اذا لم تستحي ففعل ما شئت

[" ام بلقيس "]

السلام عليكم
على العموم انا .....ماشى قصدي باه ندخل في خصوصيات الناس او حريتهم الشخصية
بصح صراح ينطكوك حتى لو تكون ابكم
فرغم ان بازف ناس راهي تشكى من اللباس الفاضح نتاح فتياتنا ....واش رانا نشوفو برا لدرجة حرمواااا علينا الخرجة
لكن لي حبسلي مخي و خلاني نبررلهم افعالهم
هو انك تشوف مدام متزوجة ......بولادها و راجلها ....و اصبحت من العمر عتيا ......لا ككوت ما طيبهاش
لابستلي لبسة نتاع 17 و 18عام ....لاحشمة و لاحياء
مزيرة روحها في هذوك الحوايج....... تحسها جاجة و خانقينها
المشية راحتلها
مكياج في قع الفاتشا نتاعها خايفة لايخلاص من البوشات ....فقاعدت تبروفيتى
الضحك و تلهليه ...في المحلات و الاسواق
تزاحم و تضارب
و الله بزاف بكري لما كنا نشوف وحدة متبرجة فوق اللازم نقول هذى ماشفهاش خوها كي خرجت
اليوم عاد عيب نقول على متزوجة هذى ما شفهاش راجلها و لاواش
لان لهذى الدرجة ....السبع الجزائري اصبح ؟؟؟؟؟
لا لى يحبسلك راسك تدخل للحانوت تقيس اللبسة و تزيد تسقسى البياع اذا راهى شابة
خافو ربي راكم ماشي وحدكم في الطريق
و الستيرة مليحة
ماشي مجبورة تلبسي جلباب لكن على الاقل استري روحك
تقبلو مروري.......


​

 

[Skor m@k]

رد: اذا لم تستحي ففعل ما شئت

السلام عليكم
المشكلة ماشي شافها راجلها ولا ماشافهاش
المشكلة الدياثة خارجا من عينيهم
مولاوش يفرقو بين لحلال ولحرام ولا هذيك الحاجا عيب
ربي يجيب الخير
شكرا لك ​

 

[ليليا مرام]

رد: اذا لم تستحي ففعل ما شئت

السلام عليكم اختي
انا درت موضوع مشابه واسمو عصر الطاطات اللي رجع بيعن روتور داج مرا مرت راجل وعندها رجال ولادها بطولها تلقايها ببلبسة مكشوفة وجها مجلد وهي كلها مطبقة مرات نشوفهم صدقيني قرعة من راسها فارغة والله الخمار مش دايراتو وسروال وهي مطبقة تمشي محنية وشادة فالدنيا بضفارها يا سيدي مش نقولهم ديرو جلباب كيما قلت كل واحد حر تدخل لقبرها وحدها مي والله عيب عيب كبير المرا دير وتلبس وهي فدار اهلها وعازبة نقولو الصغر تكبر تعقال هي تتزوج خلاض ما بقاتش هدرة واعطيني ذاك الفريقو اللي متزوجاتو ممكن حتى هو تلقايه من الجهة لخرى يدري ورا بنات قد بناتو
الله يهدينا شكرا لك

 

[Lila 22]

رد: اذا لم تستحي ففعل ما شئت

السلام

والله أختي راهم في اوروبا وماداروش كيما هاكدا ,,,,,
الاحترام دائما موجود
الله غالب نقص الثقافة

الله يهدي ماخلق

 

[بنت الـ25]

رد: اذا لم تستحي ففعل ما شئت

السلام عليكم
انا بالنسبة لي لي راهي تشوف في روحها رخيصة برك لي تبيع جسمها لمن هب ودب
واللي نفسها عليها عزيزة وغالية ما تخليش شعرة تبان من راسها للغرباء
القضية قضية تقدير للذات أو لا
أما الرجال فقولي عليهم السلام إلا من رحم ربي

 

[الناقد الصريح]

رد: اذا لم تستحي ففعل ما شئت

قتلت مضمون الموضوع اختي بألفاظ للاسف ؟؟ ربما لغضبك
وحتي بعض الردود للاسف....؟؟؟ نتيجة الفاظ موضوعك

اشكرك علي العنوان الرائع والهدف الاروع وارجوا ان تصححي بعض الالفاظ وان تكثري من النصائح
فلا تغضبي

 

[ليليا مرام]

رد: اذا لم تستحي ففعل ما شئت

قتلت مضمون الموضوع اختي بألفاظ للاسف ؟؟ ربما لغضبك
وحتي بعض الردود للاسف....؟؟؟ نتيجة الفاظ موضوعك

