- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
السلام عليكم
حكينا البارح على حبيبنا بن شيخ مخترع الة كرة القدم .. هه ومعظمكم ما كانش يعرفو وخاطيه الفوت المهم اني درتلك بيبليسيتي هنا لبن شيخ .. اليوم نحكو على سوجي نشوفوه يوميا في حياتنا وهو الررررجلة.
الرجلة كانت ايام زمان معناتها الحرمة والنيف معناتها واحد راجل بكلمتو ووقفتو وخدام بذراعو معناتها الضربة تجي فيه قبل ما تلحق للعايلة تاعو معناتها عمرو ما يحقر وادا قدر يعاون المحتاج ... المهم كي تسقسي على هاد السيد يقلك فلان رجلة ونص وكامل ناس تقادرو.
*************************************
الرجلة اليوم .. منكم بالصح نحكيو على رجلواتنا .. صعيبة بزاف تكون رجلة ... الحاجة لولى لازم تدير بالكو تاع شمة اللي من جزيرة مالطا يشوفك وكي تهدر خشن صوتك وخرج عينيك والهدرة تكون قليلة .. تانيك لازم تكون مفوت سطاج في حبس الحراش علخاطر انت بيان سير رجلة لازم يكون CV تاعك خشين كيما انت باه لي يلحق ليك تقلو 'اسمع حبيبنا راني مفوت ست اشهر في سركاجي سقسي ولاد الحومة ' .. الرجلة نتاعنا عمرو ما يخدم وديما يلبس سيرفاتمو هاكم تعرفو كي يكون يجري ولا يجرو موراه حبيبنا خفيف ظريف كان هنا وراح ... وتانيك الرجلوات عندهم مشية سبيسيال يمشو غير على طراف صباعهم وباه تلحق هاد المستوى لازم تنقص في بوانتير الترينينg لي تلبسو على الاقل 3 نوامر يعني لي يلبس 42 يولي يلبس 38 ... زيد باه تكون رجلة يلزمك تلبس لاريني وكي يجي يدابزك كاش واحد قولو واش خو باغي تدابزني وانا لابس لاريني على اساس لاريني لباس القوة ... بلا ما ننساو لازمك كاسكيطا ماريكان وتدورها 23 درجة بلاك تدورها 24 اك ماكش رجلة .. الرجلوات يباتو كيما باتمان عساسين في الليل وفي النهار ينوض على 12:00 تلقاهم عند باب ليسي وكلماتهم المعتادة 'وش الزين مخطوب ولا يستنى المكتوب' 'وش يا الحمامة ونسكنك في فيلا' المهم لبنات هام موالفين يسمعو ... تاني لازم تكون متمرس في الاسلحة البيضاء بمختلف انواعها الريشة والبوشية والسيف والخيل عفوا الخيل موش معاهم .. تاني لازم تكون فيك سيكاتريس باينة في وجهك ولا رقبتك تبين بلي شاركت في الحرب العالمية الثانية .. وتاينك يكي يتقابضو زوج الرجلة لازم يجي يدخل يفك ولا يضرب المهم في كل محضر يحضر
الرجلوات ما يحبوش الدولة ديما يسبوهم وكي يشوفوهم يتخباو .. تانيك يروح للسطاد ويسب لاربيتر ولي جوار والبيبليك وهو والله ما عارف شكون يلعبو المهم الحضور ... الرجلوات يحقرو بالعين سيرتو والا شافو واحد ناس ملاح...ايه تاني بلا ما ننسى الرجلوات عندهم اسموات غريبة لحيوانات ولا بالفرونسي تلقى واحد اسمو موح القط ... عادل الفينgا .. الحراشي بوكيمون .. سيد على مهبولة ... ربيع الالة الحاسبة ....
****************************************************
خاوتي يمكن لاحظتو هاد الاصناف لي نسموهم حنا رجلة يقطع ... والمشكل ولاو هوما القدوة تاع لولاد صغار علخاطر يشوفوهم هوما القوة ومادا بيهم يكونو كيفهم ويضرب الشيخ لي يقري فيه ويدير الشمة وكاسكيطا ماريكان وتعيطلو فريد البيانيست .. حتى يولي يسرق ويهز معاه موس باه يشوفوه صحابو رجلة وهدا الشي لي يهدم مجتمعنا ونظن لي يقرا موضوعي ويعرف طبيعة حياة هاد الفئة ويتخيل روحو مكانهم راح يعيف روحو... الواحد براسو وموش سالك الاحسن الواحد يكون ايجابي نافع ولو بابتسامة ولا نصيحة ولا يبعد حجرة على طريق ولا كلمة حلوة وادا ما قدرش يدير خير فليصمت احسن.
عذرا على الاطالة في انتظار تفاعلكم وشكررا.
