السلام عليكم ورحمة الله وبركاته
حبيباتي قد سبق لي واني وضعت طريقة صنع شخشوخة الضفر
هذا الرابط
شخشوخة الظفر من مطبخي
واليوم راح نطيبوها على بركة الله
اولا قطعي البصل اورابي حبة كبيرة وسناة ثوم فيفي الملح الفلفل الاسود الطماطم والزيت مع القليل من الماء وقليهم مع اللحم طبعا اودجاج
ومن بعد مرقي بالماء الغالي وارجعي للشخشوخة
عبري الشخشوخة حسب الافراد
من بعد رشيها بالماء وخليها ترتاح حتى تتشرب الماء تاعها
وبعدما تكون غلات المرقة حطيها تفور
ومن بعد ماتكون فارت نحيها فرغيها في قصعة او جفنة ورشيها بالمرق تاعها بعدما تبرديه
ومن بعدما تشيح مليح وتشرب المرق نفتحوها بشويا زيت ونردوها تعاود الفورة الثانية والمرق ضفيلو الفلفل الحار الاخضر
منبعد التفوار تحطيها في طنجرة او كوكوط المهم حاجة متسعة
رويها بالمرق متكثريش حتى تذوقي اذا جاتك مزالت يابسا زيديلها
انا بطبعي منحبش الشخشوخة طايبا ياسر
حطيها على النار مع طراف زبدة
بقالك الحمص اللي يكون طايب من قبل
ديريلو شويا مرقة وحطيه على النار يغلي
هكاك ياخذ من بنة المرق
واللحم نحيه وحمريه وهكذا تكون سجات
جيبو لمغارف واتلمو
آخر تعديل بواسطة المشرف:
