ماشي أي واحد تدخلوه الدار....

[دعاء الجنات]

سلام اولا ؛ نسقسي على حالكم ان شاء الله كامل بخير
موضوعي اليوم أغلبية للبنات والنساء لأنو الرجال ناذرا مايدخلو واحد لدارهم إلا للضرورة او اصحاب مقربين... بصح النساء غير تتعرف على وحدة يا إما في عمل او قراية او...في سوق المهم تولي تعيطلها وتدخلها دارها بلا ماتدير حساب لحتى حاجة ، ومن بعد تقول خدعوني... لا لا انت لي خدعتي روحك ، باه تديري ثقة في ابن آدم لازملك عشرت عمر ولا بطل...
المهم حبيت نحكي حكاية ... بنت خالي صراتلها مع خمس صديقات وحدة فيهم تسرقت لها منڨوشة ووحدة سرقولها خاتم الزواج وجا دور بنت خالي لي راحلها خاتم الخطوبة لي ماتت بالحزن كي مالقاتوش والسراقة هي صديقة بيناتهم بنت خالي هي لي اكتشفتها ودارتلها كيما المحقق "كونان"،الصديقات الأولين ماصدقوهاش بصح بقات بنت خالي في البحث تاعها حتى اعترفت السارقة ،ايه دخلتها لدارها ودارت فيها لامان وهي مدت يدها لأعز حاجة عند الطفلة وهو خاتم الخطوبة ... والمشكل سرقت حتى صحاباتها الأخريات ولوكان ماشي ربي ونن بعد بنت خالي لي كشفتها لوكان مازالت تسرق بلا مايحس واحد من غير ربي.... ايه هاذو المخلوقات راهوم موجودين بالاكوم منهوم وماتدخلوش لداركم أياا كان ، ...والسلاااام

 

[Skor m@k]

رد: ماشي أي واحد تدخلوه الدار....

السلام عليكم
يدخلوهم للدار وخاصة لي يحكولهم سر تاع الدار
وواش يصرى فالدار يعرفوه خلي السرقة
صح كي تكون الطفلة صحبتها من بكري وبنت الحومة معروفة العايلة تاعها
معليش تدخل للدار مي تقرى برك معا الطفلة هذي لي متصلحش يدخلوها للدار
مرت خالي نهار كامل جاراتها عندها فالدار
خالي ديما يعيط عليها
ربي يجيب الخير
شكرا لك ختي​

 

[ليليا مرام]

رد: ماشي أي واحد تدخلوه الدار....

السلام عليكم اختي
اهلا وسهلا موضوع مهم فعلا مي الصح كيما قالو مارجعتش الثقة نحكيلك حادثتين الاولى انو جاتنا مرا تخيلي وقاتلي نحوس على يماك دخلتها للدار عادي كانت يمى فالدار لانو لو ما تكونش انا حتى الباب ما نفتحوش ما نديرش ثقة المهم دخلنها بقات تحكي مع امي تعرف على خوالي كل شي وعائلة امي البعيدة سماتهم بالاسم امي قالت معليش ممكن تعرفنا راهي ضيفة استقبلناها وضيفناها المهم قالت حابة نخطب لزوج ولادي قاتلها يمى ما عنديش بنات درنا النية وقلنا جارتنا عندها بنات بلا زواج روحي شوفيهم راحت مع يمى وبقيت انا فالدار فعلا شافتهم وقالت عجبوني وخلاص خلاص المهم فالهدرة قاتلهم مدولي الخواتم نجيب مقاسهم هنا يمى قاتلها الخاتم عمرو ولا يتقاس جيببي خاتم نتاع نسا راه المقاس باين تقولي ما نعرف واش قرات عليهم قبلو اهل الطفلة هوما المهم يزوجو بناتهم ويمى قاتلهم انا ما نشهد ما ندخل روحي دات الخواتم وطريق السلامة ومناك ما رجعتش وما تعرفنا ما والو حرنا منين جابت اسماء اهل امي وحكموها من بعد كانت تسرق شعال من دار وقالو انها شوافة وتخدم الجن وتعرف كل شي دهشنا يعني انا ليومنا نقول بلاك جنية مش مرا
الحادثة لخرى انا تعرفت على صديقة ليا فالمنتدى ودعتني لبيتها ورحت والحقيقة اهلها حطوني فوق الراس وعاملوني معاملة هايلة لما خرجنا انا وهي نحوسو فالولاية نتاعها تلاقات صحبتها عرفتها عليا لما مشيت شوي قاتلها كيفاه ديري ثقة وتجيبي وحدة ما تعرفيهاش لداركم المهم ممكن هي عندها الحق لانو ما تعرفنيش المهم صديقتي ردت عليها انا لليوم نروح لدارهم كانو دارنا انا وهي خوتات مش صديقات ولخرى اللي هدرت عليا دارتلها ضربة محال اي مخ يخمم فيها وهناك قاتلها صحبتي الخدعة جاتني منك اللي نعرفك وهي راهي بنت الدار
يعني كاين وكاين
شكرا لك

 

[Sid-Ahmed]

رد: ماشي أي واحد تدخلوه الدار....

