اكرام براءة في ضيافة ركن الديكور والعناية المنزلية

[بنقابي افتخر]

اهلا بكن اخوات في العدد الثالث
عدنا ومعنا الضيفه التي قد تم اختيارها و
وضعنا لكن موضوع لطرح توقعاتكم
في الوضوع التالي
توقعن من السيدة او الفتاة في ضيافة ركن الديكور والعناية المنزليه \العدد الثالث\

وكانت الفائزةب 50 نقطة شرفية هي الاخت
ملك له
الف مبروك لها
وحظ اوفر للاخوات

اما بالنسبه للضيفه فلقد تم اختيار الاخت

لذا ارجو منكن ان ترحبن بها وان تهتمو بها
اسئلتكم ستكون داخل اطار الديكور والعنايه المنزليه
ولمدة 4 ايام

​

واي عضوة ستتميز باسئلتها ستنال وسام الحضور المميز



اما عن الضيفة ستنال شهادة تقديرية
اتمنى لم اقامة ممتعة
وللحاضرين
سؤالي هي
متى بدأت علاقتك بالفروتوار خخخخخ ​

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

السلام عليكم و رحمة الله و بركاته

احبابي في منتدى اللمة الجزائرية


أشكركم على هذه الورطة التي استقبلتموني فيها


و ارحب بي عندكم

تفضلوا شرشحوني باسئلتكم .. ، لكن لا اضمن لكم الاجوبة الشافية هعهعهعهعهع

سرني كثيرا هذه اللفتة الكريمة منكم

ادعوكم الى المختبر و ها انا ذي امثُل ضيفة ركن الديكور و العناية المنزلية
و لا تنسو اخذ الملاحظات الهامة​

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

متى بدأت علاقتك بالفروتوار خخخخخ

اظن في سن 4 سنوات بدأت باللعب به (احس و كأنني اساعد امي)
ههههه بصح انا غير نزيد نتعبها
شكرا لك اختي على حسن الاستضافة​

 

[الحلم الوردي]

رد: اكرام براءة في ضيافة ركن الديكور والعناية المنزلية

اهلا بيكي اختي
ان شاء الله راكي مليحة
اسئلتي هي
_مديلي شوية تدابير منزلية؟
_اي منتج تسنخدميه باش تمسحي غبرة الخزائن؟
_واش تحبي ديري تنظيف ولا التسياق؟
هذوما اسئلتي خفاف ظراف
لي عودة
ان شاء الله​

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

اهلا بيكي اختي
اهلين فيك
ان شاء الله راكي مليحة
لاباس الحمد لله سوال عليك؟
اسئلتي هي
_مديلي شوية تدابير منزلية؟
لمنع الدمع عند تقشير البصل : امضغي علكة
(انا مزالني نتعلم و ما عنديش تدابير بزاف)
لمعرفة السمك الطازج : ضعيه في ماء بارد ، فإذا طفا على السطح فإنه طازج .
_اي منتج تسنخدميه باش تمسحي غبرة الخزائن؟
نفوت نمسح الغبرة بمنشفة ناشفة و ممبعد تجي اختي تكمل الباقي هههههه ربما تستعمل منتج "فورس إكسبرس" على ما أظن(انا مزالني نتعلم و ما عنديش خبرة بزاف)
_واش تحبي ديري تنظيف ولا التسياق؟
اكيد التسياق و التزلج وووووووووياااااااااا
هذوما اسئلتي خفاف ظراف
لي عودة
ان شاء الله
انتظرك بفارغ الصبر
​

شكرا لك اختي ملكة زمــآني على الاسئلة
انتظر عودتك مع الجديد ان شاء الله

 

[ريحـان]

رد: اكرام براءة في ضيافة ركن الديكور والعناية المنزلية

اهلا بالاخت اكرام
ضيفة جديدة في هذا الركنلي عودة​

 

[ريحـان]

رد: اكرام براءة في ضيافة ركن الديكور والعناية المنزلية

شعال كان في عمرك مين بديتي في شغل دار
لي دام تاع ماعن كي فاش تنحيهم
ممم تجفي الارض بل فروتوار ولا بيدك


