو نقولك حتى لما نعاير يضحكو ما نعرف الهدرة كيفاه تخرج مني نعاير معاير ماكانش منهم واقيل ههه ومرات يجيني هبالي مثلا فالدار نزيد للتليفيزيو الحومة لخرى يسمعو زكارة ونغلق الباب وارواحي لو كنات بوبليسيتي فيها الغنى ويا حسراه نبدا نعيط ونشطح ونخبط حتى يروحو يخلولي الدار يسمحو فيها وبعدو يرجعو الله غالب هذا تسونامي نتاعي
اييه راكي عاقلة مي نهار تحملي راكي زنزلة يا بنتي :p:scared01::scared01:
ايه انا قلت نسا الجزائر فحلات وما امنونيش قالو قاورية لما تزعف تشد كوانة اااووووو جاك او مون ديو حنا لا جاك ولا بوش يغلط جاك يدي طريحة :yahoo01::yahoo01:

 

[ليليا مرام]

رد: شعب منيرفي

ههههه يا والله موضوع يستاهل الرد
اني قريتو بالزرب برك دوك نطيب الكسرة ونجيك
واذا نسيت راسليني وجيبيني ذرآع ههه
​

السلام عليكم اهلا تيتيسا
ايه وين راكي واقيل حرقت الخبز والدار وين راكي او حببيتي انا نجيك نديرلك كيما سفينة تحت داركم
ايا خفي ارواحي حطي رد او نولي نروح نشكي بيكم :d:d:d

 

[لؤلؤة قسنطينة]

رد: شعب منيرفي

شوفي اختي جبتي الموضوع اللي نعيشه أنا كل لحظة
أنا منااارفي و سريع الالتهاب
لو كان الريح يقيسلي تريكويا ندابزو
ما نحملش الكلام بزااف
و ما نحملش السكات الصامط
يعني نحب واحد يكون كيما نكون أنا
يعني اذا كنت مليح لازم يكون مليح و اذا كنت منارفي لازم يسكت
اذا زغفت ما نعرفش واش نقول
و نكسر لماعن و الماكلة تلسق في الحيط

القهوة و الدخان دايما مايا
و كي نزعف يديا يرجفوا

في رمضان لازم نرقد حت قبل المغرب بدقيقة
نفطر وحدي لأاني ناكل شوي شوربة و نشعل السجارة

ما عنديش صحاااب لأني كامل مخاصمهم صامطين
جيراني معذبهم و معذب ولادهم طفل ما يقربش الباب و الا أخذ زوج كفوف
ما نحملش الباب يتفتح

هههههههههههههه هههههههههههه هههههههههههه
كميرا كاشي حبيت نخلعكم ههههههههه
شوفي و الله بصدق أنا عكس كل ما كتبته
انا نادرا وين نزعف كي نوض الصباح نقول اللهم صلي و سلم على سيدي محمد
صلى الله عليه و سلم

نحب نبدا نهاري بابتسامة
عمري ما زعفت على ماكلة أو رديتها

دايما مبتسم
و اذا كان هناك أمر مزعج نخليه في قلبي و ما نجرح حتى احد
أولاد الجيران كلهم نحبهم و نمزح معاهم حتى اني نتسابق معاهم هههههههه

جيراني كلهم نحبهم و يحبوني و يثيقوا في
دوما نتحاشى أمور اللي تجيب الزعاف كالنقاش الجارح
الحمد لله رزين و ثقيل و قلبي كبير

همومي نخليها عندي باش ما نقلق حتى واحد
لا سجارة و لا أمور أخرى رياضة و مسجد و التلفاز و النت
كلام قبيح أو فاحش ما نقولوا ما نحب نسمعوا

قلبي أبيض و الله و ما نكره حتى واحد

نحب المزاح و التعليقات المجنووونة و النكت
نبكي بزااف بزاااف و دموعي كثيرة

شكرا
الآن صلاة المغرب​

هههههههههه والله خلعتني، بصح كي قريت زوج جمل فهمت بلي تتمسخر
أولها لما قلت الماكلة تلصق في الحيط وعلابالي بخويا يحترم ويقدر
نعمة ربي ومستحيل يرميها على الارض ولا في الحيط
وثاني نقطة لما قلت تنوض قبل المغرب بدقيقةن خاطر علابالي
بيك بلي محافظ على صلاتك وبلي يوم من ايام رمضان مستحيل تجوزو
رقاد ورايح تغتنم النهار في الاجتهاد والعمل، يعني من هنا فهمت بلي تتمسخر
حسب واش نعرف على خويا
وربي يخليك دائما رزين ومتفهم كيما قلت ويحفظلك الناس القراب ليك
تحياتي
​

