اغماءات و اضراب عن الطعام و المشكل راه يكبر

[أم منيــــــر]

السلام عليكم
و الله قلبي وجعني و ما قدرتش نسكت
الاساتدة راهم مشاو 14 يوم في مسيرة الكرامة و قفوهم في بومرداس بالقوة
راهم دايرين اضراب عن الطعام هادي 4 ايام و اليوم شفنا اغماءات و الحالة راها تزيد تتعقد
يا ناس خاصنا حل لهاد الاساتدة الحلول لي اقترحتهم الوزيرة ما قبلهومش و راها رايحة و تزيد تتعقد
انا ما علابليش واش راهو صاري بالضبط
كل لي على بالي انو طلباتهم مرفوضة و الحلول المقترحة من قبل الوزيرة ما قنعتهم و المشكل كبر
العالم راه يتفرج فينا وين راهم المسؤولين لكبار يشوفو حل نهائي
درك تبق الحالة تتفاقم و يكون تعاطف معاهم و تكبر الامور
مادابينا يلقاو حل قبل ما تكبر القضية و تصبح قضية كل المواطنين
هادو خاوتنا راهم يعانيو و الله غاضوني اليوم كي شفتهم في الاخبار
نتمنى المسؤولين ينتابهو لهاد الشي الخطير و يسارعو الى الحلول
​

 

[السلطانة]

رد: اغماءات و اضراب عن الطعام و المشكل راه يكبر

وعليكم السلام

الاساتذة المستخلفين حطو الوزيرة في مأزق
درك هوما يطالبو بالادماج هي قاتلهم نزيدكم نقطة برك في المسابقة بشرط تكونو خادمين مدة عام في منصب شاغر

يعني لي استخلف في مناصب المرض ومناصب الامومة كامل خاطيين

تحوس على لي خدم عام كامل في منصب شاغر وهذا ليس بالعدل !

وتاني متقدرش تدمجهم ماكانش قانون في الوظيف العمومي يقولك يدمجو المستخلف بلامسابقة !

لأنو لو تدمجهم يثورو تاع عقود ماقبل التشغي (لي راهم يخدمو في الادارات تاني ماشي غير التعليم ) ل وراهم حالفين قالك تدمج المستخلفين نثورو ونحرقو البلاد !
يعني الحالة راهي مخلطة وماشي ساهلة

ربي يكون في العون

 

[حكيك]

رد: اغماءات و اضراب عن الطعام و المشكل راه يكبر

ربي يجييب الخير ان شاء الله ويدخلوا ويحلوا المشكل
والا يصييبوها سبة تتعقد اكثر

 

[أم منيــــــر]

رد: اغماءات و اضراب عن الطعام و المشكل راه يكبر

داروها في مازق نتع الصح و سيرتو كي دارو اعتصام و اضراب عن الطعام و العالم كامل راه يتفرج
ايه قاتلهم نزيدلكم نقطة على كل عام نظن و الله مشكل
يسمى هادوك تاني راهم يسناو في الادماج ؟
كامل الناس راه تهدد بحرق لبلاد الله يستر برك
راها مخلطة من كل جهة
الله يجيب الخير
انا غاضني الموقف نتاعهم و هما سامحين في ديارهم و عائلاتهم مع لمطر لي فاتت و البرد
الله يفرج على كل واحد

 

[أم منيــــــر]

رد: اغماءات و اضراب عن الطعام و المشكل راه يكبر

ربي يجييب الخير ان شاء الله ويدخلوا ويحلوا المشكل
والا يصييبوها سبة تتعقد اكثر

ان شاء الله
ايه هادي لي رانا خايفين منها.... تتعقد اكثر

 

[الزهرة الحمراء]

رد: اغماءات و اضراب عن الطعام و المشكل راه يكبر

السلام عليكم خالتي أم منير
صراحة حرنا كل عام مشكل وأزمة جديدة
من جهة ارتحنا شوية قلنا العام هذا ماكانش كامل اضرابات مست قطاع التعليم وحاجة مليحة حتى نجوا نشوفوا نلقاو المرة هادي مشكل تع الأساتذة المستخلفين ومشكلة الإدماج
صراحة ربي يجيب الخير وتتحل كامل المشاكل
ربي يحفظك غاليتي
دمت في رعاية الله وحفظه ​

 

[أم منيــــــر]

