روح داوي واشري الدواء من برا؟؟؟

[safouane batna]

السلام عليكم ورحمة الله : والله يوم متعب جدا وسبب التعب راح نديرو فموضوع لأني يوم كامل وانا نجري على جال الدواء :
المهم الاسابيع الماضية عندي صاحبي اصيب بمرض مفاجئ وكي رحت نطل عليه قالي التحاليل طلعو لفرنسا و15 يوم يجيو ، قاعد نخمم كيفاه بلادنا كامل نبعثو التحاليل لفرنسا ،،، ماعليش لا علينا والبارح عندي صديق ايضا احد اقرباءو راح يدير عملية فالصين تحت اشراف طبيب اردني وبحكم أخي موجود هناك راه يتوسطلو باه مايتعبش قاعد نتناقش معاه قالي هذا النوع من العمليات لازم تروح للأردن ولا ألمانيا ومباعد قاعد نخمم فالاردن كيفاه هربت علينا فالطب هي وتونس لي قالي صديقي انو راح يوم ومعاه دوصي نتاع السبيطار في الجزائر قطعوهولو قدامو وقالولو انتوما مانديروش عليكم،،،، أما اليوم فصديق آخر رزق بتوأم وهاذ المزيودين يحتاجو الدواء مستعجل ومكانش هنا فالدزاير قالولنا تونس حتى جبت ارقام االصيادلة التونسيين من قوقل ونعيطو كاين لي يرد وكاين لي يحسب نتمسخرو المهم بدون نتيجة ومباعد بعثنا الوصفة لفرنسا ورانا نستناو،،، المهم كلامي هذا كامل ربطتو مع بعض وحاب نستفسر هل الاردن وتونس خير منا للدرجة هاذي باه نداويو عندهم ونشريو الدواء من ثم وهل خصنا كفاءات من الأطباء باه نروحو لتونس ولا نجيبو الكوبيين يخدمولنا هنا وشكون يرضى يروح لبرا يداوشي ويلقى الجزائريين دايرين لاشان فليكلينيك والسبيطارات؟ وواش يقولو هاذ الناس علينا ماعندناش طب ؟ ولا الاطباء نتاعنا واش يخدمو؟ وياسيدي نقولو كل بلاد وباه مشهورة فالطب مثلا تونس العيون والاردن ومصر العظام والجزائر باه مشهورة؟؟؟؟ المهم رايكم فقط في هاذ المسألة وشكرا جزيلا

 

[لؤلؤة قسنطينة]

رد: روح داوي واشري الدواء من برا؟؟؟

السلام عليكم
وبارك الله فيك على الموضوع
والله يا أخي ماعندنا ما نهدرو، انا نفضل الانسان يروح يداوي في الخارج احسن يلقى الاعتناء التام والرعاية
هنا يجي يداوي برك تحكمو الخلعة، كيفاه نساء حوامل لي يحتاجو رعاية يرقدوهم 3 في سرير واحد؟؟ هادو
الكفار وماداروهاش وبلا الاوساخ وعدم احترام نظافة المكان وزيدلها الاخطاء الطبية لي تسببت في موت العديد
من المرضى وزيدلها من فوق التشناف تاع الطبيب والممرضين تقول دايرين فيك مزية، تولي تقول نموت في داري
ومانجيش هنا نتمرمد، صراحة الطب هنا في الجزائر مالقاش ناس تمارسو بضمير يعني نتا كطبيب راك اول شخص
يقصدو المريض ويستنى منك تساعدو ولو بابتسامة ولكن حنا عندنا تقول يدير فيك مزية كي راهو يداوي فيك
وعلى هادي الشعب هرب للخارج وين يلقى العناية والاهتمام
هادا هو رأيي بصراحة
شكرا خويا على الموضوع
تقبل مروري
​

 

[ليليا مرام]

