التيبين والتايبات .......موضوع حصري

[ليليا مرام]

السلام عليكم اهلا جماعة رواد القسم واش راك تهدر

اليوم يا جماعة حبيت نحكي على موضوع وندي رايكم
راهو جاي رمضان كيما تعرفو وراح تكون جماعات الله يبارك اللي تدخل الاسلام اييه
اليوم نحكي على
التائبون والتائبات مؤقتا

اييه قبل رمضان ناس تصلي وناس تتلفلها الركعة
وناس تعرف القبلة وناس ما عندهاش الوقت
البنات نهار تصلي ولخرين تلمهم
والحجاب سروال مطرطق ونص شوشتها برا وما تخممش فالصلاة ولا فربي بايتة مع الفايس وضالة مع التويتر ومعشية مع الفايبر
وارواحو نشوفو اول يوم من رمضان

مولات السروال رجعت اختنا والشوشىة غطاتها بالخمار حد الحواجب اييه هذا مش فالنهار فالنهار تلبس نورمال
هذا فالليل وين رايحة ؟ اكييييييد للتراويح اييه توبة فجائية
واللي كانت تسهر مع الفايس تبات تحفظ فالقرآن او تقول انو تبات تقرا فالقرآن
وحتى فالمنتديات تلقاهم جماعات جماعات فرمضان دايرين حفظ القرآن ماشاء الله وشكون يكره هذا تقولولي ليليا هبلت نقولكم ستوووووووب استنو نفهمهم
علاه الامر هذي ماكانش قاع العام ؟..... حافظات القرآن وينهم قبل رمضان
مولات السروال علاه ما تغطيش قاع العام وهي اول ما يخلاص رمضان نهار العيد تروح رونديفو هذا اذا ما خرجتش فالليل جماعات الهربة من الجوامع هذاك موضوع وحدو راحا للتروايح وتركب فالإيبيزا فالكوانة من هيه
التائبات والتائبون فرمضان وين راهم قاع العام
الشباب تلقاه الصلاة ويجري للجامع ومصلي وماشاء الله يخلاص رمضان وترجع ريمة لعادتها القديمة
علاه نخافو ربي غير فرمضان ؟
فالفايس منشورات هذا يحبني وذا طلب مني رونديفو و وقالي وقتلو وهاعمري وهالكبدة وهالضربة اللي تضربهم ان شاء الله يلحق رمضان تلقاها دايرة سيرة الرسول عليه الصلاة والسلام
ودايرة منشورات اسلامية ايييه يا لالة والله يا أنت
وكاين لالا خارجين بيها ديركت انا هذوك مهما كان يعجبوني متبرجة قعدت هكذاك اما توب توب نتاع الصح
ما تصليش تقول ما نصليش وما تصليش قاع رمضان وقاع العام
ليجون ثاني كاين ما يصلوش وما يروحش يصلي فرمضان مش نشجع فيهم لا بعيد الشر مي مش منافقين يصلو فرمضان ويرجع للخمور ولغيرو بعد رمضان

التوبة هذي المؤقتة حبيت نعرف منين جاتهم ؟
الفتاة اللي دير رمضان سبب لتوبتها واش حاطة فراسها تخاف من ربي الا فرمضان او لانو شهر الرحمة راح يرحمها فكل شي وترجع لعاداتها ورا رمضان
كامل يقراو القرآن ويختمو فرمضان بعدو الغبار ياكل المصاحف علاه ؟
وعلاه الواحد ايمانو فقلب وتيدنو حتى يجي يجري للمنتديات او الفايس ويبين للنايس انا مدين انا راني نقرا القرآن وبعدو ما نسمعوش بيه ؟

الموضوع ليكم واش رايكم فالتائبون والتائبات

شكرا
​

 

[ام أمينة]

رد: التيبين والتايبات .......موضوع حصري

يعطيك الصحة كلام منطقي و صحيح 100 في 100
يا ريت كامل العام يقعدو تائبين و تائبات ماشي غير في شهر رمضان
ربي يهدينا و يهديهم
مشكورة على الموضوع تحياتي
​