ياو اللي تخدلو لداركم اليوم، يقومها من ساسها لراسها
يحسبهالك بالسنتيم
و
عين الحسود، لا تسود
​

 

[دعاء الجنات]

رد: ماشي أي واحد تدخلوه الدار....

السلام عليكم اختي
اهلا وسهلا موضوع مهم فعلا مي الصح كيما قالو مارجعتش الثقة نحكيلك حادثتين الاولى انو جاتنا مرا تخيلي وقاتلي نحوس على يماك دخلتها للدار عادي كانت يمى فالدار لانو لو ما تكونش انا حتى الباب ما نفتحوش ما نديرش ثقة المهم دخلنها بقات تحكي مع امي تعرف على خوالي كل شي وعائلة امي البعيدة سماتهم بالاسم امي قالت معليش ممكن تعرفنا راهي ضيفة استقبلناها وضيفناها المهم قالت حابة نخطب لزوج ولادي قاتلها يمى ما عنديش بنات درنا النية وقلنا جارتنا عندها بنات بلا زواج روحي شوفيهم راحت مع يمى وبقيت انا فالدار فعلا شافتهم وقالت عجبوني وخلاص خلاص المهم فالهدرة قاتلهم مدولي الخواتم نجيب مقاسهم هنا يمى قاتلها الخاتم عمرو ولا يتقاس جيببي خاتم نتاع نسا راه المقاس باين تقولي ما نعرف واش قرات عليهم قبلو اهل الطفلة هوما المهم يزوجو بناتهم ويمى قاتلهم انا ما نشهد ما ندخل روحي دات الخواتم وطريق السلامة ومناك ما رجعتش وما تعرفنا ما والو حرنا منين جابت اسماء اهل امي وحكموها من بعد كانت تسرق شعال من دار وقالو انها شوافة وتخدم الجن وتعرف كل شي دهشنا يعني انا ليومنا نقول بلاك جنية مش مرا
الحادثة لخرى انا تعرفت على صديقة ليا فالمنتدى ودعتني لبيتها ورحت والحقيقة اهلها حطوني فوق الراس وعاملوني معاملة هايلة لما خرجنا انا وهي نحوسو فالولاية نتاعها تلاقات صحبتها عرفتها عليا لما مشيت شوي قاتلها كيفاه ديري ثقة وتجيبي وحدة ما تعرفيهاش لداركم المهم ممكن هي عندها الحق لانو ما تعرفنيش المهم صديقتي ردت عليها انا لليوم نروح لدارهم كانو دارنا انا وهي خوتات مش صديقات ولخرى اللي هدرت عليا دارتلها ضربة محال اي مخ يخمم فيها وهناك قاتلها صحبتي الخدعة جاتني منك اللي نعرفك وهي راهي بنت الدار
يعني كاين وكاين
شكرا لك

انا خوفتني الحكاية الأولى تاعك تاع هاذيك الشوافة ...ربي يستر مادارتش ليكوم السحور
اما الحكاية الثانية ، صح كاين وكاين والإحتياط واجب

 

[zagane]

رد: ماشي أي واحد تدخلوه الدار....

السلام عليكم
الغبي من يثق في كل من هب ودب

 

[ام أمينة]

رد: ماشي أي واحد تدخلوه الدار....

فكرتيني في قصة صرات لاختي
مع وحدة صديقتها و يقراو مع بعض فالجامعة
قالت لاختي اعطيني البوليكوب فلاني باش نراجع عليه و ختي ماداتوش معاها قالتلها املا نجي معاك للدار و نديه ختي قبلت لانها تعرفها مدة عامين يعني تبان سيريوز
اداتها للدار و ماكانتش امي فالدار دخلتها للصالون و راحت تجيب الضيافة المخلوقة لقات قدامها الصاك تع اختي حلاتو و قعدت تخرب و كي جات اختي لقاتها تخرب فالصاك قالتلها بلي راني نحوس على بابي موشوار
وو بعدها اكتشفت اختي بلي خصتها 200 دينار من الصاك
اختي قالت بالاك مول الحانوت غلطتلي و راحت ليه و قاتلو غلطتلي فالحساب و مسكين اعطاها 200 دينار و طلب منها السماح
المرة الثانية وحد 10 بعد المرة الاولى لي جات هاداك النهار ما يقراوش حتى جات للدار لقات اختي قالتلها بلي دارنا مكانشهم و كرهت وحدي جيت نقعد معاك ختي قبلت و دخلتها للصالون و كيف كيف راحت تجيب الضيافة هاد المرة لقات البورتموني تع امي فوق الطابلة كيما راحت تقضي و ولات خلاتو فوق الطابلة لقاتها فرصة و دات هاد المرة 2000 دينار و خباتها و غلقت البورتموني و رجعاتو بلاصتو و مع هاديك قعدت عشية كاملة و جمعت مع ماما و كي جات رايحة عطاتلها امي كادو صغير لانها بانت بلي طفلة عاقلة
و بعدها اكتشفت امي بلي خصوها 2000 دينار من البورتموني تعها سقسات كامل لي فالدار و واحد ما رفدهم قالت بالاك يكونو طاحولي بلا ما نفيق
وحد النهار كانو قاعدين4 بنات ومعاهم اختي فالجامعة وقت الفطور و هي ما كانتش معاهم وحدة منهم قالتلهم شحال من مرة راهم يروحولي دراهم و صوالح من دارنا كلما تجي عندنا فلانة
و زادو كامل البنات هدرو نفس الكلام و كي جات دارو خطة باش يزيروها بالاك كشما تهدر
و بعدها قرت بلي كانت تروح مع البنات لديارهم و تزورهم غير باش تسرق منهم اي حاجة دراهم ريحة ذهب ........