رد: روح داوي واشري الدواء من برا؟؟؟

السلام عليكم خويا صفوان
اولا ما نحبش نحكي على وضعي ولكن معليش من خلال تجربتي راح نقولك
انا الطب هنا هو وصلني لحالتي هذي وطلبو مني نقطع رجلي ولكن املي فربي كبير المهم جريت للترك ورحت مؤخرا للاردن والله هارببين علينا بزاف بزاف هنا شوف خويا صفوان الطبيب انا لما كنت نروح ليه التعفن كلالي رجلي كلها وحالتي فحرج يشوف فيا يقولي ما عندي ما نديرلك لازم تمضيلي نقطعلك رجلك مدلي دوا 9 سنين وانا بيه لما رحت للترك الطبيب هناك قالي هذا لازم تشكي بيه لانو الدوا هذاك رجعلي هو بحد ذاتو خطر عليا لانو لازم نشربو مدة سنتين برك وهو قالي تقعدي بيه كل حياتك ونشرب 8 حبات فالنهار تخيلي مضاد حيوي قوي تشرب 8 حبات زيد خويا الاستهزاء ما عندناش اطباء انا شفت كبار الاطباء هنا وماكانش اللي مدلي امل ولما رحت للخارج اول شي المعاملة والله ما يهمهم ديانتك ولا واش تكون يعاملو فيك الانسانية الطبيب فالترك قالي الطبيب هذا وين قرا قالي صح رحلة علاجك طويلة ما تبراي وماكان لاه تقطعي رجلك
هذي المرة الاخيرة شهرين وانا فالدار الحمى 40 يويميا وما نمشيش تخيل رحت للمستشفى دويرة قالي الطبيب وجدي روحك وهذا الملف وجديه عاجل وتدخلي وجدت كل التحاليل والملف الحقيبة وكل شي بعثني عند طبيبة التخذير لازم تمد الاوكي اول ما شافتني قاتلي كيفاه ما دخلكش فورا لازم يبداولك الدوا البكتيريا مشات بزاف تخيل نلقى الطبي فالرواق قتلو مدتلي الاوكي ولازم ندخل اليوم تعرف واش قالي راني رايح فاكونس روحي للدار وخلي رقم تلفون نعيطلوك سمانة تدخلي نديرلك العملية تامن لليوم مازال تلفوني ما رن هو ما عرفني لا راني حية ولا ميتة والحمد لله رحت للاردن وعرفت وضعي القضية قضية نوجد روحي ونرجع ومدولي دوا ودارولي هناك فالعاجل دوا وتحسنت والطبيب صارحني قالي تتحسني مؤقتا لازم ترجعي للعملية
الخلاصة نقولك من تجربتي مدة 17 سنة مريضة ما عندناش اطباء وما عندناش تقنيات شفت اشعات مازال ما لحقوش عندنا شفت انسانية فالترك وفالادرن ما عندناش هنا هنا الشهرية وبرك ومخليين الناس تعاني
الله يهديهم وربي وكيلهم شكرا لك

 

[safouane batna]

رد: روح داوي واشري الدواء من برا؟؟؟

السلام عليكم
وبارك الله فيك على الموضوع
والله يا أخي ماعندنا ما نهدرو، انا نفضل الانسان يروح يداوي في الخارج احسن يلقى الاعتناء التام والرعاية
هنا يجي يداوي برك تحكمو الخلعة، كيفاه نساء حوامل لي يحتاجو رعاية يرقدوهم 3 في سرير واحد؟؟ هادو
الكفار وماداروهاش وبلا الاوساخ وعدم احترام نظافة المكان وزيدلها الاخطاء الطبية لي تسببت في موت العديد
من المرضى وزيدلها من فوق التشناف تاع الطبيب والممرضين تقول دايرين فيك مزية، تولي تقول نموت في داري
ومانجيش هنا نتمرمد، صراحة الطب هنا في الجزائر مالقاش ناس تمارسو بضمير يعني نتا كطبيب راك اول شخص
يقصدو المريض ويستنى منك تساعدو ولو بابتسامة ولكن حنا عندنا تقول يدير فيك مزية كي راهو يداوي فيك
وعلى هادي الشعب هرب للخارج وين يلقى العناية والاهتمام
هادا هو رأيي بصراحة
شكرا خويا على الموضوع
تقبل مروريا
والله صح المريض يدخل برك يزيد يمرض يقتلوه وهو حي مسكين وزيد لا معاملة ولا كفاءة ويتكسلو عليك من جهة ربي يهديهم والمشكل فالزوالي مسكين باه يخرج للخارج؟؟والله قطاع الصحة صح مريض ربي يشافيه شكرا اختي الكريمة​

 

[safouane batna]