 

[ليليا مرام]

رد: التيبين والتايبات .......موضوع حصري

يعطيك الصحة كلام منطقي و صحيح 100 في 100
يا ريت كامل العام يقعدو تائبين و تائبات ماشي غير في شهر رمضان
ربي يهدينا و يهديهم
مشكورة على الموضوع تحياتي
​

السلام عليكم اختي ام امينة اهلا وسهلا
الله يخليك وينورك
والله يا اختي انا الجماعة اللي يستغلو الدين نكرهم اخرج لربي عريان يكسيك هكذا المثل يقول وفشكون يهفو يشرو مظاهر قدام الناس وبرك كامل تايبات انا نشوف حولي فرمضان تقولي ذا ما ندي منهم هو يخلاص رمضان والله ما يركعو لربي ولا يعرفو الصلاة كيفاه دايرة سبحان الله هذا رمضان قداش يكشف الناس على حقيقتهم
آمين شكرا لك

 

[zohor kfz]

رد: التيبين والتايبات .......موضوع حصري

كآآآاينة
الله يهدينا و يهديهم و يتبت علينا لعقل و دين
هو صح تحسي بروحكي في رمضان تزيدي في وتيرة الطاعة و ماذا بينا نكملو بيها كامل العام ....
انا نشوف في رمضان الشاحن لبقية اشهر السنة يعني اذا تبتي صح و من قلبكي و تغيرتي جدريا اكيد راح يبقالك دخيرة لكل العام مع ربي يستجيب للدعاء و كاين نفحات في رمضان اكثر من باقي الشهور و ربي هو وحدو لي داري بلقلوب ... اما انكي صبح لعيد ترجعي كيما كنتي منقبل فهنا السمحيلي كاين خلل اكيد
و بنادم لي يتوب ياك لربي و علاش عليا المظاهر و القلب رايح فيها
....
يعطيكي الصحا ليليا و الله راكي مركزة على مواضيع في الصميم

 

[safouane batna]

رد: التيبين والتايبات .......موضوع حصري

ايه صح فرمضان تكون توبة جماعية لبزاف ناس هذا مايمنعش باه نقولو علاه بصح نتمناو تستمر هاذ التوبة وهاذ
التغيرات ان شاء الله بصح هاذي نتاع التوبة والقران وجماعات فالفايسبوك ماتدخلش للراس لي يحب يتعبد كاين وين والصحابة كانو يوجدو لرمضان قبل 6 اشهر حنا قبل يوم يدوش ويبدا يصلي ،على الاقل لي يحب يتوب يبدا اذرك مايجيبش العين لروحو باه مايهدروش عليه الناس من جهة ويوالف من جهة اخرى بالاك يثبتو ربي ان شاء الله

 

[Skor m@k]

رد: التيبين والتايبات .......موضوع حصري

السلام عليكم
يا ختي راككي عgاابهم هذي اليمات ةههههه
الجيل لمعوج ديجا كتبتي موضوع عليه
مي هذو لي هدرتي عليهم ضرك ماشي معوج برك زاوية قائمة وقريب يولو منحرف بعدما كانو شبه منحرف خخخخخخ
الدخول للاسلام م لبكري كاين منها مي ماشي غير في رمضان
مفهمتش حاجا لبنات تاع الفيزو الى يصليو ولا لا ؟؟
تانيت جماعت الباك يطولو التوبة تاعهم خاطرش رمضان يجي مور الباك هههه
وجماعت الفيزو مشكيتش يتبدلو يزيدو الخيمار م لفوق برك
كونكوا حيجاب آلامود اخخخخخ
شكرا على الموضوع المميز هذا
سلام​

 

[ليليا مرام]

