نتمنى تساعدوني

[بسمة مرام]

سلام عليكم ورحمه الله وبركاته


انا جديده معاكم مرسي على استضافه ويلي قبلتوني معاكم لاني محتاجتكم بزاف انا مخطوبه انا عمري 21 وخطيبي 35 سنه وهو خطبني لانو هو صاحب

خويا وانا ولا عمري حكيت في تلفون منعرفش وتعرفنا وكلشئ وكثر مانحكو كل يوم بزاف يقلي نفس مواضيع نفس هدره دور كل يوم وانا منعرفش مواضيع يقلي احكي على مستقبل وانا تزاعفت معاه وخسرتو حبيت نردو حبيت نقنعو لانو صعيب بزاف هو ونحكي معاه دوكا قالي صاي حكايتنا وانا حبيتو وهو حاب يبطل

 

[ليليا مرام]

رد: نتمنى تساعدوني

السلام عليكم اختي
علاه حاب يبطل اولا انا نظن انت لقاك صغيرة وهذا مش عيب هو لازم تفهم انك صغيرة ومش موالفة بالتلفون وتحشمي ولكن انت ثاني مش لازم تسكتي خلاص ودوري فنفس الموضوع يحط فبالو انو ما عندكش شخصية او يقول عقلها صغير كاين رجال ما يحبوش الطفلة الساكتة كاين اللي يحبها تحكي لانو مناك يحكم على عقليتك انا من هنا حكمت انو خطيبك يحب يهدر وانت ساكتة والمشكل انو حاط فبالو عقليتك صغيرة شوفي انا من راييي فهميه فمساج انك صغيرة وانو لازم يراعي هذا وانو يوريلك لو انت ما عرفتيش مش عيب هاكا اكيد راح يرجع يحكي معاك ولما يحكي فهميه كبري عقلك قوليلي راني صغيرة وامور حكايات وروايات خاطيني وانت لما تحكي معاه ديما خليه يحكي سقسيه واش يحب واس ما يحبش اطرحي عليه زعمى موضوع كانو تاخذي رايو ناقشه فكل المواضيع سقسي على احوالو فالخدمة وفالدار وكيفاه عقليتو انت ثاني بحبحيها شوي نفس المضوع انا فبلاصتو مليت ربي يوفقك فهميه فمساج اذا اتصل زيدي احكي معاه انا نظن حط فبالو عقليتك صغيرة موفقة وخبريني باللي صار

 

[Djaouida]

رد: نتمنى تساعدوني

سلام حبيبة
ههههههه والله غير ضحكتني حبيبة بغسكو انا كيفك منعرفش نهدر فتلفون ههه الله غالب منعرفش
او كي ندير منعرفش ههه
هو لوكان يبغيك نيشان يصبر عليك يعني مشي هدي سبة باه يبعد عليك شوفي حبيبة صلي صلاة إستغارة
قبل ما ديري اي حاجة ..... وهدي حاجة مشي عيب ولا حرام نورمال كل وحدة فينا عندها هدي مشكلة
عاد هدي حاجة مليحة لو كان يفهم يعرف بلي نتي خاطيك هدرة تاع شيرات ومراكيش من هديك كاليتي
ربي يكون معاك حبيبة ونشاء الله ما يكون غير خير
تحياتي

 

[بسمة مرام]

رد: نتمنى تساعدوني

مرسي ليكم حبايبي دوكا هو انا عارفاتو مبطلش لانو رجع حكا معايا وعادي هو مريض شوي وكلشئ ونعرفو واحدج حاب يبطل ميفلكسيش ويحكي معايا من صباح مي بغيت مواضيع اسئله على مستقبل منعرفش انا عاونوني نسنى ردكم وبغيت نرجعو كيما كان لانو هو قالي تغلطي صاي وانا نعرفو ميبطلش عاونوني في مواضيع ترجع روح للعلاقه وبغيت نرجعو معايا كيما كان يدللني ويحسسني بلي صح نهمو نسنناكم

 

[لؤلؤة قسنطينة]