رد: اغماءات و اضراب عن الطعام و المشكل راه يكبر

السلام عليكم خالتي أم منير
صراحة حرنا كل عام مشكل وأزمة جديدة
من جهة ارتحنا شوية قلنا العام هذا ماكانش كامل اضرابات مست قطاع التعليم وحاجة مليحة حتى نجوا نشوفوا نلقاو المرة هادي مشكل تع الأساتذة المستخلفين ومشكلة الإدماج
صراحة ربي يجيب الخير وتتحل كامل المشاكل
ربي يحفظك غاليتي
دمت في رعاية الله وحفظه ​

وعليكم السلام عزيزتي
و الله مند ايام كنا نحكيو مع العائلة و قلنا الحمد لله هاد العام فات مليح و ما كانش اضرابات و لكن في آخر السنة جا هاد المشكل يعقد الامور
الله يسلكها على خير
ربي يحفظنا جميع بارك الله فيك
​

 

[آمِيْرَتُه]

رد: اغماءات و اضراب عن الطعام و المشكل راه يكبر

السلام عليكم
ربي معهم مقدرناش نكونوا معهم الله غالب لكن بقلوبنا و دعواتنا
إن شاء الله يجيبو حقهم
وين شفنا واحد قرا حياته يتساوى مع واحد جامي قرا أين العدل هنا ؟

 

[أم منيــــــر]

رد: اغماءات و اضراب عن الطعام و المشكل راه يكبر

السلام عليكم
ربي معهم مقدرناش نكونوا معهم الله غالب لكن بقلوبنا و دعواتنا
إن شاء الله يجيبو حقهم
وين شفنا واحد قرا حياته يتساوى مع واحد جامي قرا أين العدل هنا ؟

في بلادنا لي ما قراش راه طالع شانه خير من لي قرا
الله يفرج عليهم و يجيبو حقهم
و كامل لي يطالب بحقو ربي يوفقو

 

[ام أمينة]

رد: اغماءات و اضراب عن الطعام و المشكل راه يكبر

ربي يستر
​

 

[Hakan]

رد: اغماءات و اضراب عن الطعام و المشكل راه يكبر

سمعت انو فيه كلام بصح صراحة المشاكل هذي راهي تمس كل القطاعات
يعني لوكان نديرو على صح واش راهو يصرى
مام الطلبة والطالبات اللي عندهم شهادات اخرى ما تسمحلهمش يدخلو في التعليم هوما تاني يديرو اضرابات واعتصامات
وكي نجيو للنسبة راهم كثرو الاسااتذة
وكثرت نسبة المترشحين وموحال الوزارة تلبي طلبات هذو كامل الناس
الشي كبير ربي يجيب الخير وانا عندي يديرو تقديم
لمدة التقاعد ولا يفرضوه باش الشيوخا هذوك يريحو ويخلو مناصب للشباب ..​

 

[أم منيــــــر]

رد: اغماءات و اضراب عن الطعام و المشكل راه يكبر

سمعت انو فيه كلام بصح صراحة المشاكل هذي راهي تمس كل القطاعات
يعني لوكان نديرو على صح واش راهو يصرى
مام الطلبة والطالبات اللي عندهم شهادات اخرى ما تسمحلهمش يدخلو في التعليم هوما تاني يديرو اضرابات واعتصامات
وكي نجيو للنسبة راهم كثرو الاسااتذة
وكثرت نسبة المترشحين وموحال الوزارة تلبي طلبات هذو كامل الناس
الشي كبير ربي يجيب الخير وانا عندي يديرو تقديم
لمدة التقاعد ولا يفرضوه باش الشيوخا هذوك يريحو ويخلو مناصب للشباب ..​

صح تمس كل القطاعات بصح هما الاعتصام لي داروه ملفت بزاف
ويزيد المشاكل
البلاد كامل راها تعاني وكل القطاعات تعاني
نتمنى يشوفولهم حل لي يهنيهم ويريحهم ما خصنا مشاكل لي فينا يكفينا
والتقاعد ديجا دايرين 30عام خدمة ويخرجو وين يزيدو ؟
الله يفرج
​

 

[Skor m@k]