رد: التيبين والتايبات .......موضوع حصري

كآآآاينة
الله يهدينا و يهديهم و يتبت علينا لعقل و دين
هو صح تحسي بروحكي في رمضان تزيدي في وتيرة الطاعة و ماذا بينا نكملو بيها كامل العام ....
انا نشوف في رمضان الشاحن لبقية اشهر السنة يعني اذا تبتي صح و من قلبكي و تغيرتي جدريا اكيد راح يبقالك دخيرة لكل العام مع ربي يستجيب للدعاء و كاين نفحات في رمضان اكثر من باقي الشهور و ربي هو وحدو لي داري بلقلوب ... اما انكي صبح لعيد ترجعي كيما كنتي منقبل فهنا السمحيلي كاين خلل اكيد
و بنادم لي يتوب ياك لربي و علاش عليا المظاهر و القلب رايح فيها
....
يعطيكي الصحا ليليا و الله راكي مركزة على مواضيع في الصميم

السلام عليكم أختي زهور نورتيني اهلا وسهلا
آمين يا رب الله يهدينا اجمعين
نعم راكي قلتيها نزيدو في وتيرة الطاعة ونفرحو لما يكون واحد او وحدة ما تصليش ويتوبو فرمضان والله تشوفيهم حاجة تفرح مي يا ريتهم يكلمو علاه يخلاص رمضان يرجعو لطبايعهم واول ايام العيد يصلو صلاة العيد ومن بعد ما يرجعوش حتى رمضان اللي بعدو علاه الخوف من ربي فرمضان وبرك
ويعيطك الصحة وشكرا لوفائكم لمواضيعي
جزاك الله كل خير

 

[ليليا مرام]

رد: التيبين والتايبات .......موضوع حصري

ايه صح فرمضان تكون توبة جماعية لبزاف ناس هذا مايمنعش باه نقولو علاه بصح نتمناو تستمر هاذ التوبة وهاذ
التغيرات ان شاء الله بصح هاذي نتاع التوبة والقران وجماعات فالفايسبوك ماتدخلش للراس لي يحب يتعبد كاين وين والصحابة كانو يوجدو لرمضان قبل 6 اشهر حنا قبل يوم يدوش ويبدا يصلي ،على الاقل لي يحب يتوب يبدا اذرك مايجيبش العين لروحو باه مايهدروش عليه الناس من جهة ويوالف من جهة اخرى بالاك يثبتو ربي ان شاء الله

السلام عليكم اخي صفوان مرحبا بيك
لا اكيد ماذا بينا يتوبو م نقول علاه على انو يحبسو توببتهم وصلاتهم ورا رمضان وعلاه يخافو ربي فرمضان وبرك
نعم انا معاك انا ضد العبادة اللي يورو فيها للناس فالفايس وجمع لايكات ومحين الرسول عليه الصلاة والسلام يجمع شعال من جام وهو اصلا ما يصليش هذا تمسخير
وي صح ليلة رمضان يدوش ويصلي اول يوم ويحبس نهار العيد ورا الصلاة توبة مؤقتة خلاتنا نسقسو علاه
ان شاء الله لا مانع يبداو فرمضان ويكملو بها
شكرا لك نورتني

 

[ليليا مرام]

رد: التيبين والتايبات .......موضوع حصري

السلام عليكم
يا ختي راككي عgاابهم هذي اليمات ةههههه
الجيل لمعوج ديجا كتبتي موضوع عليه
مي هذو لي هدرتي عليهم ضرك ماشي معوج برك زاوية قائمة وقريب يولو منحرف بعدما كانو شبه منحرف خخخخخخ
الدخول للاسلام م لبكري كاين منها مي ماشي غير في رمضان
مفهمتش حاجا لبنات تاع الفيزو الى يصليو ولا لا ؟؟
تانيت جماعت الباك يطولو التوبة تاعهم خاطرش رمضان يجي مور الباك هههه
وجماعت الفيزو مشكيتش يتبدلو يزيدو الخيمار م لفوق برك
كونكوا حيجاب آلامود اخخخخخ
شكرا على الموضوع المميز هذا
سلام​

