- إنضم
- 19 ماي 2011
- المشاركات
- 7,671
- نقاط التفاعل
- 11,979
- النقاط
- 356
- محل الإقامة
- أرض الله الواسعة
- الجنس
- أنثى
السلام عليكم و رحمة الله تعالى و بركاته
كيما شفتو فالعنوان كلمات ربما ما تلقايش لي يقولهملك امالا ارواحي اختي انا نقولهملك و نوصيك بيهم و ان شاء الله يفيدوك
زعما راكي رايحة تقراي كلامي؟
و زعما راكي رايحة تعطيني شوية من وقتك و لا عندك شغل تديريه؟
اولا قبل ما ندخل لموضوعي ندعيلك ربي يعينك و يسهلك و يجعلك قرة عين زوجك
و تأكدو بلي من محبتي لكم راني نكتب
يا عروسة
فرحتي كي طبطب الخطاب فالباب
و جاء مكتوبك ولي رايح يكون شريك حياتك
مشاعر رائعة و احاسيس مرهفة و الكثير من الاحلام الوردية
و في راسك راكي تقولي هادي اجمل هدية جاتني في حياتي
فكرتي و لو للحظة شكون اهداهالك؟؟
شكون لي جابلك شريك حياتك؟و وصلو حتى لعندك لداركم؟
انه الله عزوجل
اسعدكي و افرحكي بزوجكي
قوليلي الا حمدتيه و شكرتيه ؟؟
لان الوقت يجوز تمتم و مع التجهيزات تع العرس يمكن تنساي
و ما قريتيش الاذكار و ما استغفرتيش لان عنك قضية و لا تروحي للخياطة
و لا تفوت صلاتك لانك مشغولة بالتجهيز من سوق لسوق و من حانوت لحانوت للحفافة
ولا تجمعيها لانك دايرة ماكياج و ماراكيش حابة يخسر
هكذا الناس يشكرو ربي على الهدية لي عطاهالهم؟؟ لوكان كاش انسان عطاهالك تديري المستحيل باش تجيبيلو هدية احسن منها و تفاجئيه اه و لا لالا ؟؟؟
المشكل كامل حاجة ما تلهينا عن امورنا الدنياوية **انا وحدة منكم**
و المشكل كاين الف حاجة تلهينا عن امورنا الدينية
علابالي اختي العروسة ان التحضير للعرس فيه توتر و قلق كبيران
حوستي على الحل ؟؟
ما نطولش عليك لان علابالي بلي عندك الجواب و بالاك خير مني
يا عروسة
علابالي بلي تحبي تباني بابهى حلة قدام زوجك و اهلو لان العينين كامل يكونو عليك و الالسن تخدم بزاف
و علابالي بلي هاد الخوف و التخمام فهاد الشي ما تنحاش من بالك ولو لحظة
في فترة الخطوبة و خاصة كي يقرب العرس تروحي من سوق الى سوق الى مركز تجاري تقلبي الحوانت و السلعة لي فيها و تقارني الاسعار و تحوسي على الجديد و المميز و لي راه الامود
و يهبطلك المورال من بعض الحوانت اللي ما لقيتيش الحاجة لي تعجبك فيها سواءا المودال و لا اللون .............
و تولي تشري فالحوايج الماكياج الكوسميتيك الصبابط.............بلا حساب و ماشي كيما قبل ما تتخطبي تشري حاجة و لا زوج تجوزي بيهم العام
يا عروسة راكي داخلة على ناس بصفتك مرت وليدهم و تحبي تبيني جمالك و اناقتك قدامهم .....بارسكو راكي انثى او امراة
و كي تكوني تجهزي في روحك تغرك شي لبسات ممكن تكون عارية الذراعين او عند الركبة او مزيرة .......
حاولي ما تكثريش من هاد الحوايج لان ما تقدريش تلبسيهم مثلا قدام شيخك و لا اخوان زوجك و لا ازواج اخوات زوجك او اي اجنبي يجي للدار
شوفي برك حال بعض العرايس يكشفو ادرعتهن و رجليهم و جزء من الصدر و يصراولها مشكل كبار تعيشو خدوها عبرة
الا في دارك وحدك امشي عريانة وحد ما يقولك شحال راهي الساعة بصح فالدار الكبيرة اعرفي بلي كاين الداخل و الخارج و لازم تلبسي ملابس معقولة و مستورة من الافضل
ديري رضا ربي معيارك قبل ما تشري اي لبسة ولا تديري اي فعل .....