رد: اغماءات و اضراب عن الطعام و المشكل راه يكبر

السلام عليكم
اهلا بيك ميمتي
منهار بداو الاصلاحات فقطاع التربية من عام 2008
كثرو الاضرابات زعما سماوهم اصلاحات وهوما خربو التعليم بيهم
كل عام يبدلو وزير يدير واش يخرج عليه وعلى المقربين ليه
يحصلو روحم ديما في مأزق
في أول العام كانو يقولو بلي فجل الاطوار التعليمية خاصين اساتذة
ممبعد في وسط العام ميرسموش الاساتذة
تانيت يسبقو يرسمو هذو الاساتذة ممبعد يفتحو مسابقات للتوظيف
حنا بلاد مهمل لي جا يسوقنا كيما يحب
ربي يجيب الخير برك
تانيت شفت حاجا متعجبش فاعتصام الاساتذة
نساء يباتو فالشارع مع الرجال في ساحة واحدة
على جال الخدمة تروح الحياء والعفة تاعها
هذو لي راح يطلعونا جيل جديد
ربي يجيب الخير​

 

[السلطانة]

رد: اغماءات و اضراب عن الطعام و المشكل راه يكبر

أنا يغيضوني سورتو كي نشوف رجال بشلاغمهم يخدمو مستخلفين
وكي نقولو رجال رجال ماشي دراري كي يسحقوهم يعيطولهم يجريو ليهم اجريو تقريو ملقيناش اساتذة !
ليهم 10 سنين وكثر وهوما يلعبو بيهم لي زايدين في 70 واكثر
في حين تجي سوسو بنت لمعلم من هيه زايدة في 93 تتخرج من تنجح من وهاي تخدم في منصب وأوموان هالمستوى الباهي لي عندها ولا التربية والأخلاق لي عندها !
واش نقولو عليك يابلادي ندبولك وخلاوك
والنتيجة رانا نشوفو فيها ونجنيو فيها
متغيضنيش لمرا لي تقولك خدمت مستخلفة لأنو المرى مهما يكون مرى في اللخر تلمها دار راجلها
وكاين لي بظروفهم الله غالب:مطلقة،أرملة،راجلها مريض وأمور بزاف تجبرها تخدم ..

وشكيب خليل دار مادار ورجع بري ء مكرّم لبلادو !!!!!!!!!!!!!! ياحصرا
كيفاه هاذي متخليش العبد يطرطق ياسبحان الله وين وصلنا برك

نعم ادمجوهم واتحطو في مأزق ماتقولونا تقشف ني والو الغناية لي نومتو بيها الشعب
وانتم اسرقو وعاودو pffff

اكتفينا سيحاسبون عند الله واللهِ سيحاسبون
حسبنا الله ونعم الوكيل فيهم.
​

 

[السلطانة]

رد: اغماءات و اضراب عن الطعام و المشكل راه يكبر

سمعت انو فيه كلام بصح صراحة المشاكل هذي راهي تمس كل القطاعات
يعني لوكان نديرو على صح واش راهو يصرى
مام الطلبة والطالبات اللي عندهم شهادات اخرى ما تسمحلهمش يدخلو في التعليم هوما تاني يديرو اضرابات واعتصامات
وكي نجيو للنسبة راهم كثرو الاسااتذة
وكثرت نسبة المترشحين وموحال الوزارة تلبي طلبات هذو كامل الناس
الشي كبير ربي يجيب الخير وانا عندي يديرو تقديم
لمدة التقاعد ولا يفرضوه باش الشيوخا هذوك يريحو ويخلو مناصب للشباب ..​

صح خالوطة كبيرة ياحكيم
وأصحاب النظام الكلاسيكي لي كيما أنا لي حرقوهم
معندنا حتى ذنب قرينا كلاسيك وكنا آخر دفعة جاو فضلو علينا نظام lmd
أحنا أدب عربي لينا الحق غير في التعليم ومعندناش الحق في الادارات والمسابقات الأخرى
ودرك جابو تخصصات معانا اخرى كيما الحقوق والعلوم السياسية
وغيرها يسمحولي مي معندهم حتى علاقة بالتعليم لأنو كي قراونا هوما قراو مقايسس أخرى ماقراوهمش على التعليم ولا على منهجيتو ولا على الأساليب التربوية ولا على علم النفس وطريقة التعامل مع التلميذ.
من مباعد أكيد بكل سهولة يقولك أنت أقعد لهيه معندكش معريفة وتخصصات أخرى وحتى وهي لاعلاقة تربح المنصب
ولي قاتلهم اقعدو كي قالك اختبار كتابي وماش مدخلين فيه الخبرة هاه والخبرة مالا تاعنا لي كانت مع الميدان نبخرو بيها ولاواش نديرو بيها أنا 3سنين وشفتهم بزاف مابالك بلي قاعدين يحتجوا بخبرة 10 سنين واكثر ياحصرا
يعني الدعوة مخلطة صح مابقى فيها والو
استخلفت 3 سنين وعامين قعدتهم في الدار يعني 5 سنين منلي تخرجت
وكيما يقولو شبعت واكتفيت من حاجة اسمها تعليم
قررت أني نخرج من هاذ المجال والحمد لله أي ليهم
بلادنا ماشية بعشوائية في جميع الميادين
عمري شفت مسابقات يصرى فيها لعجب كيما مسابقات بلادي
وعلى التقاعد راهم خرجو بزاف ومازال القليل لأنهم تقريب ينقرضو الاساتذة القدم ومايبقى فيها والو
يعود القطاع جديد في جديد ويخرجولنا جيل عقلية cool :p