ما هو لونك المفضل في اختيار الآثاث
واش هي الحاجة لي ما تحبيهاش في شغل البيت

​

 

[جيهان جوجو]

رد: اكرام براءة في ضيافة ركن الديكور والعناية المنزلية

مرحبا اكرام براءة ضيفة ركن الديور والعناية المنزلية
اتمنى لك اقامة طيبة هنا
لي عودة ان شاءالله
في امان الله
​

 

[الحلم الوردي]

رد: اكرام براءة في ضيافة ركن الديكور والعناية المنزلية

الله يبارك حنونة
بون هاني وليت
واش هو الديكور نتاع الصالون الي تحبيه؟
سامبل ولا مخلط؟
_تحبي يكون نفس اللون في كامل الصالون
من زربية وتانيك الاريكة ولا لي صالون ماغوكا؟
لي كاش ريدو نتاع الصالون كيفاش تحبيه يكون نفس اللون؟
تحبي الصالون نتاعك يكون فيه زوج ستايلات
لي فوتي مع صالون ماغوكا؟
مديلي الالوان الي تحبيهم في الصالون نتاعك؟
هذوما بالنسبة للصالون
ولي رجعة ان شاء الله
حنونة​

 

[ريحـان]

رد: اكرام براءة في ضيافة ركن الديكور والعناية المنزلية

واش اللون لي تفضليه في افرشة السرير ؟
هل تحبي تخدمي اشغال يدوية وتزيني بيها غرفتك ؟

تحبي تجربي الاشغال اليدوية البسيطة والصعبة
واش هو لون غرفتك
حكيلنا موقف ظريف صرالك وانت تنظفي
ماهي معاير النظافة برايك لمنزل نظيف
نصائحك للبيت نظيف
ماهي طريقتك في تنظيف الخشب ، الزجاج ،الارضية ​

 

[ريحـان]

رد: اكرام براءة في ضيافة ركن الديكور والعناية المنزلية

ما هي طريقتك للجعل المطبخ معقما
هل تقتني ماركات المنظفات التي ترينها في الاشهارات
هل تفضلين الصالون مغربي او صالون الشرقي
​

 

[تـريـــاق المحـبـة]

رد: اكرام براءة في ضيافة ركن الديكور والعناية المنزلية

اهلا بالأخت اكرام سرني التعرف بكي كم عمرك و اليك هذه الأسئلة :
1_ ماهو المنتج المفضل عندك لغسيل الصحون اقترحاتك ؟
2_اتفضلين استخدام الكلور لتنضيف الملابس ام هناك منتج افضل لغسل الملابس ؟
3_اقتراح من عندك لمعطر المنزل ؟
4_ اخيرا اذا كان هناك مريضة بالحساسية الديك طريقة لها لتنضيف الغبرة على الأسطح ؟
اسعدني تواجدك اتمنى ان لا أكون اثقلت بالأسئلة وشكرا

 

[بنقابي افتخر]

رد: اكرام براءة في ضيافة ركن الديكور والعناية المنزلية

اظن في سن 4 سنوات بدأت باللعب به (احس و كأنني اساعد امي)
ههههه بصح انا غير نزيد نتعبها​

هههه معناها بنتي خير منك عندها عامين ونصف ودشنت روحها :sport02: رفداتو
بصح باه تقسحني للرجلين ههههه:tongue02:

 

[ريحـان]

رد: اكرام براءة في ضيافة ركن الديكور والعناية المنزلية

على اي ساعة في الصباح تبداي في الأشغال المنزلية
بريك واش هو سر البيت المرتب
ماهي إجراءاتك لكي يبقى البيت نظيف
بمادا تنصيحن للاتهاب اليد بالمنظفات خاصة الكلور
كيفاش تتخلصي من العلك اللاصق على الملابس
كيف تحافظين على بريق الاوني النحاسية.
ماهي نصيحتك للحفاظ على لون الملابس.
----ل--ي---عودة. ​

 

[ريحـان]

رد: اكرام براءة في ضيافة ركن الديكور والعناية المنزلية

بماذا تنظفين الزجاج .
كيف تتخلصين من طبقة الكلس على الارضية ​

 

[تـريـــاق المحـبـة]