و كلو عليها ربي و ولات بطبيعة الحال وحدها بعدها بشهور مرضت بزاف و صرفت على مرضها اكثر من لي سرقاتو

النتيجة لازم الواحد ما يديرش الثقة في اي واحد و لو يكون قريب ليك **ماشي اهلك طبعا **
مشكورة على الموضوع
تحياتي
​

 

[دعاء الجنات]

رد: ماشي أي واحد تدخلوه الدار....

فكرتيني في قصة صرات لاختي
مع وحدة صديقتها و يقراو مع بعض فالجامعة
قالت لاختي اعطيني البوليكوب فلاني باش نراجع عليه و ختي ماداتوش معاها قالتلها املا نجي معاك للدار و نديه ختي قبلت لانها تعرفها مدة عامين يعني تبان سيريوز
اداتها للدار و ماكانتش امي فالدار دخلتها للصالون و راحت تجيب الضيافة المخلوقة لقات قدامها الصاك تع اختي حلاتو و قعدت تخرب و كي جات اختي لقاتها تخرب فالصاك قالتلها بلي راني نحوس على بابي موشوار
وو بعدها اكتشفت اختي بلي خصتها 200 دينار من الصاك
اختي قالت بالاك مول الحانوت غلطتلي و راحت ليه و قاتلو غلطتلي فالحساب و مسكين اعطاها 200 دينار و طلب منها السماح
المرة الثانية وحد 10 بعد المرة الاولى لي جات هاداك النهار ما يقراوش حتى جات للدار لقات اختي قالتلها بلي دارنا مكانشهم و كرهت وحدي جيت نقعد معاك ختي قبلت و دخلتها للصالون و كيف كيف راحت تجيب الضيافة هاد المرة لقات البورتموني تع امي فوق الطابلة كيما راحت تقضي و ولات خلاتو فوق الطابلة لقاتها فرصة و دات هاد المرة 2000 دينار و خباتها و غلقت البورتموني و رجعاتو بلاصتو و مع هاديك قعدت عشية كاملة و جمعت مع ماما و كي جات رايحة عطاتلها امي كادو صغير لانها بانت بلي طفلة عاقلة
و بعدها اكتشفت امي بلي خصوها 2000 دينار من البورتموني تعها سقسات كامل لي فالدار و واحد ما رفدهم قالت بالاك يكونو طاحولي بلا ما نفيق
وحد النهار كانو قاعدين4 بنات ومعاهم اختي فالجامعة وقت الفطور و هي ما كانتش معاهم وحدة منهم قالتلهم شحال من مرة راهم يروحولي دراهم و صوالح من دارنا كلما تجي عندنا فلانة
و زادو كامل البنات هدرو نفس الكلام و كي جات دارو خطة باش يزيروها بالاك كشما تهدر
و بعدها قرت بلي كانت تروح مع البنات لديارهم و تزورهم غير باش تسرق منهم اي حاجة دراهم ريحة ذهب ........

و كلو عليها ربي و ولات بطبيعة الحال وحدها بعدها بشهور مرضت بزاف و صرفت على مرضها اكثر من لي سرقاتو

النتيجة لازم الواحد ما يديرش الثقة في اي واحد و لو يكون قريب ليك **ماشي اهلك طبعا **
مشكورة على الموضوع
تحياتي
​

السراق والكذاب غير مايجي نهار ويتفضحو... شكرا لمشاركتنا القصة

 

[ام أمينة]

رد: ماشي أي واحد تدخلوه الدار....

السراق والكذاب غير مايجي نهار ويتفضحو... شكرا لمشاركتنا القصة

العفو شكرا لكي انتي على الموضوع

 

[safouane batna]

رد: ماشي أي واحد تدخلوه الدار....

انا ضد هذا الشيئ حتى انا كنت ندخل للدار نلقى بنات مانعرفهمش مع البنات خواتاتي هاذي تقرى معاهم ووحدة جارت صاحبتهم ووحدة بنت عم ولد خالتهم المهم الاصول كامل ، وصيتهم قلتلهم مانزيدش نلقى حتى وحدة فالدار لأنو لامان مكانش

 

[شمس الاصيل2]

رد: ماشي أي واحد تدخلوه الدار....

السلام موضوع هايل لمان ماكانش ربي يحفظنا ويبعد علينا البلا