يا عجابة!... -بقلمي-

[medcherif03]

يا عجابة! واه ذالدنيا تمكر----تعز الكعوالة و القرن اتخليه
ياسبحان الله كل شي اتغير----تبدلت لحوال على ماكانت فيه

ماباقي لاحيا لاحشمة لاقدر----الباطل طغى والناس قبلت بيه
ذا يخدع و ذا يخطط و يفكر----و يخمم لو كيفاه للبير يدربيه

ياحصراه على النية والصبر----وين أهل العزايم و التنبيه
العالم نزلوه من فوق المنبر----و امهدد موحال لا يرجع ليه

والجاهل جا فاز لينا متجبر----مايعرف وقر كولش مستهزيه
ابن الناقص عاد عنا يتكبر----غراتو و انسى شكون مواليه

يا عجابة! واه ذالدنيا تمكر----تعز الكعوالة و القرن اتخليه
والباطل عم واحفظ يا ساتر----واتعلاع الحق و دربى رجليه

ألطف يا لطيف النفاق اكثر----واتغيرت لقلوب للفايدة تبغيه
اصعد يامن كان التحت امسمر----وانزل يامن كان فالعزامربيه

والله يا دنيا افعالك اتحير----فتانة قداه من طامع جريتيه
منعولة راها تكسر و اتجبر----ومن دار عليها تمشي و اتخليه

ياخويا نوصيك عندك لاتتغر----وياسر من مثلك راها لعبت بيه
ياسعدو من كان بالخير اتعمر----ما يدير ليها شان قدرو اتعليه

يا عجابة! واه ذالدنيا تمكر----تعز الكعوالة و القرن اتخليه
ياسبحان الله ماعندي مانشكر----مانزيدو للهم اللي فيه يكفيه




تمت بقلمي يوم 21-04-2016
medcherif03
​

 

[ثَسْكُورْثْ نَثْدُوكْلِي]

رد: يا عجابة!... -بقلمي-

يعطيك الصحة خويا حرف جميل و يحمل الكثير من المعاني

كيما قلت يا عجابة !!!!

ربي يستر هو الستير

موفق

( برك حبيت نستفسر على شيء مفردات و إذا أمكن اللهجة جلفاوية ول وشني هي ..؟؟ ^^)

الكعوالة
واتعلاع
​

 

[medcherif03]

رد: يا عجابة!... -بقلمي-

السلام عليكم
أسهدني مرورك يا أخي و نور صفحتي ألف شكر
أما معنى هذه الكلمات هي:
الكعوالة - الذيل
واتعلا ع الحق - يعلو على الحق
​

 

[إلياس]

رد: يا عجابة!... -بقلمي-

بارك الله فيك

 

[medcherif03]

رد: يا عجابة!... -بقلمي-

بارك الله فيك

ألف شكر على المرور قد نورت متصفحي كل احترامي و تقديري

​

 

[حياء حواء]

رد: يا عجابة!... -بقلمي-

تقبلي المروووووووووووور