 

[تـريـــاق المحـبـة]

رد: اغماءات و اضراب عن الطعام و المشكل راه يكبر

السلام عليكم اعتقد ان المسؤوليين سيجدون الحل المناسب لهم ولن يتركو الامور تخرج عن السيطرة وتصل الى ما لا يحمد عقباه ما وصل اليه الامر مؤسف حقا خصوصا لما تسمع خطابات المحتجين - مثلا- حين قال احد المحتجين وهي استادة ان من درسته اصبح في منصب ثابت وهي لم يتغير حالها-​

 

[أم منيــــــر]

رد: اغماءات و اضراب عن الطعام و المشكل راه يكبر

السلام عليكم
اهلا بيك ميمتي
منهار بداو الاصلاحات فقطاع التربية من عام 2008
كثرو الاضرابات زعما سماوهم اصلاحات وهوما خربو التعليم بيهم
كل عام يبدلو وزير يدير واش يخرج عليه وعلى المقربين ليه
يحصلو روحم ديما في مأزق
في أول العام كانو يقولو بلي فجل الاطوار التعليمية خاصين اساتذة
ممبعد في وسط العام ميرسموش الاساتذة
تانيت يسبقو يرسمو هذو الاساتذة ممبعد يفتحو مسابقات للتوظيف
حنا بلاد مهمل لي جا يسوقنا كيما يحب
ربي يجيب الخير برك
تانيت شفت حاجا متعجبش فاعتصام الاساتذة
نساء يباتو فالشارع مع الرجال في ساحة واحدة
على جال الخدمة تروح الحياء والعفة تاعها
هذو لي راح يطلعونا جيل جديد
ربي يجيب الخير​

المنظومة فسدوها ماشي سقموها و المصيبة انو نفس البرنامج الوجوه يتبدبلوا برك
كل مرة يجيبو حاجة جديدة وولادنا رجعو حقل تجارب صابوطاولهم عقلهم
حتى انا لفت انتباهي مبيت النسا برا شفتو البارح و الله ما اعجبني هاد الموقف
لمرا ترخص عمرها لهاد الدرجة و الله المنظر ماشي لايق بها خلاص
مفرشين و بايتين برا ...كارثة
​

 

[أم منيــــــر]