 

[ليليا مرام]

رد: شعب منيرفي

سلام عليكم
واش راكي مريومة ياك هكا ما غلطتش في اسمك
آآآآآآآآآه عليك جبتي وحد السوجي هايل alors حبيتي تعرفيني كي نزعف واش ندير انا كي نزعف نقعد نهدر نهدر و نقرش حتى راسي يضرني و اذا كنت رافدة كاش حاجة غير ودعيها نكسرها الى اجزاء من الذرة ههههه و خطرات كي تنفحلي نبكي وحدي :cray02:هههه و هذوا لي قلتلك عليهم كي نتنارفا بزااااااااااااااف و يطلعلي الغاز للراس و نقولك الصح انا مقلقة مع لي يدور بيا او يخسر معايا اما باقي الاوقات الحمد لله طرونكيل ههه:$ و كي نزعف ما نضربش مي نضرب بلساني هههه:tongue02::p مي مهما نزعف نولي عادي نستغفر ربي كي نتنارفا و نسكت و صايي و نوكل ربي على لي يدور بيا :love01:
نرجعوا اخر مرة داوست فيها الحمد لله عندي مددددددددة ما نقرشتش ههههه:s:-r مي يدي و لساني ياكلوا فيا و راني نحوس نداوس ههه امزح فقط ان شاء الله ربي يهدينا و يهديهم و يثبت العقل ان شاء الله
مي خلعتيني كي قلتيلي ضربتي المراقب هههه و ليتي تبانيلي كيما هكا هههه براvوووو عليك راكي هكا و راني نستنى فيك تضربي دورة في موضوعي راني غتبت فيك شوية فيه و راني نتعلم باش نولي نصيب المواضيع و الكلمات كيما نتي ههههه:love01:
الله يعطيك الصحة على الموضوع الجميل بارك الله فيك
تحية تليق :regards01:
​

اهلا يا اطة نورت الموضوع
اييه راكم كامل عاقلات حتى انا قلت الفحلات ضرك كامل يقولولي مريم نتي جهنم الحمرا الحمد لله لقيت رفقاء فجهنم نتاعنا:d:d
ايه حنا كامل عاقلات مي الله غالب يخلطو فينا
شوفي نقولك انا نوكل ربي مي هذيك فالاخرة مي فالدنيا لازم نتحاسبو نعطيهم طريحة هنا ونزيد نوكل ربي فالآخرة هذي لو كانت الحاجة كبيرة انا ما نعرفش نطيح دمعة وخنونة ونسمحها كيما آنا كريستينا ونقولها روحي يا زليخة وكيلك ربي لالا وكيلك ربي يا زليخة لما نعطيها طريحة ونعضها ونتفها وبعدو نوكل عليها ربي لما ننفض يديا وحوايجي بنت المراقب هذي قعدت عليها شوفي هات يا عض كليتها خليتها قاع زرقا وين جاتني نعض وقتلها يا لطيف تقولي تاكلي الجيفة لحمك فايح :d:d:d:d ليجون ما قدروش يسلكو من الضحك قتلتها بالضرب ولما باباها ما جاش يسلك جا يضربني نرفد صباطي ونعطيه للقرعة نتاعو ديركت الله الله درتلو فوهة بركان قتلو هاكا بخر من راسك:p:p:p مت بالسعادة لانو كان حقار وانا قلت خلاص نخلي ثورة فالليسي ونبطل ايا الحمد لله رجعوني نورمال مناك لما نفوت الطريقف تتفتح خافو مني وهذيك بنتو التوبة من ذيك النوبة يهدرو عليا قدامها تسلها ديركت فمها ما تحلوش مليحة ليهم :yahoo01::yahoo01::yahoo01::yahoo01:
وينو موضوعك ما شفتوش هدرتي عليا وجدي روحك يا لالة ضرك انا عضني دراكولا لازم نجيبلك للسلالة نتاعنا :d:d:d ضرك نشوف واش قلت عليا ونتفاهمو ههه
شكرا نورتيني

