- إنضم
- 16 جوان 2009
- المشاركات
- 9,769
- نقاط التفاعل
- 29,725
- نقاط الجوائز
- 2,355
- محل الإقامة
- اللمة
- الجنس
- أنثى
السلام عليكم جميعا
ان شاء الله راكم بخير
اييه يا جماعة سرقوني مي اراوحو نقولكم السوجي نتاع اليوم
سرّاق وسرّاقة
السريقة راهي رجعت موضة فبلادنا سريقة محترمة ايييه وكي نقول محترمة معناها ناس تببان فالهيئة محترمة وناس في جهات رسمية وسرقو الملاير والكل عارف
والمقولة الشهيرة شكون يخدم فالفرماج وما يذوقك يا سيدي راكم ذقتو وشبعتو
وكاين سريقة اللي نعرفوها ضريب الجيب فالطريق فالكار وزمان السراق كان يسرق عجوز مطبطبة ما تقدرش تجري مي الناس كانو يدخلو ويجيبوه وين يكون كانت السريقة قليلة والسراق مذموم مي حتى السريقة وطورت
رجع السراق كامل يشوفوه وواحد
ما يدخل روحو تتسرق عجوز او طفلة او راجل او اي كان ورجع السراق ما يهددش راه يرفد معاه موس او حاجة ويضربك نورمال مش يهدد اييه
وكاين سراق من نوع اخر يسرقلك فرصة نتاع خدمة يسرقلك مرا حاب تتزوجها المهم هذاك سراق من تحت لتحت
ونروحو للنسا حتى ما تقولوش الرجال ليليا عندها عقدة منهم حتى نسا بهدلونا
نسا يسرقو فالحوانت وعند اللي يبيع الذهب والكارثة رجعو يحطو اصحاب المحلات الكاميرا وبعدو يبهدلوهم
فاليوتوب والصراحة يستاهلو
تبدل الزمان ورجع السراق بالنيفو وبالموديل
والنسا ياو رجعو سراقات محترفات
تبدا براجلها تضربلو الجيب وحتى تتطور الحالة وتروح لامور اخرى وتبهدل روحها
ونحكيلكم موقف وين تعرضت للسرقة اييه
رحت نشري حوايج يخصوني كنت داخلة للسبيطار وكان عندي تلفون والله ما فرحت بيه موتورولا في وقتو كان غالي وجاني هدية فرحانة بيه كاميرا وكذا كان حاجة كبيرة ذاك الوقت ايا على جال كابة السراق والله ما فقتلو دخل صباعتيه فجيب لافيست ودا التلفون وانا جيت نمس فوق لافيست انو فبلاصتو حكمتني الغمة التلفون راح وريحتو وما بقاتش وانا ذاك اليوم ما حبيتش نروح للسوق لانو نكرهو مي اكيد اللي يتبع كلام يماه الواد ياكلو تعبتها ارواحي تروحي انت تعرفي واش خصك تبعتها
وراح التلفون وانا وليت نبكي فالطريق انا ما نستعرفش انت جبتيني حطيلي التلفون ضرك
رجعت بالزعاف غاضني التلفون بزاف :cray02:
:cray02:
ومن ذاك الغد طارلي القرمود رجعت للسوق قدام اللي ييع الكابات علقت الكتمان والشارجور قتلو يا السراق عارفاتك دور هنا هذا الشارجور وهذا الكتمان ديهم دا منك الروح تشربهم دوا ان شاء الله وخليتهم معلقين ورحت ولليوم بقالي حرقة فقلبي
وتعرضت للسرقة فالسببيطار اييه ما تستغربوش كنت فالعمليات وصباطي حاشاكم تحت السرير ياو فام دوميناج سرقاتو واصلا اتا لما نكمل العملية ماراحش نلبسو ما نقدرش وسرقاتو وسرقولي دراهمي وانا فغرفة العمليات ايييه واحد يموت وواحد لاتي يسرق
كي نتفكرهم الغمة تجيني
واخر مرة والشي اللي قسمني على زوج كنت مخبية دراهم نروح لتونس للطبيب وكنت مريضة بزاف وهذوك الدراهم اللي كانو عندي كل واش لميت باه نروح وسافرنا انا ويمى كيما سافرنا البارح
ورجعنا لقينا باب الدار مكسر وداولي دراهم العلاج ربي وكيلهم والواضح انهم من لافامي لانهم هوما برك سمعو بانو عندي دراهم السفر والاغلب انو وليد خالي وربي وكيلو دنيا واخرة
خبروني اذا تسرقتو
وواش راكم فالنسا والرجال اللي يسرقو