رد: نتمنى تساعدوني

السلام عليكم
مافهمتش مليح مشكلتك أختي، يعني رجل يحبك ماتعرفيش تحكي معاه في التيليفون يبطل؟؟
يا إما هو تاع تيليفونات ويا إما باه يخوفك برك
شوفي اختي لعزيزة بما انو الإنسان عاجبك ورضيتي بيه ونتي عاجبتو من رايي حبسو حكايات التيليفون
يعني تحكي مرة في الفال ماتجي تسقسي على الاحوال وتحكي على نهارك كيفاه فات يخلص الكريدي
خاطر التيليفون حتى ولو كنتِ تعرفي تحكي رايحة تصرا مشاكل سواءاً في فترة الخطوبة او في الزواج،
وزيدي مافهمتش واش نوع الحكايات لي يحبك تتناقشي فيهم معاه؟ على المستقبل؟؟ ولا الماضي والحاضر؟
اصلا نص الحكايات تتخبا بعد الزواج ماش نشبعو في فترة الخطوبة وفي فترة الزواج نكرهو من بعضانا
مشكلتك اختي ماش في السن كن هكاك قالك عقليتي وعقليتك مايتفاهموش، مشكلتك هي تحشمي من خطيبك
وهادي ماش مشكلة اصلا، تحشمي عادي بالعكس هادا دليل بلي راكي بنت فاميليا
مالا اختي نقصي عليك التيليفونات واذا اصر على الموضوع قوليلو بما انك اكبر مني سنا ابدا نتا الموضوع
وانا ناقشك ونسمعلك وتسمعلي، وربي يسهل ان شاء الله اختي وتوصلي لواش حابة
تحياتي

​

 

[بسمة مرام]

رد: نتمنى تساعدوني

[
لا اختي مش مشكله فارق في سن ولا انا نحب مواضيع نعرفو يحبني وهو عارفني صغيره وانا قتلو كبرني على ايدك نحب مواضيع على مستقبل وحاضر ومواضيع مهمه منعرفش انا هو قالي كل يوم نفس الهدره اما على تلفون محبش ينحيه وهو يحكي معايا عادي بغيت انا نرجعهو كيما كان يدللني كل صباح ميساج وكلام لحنين هادا كي غلطت معاه نحاه قالي كي نشوف ترقلتي نرجع محسن ماكنت بليز اختي مواضيع على مستقبل اسئله

ومواضيع مهمه تخصنا من بعد انا نحب نحي ملل نحبو يضحك لانو انا شوي مقلقاتو هاد يومين

نحب نبيلو بلي تبدلت ومعادش نقلقك وحابه نبيلو بلي عندي شخصيه وعقليتي كبيره مش صغيره ومنيش حشاكم حماره هو يقلي هكا مي انا نحبو ونعرفو بلي يحوس عليها وهو يخوف فيا هكا /COLOR]

 

[ام أمينة]

رد: نتمنى تساعدوني

يا اختي الهدرة فالتيليفون بزاف في فترة الخطوبة تجيب غير تكسار الراس

​

 

[أشــواق 19]

رد: نتمنى تساعدوني

السلام عليكمــــ
كيمــا قالولك الأخواتــ الهدرة في تلفون تجيب غير تكسار الراس
حاولي تنيفيتي الهدرة المطولة
استعملو الهاتف غير باه تسقسو على بعض
بيسك مع الوقت راح تكرهو وتبدا تخســر العلاقة..
ربي يدوم حبيبتي وربي يجمعكم في الحلال ان شاء الله ​

 

[بقايا إنسان]

رد: نتمنى تساعدوني

اذا كنتي انت مخطوبة ليه بالفعل فراه غير يكابر مايبطل ماوالو متخفيش وعجلو بالزواج حتى تبطلو هدرة في التيليفون
تحياتي واحترماتي

 

[nacef]

رد: نتمنى تساعدوني

كنصيحة من رجل يعرف ما يفكر به الرجال
هو لن يلغي اي شيئ و انما هي طريقة يستخدمها الرجال حتى تتكلم المرأة و تغير الموضوع
فالرجال فضوليون و يريدون معرفة كل شيء لذا يا أختاه ان تكلمتي معه مرة اخرى حاولي مجارات حديثه
و تطلعي لمستقبلك
حسب قولك لقد احببته لذا لا تخجلي في حديثك معه تحدثي بعفوية خاصة ان العلاقة مكتملة بخطبة
اخبريه بما تحبين و بماذا تطمحين -- نظرتك للاطفال و للحياة الاسرية ---- او استعداداتك لتحمل المسؤولية و غيرها
و عقبال الزواج ان شاء الله

 

[kaza191]

رد: نتمنى تساعدوني

اذا كنتي انت مخطوبة ليه بالفعل فراه غير يكابر مايبطل ماوالو متخفيش وعجلو بالزواج حتى تبطلو هدرة في التيليفون
تحياتي واحترماتي

+1 اوافقك الراي

 

[Oussama.GF]

رد: نتمنى تساعدوني

سلام عليكم
للأسف فقدتيه
جربي معا خوك يخبروا
قولوا يخبروا