مرحبا نحكيلكم حكايتي و بدون إطالة، أنا عندي 5شهور زواج و ساكنة و حدي الحمد لله، مشكلتي هي سلفتي اللي مل تحبسش من التسلاف، إيييه كيما نقولكم، تزوجت من بعدي بشهرين، و بحكم ان مدة الخطوبة تاعها طولت، وجدت روحها مليح و أخدت معاها جهاز الله يبارك، الحاجة اللي غايضتني هي انها قبل ما تروح شهر العسل جاتني لداري و أخدت ملابسي جديدة و الله ما زال حتى ما لبستها و أخدتهم بسماطة، و بعد ما رجعت رجعتهملي موسخين، و ما غسلتهمش....و شافت عندي قرعة ريحة اداتها و قالتلي زوجها يحب هذه الماركة، و أنا كي البهلولة ما لقيت واش نهدر، علما أني و الله أخدت معايا في جهازي غير زوج روايح، على حساب إمكانياتي و هي أخدت العجب.... المهم الحاجة اللي هبلتني انها بيها براجلها خدامين لابس عليهم، و نسيت ما حكيتلكمش، قبل زواجها بأيام كنت في دار بيت شيخي باش نعاونهم، لقيتها جابت قنادر يهبلو تبيع فيهم، شريت عليها واحدة ب 800 ألف، نلقاها فاجأتني بعد أسبوع، تقولي سلفيهالي نروح بيها عند عجوزتي....
، يا خواتاتي أنا حشمت و هي لا، ما لقيت واش ندير معاها، والله كيما كنت في دار بابا، واحد ما يتجرأ و يمس حوايجي، كامل علابالهم بلي ما نحبش حاجتي تتمس، و ما نحبش نسلف، راني في مأزق، خايفة نهدر معاها و تفسد العلاقات بيناتنا، و لا تروح تحكي لعجوزتي.... دبروا عليا خواتاتي راها خلاتني
و الان زوجي عندو يومين ما يحكيش معايا، و جرحني بزاف بالكلام لأنه شافني تقلقت من أختوا كي عيطتلو فالهاتف باش تسلف السيارة نتاعنا، ماشي هذي هي المرة الاولى و عندها سيارة، لكن خلات سيارتها لزوجها و جات تدي نتاعنا، و الله سيارتنا شريناها بالدين و ما زال ما خلصناهش و رانا متشاركين فيها أنا و راجلي، من النهار اللي بديت نخدم ما شريت حتى حاجة ليا، حسبي الله و نعم الوكيل، و الان في سبة الانتهازية نتاع اختو قالي ما عندك ما دخلك ما تسالي والو فالسيارة، و عندي اختي واحدة و انت كاين منك ألفين.... و انت جيعانة و مخلوعة و ما فيكش النية، دمرني، راني في حالة نفسية جد سيئة، حسبي الله و نعم الوكيل في هاذ المرأة اللي حابة تعيش حياتي في مكاني، كرهتني ...
، يا خواتاتي أنا حشمت و هي لا، ما لقيت واش ندير معاها، والله كيما كنت في دار بابا، واحد ما يتجرأ و يمس حوايجي، كامل علابالهم بلي ما نحبش حاجتي تتمس، و ما نحبش نسلف، راني في مأزق، خايفة نهدر معاها و تفسد العلاقات بيناتنا، و لا تروح تحكي لعجوزتي.... دبروا عليا خواتاتي راها خلاتني
و الان زوجي عندو يومين ما يحكيش معايا، و جرحني بزاف بالكلام لأنه شافني تقلقت من أختوا كي عيطتلو فالهاتف باش تسلف السيارة نتاعنا، ماشي هذي هي المرة الاولى و عندها سيارة، لكن خلات سيارتها لزوجها و جات تدي نتاعنا، و الله سيارتنا شريناها بالدين و ما زال ما خلصناهش و رانا متشاركين فيها أنا و راجلي، من النهار اللي بديت نخدم ما شريت حتى حاجة ليا، حسبي الله و نعم الوكيل، و الان في سبة الانتهازية نتاع اختو قالي ما عندك ما دخلك ما تسالي والو فالسيارة، و عندي اختي واحدة و انت كاين منك ألفين.... و انت جيعانة و مخلوعة و ما فيكش النية، دمرني، راني في حالة نفسية جد سيئة، حسبي الله و نعم الوكيل في هاذ المرأة اللي حابة تعيش حياتي في مكاني، كرهتني ...
آخر تعديل بواسطة المشرف:
!