 

[ليليا مرام]

رد: شعب منيرفي

شوفي اختي جبتي الموضوع اللي نعيشه أنا كل لحظة
أنا منااارفي و سريع الالتهاب
لو كان الريح يقيسلي تريكويا ندابزو
ما نحملش الكلام بزااف
و ما نحملش السكات الصامط
يعني نحب واحد يكون كيما نكون أنا
يعني اذا كنت مليح لازم يكون مليح و اذا كنت منارفي لازم يسكت
اذا زغفت ما نعرفش واش نقول
و نكسر لماعن و الماكلة تلسق في الحيط

القهوة و الدخان دايما مايا
و كي نزعف يديا يرجفوا

في رمضان لازم نرقد حت قبل المغرب بدقيقة
نفطر وحدي لأاني ناكل شوي شوربة و نشعل السجارة

ما عنديش صحاااب لأني كامل مخاصمهم صامطين
جيراني معذبهم و معذب ولادهم طفل ما يقربش الباب و الا أخذ زوج كفوف
ما نحملش الباب يتفتح

هههههههههههههه هههههههههههه هههههههههههه
كميرا كاشي حبيت نخلعكم ههههههههه
شوفي و الله بصدق أنا عكس كل ما كتبته
انا نادرا وين نزعف كي نوض الصباح نقول اللهم صلي و سلم على سيدي محمد
صلى الله عليه و سلم

نحب نبدا نهاري بابتسامة
عمري ما زعفت على ماكلة أو رديتها

دايما مبتسم
و اذا كان هناك أمر مزعج نخليه في قلبي و ما نجرح حتى احد
أولاد الجيران كلهم نحبهم و نمزح معاهم حتى اني نتسابق معاهم هههههههه

جيراني كلهم نحبهم و يحبوني و يثيقوا في
دوما نتحاشى أمور اللي تجيب الزعاف كالنقاش الجارح
الحمد لله رزين و ثقيل و قلبي كبير

همومي نخليها عندي باش ما نقلق حتى واحد
لا سجارة و لا أمور أخرى رياضة و مسجد و التلفاز و النت
كلام قبيح أو فاحش ما نقولوا ما نحب نسمعوا

قلبي أبيض و الله و ما نكره حتى واحد

نحب المزاح و التعليقات المجنووونة و النكت
نبكي بزااف بزاااف و دموعي كثيرة

شكرا
الآن صلاة المغرب​

السلام عليكم
اييه وانا نقرا قلت ياو امين هذا واقيل توأمي قلت ندور ليمى هنا قدامي نقولها قريلي تشوفي لو عندك وليدك اخر فولاية هنا خويا قريلي راني لقيتو ما تخلينيش نروح لفضيلة هههه
وخلعتني ياو قلت مسكينة المخلوقة هذي واش راهي رافدة احوجي هذا ما شي راجل هذا بركان ايا مزية لقيتك تتمسخر رحت نقولك ويا ربي يانا انت وين تربيت فالأمازون لانو صراحة لو كاين رجال هكا هذا لازملو شكة عند خونا حكيم نتاع داء الكلب :d:d:d ببلاك فصغرو عضو كلب وما داواش:bravo01::bravo01::bravo01::bravo01:
الاخ امين محال يكون هكذا يا ويلي مزيا سقمتها سينو انا كنت راح نستقيل من المنتدى ونزيد نبيراطيكم :p:p:p
شكرا نورتني والله يخليك على رزانتك وهدوء اعصابك يا ريتك تعديني يا ريت حبيت نستعقل ما قدرتش الله غالب:s:s:s

 

[Salah eddin]

رد: شعب منيرفي

الله يهدي

اللهم اهدنا و اهد بنا

آمين
​

 

[ليليا مرام]

رد: شعب منيرفي

السلام عليكم
موضوع هايل مشكورة اختي :up:
هو صح كاين ناسات دمهم سخون
فيسع ما يتنرفو و كاين ناس يتنرفو في المواقف لي تستاهل
يتنرفو فيها
بصراحة انا من ذوي الدم الباااااارد هههههههههه
يعني يصرا واش يصرا ما نعارك و ما نعاتب
و كل ما يزعجني اضربه بعارض الحائط كيما يقولو

