جات عندنا ختي ضيفة عجبها حجابي الجديد، قاتلي سلفيهولي بيه بدوزانو (الصاك والصباط والخمار) ههههههه
المهم غدوا نضت صباح شوية روطار رايحة نخدم فتشت على حجابي ما لقيتوش قاتلي ماما راهي اختك دات ابنها للطبيب ولبستهولك ،،
وانا مش مديسيدية حاجة خلاف وحجاباتي لازمهم كي بالمكواة
لقيت في طريقي حجابها الأزرق وخمارها وصباطها الأحمر وصاكها الأحمر ايضا خخخخخخخخ لبستهم وما شفتش روحي فالمراية ، وانا اصلا ما نحبش نلبس الألوان الجذابة هادي
المهم كي كنت نمشي برا لاحظت ناس بزاف يشوفو معايا قلت اواااه سير جيت نضحك بالاحمر تعقدت من روحي وتمنيت نرجع فهديك الدقيقة للدار نبدل نلبس اي لون عدا الأحمر
وقت الغدا روحت للدار نمشي غير فالأماكن لي ناقصين فيها العيباد حتى وصلت للدار اول حاجة نحيت عليا هديك اللبسة
ماما وختي ماتوا عليا بالضحك قالولي والله جيتي تهبلي قتلهم الناس عقدوني يشوفو معايا قاتلي ختي بالاك عجبتيهم هههههههه
قتلها راهم سير يقولو : مرت عمر لابسة صباط حمر هههههههههه
من تم كون ما نلبسش حاجة مقتنعة بيها ما نخرجش هههههههههه