رد: اغماءات و اضراب عن الطعام و المشكل راه يكبر

أنا يغيضوني سورتو كي نشوف رجال بشلاغمهم يخدمو مستخلفين
وكي نقولو رجال رجال ماشي دراري كي يسحقوهم يعيطولهم يجريو ليهم اجريو تقريو ملقيناش اساتذة !
ليهم 10 سنين وكثر وهوما يلعبو بيهم لي زايدين في 70 واكثر
صح و الله يغيضو نورمالو راه قريب يخرج تقاعد كفاش كامل التجربة نتاعو و تقولو دير مسابقة
في حين تجي سوسو بنت لمعلم من هيه زايدة في 93 تتخرج من تنجح من وهاي تخدم في منصب وأوموان هالمستوى الباهي لي عندها ولا التربية والأخلاق لي عندها !
اييييييه هادي كاينة و بزاف و المندبة كما قلت لو كان غير يعرفو يقريو ماعليش ديجا الدبلوم نتاعها دايتها بكتاف باباها كفاش نتكلو عليها تقري ولادنا
و الله نشوفيهم في الثانويات تحسبيهم طالبات حتى اللباس نتاعهم ماشي نتع استادة محترمة كفاش هادي تربي الاجيال بلاد ميكي كما قالوا
واش نقولو عليك يابلادي ندبولك وخلاوك
وخدوها و لي يجي يزيد يكمل عليها
والنتيجة رانا نشوفو فيها ونجنيو فيها
نتائج كارثية على كل الاصعدة
متغيضنيش لمرا لي تقولك خدمت مستخلفة لأنو المرى مهما يكون مرى في اللخر تلمها دار راجلها
وكاين لي بظروفهم الله غالب:مطلقة،أرملة،راجلها مريض وأمور بزاف تجبرها تخدم ..
صح المرا حتى و لو ما لقاتش بلاصة ترجع تقعد في الدار بصح الراجل مسكين لازم يطيح و ينوض لاخاطر هو المسؤول الاول على العايلة
و لي مسكينة مجبرة ربي معاها واش نقولو
وشكيب خليل دار مادار ورجع بري ء مكرّم لبلادو !!!!!!!!!!!!!! ياحصرا
كيفاه هاذي متخليش العبد يطرطق ياسبحان الله وين وصلنا برك
هادي لي هبلت الناس و خلاتهم يهدرو وحدهم بين ليلة و نهار برؤوه و قالو خاطيه مسكين كان ضحية
اياياياياياياي و الله و نديروهم في عقلنا تجينا جلطة ديماغية تقتلنا
نقولو حسبنا الله و نعم الوكيل ربي ياخد الحق

نعم ادمجوهم واتحطو في مأزق ماتقولونا تقشف ني والو الغناية لي نومتو بيها الشعب
وانتم اسرقو وعاودو pffff
خاليهم العالم راه يضحك عليهم و دايرهم فرجة و الاعتصام هادا زاد بهدل المسؤولين
التقشف علينا و عليهم لالا
اكتفينا سيحاسبون عند الله واللهِ سيحاسبون
خرجنا من عقلنا و تقولي راهم متعمدين هاد الشي
حسبنا الله ونعم الوكيل فيهم.
​

ربي يفرج على لبلاد و شعبها لاخاطر رانا كامل نعانيو
كل واحد عندو مشاكلو و ان شا الله ينحل المشكل هادا في اقرب وقت

 

[أم منيــــــر]

رد: اغماءات و اضراب عن الطعام و المشكل راه يكبر

السلام عليكم اعتقد ان المسؤوليين سيجدون الحل المناسب لهم ولن يتركو الامور تخرج عن السيطرة وتصل الى ما لا يحمد عقباه ما وصل اليه الامر مؤسف حقا خصوصا لما تسمع خطابات المحتجين - مثلا- حين قال احد المحتجين وهي استادة ان من درسته اصبح في منصب ثابت وهي لم يتغير حالها-​

ان شاء الله هدا كل ما نتمناه
صح درسوهم و باسكو عنهم نفود صبحوا خير منهم
وصلت الامور حتى قالهم واحد الادماج او الموت
شفتو كفاش

 

[safouane batna]

رد: اغماءات و اضراب عن الطعام و المشكل راه يكبر

لدي سؤال فقط : في حال مثلا قبول طلبهم وترسيمهم دون مسابقة ماذا نتوقع من عمال القطاعات الأخرى الذين هم متعاقدون ايضا؟ راح تولي الطرق نحو العاصمة كامل مسيرات مثلا؟ يعني لي يحب يترسم يدير مسيرة واضراب عن الطعام، وكي نرسمو هاذ الأساتذة المتعاقدين بدون المشاركة فالمسابقة أين هي حظوظ باقي المترشحين أم أن ليس لهم الحق في العمل؟؟؟ وهل من المعقول أن تخرج نساء وفتيات للمسيرة من ولاية لأخرى ؟؟؟ وهل من المعقول أن يبت هؤلاء في العراء وهل يحثنا ديننا على القاء انفسنا للتهلكة بالاضراب عن الطعام ؟ ألا يعلم من نقلو للمستشفى أنهم سيحاسبون عن أنفسهم؟ وهل من المعقول أن يترك رب بيت زوجته وأولاده لمدة كبيرة من الزمن ويتركهم دون من يعولهم ولا سمح الله حدث شيء في البيت لأحد أفراد العائلة من سيتكفل بهم؟؟؟ الوزارة وعدت بنقاط اضافية لهم وهاذا يكفي والحل ليس في المسيرات لأنه لو تلبى مطالبهم سنصبح في غابة كبيرة وشكرا