اهلا اختي سوزي نورت موضوعي
العفو شكرا لكم على وفائكم
ذوي الدم البارد اييه نتوما مطلوبين بزاف تسلكو اللي كيما حنا دمنا كالحمم يا اختي والله عييت نبرد فيه الله غالب اصلا لو دمي بارد ما يحبونيش :d:d:d لانو والفو بيا هاكا نغلي ونقرش ديما
زيد واش يصرا ما تتعاركيش اسمعي راكي نورمال روحي ديري تحاليل كاش ما سرقولك وانت صغيرة نحيتي القراجم زعمى ما نحاولك والو :s:s:s لا مش عادي يا طفلة قلت بارد مي ماشي ما عندكش قاع احوجي واقيل نحاولك دمك قاع
عارض الحيط اييه ي يا طفلة انت من المنقرضات ما تحكيش يحسدوك
شكرا نورت الموضوع

 

[ليليا مرام]

رد: شعب منيرفي

الله يهدي

اللهم اهدنا و اهد بنا

آمين
​

السلام عليكم
آمين الله يخليك خويا ويهديك ويهدينا مي نفهم الله يهدي شكون حنايا او الدبزة بشكل عام
شكرا لك

 

[ليليا مرام]

رد: شعب منيرفي

موضوع جميل ....جزائرية و افتخر .....مزية لي جينا جزايرين​

السلام عليكم كاميليا
ونفتخر وهذا اللي يميزنا اييييو حيو ابطالنا وهذي البداية ومازال مازال :yahoo01::yahoo01::yahoo01::yahoo01:والله مزيا جينا جزائرين ما نقدرش نتخيل روحي كوريا سيها يوها ونمشي كالنمل وعاقلة ياو 1 2 3 فيفا لالجيري اللي خرجتنا هكذا :d:d:dنورت الموضوع

 

[ليليا مرام]

رد: شعب منيرفي

ههههههه الزعاف يا الزعاف جبتيلي موضوع هااايل انا نموووت ع الزعاف واكبر زعافة في الدار هي انا
نبدى نجكي شوي ع روحي كيفاه نزعف وكيفاه نقلق انا معروفة تريسيتي نقرن ليه ليه وجنوني يطلعوا ههه
انا اخر مرة دابزنت مع وحدة في الليسي تاني تضاربنا خاطر ع العام مشغلة وهي وصلتني بهدرة عيانة هه كنا درنا سبور وكي كملنا دخلنا فاستيار نبدلوا حوايجنا بدات تشاطي وتماطي ونقرن انا نجري نجري ونعطيها بكوت بيي للكرش ههه والله نشفالها كي ليوم انا نكره وحدة طيحلي :-oوهاديك بالدات وصلتها للترن ههه مي دوكا لالا لواحد كبار ورزان وفرق مابين في الليسي ودوكا نورمال نتفاهم مع الناس كامل وتوجور علاقات سطحية باه نتفادى كلش وبما فيها الدسارا :thumb_up02:
مانطولش عليك بزاف تزيدي تقلقي وتخرجيلي ع البيسي وانا خاطياا هههه
سلااام نتلاقاو في مواضيع خلاف وان شاء الله هاد المرة عند موضوعي:p​

اهلا تيتيسا
اييه ضربتيها كوتبيي نستعرف ببيك يا طفلة هاهم الفحلات ايه نحب الدبزة هذي من النوع الرفيع للانو الصراحة هذوك الزواخات يطلعو الغاز وانا نكره النوع هذو لانو كامل نضحك ونزعق معاهم وما نحكيش على الناس وما نوصل حتى واحد ومعروفة لما كنت نقرا الهدرة نقولهالك فوجهك ما نحتاجش نهدر فيك يعرفوني صريحة وخاطيني مي توصليني ما نحكيش معاك بالهدرة الاولى نسكت دوزيام نعطيك ديركت ما نستناش الثالثة مقلقة من عندهم
لا ما نخرجلك ما والو حتى نشوف الموضوع باه نشقى نتاع الصح :p:p:p
نورت الموضوع