وفي بالكم واش الفرق بين السراق فالمنصب والسراق العادي
شكرا
ان شاء الله راكم بخير
اييه يا جماعة سرقوني مي اراوحو نقولكم السوجي نتاع اليوم
سرّاق وسرّاقة
السريقة راهي رجعت موضة فبلادنا سريقة محترمة ايييه وكي نقول محترمة معناها ناس تببان فالهيئة محترمة وناس في جهات رسمية وسرقو الملاير والكل عارف
والمقولة الشهيرة شكون يخدم فالفرماج وما يذوقك يا سيدي راكم ذقتو وشبعتو
وكاين سريقة اللي نعرفوها ضريب الجيب فالطريق فالكار وزمان السراق كان يسرق عجوز مطبطبة ما تقدرش تجري مي الناس كانو يدخلو ويجيبوه وين يكون كانت السريقة قليلة والسراق مذموم مي حتى السريقة وطورت
رجع السراق كامل يشوفوه وواحد
ما يدخل روحو تتسرق عجوز او طفلة او راجل او اي كان ورجع السراق ما يهددش راه يرفد معاه موس او حاجة ويضربك نورمال مش يهدد اييه
وكاين سراق من نوع اخر يسرقلك فرصة نتاع خدمة يسرقلك مرا حاب تتزوجها المهم هذاك سراق من تحت لتحت
ونروحو للنسا حتى ما تقولوش الرجال ليليا عندها عقدة منهم حتى نسا بهدلونا
نسا يسرقو فالحوانت وعند اللي يبيع الذهب والكارثة رجعو يحطو اصحاب المحلات الكاميرا وبعدو يبهدلوهم
فاليوتوب والصراحة يستاهلو
تبدل الزمان ورجع السراق بالنيفو وبالموديل
والنسا ياو رجعو سراقات محترفات
تبدا براجلها تضربلو الجيب وحتى تتطور الحالة وتروح لامور اخرى وتبهدل روحها
ونحكيلكم موقف وين تعرضت للسرقة اييه
رحت نشري حوايج يخصوني كنت داخلة للسبيطار وكان عندي تلفون والله ما فرحت بيه موتورولا في وقتو كان غالي وجاني هدية فرحانة بيه كاميرا وكذا كان حاجة كبيرة ذاك الوقت ايا على جال كابة السراق والله ما فقتلو دخل صباعتيه فجيب لافيست ودا التلفون وانا جيت نمس فوق لافيست انو فبلاصتو حكمتني الغمة التلفون راح وريحتو وما بقاتش وانا ذاك اليوم ما حبيتش نروح للسوق لانو نكرهو مي اكيد اللي يتبع كلام يماه الواد ياكلو تعبتها ارواحي تروحي انت تعرفي واش خصك تبعتها
وراح التلفون وانا وليت نبكي فالطريق انا ما نستعرفش انت جبتيني حطيلي التلفون ضرك
رجعت بالزعاف غاضني التلفون بزاف :cray02:
:cray02:
ومن ذاك الغد طارلي القرمود رجعت للسوق قدام اللي ييع الكابات علقت الكتمان والشارجور قتلو يا السراق عارفاتك دور هنا هذا الشارجور وهذا الكتمان ديهم دا منك الروح تشربهم دوا ان شاء الله وخليتهم معلقين ورحت ولليوم بقالي حرقة فقلبي
وتعرضت للسرقة فالسببيطار اييه ما تستغربوش كنت فالعمليات وصباطي حاشاكم تحت السرير ياو فام دوميناج سرقاتو واصلا اتا لما نكمل العملية ماراحش نلبسو ما نقدرش وسرقاتو وسرقولي دراهمي وانا فغرفة العمليات ايييه واحد يموت وواحد لاتي يسرق
كي نتفكرهم الغمة تجيني
واخر مرة والشي اللي قسمني على زوج كنت مخبية دراهم نروح لتونس للطبيب وكنت مريضة بزاف وهذوك الدراهم اللي كانو عندي كل واش لميت باه نروح وسافرنا انا ويمى كيما سافرنا البارح
ورجعنا لقينا باب الدار مكسر وداولي دراهم العلاج ربي وكيلهم والواضح انهم من لافامي لانهم هوما برك سمعو بانو عندي دراهم السفر والاغلب انو وليد خالي وربي وكيلو دنيا واخرة
خبروني اذا تسرقتو
وواش راكم فالنسا والرجال اللي يسرقو
وفي بالكم واش الفرق بين السراق فالمنصب والسراق العادي
شكرا