السلام عليكم سكر افندي اهلا وسهلا نورتني وشكرا على تمييز الموضوع
اييه مسيو سكر شبه منحرف ومضلع ما تستغرب ما والو راح كل مرة نجيبو الهندسة للقسم هذا
الدخول للاسلام كاين مي كمل فيه الواحد يتوب ويصلي ويرجع لربي فرمضان معليش مي يكمل ربي يغفر لعبادو ويسامحهم وحنا وين نبانو لكن النفاق هذا والمظاهر قدام الغاشي ما لازمش منو نعرفو بعضانا
اما مولات الفيزو لو تحكي معاها تحسبها القرضاوي تفتيلك الف فتوة لازمك طبقهم مي هي ما طبقهمش على روحها وتشوف فروحها على حقك والشابة تقولك اسمحيلي نروح مزوربة فاتتني صلاة العصر وياااااااااااخااااااااااا على صلاة العصر وهي الفيزو لاصق معاها لصيق انا يضحكوني ونعايرهم فوجهم
وي نتاع الباك يروطاردو شوي يباتو سهرانيين مع ليزامي فالفايس وبلاك مخك يروح لبعيد راهم يقراو برك:d
:d:d
مولات الفيزو فرمضان اخت متقية تزيد الخمار وتروح تصلي التراويح فالكوانة من هيه وترجع وقت يخلاصو التراويح هذا هي التوبة المؤقتة
الله يهديهم ويهدينا معاهم
شكرا سكر افندي

 

[chiva.dz]

رد: التيبين والتايبات .......موضوع حصري

إذا ضعفت النفوس وقويت عليها الأهواء والشهوات فإنها تسهل إمالتها في أيدي الشياطين مردة الشياطين تصفد في هذا الشهر المبارك وعلامة ذلك الإقبال الكبير على أعمال الخير , وما إن تطلق الشياطين حتى تكثر الغواية ويسهل ضعاف الإيمان أمام إغراءات الشياطين بكل أنواع المعاصي التي تصد عن الحق .
المؤمن الصادق هو من يتوب إلى الله صادقا مخلصا من قلبه وعلامة الإخلاص لله أن يستمر العمل بعد رمضان . فما كان لله دام واتصل وما كان لغير الله انقطع وانفصل

 

[ليليا مرام]

رد: التيبين والتايبات .......موضوع حصري

إذا ضعفت النفوس وقويت عليها الأهواء والشهوات فإنها تسهل إمالتها في أيدي الشياطين مردة الشياطين تصفد في هذا الشهر المبارك وعلامة ذلك الإقبال الكبير على أعمال الخير , وما إن تطلق الشياطين حتى تكثر الغواية ويسهل ضعاف الإيمان أمام إغراءات الشياطين بكل أنواع المعاصي التي تصد عن الحق .
المؤمن الصادق هو من يتوب إلى الله صادقا مخلصا من قلبه وعلامة الإخلاص لله أن يستمر العمل بعد رمضان . فما كان لله دام واتصل وما كان لغير الله انقطع وانفصل

السلام عليكم اخي الفاضل شكرا لك
نعم اخي من الجانب الديني ربما التفسير هذا هو ولكن لما لم يكن هذا حال الامة من قبل والشيطان وجد قبل وجود البشر بمعنى نتذكر اهالينا في السابق لم يكن الحال هكذا يعني نحضر لرمضان وللعبادات ولغيره و من ينوي ان يتوب يتوقف عن اعمالها اشهر من قبل ويستمر في توبته وكانت الناس تستر نفسها حتى المريض لو افطر يستر نفسه وقد احل له الله الافطار الآن الناس تفطر وهي سليمة وعلى العلن وافعال يندى لها الجبين وحتى لو بقيت في منزلك واشعلت التلفاز ترى العجب العجاب انا لا ارى للشيطان دور هنا نحن نفكر ونعي الناس لم تعد تخاف الله خوفهم مؤقت في رمضان وبعده يعود الحال لحاله السابق
شكرا لك