اشكرك علي العنوان الرائع والهدف الاروع وارجوا ان تصححي بعض الالفاظ وان تكثري من النصائح
فلا تغضبي

السلام عليكم اخي الكريم
مع احترامي ليك وهذا راييك الحمد لله لم يلمس اي لفظ احترام احد الحمد لله نحن نحترم انفسنا ونحترم كل من يقرأ وتاكد لو وقعت كلمة منا سهوا نحن اصحاب المواضيع هناك ادارة تفصح كل الموضوع وهو قسم نتكلم فيه بلهجتنا العامية وهنا نعرف نوع كلام كل منطقة ونتكلم بعفوية والحمد لله لا ارى اي لفظ خارج عن حدود الاحترام
وقدم انت النصائح فلا احد سوف يرفضها منك بما انك ناقد صريح الافضل تنتقد الظاهرة لا الالفاظ
شكرا لك وتقبل احترام فانا الناقدة الصريحة
شكرا لك

 

[louizalina]

رد: اذا لم تستحي ففعل ما شئت

الكارثة راهي في ليسي لمدير كو ليوم يطرد اانت و اولاد علا جال اللبسة. و يجو بيها normal حتى المدير كره

 

[" ام بلقيس "]

رد: اذا لم تستحي ففعل ما شئت

قتلت مضمون الموضوع اختي بألفاظ للاسف ؟؟ ربما لغضبك
وحتي بعض الردود للاسف....؟؟؟ نتيجة الفاظ موضوعك

اشكرك علي العنوان الرائع والهدف الاروع وارجوا ان تصححي بعض الالفاظ وان تكثري من النصائح
فلا تغضبي

السلام عليكم
اخي الكريم ......اول حاجة انا لست بغاضبة وشكرا لانك كلفت نفسك و دخلت موضوعي ....واطلعت عليه
اما في ما يخص ملاحطاتك ....فمن حقك انك تقول رايك مادم في في اطار .....احترام الراي و الراي الاخر
اما بالنسبة للالفاظ ....انا لم اذكر اي لفظ قد يخدش الحياء او يمس الدين او يعارض الاخلاق
يمكن اختلاف اللهجات بين الاعضاء .....هو من فعل فعلته
خاصة المنتدى منتدى اللهجة العامية ....مدامت في ايطار الادب
اما في ما يخص خروج عن المضمون من خلال الالفاظ فانا لااعتقد ذلك
لان كل لفظ حطيت متعمدت ....لعل هذا يحرك كاش غافل
اما في ما يخص الاستمرار .....ما تخافش ....وراهم وراهم وزمن طويل
شكرا لملاحظاتك .....و دمت قارئ مخلص
تقبل مروري.....
​

 

[" ام بلقيس "]

رد: اذا لم تستحي ففعل ما شئت

السلام عليكم
انا بالنسبة لي لي راهي تشوف في روحها رخيصة برك لي تبيع جسمها لمن هب ودب
واللي نفسها عليها عزيزة وغالية ما تخليش شعرة تبان من راسها للغرباء
القضية قضية تقدير للذات أو لا
أما الرجال فقولي عليهم السلام إلا من رحم ربي

و الله انا غايضين غير الرجال
كان الجزائري يتضرب بيه المثل في الرجلة اما دك عاد.....كاين غير فعل "يتضرب"اما المثل و الرجلة
كلاهم في كرش

​

 

[" ام بلقيس "]

رد: اذا لم تستحي ففعل ما شئت

السلام

والله أختي راهم في اوروبا وماداروش كيما هاكدا ,,,,,
الاحترام دائما موجود
الله غالب نقص الثقافة

الله يهدي ماخلق

امين ........لانهم نتاع الصح حرموا علين الخرجة
​

 

[" ام بلقيس "]

رد: اذا لم تستحي ففعل ما شئت

السلام عليكم
المشكلة ماشي شافها راجلها ولا ماشافهاش
ة المشكلة الدياثة خارجا من عينيهم
مولاوش يفرقو بين لحلال ولحرام ولا هذيك الحاجا عيب
ربي يجيب الخير
شكرا لك

اصلا لكان تناقشيهم في الحلال و الحرام
يسكتوك و يزيد يحاول يقنعك بلي راطي غالطة
هذا اذا ماقالش عليك من جماعة .....داعش
مشكورة
​

 

[" ام بلقيس "]