رد: روح داوي واشري الدواء من برا؟؟؟

السلام عليكم خويا صفوان
اولا ما نحبش نحكي على وضعي ولكن معليش من خلال تجربتي راح نقولك
انا الطب هنا هو وصلني لحالتي هذي وطلبو مني نقطع رجلي ولكن املي فربي كبير المهم جريت للترك ورحت مؤخرا للاردن والله هارببين علينا بزاف بزاف هنا شوف خويا صفوان الطبيب انا لما كنت نروح ليه التعفن كلالي رجلي كلها وحالتي فحرج يشوف فيا يقولي ما عندي ما نديرلك لازم تمضيلي نقطعلك رجلك مدلي دوا 9 سنين وانا بيه لما رحت للترك الطبيب هناك قالي هذا لازم تشكي بيه لانو الدوا هذاك رجعلي هو بحد ذاتو خطر عليا لانو لازم نشربو مدة سنتين برك وهو قالي تقعدي بيه كل حياتك ونشرب 8 حبات فالنهار تخيلي مضاد حيوي قوي تشرب 8 حبات زيد خويا الاستهزاء ما عندناش اطباء انا شفت كبار الاطباء هنا وماكانش اللي مدلي امل ولما رحت للخارج اول شي المعاملة والله ما يهمهم ديانتك ولا واش تكون يعاملو فيك الانسانية الطبيب فالترك قالي الطبيب هذا وين قرا قالي صح رحلة علاجك طويلة ما تبراي وماكان لاه تقطعي رجلك
هذي المرة الاخيرة شهرين وانا فالدار الحمى 40 يويميا وما نمشيش تخيل رحت للمستشفى دويرة قالي الطبيب وجدي روحك وهذا الملف وجديه عاجل وتدخلي وجدت كل التحاليل والملف الحقيبة وكل شي بعثني عند طبيبة التخذير لازم تمد الاوكي اول ما شافتني قاتلي كيفاه ما دخلكش فورا لازم يبداولك الدوا البكتيريا مشات بزاف تخيل نلقى الطبي فالرواق قتلو مدتلي الاوكي ولازم ندخل اليوم تعرف واش قالي راني رايح فاكونس روحي للدار وخلي رقم تلفون نعيطلوك سمانة تدخلي نديرلك العملية تامن لليوم مازال تلفوني ما رن هو ما عرفني لا راني حية ولا ميتة والحمد لله رحت للاردن وعرفت وضعي القضية قضية نوجد روحي ونرجع ومدولي دوا ودارولي هناك فالعاجل دوا وتحسنت والطبيب صارحني قالي تتحسني مؤقتا لازم ترجعي للعملية
الخلاصة نقولك من تجربتي مدة 17 سنة مريضة ما عندناش اطباء وما عندناش تقنيات شفت اشعات مازال ما لحقوش عندنا شفت انسانية فالترك وفالادرن ما عندناش هنا هنا الشهرية وبرك ومخليين الناس تعاني
الله يهديهم وربي وكيلهم شكرا لك

والله ربي يشافيك ان شاء الله صح فالجزائر لوكان كان القانون يطبق بزاف الاطباء يتحاسبو راهم هلكو الناس مساكن يزربو غير للعيب وزيد الاخطاء الطبية مانحكيوش عليها انا جاري مسكين راه مايشوفش خطأ طبي نحالو البصر نتاعو وامثالو كثير وصح عندك الحق فالخارج يقومو بيك ويداويوك بغض النظر عن دينك، هنا تروحي يقولك علاه جيتي روحي للسبيطار لي قريب ليك؟؟ في بلادك ومايرحموكش وهاذ نتاع الطبيب يدي عطلة ويخلي المريض اخلاقيات المهنة والقسم لي قسموه كي شغل مكانش ربي يجيب المهم نتمنالك دوام الصحة والعافية يارب

 

[ليليا مرام]

رد: روح داوي واشري الدواء من برا؟؟؟

والله ربي يشافيك ان شاء الله صح فالجزائر لوكان كان القانون يطبق بزاف الاطباء يتحاسبو راهم هلكو الناس مساكن يزربو غير للعيب وزيد الاخطاء الطبية مانحكيوش عليها انا جاري مسكين راه مايشوفش خطأ طبي نحالو البصر نتاعو وامثالو كثير وصح عندك الحق فالخارج يقومو بيك ويداويوك بغض النظر عن دينك، هنا تروحي يقولك علاه جيتي روحي للسبيطار لي قريب ليك؟؟ في بلادك ومايرحموكش وهاذ نتاع الطبيب يدي عطلة ويخلي المريض اخلاقيات المهنة والقسم لي قسموه كي شغل مكانش ربي يجيب المهم نتمنالك دوام الصحة والعافية يارب

