السلام عليكم اهلا وسهلا رواد قسم واش راك تهدر
ارواحو اليوم نحكو على سوجي نظن راه عندنا كلنا فديارنا
حبيت نحكي اليوم على
النقا فالحومات نتاعنا
الي نقي في دارو نقي في حومتو وفي شارعو
اليوم نحكي لانو قلبي طرطق الصراحة لما نكمل شغل الدار ديما نسيق حاشاكم برا عند الباب ونتقلق من الوسخ والاوراق والزبل حاشاكم عند الباب مي المشكل انا نقي ونسيق ونتعب ويجي جار اخر يرمي بكل برود
الصراحة واحد الوقت تفاهمنا وشرينا حاوية نتاع زبل حاشاكم كامل كيما رانا وكنا نظفوه بالدالة لما كانت الحالة جديدة كامل رحبو بالفكرة فالحقيقة انا فكرت فيها وحكمت جاراتي حتى كامل يديرو دراهم وبعثت امي شراتها وجبناها فالحومة وفهمتهم كل يوم وحدة بعدما يفرغوها عمال النظافة ويحطوها حنا نظفوها بالدالة
المشكل من بعد سرقوها اييه ما تنخلعوش نضنا صباح ما لقيناهاش سالنا نتاع النظافة قالو والله فرغناها وحطيناها كالمعتاد ولكن داوها من قدام الحومة بعدو الكل قال خاطيني وراحين يسرقوها وما نشروش
بقات الحالة ضرك انا نسيق ونتعب ويجي جار اخر يحط الاوراق والزبل حاشاكم وانا ما جياش نهدر مع الراجل ونحكمو اليوم جن جناني سيقت وكملت وجات جارتي تتكسل وحطت الزبل حاشاكم والقطوط يقطعو الشكاير والزبل كامل يكون فالارض صبحت عليها اليوم قلتها نوضي القايلو عفسة انا نتقلق من الحومة وهي مسخة وخاصة حنا حومتنا صغيرة غير حنا فحنا بضغ يوت يعني قادرين نظفوها عادي هي الصراحة متفاهمين كل جمعة ليجون نتاع حومتنا ينوضو ينقوها كامل هذي عادة اجبارية اللهم لو كانت الشتا ما يديروهاش
اللي حيت نحكي عليه كاين حومات الله لا يوريكم فيهم ريحة البزل والوسخ والكارثة امور تشوفها فالزبل بلاما نحكي فضايح مرمين فالطريق التبهديل
النظافة من الايمان وين ايمان شعبنا ويا سيدي ماشي لازم نستناو البلدية هذو فضلاتنا وامورنا عمال النظافة مساكن يحسن عونهم هذا زجاج وهذا حجر فالساشيات
التنظيم يجي منا حنا نعرفو واش نرمو وانا نقول لكل النسا انا وحدة معاكم لازم نديرو هكذا لانو انا والله متبعة الطريقة هذي
لما نجي نغسل الماعن فالساشي نعرف واش نحط زبل وامور زجاج مكسرة ما نرميهاش فالزبل محال اما نكمل نكسرها مليح بشكل ما تجرحش ونرميها فماكن آمن اما نديها فبلاصة ما يفتوش الاولاد منها ونحطها والخبز الزايد يابس نخبيه نمدو لجارتنا تربي الجاج
يعني كل مرا تنظمي روحك لانو نظافتك مش لبسة وماكياج ودارك مسيقة لانو النظافة فالحومة وزبلك خدمتك وخدمة زوجك
وانت الشاب مش لازم الجال واللبسة وعند داركم الزبل داير ظل وانت راقد والفوحة حاشاكم عند نيفك لازم ياكلك قلبك وتتفاهم مع ليجون جيرانك وتنقو وتنظمو
واش رايكم فالموضوع واعطوني امور هكذا شفتوها تقلق واحكولي على حومتكم والنظافة فيها واش ناقص فيها