رد: اذا لم تستحي ففعل ما شئت

السلام عليكم اختي
انا درت موضوع مشابه واسمو عصر الطاطات اللي رجع بيعن روتور داج مرا مرت راجل وعندها رجال ولادها بطولها تلقايها ببلبسة مكشوفة وجها مجلد وهي كلها مطبقة مرات نشوفهم صدقيني قرعة من راسها فارغة والله الخمار مش دايراتو وسروال وهي مطبقة تمشي محنية وشادة فالدنيا بضفارها يا سيدي مش نقولهم ديرو جلباب كيما قلت كل واحد حر تدخل لقبرها وحدها مي والله عيب عيب كبير المرا دير وتلبس وهي فدار اهلها وعازبة نقولو الصغر تكبر تعقال هي تتزوج خلاض ما بقاتش هدرة واعطيني ذاك الفريقو اللي متزوجاتو ممكن حتى هو تلقايه من الجهة لخرى يدري ورا بنات قد بناتو
الله يهدينا شكرا لك

السلام عليككم
للاسف انا مقريتش موضوعك السابق
و شكرا لردك الثاني ....السهل الممتنع
لكن الشئ لي يزيد نرفزك ...انها قع مش خارج عليها ...بالعكس زايد مبشعها
و هى حاسب روها حاجة و تخزر في الغاشى بنص طرف
و الله كي تشوفيها تغيضك
الله يهدى

​

 

[" ام بلقيس "]

رد: اذا لم تستحي ففعل ما شئت

الكارثة راهي في ليسي لمدير كو ليوم يطرد اانت و اولاد علا جال اللبسة. و يجو بيها normal حتى المدير كره

يا عمري على ليسسي انا مرات نحس روحي .....من لبستهم
انهم ماشى رايحين لليسى و انما يحوسو
​

 

[Malika Tlm]

رد: اذا لم تستحي ففعل ما شئت

السلام عليكم
يا ختي واش نقولك والله كارثة كبيرة هدي والشي لي يحمقك اكتر
تلقاي الام دايرا حجاب تقولي هنا نبات وتشوفي بناتها متامنيش عقلك
وحدة نعرفوها عندها بنات ربي يهديهم وحدة كانت لابسة الحجاب وبعد فترة نحاتو قالت مخرجش عليا
املا وتشوفيها واش تلبس هي وخواتاتها يالطيف والكارتة ان امهم لابسة حجاب وشرعي
واش هدي هي امة سيدنا محمد (ص)
ويلا حبيتي تنصحي يا ويلك يسمعوك كلام ويردوك بلي راكي من العصر الحجري
يالطيف انا ساترا راسي والحمد لله وكي نفوت علي قهوة ولا جماعة نتاع رجال رجلي يتخالفو والله تتلفلي المشيا
وهوما كلشي مفضوح وتتمشي وتتمختر ووووووو
واسم نقولو ربي يجيبلنا ساعة نتاع خير يارب
ربي يجازيك علي الموضوع
تحياتي​

 

[بنت الـ25]

رد: اذا لم تستحي ففعل ما شئت

قتلت مضمون الموضوع اختي بألفاظ للاسف ؟؟ ربما لغضبك
وحتي بعض الردود للاسف....؟؟؟ نتيجة الفاظ موضوعك

اشكرك علي العنوان الرائع والهدف الاروع وارجوا ان تصححي بعض الالفاظ وان تكثري من النصائح
فلا تغضبي

السلام ايها الناقد الصريح
صراحة ردك جعلني أقرأ وأكرر قراءة الموضوع ولكني لم اجد تلك الألفاظ التي تحدثت عنها في ردك وقلت أنها قتلت الموضوع
بالعكس ارى انها اختصرت أفكارا كثيرة في كلمات قليلة والأهم أنها حققت الهدف
كلمات تحمل في طياتها الكثير من النصائح وصلت لنا جميعا فألف تحية لأم بلقيس على الموضوع القيم

 

[adel._dz]

رد: اذا لم تستحي ففعل ما شئت

علاه تقولو الرجل الجزائري ؟
جيتو تهدرو على مشكل درتو مشكل ...
عبالكم مشكل وين انو انتم معشر النساء ماكمش كامل نهدر على نوع لي تضمنو الموضوع ساعات لازمكم العصا ..
والراجل تعنا يديه كسروهالو
يعني لي نشوفوها ساترة روحها أصلها هو لي حكمها ..
يعني لي يحب يطلع بنتو والا مرتو مرأة يغرف يخير من لول ويعرف يفرض كلمتو من لول
والمؤمن القوي خير من مؤمن ضعيف

 

[GI Joe]

رد: اذا لم تستحي ففعل ما شئت

allah yahdihom w yssahel 3lihom
mais contre لدرجة حرمواااا علينا الخرجة
nkhali 9rayti wala khademti chghali 3la 3bed hakda ??!! mayhemnich w ykoun yemchou 3raya tdjini nrml w maalich rani m3a khali wala ay wahed 3ziz 3lia nhabet rassi wala nkemel nahder nrml ki nchouf hakdek w khlass