صدقيني الا درتي وش دكرت ستنالين مرادك و اكثر
وعد من ربي سبحانه و شكون اصدق من وعدو و الله يعطيك وش ما كنتيش تستناي و لا اكثر برك اخلصي النية لرب العالمين
كلها شهور و ايام و لحظات راكي رايحة تفارقي اغلى اثنين في حياتك يماك و باباك
كيفاش راكي معاهم فهاد الفترة؟ هل اثرنت نفسيتك التعبانة على علاقتك بيهم؟
هل راكي تحرصي على رضايتهم ؟ و الا راكي ديري وش يسعدهم؟
هل عييتي باباك بطلباتك لي ما تتخلاصش؟
و هل عييتي يماك بفعايلك و ما توافقيهاش في بعض امور العرس؟ و لا رميتي حمل العرس على راسها مسكينة؟
يا عروسة
والديك 2 بيبان للجنة دعوتهم مستجابة و قد توصلك للسهادة و الهنا ان شاء الله
وعلاش ما تحوسيش ادخلي الفرحة لقلوبهم و ديري وش ما درتيهش معاهم من قبل
حاولي تحسسيهم بقيمتهم و مكانتهم في قلبك و ما تغمضلكش عين الا ما رضاوش عليك
ان شاء الله كلامي يلقى مكانا عندكي ايتها العروس و ان شاء الله تكوني مثال للعروسة اللي زينت حياتها بطاعة ربي قبل كل شيئ
و اخيرا حاولي تفهمي و تتفقهي في امور الزواج فهي الاسس اللي يتبنى عليها دارك
دعواتي لكل عروس تقرأ كلماتي بالتوفيق و السعادة و الهناء
ان شاء الله يعجبكم موضوعي و لا تنسوني من صالح دعائكم
لاني تعبت و انا نكتب هاد الموضوع لاخواتي العرائس
تحياتي لكن
كيما شفتو فالعنوان كلمات ربما ما تلقايش لي يقولهملك امالا ارواحي اختي انا نقولهملك و نوصيك بيهم و ان شاء الله يفيدوك
زعما راكي رايحة تقراي كلامي؟
و زعما راكي رايحة تعطيني شوية من وقتك و لا عندك شغل تديريه؟
اولا قبل ما ندخل لموضوعي ندعيلك ربي يعينك و يسهلك و يجعلك قرة عين زوجك
و تأكدو بلي من محبتي لكم راني نكتب
يا عروسة
فرحتي كي طبطب الخطاب فالباب
و جاء مكتوبك ولي رايح يكون شريك حياتك
مشاعر رائعة و احاسيس مرهفة و الكثير من الاحلام الوردية
و في راسك راكي تقولي هادي اجمل هدية جاتني في حياتي
فكرتي و لو للحظة شكون اهداهالك؟؟
شكون لي جابلك شريك حياتك؟و وصلو حتى لعندك لداركم؟
انه الله عزوجل
اسعدكي و افرحكي بزوجكي
قوليلي الا حمدتيه و شكرتيه ؟؟
لان الوقت يجوز تمتم و مع التجهيزات تع العرس يمكن تنساي
و ما قريتيش الاذكار و ما استغفرتيش لان عنك قضية و لا تروحي للخياطة
و لا تفوت صلاتك لانك مشغولة بالتجهيز من سوق لسوق و من حانوت لحانوت للحفافة
ولا تجمعيها لانك دايرة ماكياج و ماراكيش حابة يخسر
هكذا الناس يشكرو ربي على الهدية لي عطاهالهم؟؟ لوكان كاش انسان عطاهالك تديري المستحيل باش تجيبيلو هدية احسن منها و تفاجئيه اه و لا لالا ؟؟؟
المشكل كامل حاجة ما تلهينا عن امورنا الدنياوية **انا وحدة منكم**
و المشكل كاين الف حاجة تلهينا عن امورنا الدينية
علابالي اختي العروسة ان التحضير للعرس فيه توتر و قلق كبيران
حوستي على الحل ؟؟
ما نطولش عليك لان علابالي بلي عندك الجواب و بالاك خير مني
يا عروسة
علابالي بلي تحبي تباني بابهى حلة قدام زوجك و اهلو لان العينين كامل يكونو عليك و الالسن تخدم بزاف
و علابالي بلي هاد الخوف و التخمام فهاد الشي ما تنحاش من بالك ولو لحظة
في فترة الخطوبة و خاصة كي يقرب العرس تروحي من سوق الى سوق الى مركز تجاري تقلبي الحوانت و السلعة لي فيها و تقارني الاسعار و تحوسي على الجديد و المميز و لي راه الامود
و يهبطلك المورال من بعض الحوانت اللي ما لقيتيش الحاجة لي تعجبك فيها سواءا المودال و لا اللون .............