الموضوع ليكم
ارواحو اليوم نحكو على سوجي نظن راه عندنا كلنا فديارنا
حبيت نحكي اليوم على
النقا فالحومات نتاعنا
الي نقي في دارو نقي في حومتو وفي شارعو
اليوم نحكي لانو قلبي طرطق الصراحة لما نكمل شغل الدار ديما نسيق حاشاكم برا عند الباب ونتقلق من الوسخ والاوراق والزبل حاشاكم عند الباب مي المشكل انا نقي ونسيق ونتعب ويجي جار اخر يرمي بكل برود
الصراحة واحد الوقت تفاهمنا وشرينا حاوية نتاع زبل حاشاكم كامل كيما رانا وكنا نظفوه بالدالة لما كانت الحالة جديدة كامل رحبو بالفكرة فالحقيقة انا فكرت فيها وحكمت جاراتي حتى كامل يديرو دراهم وبعثت امي شراتها وجبناها فالحومة وفهمتهم كل يوم وحدة بعدما يفرغوها عمال النظافة ويحطوها حنا نظفوها بالدالة
المشكل من بعد سرقوها اييه ما تنخلعوش نضنا صباح ما لقيناهاش سالنا نتاع النظافة قالو والله فرغناها وحطيناها كالمعتاد ولكن داوها من قدام الحومة بعدو الكل قال خاطيني وراحين يسرقوها وما نشروش
بقات الحالة ضرك انا نسيق ونتعب ويجي جار اخر يحط الاوراق والزبل حاشاكم وانا ما جياش نهدر مع الراجل ونحكمو اليوم جن جناني سيقت وكملت وجات جارتي تتكسل وحطت الزبل حاشاكم والقطوط يقطعو الشكاير والزبل كامل يكون فالارض صبحت عليها اليوم قلتها نوضي القايلو عفسة انا نتقلق من الحومة وهي مسخة وخاصة حنا حومتنا صغيرة غير حنا فحنا بضغ يوت يعني قادرين نظفوها عادي هي الصراحة متفاهمين كل جمعة ليجون نتاع حومتنا ينوضو ينقوها كامل هذي عادة اجبارية اللهم لو كانت الشتا ما يديروهاش
اللي حيت نحكي عليه كاين حومات الله لا يوريكم فيهم ريحة البزل والوسخ والكارثة امور تشوفها فالزبل بلاما نحكي فضايح مرمين فالطريق التبهديل
النظافة من الايمان وين ايمان شعبنا ويا سيدي ماشي لازم نستناو البلدية هذو فضلاتنا وامورنا عمال النظافة مساكن يحسن عونهم هذا زجاج وهذا حجر فالساشيات
التنظيم يجي منا حنا نعرفو واش نرمو وانا نقول لكل النسا انا وحدة معاكم لازم نديرو هكذا لانو انا والله متبعة الطريقة هذي
لما نجي نغسل الماعن فالساشي نعرف واش نحط زبل وامور زجاج مكسرة ما نرميهاش فالزبل محال اما نكمل نكسرها مليح بشكل ما تجرحش ونرميها فماكن آمن اما نديها فبلاصة ما يفتوش الاولاد منها ونحطها والخبز الزايد يابس نخبيه نمدو لجارتنا تربي الجاج
يعني كل مرا تنظمي روحك لانو نظافتك مش لبسة وماكياج ودارك مسيقة لانو النظافة فالحومة وزبلك خدمتك وخدمة زوجك
وانت الشاب مش لازم الجال واللبسة وعند داركم الزبل داير ظل وانت راقد والفوحة حاشاكم عند نيفك لازم ياكلك قلبك وتتفاهم مع ليجون جيرانك وتنقو وتنظمو
واش رايكم فالموضوع واعطوني امور هكذا شفتوها تقلق واحكولي على حومتكم والنظافة فيها واش ناقص فيها
الموضوع ليكم