رد: اكرام براءة في ضيافة ركن الديكور والعناية المنزلية

ســــلام رجعت بدستة اسئلة جديدة :1_واش تفضلي كديكور في الصالون تحطي المزهرية بالأزهار او قطعة الأثاث عادية ؟
2_ صور التي تفضليها في ديكور صالة الضيوف صور الطبيعة او العائلة أم بها آيات أو احاديث قرآنية ؟

 

[تـريـــاق المحـبـة]

رد: اكرام براءة في ضيافة ركن الديكور والعناية المنزلية

واش تنصحي الوان افرشة والأغطية في فصل الربيع للبنات ؟
تستخدمي مكنسة العادية للكنس ام الكهربائية وأيهما أفضل في رأيك ؟

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

شعال كان في عمرك مين بديتي في شغل دار
ربما 11 سنوات اذا لم تخني الذاكرة
لي دام تاع ماعن كي فاش تنحيهم
شوفي اختي نحط الآنية تتشمخ في الماء كي نكمل غسيل كل الماعن يا إما تجيني ساهلة نكمل عليها يا إما نديرلها صابون اضافي و نحك نحك حتى يتنحاو
ممم تجفي الارض بل فروتوار ولا بيدك
بل فروتوار


ما هو لونك المفضل في اختيار الآثاث
نحب البنفسجي البارد او الابيض و الاسود
واش هي الحاجة لي ما تحبيهاش في شغل البيت
هههههه غسيل الماعن (خاصة كي يكونو بزاف هههه)
​

شكرا لك اختي سرني مرورك بالموضوع و اسفة على التأخير

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

الله يبارك حنونة
يبارك فيك اختي
بون هاني وليت
واش هو الديكور نتاع الصالون الي تحبيه؟
سامبل ولا مخلط؟
سامبل احسن في رأيي
_تحبي يكون نفس اللون في كامل الصالون
من زربية وتانيك الاريكة ولا لي صالون ماغوكا؟
نحبو كامل كيف كيف
لي كاش ريدو نتاع الصالون كيفاش تحبيه يكون نفس اللون؟
وي هكاك خير او اذا كانوا مختلفين نورمال هههه
تحبي الصالون نتاعك يكون فيه زوج ستايلات
لي فوتي مع صالون ماغوكا؟
صالون ماغوكا احسن في رأيي
مديلي الالوان الي تحبيهم في الصالون نتاعك؟
بني . بنفسجي بارد . اسود ...
هذوما بالنسبة للصالون
ولي رجعة ان شاء الله
حنونة
​

ان شاء الله انتظرك اختي

 

[لمعانُ الأحداق]

رد: اكرام براءة في ضيافة ركن الديكور والعناية المنزلية

واش اللون لي تفضليه في افرشة السرير ؟
مممم افضل البنفسجي البارد
هل تحبي تخدمي اشغال يدوية وتزيني بيها غرفتك ؟
اكيد نحس بالفخر كي نشوفهم هههه
تحبي تجربي الاشغال اليدوية البسيطة والصعبة
نحب الصعبة و السهلة يعني على حساب اللي توفر عندي
واش هو لون غرفتك
غرفتي بنفسجي بارد (لوني المفضل للديكور)
حكيلنا موقف ظريف صرالك وانت تنظفي
ههههه شوفي واحد النهار كنت نغسل الماعن و نغني اناشيد روسم متحركة و اختي كانت دايرة التيليفون نتاعها يسجل و راه يسجل يسجل حتى كملت كامل و ممبعد داراتو في الميكرو وداراتو باف هههههه و التبهدايل هههه + و انا نظف خلعني خويا (قفزت مالخلعة ههه)
ماهي معاير النظافة برايك لمنزل نظيف
التنظيف اليومي
نصائحك للبيت نظيف
مسح الغبرة اينما كانت و التسياق كل يومين ..تخلصي من الفوضى
ماهي طريقتك في تنظيف الخشب ، الزجاج ،الارضية
الخشب نمسخو بمنشفة نظيفة بعدين بالمنتوج الخاص به - الزجاج بالجرنان - الارضية التسياق و وضع صانيبو
​

بارك الله فيك اختي انتظر عودتك