اهلا خويا
امين الله يخليك يا رب
لو القانون كاين فبلادنا نتاع الصح حقنا نداوو هنا والدوا يكون هنا شعال من مرة كنت نلجأ للناس فالفايس وغيرو حتى يجيبولي دوا من الخارج واحد الوقت كنت نجيب دوا على جال الوجع من تونس ماكانش هنا اطلاقا وكاشي من فرنسا نوصي ديما اللي يروحو ويجو حتى كرهت وحبست كل شي وانا من اصلو خطأ طبي راك عارف لما حبيت باه نقاضيهم ملفي فالدويرة مرة يضيع مرة ما رانيش مسجلة لما رحت نجيب تقرير طبي حتى نديه معايا للاردن تخيل ماكانش ملفي فالكمبوتير قالك ملفك قديم بزاف ما تسجلش والملف نص ارواقو ضاعو لما شفت الملف تخلعت ورق خربشات وبرك يعني دايرة 7 عمليات وماكان حتى تقرير وهذا كلو لاني هددتهم نقاضيهم مي واش نقول ربي وكيلهم قاع واش راني نعاني ما نسمحلهمش بيه قدام ربي
شكرا لك وربي يشافي الناس الكل

 

[لؤلؤة قسنطينة]

رد: روح داوي واشري الدواء من برا؟؟؟

السلام عليكم خويا صفوان
اولا ما نحبش نحكي على وضعي ولكن معليش من خلال تجربتي راح نقولك
انا الطب هنا هو وصلني لحالتي هذي وطلبو مني نقطع رجلي ولكن املي فربي كبير المهم جريت للترك ورحت مؤخرا للاردن والله هارببين علينا بزاف بزاف هنا شوف خويا صفوان الطبيب انا لما كنت نروح ليه التعفن كلالي رجلي كلها وحالتي فحرج يشوف فيا يقولي ما عندي ما نديرلك لازم تمضيلي نقطعلك رجلك مدلي دوا 9 سنين وانا بيه لما رحت للترك الطبيب هناك قالي هذا لازم تشكي بيه لانو الدوا هذاك رجعلي هو بحد ذاتو خطر عليا لانو لازم نشربو مدة سنتين برك وهو قالي تقعدي بيه كل حياتك ونشرب 8 حبات فالنهار تخيلي مضاد حيوي قوي تشرب 8 حبات زيد خويا الاستهزاء ما عندناش اطباء انا شفت كبار الاطباء هنا وماكانش اللي مدلي امل ولما رحت للخارج اول شي المعاملة والله ما يهمهم ديانتك ولا واش تكون يعاملو فيك الانسانية الطبيب فالترك قالي الطبيب هذا وين قرا قالي صح رحلة علاجك طويلة ما تبراي وماكان لاه تقطعي رجلك
هذي المرة الاخيرة شهرين وانا فالدار الحمى 40 يويميا وما نمشيش تخيل رحت للمستشفى دويرة قالي الطبيب وجدي روحك وهذا الملف وجديه عاجل وتدخلي وجدت كل التحاليل والملف الحقيبة وكل شي بعثني عند طبيبة التخذير لازم تمد الاوكي اول ما شافتني قاتلي كيفاه ما دخلكش فورا لازم يبداولك الدوا البكتيريا مشات بزاف تخيل نلقى الطبي فالرواق قتلو مدتلي الاوكي ولازم ندخل اليوم تعرف واش قالي راني رايح فاكونس روحي للدار وخلي رقم تلفون نعيطلوك سمانة تدخلي نديرلك العملية تامن لليوم مازال تلفوني ما رن هو ما عرفني لا راني حية ولا ميتة والحمد لله رحت للاردن وعرفت وضعي القضية قضية نوجد روحي ونرجع ومدولي دوا ودارولي هناك فالعاجل دوا وتحسنت والطبيب صارحني قالي تتحسني مؤقتا لازم ترجعي للعملية
الخلاصة نقولك من تجربتي مدة 17 سنة مريضة ما عندناش اطباء وما عندناش تقنيات شفت اشعات مازال ما لحقوش عندنا شفت انسانية فالترك وفالادرن ما عندناش هنا هنا الشهرية وبرك ومخليين الناس تعاني
الله يهديهم وربي وكيلهم شكرا لك