و تولي تشري فالحوايج الماكياج الكوسميتيك الصبابط.............بلا حساب و ماشي كيما قبل ما تتخطبي تشري حاجة و لا زوج تجوزي بيهم العام
يا عروسة راكي داخلة على ناس بصفتك مرت وليدهم و تحبي تبيني جمالك و اناقتك قدامهم .....بارسكو راكي انثى او امراة
و كي تكوني تجهزي في روحك تغرك شي لبسات ممكن تكون عارية الذراعين او عند الركبة او مزيرة .......
حاولي ما تكثريش من هاد الحوايج لان ما تقدريش تلبسيهم مثلا قدام شيخك و لا اخوان زوجك و لا ازواج اخوات زوجك او اي اجنبي يجي للدار
شوفي برك حال بعض العرايس يكشفو ادرعتهن و رجليهم و جزء من الصدر و يصراولها مشكل كبار تعيشو خدوها عبرة
الا في دارك وحدك امشي عريانة وحد ما يقولك شحال راهي الساعة بصح فالدار الكبيرة اعرفي بلي كاين الداخل و الخارج و لازم تلبسي ملابس معقولة و مستورة من الافضل
ديري رضا ربي معيارك قبل ما تشري اي لبسة ولا تديري اي فعل .....
صدقيني الا درتي وش دكرت ستنالين مرادك و اكثر
وعد من ربي سبحانه و شكون اصدق من وعدو و الله يعطيك وش ما كنتيش تستناي و لا اكثر برك اخلصي النية لرب العالمين
كلها شهور و ايام و لحظات راكي رايحة تفارقي اغلى اثنين في حياتك يماك و باباك
كيفاش راكي معاهم فهاد الفترة؟ هل اثرنت نفسيتك التعبانة على علاقتك بيهم؟
هل راكي تحرصي على رضايتهم ؟ و الا راكي ديري وش يسعدهم؟
هل عييتي باباك بطلباتك لي ما تتخلاصش؟
و هل عييتي يماك بفعايلك و ما توافقيهاش في بعض امور العرس؟ و لا رميتي حمل العرس على راسها مسكينة؟
يا عروسة
والديك 2 بيبان للجنة دعوتهم مستجابة و قد توصلك للسهادة و الهنا ان شاء الله
وعلاش ما تحوسيش ادخلي الفرحة لقلوبهم و ديري وش ما درتيهش معاهم من قبل
حاولي تحسسيهم بقيمتهم و مكانتهم في قلبك و ما تغمضلكش عين الا ما رضاوش عليك
ان شاء الله كلامي يلقى مكانا عندكي ايتها العروس و ان شاء الله تكوني مثال للعروسة اللي زينت حياتها بطاعة ربي قبل كل شيئ
و اخيرا حاولي تفهمي و تتفقهي في امور الزواج فهي الاسس اللي يتبنى عليها دارك
دعواتي لكل عروس تقرأ كلماتي بالتوفيق و السعادة و الهناء
ان شاء الله يعجبكم موضوعي و لا تنسوني من صالح دعائكم
لاني تعبت و انا نكتب هاد الموضوع لاخواتي العرائس
تحياتي لكن