حكينا البارح على حبيبنا بن شيخ مخترع الة كرة القدم .. هه ومعظمكم ما كانش يعرفو وخاطيه الفوت المهم اني درتلك بيبليسيتي هنا لبن شيخ .. اليوم نحكو على سوجي نشوفوه يوميا في حياتنا وهو الررررجلة.
الرجلة كانت ايام زمان معناتها الحرمة والنيف معناتها واحد راجل بكلمتو ووقفتو وخدام بذراعو معناتها الضربة تجي فيه قبل ما تلحق للعايلة تاعو معناتها عمرو ما يحقر وادا قدر يعاون المحتاج ... المهم كي تسقسي على هاد السيد يقلك فلان رجلة ونص وكامل ناس تقادرو.
*************************************
الرجلة اليوم .. منكم بالصح نحكيو على رجلواتنا .. صعيبة بزاف تكون رجلة ... الحاجة لولى لازم تدير بالكو تاع شمة اللي من جزيرة مالطا يشوفك وكي تهدر خشن صوتك وخرج عينيك والهدرة تكون قليلة .. تانيك لازم تكون مفوت سطاج في حبس الحراش علخاطر انت بيان سير رجلة لازم يكون CV تاعك خشين كيما انت باه لي يلحق ليك تقلو 'اسمع حبيبنا راني مفوت ست اشهر في سركاجي سقسي ولاد الحومة ' .. الرجلة نتاعنا عمرو ما يخدم وديما يلبس سيرفاتمو هاكم تعرفو كي يكون يجري ولا يجرو موراه حبيبنا خفيف ظريف كان هنا وراح ... وتانيك الرجلوات عندهم مشية سبيسيال يمشو غير على طراف صباعهم وباه تلحق هاد المستوى لازم تنقص في بوانتير الترينينg لي تلبسو على الاقل 3 نوامر يعني لي يلبس 42 يولي يلبس 38 ... زيد باه تكون رجلة يلزمك تلبس لاريني وكي يجي يدابزك كاش واحد قولو واش خو باغي تدابزني وانا لابس لاريني على اساس لاريني لباس القوة ... بلا ما ننساو لازمك كاسكيطا ماريكان وتدورها 23 درجة بلاك تدورها 24 اك ماكش رجلة .. الرجلوات يباتو كيما باتمان عساسين في الليل وفي النهار ينوض على 12:00 تلقاهم عند باب ليسي وكلماتهم المعتادة 'وش الزين مخطوب ولا يستنى المكتوب' 'وش يا الحمامة ونسكنك في فيلا' المهم لبنات هام موالفين يسمعو ... تاني لازم تكون متمرس في الاسلحة البيضاء بمختلف انواعها الريشة والبوشية والسيف والخيل عفوا الخيل موش معاهم .. تاني لازم تكون فيك سيكاتريس باينة في وجهك ولا رقبتك تبين بلي شاركت في الحرب العالمية الثانية .. وتاينك يكي يتقابضو زوج الرجلة لازم يجي يدخل يفك ولا يضرب المهم في كل محضر يحضر
الرجلوات ما يحبوش الدولة ديما يسبوهم وكي يشوفوهم يتخباو .. تانيك يروح للسطاد ويسب لاربيتر ولي جوار والبيبليك وهو والله ما عارف شكون يلعبو المهم الحضور ... الرجلوات يحقرو بالعين سيرتو والا شافو واحد ناس ملاح...ايه تاني بلا ما ننسى الرجلوات عندهم اسموات غريبة لحيوانات ولا بالفرونسي تلقى واحد اسمو موح القط ... عادل الفينgا .. الحراشي بوكيمون .. سيد على مهبولة ... ربيع الالة الحاسبة ....
****************************************************
خاوتي يمكن لاحظتو هاد الاصناف لي نسموهم حنا رجلة يقطع ... والمشكل ولاو هوما القدوة تاع لولاد صغار علخاطر يشوفوهم هوما القوة ومادا بيهم يكونو كيفهم ويضرب الشيخ لي يقري فيه ويدير الشمة وكاسكيطا ماريكان وتعيطلو فريد البيانيست .. حتى يولي يسرق ويهز معاه موس باه يشوفوه صحابو رجلة وهدا الشي لي يهدم مجتمعنا ونظن لي يقرا موضوعي ويعرف طبيعة حياة هاد الفئة ويتخيل روحو مكانهم راح يعيف روحو... الواحد براسو وموش سالك الاحسن الواحد يكون ايجابي نافع ولو بابتسامة ولا نصيحة ولا يبعد حجرة على طريق ولا كلمة حلوة وادا ما قدرش يدير خير فليصمت احسن.
عذرا على الاطالة في انتظار تفاعلكم وشكررا.
آخر تعديل بواسطة المشرف:
