السلام عليكم جماعة الخير ان شاء الله راكم بخير
اليوم حبيت نحكي على سوجي
اييه فدارنا ونسمع خوله يقطعني خلوووووووووه ....هات البوشيااااااااااااا
قلت ياو وشكون يشد فيها واش هذا عرس وانا مانيش عارفة
وهي طونوبيل ايييه اليوم نحكي على سوجي
لوكاسيو نتاع الطونوبيلات والهبال
اييه من خرجونا بعفسة كرية الطونوبيلات خلونا من جماعة البولو معشوقة الجماهير والإيبيزا والليو
ما عندوش عشرة آلاف فالجيب ويروح يتقوعر برزق الناس يكريها او يجي نتاع عمو ويبوانتي شعرو ويجي يبرق سروال نتاع موح وتريكو نتاع كريمو ويطير صي دي نتاع وردة شاغلووووووووووووومونتي وهدقدقوه وهاسوطوه وها وها على راسهم ياكلوه
لا تربية لا ملة ولا دين الغنا من ديارنا نسمعو فيه
وخلي لما يفريني القودرو يتكرط يمشي 180 فالحومة ما يستعرف لا بطفل صغير ولا شيخ وعادي ميم يدير اكسيدو يا حسراه وليد عمو موطار وخالو جوندارم وعمو الجوج البريمي يرجعلو نورمال
اليوم نحكي على طيارة ليجون والغنا والتقوعير
تجيب طونوبيل مكرية وتروح لليسي وتطلق الغنية كباريه متنقل على واش شكون تغري فالبنات ايييه ممكن تشطحها الغنية ممكن تخلعها الطونوبيل الاودي وغيرو سقسي روحك انت واش فيك يعجبها ايييه والو انت عارف تشري فيها بالمغريات
تنزل من الطونويل وتجيد التلفون طويل عليك وانت مدي 100 ميل من يماك سمعت عليها وسخ وذنيك ياخي حالة
اييه ويا سيدي فرضا ربي مدلك الرزق وعندك الطونوبيلات اشكال والوان علاه طير وين باغي توصل للسما
فمرة قريب ضربني واحد بالطونوبيل ماشافنيش كان لاتي يشطح مع الغنيا اييه يسوق يد ويشر بيديه ما فهمتش طونوبيل او صال ديفات
الهبال والغنا والطيارة وعلاه انا مزال ما فهمتهاش
وعند الليسي ماكان لاه نحكو لافوار نتاع الطونوبيلات احدث موديل والفومي ايييه وشعال نشوف طونوبيلات بالفوميي تقول باتمان مي باتمان رجع يخرج فالنهار وفالليل يولي سبيدرمان تتبدل الوجهة ويروح للبحر وللحومات الضيقة
وين راحين بها يا ليجون
تشرو فالموت تكرو فالطونوبيلات وتموتو بيهم
تدي طونوبيل والغنا والفسق والحرام والخمور باه يروح يغري طفلة يبيع فرحو
كان الراجل بطولو وهبتو وشخصيتو يعجب المرا عمرها لا الطونوبيل تبينك انت شكون
ولا دليلة شارغلومونتي او رابح درياسة يرجعك راجل يخلع الراجل اللي يكون من الجامع ما يخرجش
الراجل اللي مشيتو مشية رجال مش متلوي
كرية الطونوبيل مش حل والموسيقى مش حل
هبلتكم وردة وغيرها وطريق الملاهي مش طريق
الخط ليكم واش رايكم فاللي يصير فشوارعنا