ربي يشفيك حبيبتي مريم وربي يعافيك
وهادا دليل على الاستهتار تاع الاطباء تاعنا والتمسخير لي عندهم
وكي قلتي على المستشفى نهار جيت ندخل ندير عملية شنشفوني كل شهر يقولولي لالا ولي من وراه
ولي قاتلهم ارقدو قالولي كي تجي ديري العملية ماعندناش مخدر باه نخدروك جيبيه معاك هههههه
تتصوري هادي؟؟ لحسن الحظ دخلت فيها المعريفة كي العادة باه قدرت ندبر المخدر
وخلي حوايج خلاف مانزيدهمش خاطر في ردك كفيتي ووفيتي
ربي يشفيك غاليتي وان شاء الله تتحسن اوضاعك وتتهناي من هاد المستشفيات والاطباء
ربي يعافيك ان شاء الله
​

 

[ليليا مرام]

رد: روح داوي واشري الدواء من برا؟؟؟

ربي يشفيك حبيبتي مريم وربي يعافيك
وهادا دليل على الاستهتار تاع الاطباء تاعنا والتمسخير لي عندهم
وكي قلتي على المستشفى نهار جيت ندخل ندير عملية شنشفوني كل شهر يقولولي لالا ولي من وراه
ولي قاتلهم ارقدو قالولي كي تجي ديري العملية ماعندناش مخدر باه نخدروك جيبيه معاك هههههه
تتصوري هادي؟؟ لحسن الحظ دخلت فيها المعريفة كي العادة باه قدرت ندبر المخدر
وخلي حوايج خلاف مانزيدهمش خاطر في ردك كفيتي ووفيتي
ربي يشفيك غاليتي وان شاء الله تتحسن اوضاعك وتتهناي من هاد المستشفيات والاطباء
ربي يعافيك ان شاء الله
​

السلام عليكم اييه اختي مريم راكي جربت وعرفت
يا وانا لو نحكي على مسلسل السبيطارات راني شفت فيهم العجب نقولك حاجة كان واحد الدوا يمدوه للمرضى يباتو يتوجعو تخيلي هذي نتحملها قدام ربي
الفرملي يسرقو ويديه يبيعو على برا والناس تبات تتوجع حتى واحد المرة قاتلي رفيقتي فالغرفة وفهمتني قتلها الليلة نخدمو سراقين انت عسيني وانا نسرقولو هو سرقو وانا سرقتولو ومديت لكل المرضى فالليل بات وراقدين هو استغرب الصباح جا عندي قالي شوفي الدوا وين راح قتلو عمري ولا شفت سراق جا يريكلامي عند سراق روح اشكي :d:d:d قتلو غير روح من قدامي لا نضربك نرقدك هنا فبلاصت ما تخافش ربي هوما يعانو وتزيد انت تبيعو باعو كلاويك ان شاء الله والله تشوفي العجب
انا هذاك المخدر تخيلي ليلة ندير العملية الاخيرة ف 2007 قالي الطبيب عمليتك طول بزاف سوايع قالي قولي ليماك تجيب مخدر قتلو شوف نقولك انا يمى راهي خدامة دير المخدر بلا مزيتك ما عنديش منين نجيبهالك تخيلي دارو فيا المنكر وانا فغرفة العمليات بديت نفيق لانو دارو شوي برك رجعو دارولي من جديد وتخيلي مرتين المخدر رحت كومة ما فطنتش 4 ايام اييه انا راني دايرة مسلسل عندهم شفت العجب
والشافي ربي سبحانو ربي وكيلهم
شكرا حبيبتي

 

[safouane batna]

رد: روح داوي واشري الدواء من برا؟؟؟

والله شيئ يوجع القلب اليوم رحت لفارماسي مشهور فباتنة وكي سقسيتو على دواء اللي نحتاجو قالي جملة راها فراسي: قالي ياولدي انا راني قدييييم فالمهنة هاذي وجبت الدواء من كل بلايص للناس مساكن قالي نقولك حاجة البلاد هاذي تبكي عليها حفنة دموع ... من هاذ عرفت المستوى نتاعنا فهاذ المجال وين جاي للأسف الشديد ربي يصلح الأحوال ان شاء الله وربي وكيل كل واحد تسبب في مرض الواحد بالاهمال واللامبالاة وعدم احترام أخلاقيات المهنة نتاعو